news

కృష్ణా జిల్లా వాసుల చిరకాల కల బందర్ పోర్ట్. ఎన్నో ఆర్ధిక ఇబ్బందులు ఉన్నా గత ప్రభుత్వంలో చంద్రబాబు, భూసేకరణ చేసి, ఎట్టకేలక పోర్ట్ పనులు ప్రారంభించారు. అయితే కొత్త ప్రభుత్వం రావటంతోనే పనులు ఆగిపోయాయి. అక్కడ నుంచి యంత్రాలు అన్నీ, కాంట్రాక్టు సంస్థ నవయుగ తరలించి వేసింది. ఈ నేపధ్యంలో జగన్, కేసిఆర్ మధ్య ఉన్న స్నేహంతో, బందర్ పోర్ట్ పై ఇది వరకే తెలుగుదేశం నేతలు చేసిన ఆరోపణలు నిజం అయ్యే అవకాశాలు కనిపిస్తున్నాయి. నెల రోజుల క్రితం, పోర్ట్ విషయంలో ఒక రహస్య జీఓ ఇచ్చారు. అది తెలంగాణాకు బందర్ డ్రై పోర్ట్ గా వాడుకోవటానికి అంటూ వార్తలు రావటం, పెద్ద ఎత్తున విమర్శలు రావటంతో, ఆ రహస్య జీఓ కాన్సల్ చేస్తున్నాం అని చెప్పారు. ఇంతకీ ఆ జీఓలో ఏముందో ఎవరికీ తెలియదు.

ఈ నేపధ్యంలోనే, మళ్ళీ ప్రజలను మానసికంగా సిద్ధం చేసేందుకు ప్రభుత్వం ప్రయత్నిస్తుంది. తన సొంత పేపర్ లో, బందర్ పోర్ట్, కేసీఆర్ కు ఇచ్చేస్తే కలిగే ప్రయోజనాలు రాస్తే, ప్రజలు నమ్మరని గ్రహించి, ఈ రోజున, వేరే పేపర్ లో, బందర్ పోర్ట్, కేసీఆర్ కు ఇస్తే, మనకు పండగే పండగ అంటూ ఒక వార్తా వడ్డించారు. తెలంగాణ కనుక బందర్ పోర్ట్ నిర్మాణ బాధ్యతలు స్వీకరిస్తే మన అదృష్టం అంటూ ఆ వార్తను రాసి, ప్రజలను మానసికంగా సిద్దం చేస్తున్నారు. కంపెనీలకు, ప్రభుత్వాలకు మధ్య క్విడ్ ప్రోకో చూసాం కాని, ఇప్పుడు ఒక రాష్ట్రానికి మరో రాష్ట్రానికి క్విడ్ ప్రోకో ఇది. అక్కడేమో మనం గోదావరి నీళ్ళ కోసం ఖర్చు పెట్టాలి అంట, ఇక్కడేమో కేసిఆర్ వచ్చి మన పోర్ట్ కట్టి, తాను వాడుకుంటాడు అంట. ఇంతకంటే దౌర్భాగ్యం ఆంధ్రులకు ఉంటుందా ? ఈ వార్తా చూసిన చంద్రబాబు, ఘాటుగా స్పందించారు. బందరు పోర్టును తెలంగాణకు అప్పగించే ప్రయత్నాలు తెర వెనుక జరుగుతూనే ఉన్నాయని చంద్రబాబు అన్నారు.

మన రాష్ట్రానికి సాగర తీరం, పోర్టులు ప్రకృతి ఇచ్చిన వరమన్నారు. జగన్ మోహన్ రెడ్డి స్నేహాలకు, సొంత ఆస్తుల లాగా, రాష్ట్రాన్ని తాకట్టు పెడుతున్నారని అన్నారు. నారా లోకేష్ కూడా ఈ విషయం పై స్పందించారు.‘‘బందరు పోర్టును తెలంగాణకు అప్పగిస్తామంటున్నారు. రేపు పాలన కూడా చేతకావట్లేదని రాష్ట్రాన్ని కేసీఆర్‌ చేతుల్లో పెడతారా’’ అని ప్రశ్నించారు. ఎన్నికల ప్రచారంలో, లోకేష్ ఈ విషయం ప్రస్తావిస్తూ, బందర్ పోర్ట్ ను కేసిఆర్ కు ఇచ్చేస్తారు అంటే, బందరు పోర్ట్ తీసుకువెళ్ళి హైదరాబాద్ లో దాచుకుంటారా, బస్సులో తీసుకువెళ్తారా ? అంటూ అప్పట్లో వైసీపీ నేతలు హేళన చేసారు. ఈ రోజు లోకేష్ చెప్పిందే నిజం అవుతుంది.

