news

సినీ హీరో, అలాగే రాజకీయాల గురించి ఆక్టివ్ గా మాట్లాడే శివాజీ మరోసారి వార్తల్లోకి ఎక్కారు. నిన్న దుబాయ్ ఎయిర్ పోర్ట్ లో శివాజీని అడ్డుకున్న సంగతి తెలిసిందే. దాని పై ఈ రోజు శివాజీ మాట్లాడుతూ, జగన్ మోహన్ రెడ్డి ప్రభుత్వం పై సంచలన వ్యాఖ్యలు చేసారు. ఇది వరకు తనకు సెక్యూరిటీ ఉండేదని, తెలంగాణాలో కూడా సెక్యూరిటీ ఉండేదని, ఇప్పుడు ప్రభుత్వం మారగానే రెండు చోట్లా తీశేసారని అన్నారు. ఈ సందర్భంగా, తనకు కాంట్రాక్టర్ మేఘా కృష్ణా రెడ్డి నుంచి ప్రాణ హాని ఉందని, తనకు సెక్యూరిటీ ఇవ్వాల్సిందిగా జగన్ ప్రభుత్వాన్ని కోరానని, అయినా ఇప్పటి వరకు ఎవరు స్పందించలేదని అన్నారు. జగన్ మీద తాను వ్యతిరేకంగా మాట్లాడానని, ఇలా ఇబ్బంది పెడుతున్నారేమో, కాని నేను జగన్ చేస్తున్న ప్రజా వ్యతిరేక విధానాల పై, మాట్లాడుతూనే ఉంటానని అన్నారు.

ఈ రోజు ఆంధ్రప్రదేశ్ లో మొత్తం సీన్ మారిపోయిందని అన్నారు. అందరూ రోడ్ల మీదకు వచ్చి ఆందోళన చేస్తున్నారని శివాజీ అన్నారు. ఈ పరిస్థితి వెంటనే చక్కదిద్దుకోవాలని శివాజీ అన్నారు. అలాగే గోదావరి నీతి తరలింపు విషయంలో కేసిఆర్ ను నమ్మవద్దు అంటూ జగన్ ను హెచ్చరించారు. తానను కనుకు ఎవరైనా చంపేస్తే, దానికి మేఘా కృష్ణా రెడ్డి కారణం అని, శివాజీ అన్నారు. నిన్న దుబాయ్ ఎయిర్ పోర్ట్ లో ఆయనను అడ్డగించటం పై కూడా స్పందించారు. మా అబ్బాయ్ అడ్మిషన్ కోసమని అమెరికా వెళ్ళటానికి కోర్ట్ లో పర్మిషన్ తీసుకున్నాను అని, హైదరాబాద్ ఎయిర్ పోర్ట్ లో ఎవరూ తనను అడ్డుకోలేదని, నేను ఇక్కడ ఫ్లైట్ ఎక్కగానే, ఇక్కడ ఒక లేడీ ఐపీఎస్ ఆఫీసర్ దుబాయ్ ఎయిర్ పోర్ట్ అథారిటీకి మెయిల్ చేసారని, వారు నన్ను అక్కడ అడ్డుకున్నారని అన్నారు.

వారు అప్పుడు నన్ను అడిగారని, ఇక్కడ ఉండి ఎంబసీతో మాట్లాడుకుంటారా అని అడిగితే, వీకెండ్ కదా, ఏ పని అవ్వదు, నేను నా దేశం వెళ్ళిపోతా, అక్కడ చూసుకుంటా అని చెప్పానని అన్నారు. జరిగింది ఇది అయితే, నేను మారు వేషంలో పారిపోయాను అంటూ, ఇక్కడ కొన్ని ఛానెల్స్ కావాలని ప్రచారం చేశాయని అన్నారు. ఇక్కడ హైదరాబాద్ పోలీసులకు నన్ను పట్టుకోవటం చేత కాలేదు, దుబాయ్ పోలీసులు పట్టుకున్నారు అని ఆ ఛానల్ చెప్పాలనుకుంటుందా అని ప్రశ్నించారు. మై హోం రామేశ్వరరావును, మెగా కృష్ణారెడ్డిని లేదంటే, వారికి సంబంధించిన పార్టీలను ఏదో విధంగా సంతోష పెట్టాలని అనుకుంటున్నారా? అని ఆ టీవీ ఛానల్ పై మండిపడ్డారు. ఇప్పటివరకూ అమెరికాకు యాభై సార్లు వెళ్లానని, ఈ సారి కూడా కేసు పెట్టారు కాబట్టి, కోర్ట్ ద్వారానే పర్మిషన్ తీసుకుని వెళ్లానని, ఎందుకు ఇబ్బంది పెడుతున్నారో అర్ధం కావటం లేదని అన్నారు.

