news

కాపులకు రిజర్వేషన్ ఇచ్చే అంశం పై, గత ప్రభుత్వంలో ఉన్న చంద్రబాబుని ఎన్ని రకాలుగా ఇబ్బంది పెట్టారో చూసాం. అటు ముద్రగడ కాని, ఇటు జగన్ మోహన్ రెడ్డికి కాని, 5 ఏళ్ళు చంద్రబాబుని ఇబ్బంది పెడుతూనే ఉన్నారు. చంద్రబాబు వచ్చిన ఏడాదిలోనే రత్నాచల్ ఎక్ష్ప్రెస్ తగలుబెట్టి మరీ రాద్ధాంతం చేసారు. అటు తరువాత ముద్రగడ చేసిన ఆమరణ దీక్ష కాని, తరువాత చేసిన ఆందోళనలు కాని, దీనికి తోడు జగన్ మోహన్ రెడ్డి పార్టీ, ప్రతి నిమిషం ఈ విషయంలో చంద్రబాబుని ఇబ్బంది పెట్టటం కాని, అన్నీ చంద్రబాబు ప్రభుత్వాన్ని ఇబ్బంది పెట్టాయి. ముద్రగడ చేసే ప్రతి దీక్షకు, జగన్ పార్టీ మద్దతు పలికింది. ఇన్ని ఇబ్బందుల్లో కూడా, రాజకీయంగా నష్టపోతాం అని తెలిసినా, ఆ రోజు చంద్రబాబు కాపులకు 5 శాతం రిజర్వేషన్ కల్పించి, కేంద్రానికి పంపించారు.

అప్పుడు కూడా చంద్రబాబు గేమ్ ఆడుతున్నారు అంటూ, కేంద్రం ఆమోదించక పోయినా, అటు ముద్రగడ కానీ, ఇటు జగన్ కానీ గేమ్ ఆడారు. తరువాత కేంద్రం అగ్రవర్ణాలకు 10 శాతం రిజర్వేషన్లు ఇవ్వటంతో, అందులో జనాభా ప్రకారం, 5 శాతం కాపులకు రిజర్వేషన్లు ఇస్తూ చంద్రబాబు ప్రభుత్వం నిర్ణయం తీసుకుంది. అయితే ఇప్పుడు ప్రభుత్వం మారింది. జగన్ మోహన్ రెడ్డి వచ్చారు. అయితే ఈ కాపు రిజర్వేషన్లు కుదరవు అంటూ, అప్పట్లో చంద్రబాబు ఇచ్చిన 5 శాతం ఎత్తేసారు. దీనికి సంబంధించి నిన్న ఉత్తర్వులు ఇచ్చారు. కాపులకు 5 శాతం కోటా సాధ్యపడదని ప్రభుత్వం ఈ సందర్భంగా తేల్చి చెప్పింది. దీనికి సంబంధించి పూర్తీ క్లారిటీతో శనివారం ప్రభుత్వం జీఓ విడుదల చేసింది.

ఇది ఇలా ఉంటే, మరి ప్రతిపక్షంలో ఉండగా, కాపుల రిజర్వేషన్ల అంశం పై, చంద్రబాబుని అడుగడుగునా ఇబ్బంది పెట్టిన జగన్, అధికారంలోకి వచ్చిన రెండు నెలలకే, చంద్రబాబు ఇచ్చిన రిజర్వేషన్ ఎత్తేసారు. చాలా మంది కాపు యువత కూడా, పవనన్నకు ప్రాణం ఇస్తాం, జగనన్నకు ఓటు వేస్తాం అంటూ మొనట్టి ఎన్నికల్లో ప్రచారం చేసారు కూడా. మరి ఇప్పుడు అధికారంలోకి వచ్చిన వెంటనే, కాపులకు షాక్ ఇచ్చారు. చంద్రబాబు కంట్లో నలుసుగా ఇబ్బంది పెట్టిన ముద్రగడ గారు, ఇప్పటి వరకు ఈ విషయం పై నోరు తెరవలేదు. అదే చంద్రబాబుని అయితే రైళ్ళు తగలుబెట్టెలా ఉద్యమాలు చేసారు. మరి ఇది జగన్ ప్రభుత్వానికి వర్తించదా ?చంద్రబాబు మా పొట్ట కొట్టారు అని, పళ్ళెం, గరిట తీసి వాయించిన ముద్రగడ గారు, ఇప్పుడు జగన్ నిర్ణయం పై ఎలా స్పందిస్తారో ?