కొత్తగా ప్రభుత్వం వచ్చిన దగ్గర నుంచి, అన్ని పనులు ఎక్కడికక్కడ ఆగిపోయాయి. అమరావతి, పోలవరం, బందర్ పోర్ట్, ఇలా అతి పెద్ద ప్రాజెక్ట్ లే కాకుండా, చిన్న చిన్న పనులు కూడా ఆగిపోయాయి. మరో పక్క గతంలో కట్టినవి కూడా నిబంధనల పేరుతొ కూల్చేస్తున్నారు. మొన్నటి మొన్న ప్రజా వేదిక కూల్చివేత మన కళ్ళ ముందే కనిపిస్తుంది. తాజాగా ఇలాంటి సంఘటనే మళ్ళీ నిబంధనల పేరుతో ఎత్తేసారు. పోలవరం ప్రాజెక్ట్ లో చంద్రబాబు హయంలో మొదటి గేటు బిగించిన సంగతి తెలిసిందే. వరద వచ్చే అవకాసం ఉంది, గేటు ఉండకూడదు అంటూ, చంద్రబాబు హయంలో బిగించిన మొదటి గేటు ఎత్తేసారు. చంద్రబాబు హయంలో బెకమ్‌ కంపెనీకి పోలవరం గేటుల తయారీ పనులు అప్పచెప్పారు. మొత్తం 48 గేట్ల ఫ్యాబ్రికేషన్‌ వర్కు ఆ కంపెనీ పూర్తి చేసింది.

చంద్రబాబు ప్రభుత్వంలో ఉండగా, డిసెంబర్ 25 2018న మొదటి గేటు బిగించారు. పిల్లర్ల పని పూర్తయితే మిగతా వాటిని బిగించేయవచ్చనే అంచనాతో పనులు సాగాయి. అయితే ఎన్నికల కోడ్ రావటం, ప్రభుత్వం మారటంతో మొత్తం తారు మారు అయ్యింది. అయితే ఇప్పుడు చంద్రబాబు హయంలో బిగించిన ఆ ఒక్క గేటు కూడా ఎత్తేసారు. వరదలు సాకుగా చెప్తున్నారు. అయితే తెలుగుదేశం నేతలు మాత్రం, అంత ఎత్తున వరదలు వచ్చే అవకాసం ఉండదని, పోలవరంలో చంద్రబాబు ముద్రను చేరిపెయటానికి చేసే ప్రయత్నాలు అని చెప్తున్నారు. జగన్ మోహన్ రెడ్డికి ఉన్న ఇగోకి, స్పిల్ వే కూడా చంద్రబాబు హయంలో కట్టింది కాబట్టి, దాన్ని కూడా పడగొట్టి, మళ్ళీ కడతారేమో అని అంటున్నారు.

ఇక మరో పక్క పోలవరంలో ఎక్కడి పనులు అక్కడే ఆగిపోయాయి. నవయుగ కంపెనీ ఇప్పటికే అక్కడ నుంచి భారీ యంత్రాలను తరలించేసింది. చిన్న చిన్న పనులు తప్ప అక్కడ ఏమి జరగటం లేదు. వర్షాల వల్ల ఆపేసాం అని చెప్తున్నా, ప్రభుత్వం మళ్ళీ టెండర్లు పిలుస్తుంది, కాంట్రాక్టర్ ను మార్చేస్తుంది అనే వార్తలు రావటం, ఏ పనులు జరగటం లేదు. మరో పక్క, త్రివేణి సంస్థ ఇప్పటికే పోలవరం సైట్ ఖాళీ చేసింది. నవయుగ సంస్థ మాత్రం, పూర్తిగా వెళ్లకపోయినా, భారీ యంత్రాలు తరలించింది, అలాగే కార్మికులను కూడా వేరే సైట్ లకు తరలించేసింది. పోలవరం పై ప్రభుత్వం స్పష్టత ఇవ్వనంత వరకు, ఏ పని జరిగే అవకాసం లేదు. జగన్ మోహన్ రెడ్డి, నేను రివర్స్ టెండరింగ్ కు వెళ్తాను అంటే, కేంద్రం అనుమతి ఇవ్వాలి. ఒక వేళ కేంద్రం ఒప్పుకోకపొతే, ఇక పోలవరం సంగతి కూడా మర్చిపోవచ్చు.