ప్రముఖ సినీ నటుడు, హిందూపురం ఎమ్మెల్యే నందామురి బాలకృష్ణ పై ప్రభుత్వం సంచలన ఆరోపణలు చేసింది. చంద్రబాబు వియ్యకుండు అయిన బాలకృష్ణ, ఆయన బంధువులు, అమరావతి రాజధాని ప్రకటన చేసేకంటే ముందే, అమరావతి ప్రాంతంలో 500 ఎకరాలు కొన్నారంటూ ఆరోపణలు చేసారు. చంద్రబాబు వియ్యంకుడిగా, బాలక్రిష్ణకు ముందే చెప్పి, అక్కడ భారీగా భూములు కొన్నారని, ఇన్ సైడర్ ట్రేడింగ్ జరిగిందని, ఆరోపించారు. నిన్న మంత్రి బొత్సా సత్యన్నారాయణ మాట్లాడుతూ, అమరావతిలో అతి పెద్ద స్కాం జరిగింది అని, దాన్నే ఇన్ సైడర్ ట్రేడింగ్ గా చెప్తూ, ఈ స్కాంను బయటకు తెస్తామని అన్నారు. బొత్సా ప్రెస్ మీట్ పెట్టగానే, వైసీపీ నేతలు, మీడియాకు ఈ లీకులు ఇచ్చారు. బాలకృష్ణ 500 ఎకరాలు కొన్నారంటూ లీకులు ఇచ్చారు.

ఇదే విషయాన్ని కొన్ని పత్రికలు ప్రధానంగా ఈ రోజు ప్రచురించాయి. బాలకృష్ణ, ఆయన బంధువులు, 500 ఎకరాలు అమరావతిలో కొన్నారని, రాజధాని ప్రకటన కంటే ముందే, వీళ్ళు కొన్నారంటూ, బొత్సా ప్రెస్ మీట్ వివరాలు చెప్తూ, ఇది కూడా రాసారు. ఒక ఇంగ్లీష్ పత్రికల్లో కూడా ఈ వార్త ప్రచురించింది. దీంతో ఇది నిజమేనేమో అని కొంత మంది నమ్మే పరిస్థితి. కాని బాలకృష్ణ పై మాత్రం, ఎప్పుడూ ఎలాంటి మచ్చ లేదు. తన తండ్రి సియంగా ఉన్నప్పుడు కాని, బావ సియంగా ఉన్నప్పుడు కాని, ఎప్పుడు పలనా అవినీతి చేసారు అనే ఆరోపణలు ఈ 40 ఏళ్ళ కాలంలో ఎప్పుడూ రాలేదు. ఈ రోజు వచ్చిన వార్తా పై, వెంటనే నారా లోకేష్ ట్విట్టర్ లో ఈ వార్తను ఖండించారు. ఈ వార్తా అటాచ్ చేస్తూ, జగన్ మోహన్ రెడ్డి గారు, అధికారంలో ఉన్నది ఇప్పుడు మీరే, ఇలాంటి తప్పుడు ప్రచారం చేస్తున్న మీరు, బాలకృష్ణ గారు, ఆయన బంధువులు అమరావతిలో 500 ఎకరాలు కొన్నారని, నిరూపించండి అంటూ జగన్ మోహన్ రెడ్డికి, ఆయన ప్రభుత్వానికి లోకేష్ ఛాలెంజ్ చేసారు.

ఇది లోకేష్ ట్వీట్ "వైకాపా నాయకులు ఇంకా ప్రతిపక్షంలోనే ఉన్నాం అనుకుంటున్నారు. వాళ్ళ ఫేక్ బతుకు మారలేదు. అధికారంలోకి వచ్చిన తరువాత కూడా అసత్యాలతో కాలం నెట్టుకొస్తున్నారు. ఆంధ్రుల కలల రాజధాని అమరావతిని దెబ్బతియ్యడానికి ఇన్ సైడ్ ట్రేడింగ్ అంటూ బురద జల్లుతున్నారు. తండ్రి అధికారాన్నీ, శవాన్నిపెట్టుబడిగా పెట్టి ఎదిగిన చరిత్ర మీ నాయకుడిది. తండ్రి ముఖ్యమంత్రిగా ఉన్నా.. ఏ రోజూ అటు వైపు కూడా చూడకుండా స్వఛ్చమైన మనస్సు, నీతి, నిజాయితీతో ఎదిగారు మా బాలా మావయ్య. అటువంటి వ్యక్తి రాజధానిలో భూములు కొన్నారని ఆరోపణలు కాదు, దమ్ముంటే నిరూపించండి. లేక రాజధాని రైతులకు, రాష్ట్ర ప్రజలకు క్షమాపణ చెప్పండి."

వైసీపీ ఫైర్ బ్రాండ్ నేత, నగిరి ఎమ్మెల్యే రోజానే షాక్ అయ్యే ఘటన నిన్న నగిరిలో చోటు చేసుకుంది. అందరినీ తన మాటలతో, హావభావాలతో గడగడలాడించే రోజానే, షాక్ అయ్యే పరిస్థితి ఏంటి అనుకుంటున్నారు. ఏపీఐఐసీ చైర్‌పర్సన్‌గా రోజాని జగన్ మోహన్ రెడ్డి నియమించిన సంగతి తెలిసిందే. మంత్రి అవ్వాలని కలలు కన్న రోజాకి జగన్ షాక్ ఇవ్వటంతో, ఆమె అలక పాన్పు ఎక్కటంతో, జగన్ ఆమెకు ఏపీఐఐసీ చైర్‌పర్సన్‌గా అవకాసం ఇచ్చారు. ఇటీవలే అమరావతిలో ఏపీఐఐసీ చైర్‌పర్సన్‌గా రోజా బాధ్యతలు స్వీకరించారు. ఈ క్రమంలో, శనివారం రోజాకు భారీ సన్మాన సభ ఏర్పాటు చేసారు. ఈ ఏర్పాట్లు అన్నీ స్థానిక వైసిపీ నేతలు పోటా పోటీగా చేసారు. ఆమెను పట్టణంలో, ఓపెన్ టాప్ జీప్ లో ఊరేగిస్తూ, ఏజేఎస్‌ కల్యాణ మండపంలో సన్మాన సభకు తీసుకొచ్చారు.

అయితే ఈ సన్మాన సభలో, నగరి నియోజకవర్గ వైసీపీ బూత్‌ కమిటీల కన్వీనర్‌ చంద్రారెడ్డి హడావిడి పై, మరో వర్గం అయిన నగరి మున్సిపల్‌ మాజీ చైర్మన్‌ కేజే కుమార్‌ రివెర్స్ అయ్యారు. రోజా వారికి అధిక ప్రాధాన్యత ఇస్తున్నారంటూ వేదిక పైకి దూసుకువచ్చి ఎమ్మెల్యే రోజాతో వాగ్వాదానికి దిగారు. హాల్ లో ఉన్న వారి మద్దతుదారుల అరుపులతో కల్యాణ మండపం దద్దరిల్లిపోయింది. కుల అహంకారం ఎక్కవై, తమ లాంటి వారిని దూరం పెడుతున్నారు అంటూ, వేదిక పై తీవ్రంగా గొడవ పడ్డారు. వారి మద్దతదారులు కూడా పైకి వచ్చేయటంతో, పోలీసులు కూడా చేతులు ఎత్తేసారు. ఈ పరిణామంతో, రోజా ఒక్కసారిగా షాక్ అయ్యారు. ఏమి జరుగుతుందో అర్ధం కాక, గందరగోళాని గురయ్యారు. కొద్ది సేపటికి కేజే కుమార్‌ శాంతింపచేసారు. అయినా కూడా తరువాత అదే వాతావరణం కొనసాగింది.

కేజే కుమార్‌ మాట్లాడుతూ, రోజాని టిడిపిలో నుంచి వైసీపీలోకి తెచ్చింది నేనే అని, అప్పటి నుంచి ఆమెకు అన్నీ దగ్గరుండి చూసుకుంటూ రెండు సార్లు గెలిపించామని అన్నారు. ఎన్నో కష్టాలు పడ్డామని గుర్తు చేసారు. తీరా అధికారం వచ్చిన తరువాత, పదవులు వచ్చిన తరువాత, కుల రాజకీయాలు ఎక్కువయ్యాయని, ఎమ్మెల్యే కుటుంబ పాలన ఎక్కువైందని ఆరోపించారు. వీటిని చూస్తూ ఊరుకోం, జగన్ దగ్గర తేల్చుకుంటాం అంటూ, రోజా అక్కడ ఉండగానే వార్నింగ్ ఇచ్చారు.అన్ని కులాల వారూ ఓట్లు వేస్తేనే ఎమ్మెల్యేగా రోజా గెలిచారనేది రోజా గుర్తు పెట్టుకోవలాని అన్నారు. అయితే ఈ పరిణామం ఊహించని రోజా, తమకు అందరూ సమానమే అని, అన్ని కులాలు ముఖ్యమే అని చెప్పారు.