చంద్రబాబు ఇచ్చిన 5 శాతం కాపు రిజర్వేషన్ ని, అధికారంలోకి వచ్చిన 2 నెలల్లోనే జగన్ ఎత్తేసిన సంగతి తెలిసిందే. బీసిలకు అన్యాయం జరగకుండా, కేంద్రం ఇచ్చిన 10 శాతం అగ్రవర్ణాల రిజర్వేషన్లో, కాపుల జనాభాను బట్టి, చంద్రబాబు కాపులకు 5 శాతం రిజర్వేషన్ ఇచ్చారు. అది రాజకీయంగా తమకు ఇబ్బంది అని తెలిసినా చంద్రబాబు ఆ నిర్ణయం తీసుకున్నారు. చంద్రబాబు అనుకున్నట్టే, అది రాజకీయంగా ఇబ్బంది అయ్యింది. కాపులను దగ్గరకు తీస్తున్నారని, అటు బీసిలు దూరం అయ్యారు. మా పవన్ అన్న ఉన్నాడు అంటూ, కాపులు అటు వెళ్లారు. దీంతో చంద్రబాబుకు భారీ రాజకీయ దెబ్బ తగిలింది. అయినా ఇచ్చిన మాట నిలబెట్టుకున్నారు. అయితే జగన్ మోహన్ రెడ్డి అధికారంలోకి వచ్చిన రెండు నెలల్లోనే, కాపులకు 5 శాతం రిజర్వేషన్ ఇవ్వటం కుదరదు అని నిర్ణయం తీసుకున్నారు.

అప్పటి నుంచి అందరి కళ్ళు ముద్రగడ మీదే ఉన్నాయి. చంద్రబాబుని అనేక విధాలుగా ఇబ్బంది పెట్టిన ముద్రగడ, ఇప్పుడు జగన్ విషయంలో ఎలా రియాక్ట్ అవుతారా అనే అందరూ ఎదురు చూస్తున్నారు. అప్పట్లో చంద్రబాబుని ప్రతి రోజు ఇబ్బంది పెట్టిన విధంగా, ఈ రోజు కూడా ఆయన వైఖరి ఉంటుందా అనేది ప్రజలు గమనిస్తున్నారు. ఈ క్రమంలో ముద్రగడ, ఈ రోజు జగన్ కు ఒక లేఖ రాసారు. కేంద్ర ప్రభుత్వం ఇచ్చిన 10 శాతం రిజర్వేషన్‌లో, 5 శాతం కాపులకు ఇవ్వటానికి అప్పటి ప్రభుత్వం నిర్ణయం తీసుకుందని, కాని అది అమలు చేయడానికి కోర్టులో కేసులు ఉన్నాయి కాబట్టి, ఈ రిజర్వేషన్ ఇవ్వలేక పోతున్నాం అని, జీవో కూడా ఇచ్చారని పత్రికల్లో చూసాను, ఈ 5 శాతం రిజర్వేషన్ ఇవ్వద్దు అని ఏ గౌరవ కోర్టు చెప్పింది, ఏ కోర్ట్ లో కేసు ఉందొ తమరు తెలిపితే సంతోషిస్తాను అంటూ లేఖలో ప్రస్తావించారు.

నిజంగా అలాగే కోర్ట్ లో స్టే ఉంటే, మళ్ళీ ఎన్నికల వరకు మా డిమాండ్లు, హక్కులు అడగకుండా నోటికి ప్లాస్టర్‌ వేసుకుంటా, మేము మీ బానిసలు లాగా బ్రతకాలా ? హోదా పై మెడలు వంచుతా అని, ఇప్పుడు మడం తిప్పిన మీరు బానిసలుగా బ్రతుకుతూ, మా జాతి పై నీళ్ళు చల్లుతారా అని ప్రశ్నించారు. అంతే కాదు, ఇదే లేఖలో షర్మిల విషయం కూడా ప్రస్తావించారు. "అయ్యా.. ఆ మధ్య తమరి సోదరి షర్మిల మీద సోషల్ మీడియాలో బూతులు ప్రచారం అయిన సందర్భంగా వారు బాధతో, ఆవేదనతో హైదరాబాద్ పోలీస్ స్టేషన్‌లో రిపోర్టు ఇచ్చే పరిస్థితి వచ్చింది. అలాగే ఈ రోజు నన్ను కాపు ద్రోహి, స్వార్థపరుడు, గజదొంగ, అమ్ముడుపోయాడు, మునిగిపోయిన ముద్రగడ అని ఎన్నో బూతులు అన్ని పార్టీల వారు రాయిస్తున్నారు. వాటికి బెదిరిపోవడానికి నేనేమీ ఎన్ఆర్ఐను కాదండి. దయచేసి నేను కూడా మీ సోదరి షర్మిల లాంటివాడినే అని గ్రహించమని కోరుతున్నాను" అని ముద్రగడ లేఖలో రాసారు.