జగన్ మోహన్ రెడ్డి ప్రభుత్వాన్ని విద్యుత కంపెనీలు వదిలి పెట్టటం లేదు. జగన్ మోహన్ రెడ్డి అవగాహన లేకుండా చేసిన పని, ఆయన మెడకే ఇప్పుడు చుట్టుకుంటుంది. కేంద్ర ప్రభుత్వ కార్యదర్శి ఇది తప్పు అని చెప్పినా, కేంద్ర మంత్రి ఇలా చెయ్యకూడదు, కావాలంటే ఈ డాక్యుమెంట్ లు చూడండి అని చెప్పినా, జగన్ మోహన్ రెడ్డి మాత్రం వినలేదు. ఈ విషయంలో మొదటి ఎదురు దెబ్బ గ్రీన్ కో కంపెనీ ట్రిబ్యునల్ వద్దకు వెళ్ళటంతో, జగన్ ప్రభుత్వానికి మొదటి షాక్ తగిలింది. తరువాత కేంద్ర సంస్థలు ఎన్టీపీసీ, సోలార్ కార్పొరేషన్ అఫ్ ఇండియా షాక్ ఇచ్చాయి. రెండు రోజుల క్రితం హైకోర్ట్ కూడా జగన్ ప్రభుత్వానికి షాక్ ఇచ్చింది. దాదపుగా 40 విద్యుత్ ఉత్పత్తి కంపనీలు, జగన్ మోహన్ రెడ్డి ప్రభుత్వ నిర్ణయానికి వ్యతిరేకంగా కోర్ట్ కు వెళ్ళటంతో, కోర్ట్ ఆ జీఓ పై నాలుగు వారల స్టే ఇచ్చింది.

ఈ నేపధ్యంలోనే జగన్ మోహన్ రెడ్డి ప్రభుత్వానికి ఇప్పుడు ఇండియన్‌ ఆయిల్‌ కార్పొరేషన్‌ కూడా షాక్ ఇచ్చింది. పవన్ విద్యుత్తు ధరను తగ్గించాలీ అంటూ ప్రభుత్వం రాసిన లేఖ బదులు ఇస్తూ, ఒక్క రూపాయి కూడా ధరలు తగ్గించటం సాధ్యం కాదని ఇండియన్‌ ఆయిల్‌ కార్పొరేషన్‌ ప్రభుత్వానికి తేల్చి చెప్పింది. ఇది ఒక్కటే కాదు, తమకు ప్రభుత్వం ఇప్పటి వరకు రూ.23.35 కోట్ల బకాయిలు పడిందని, ఆ డబ్బులు వడ్డీతో సహా చెల్లించాలని ఎస్పీడీసీఎల్‌కు ఐఓసి లేఖ రాసింది. గతంలో జరిగిన విద్యుత్‌ కొనుగోలు ఒప్పందాల ప్రకారం, యూనిట్‌ ధర రూ.4.70 వంతున చెల్లించాల్సిందేనని తేల్చి చెప్పింది. ప్రభుత్వం కోరినట్టు యూనిట్‌కు రూ.2.43 చెల్లించటం కుదరదని, ఒప్పందం ప్రకారం మొత్తం చెల్లించాల్సిందే అంటూ తేల్చి చెప్పింది.

ఇది ఇండియన్ ఆయిల్ కార్పొరేషన్ తరుపున ఆపరేషన్స్ జీఎం, ఎస్‌డీ పాండే రాసిన లేఖ. "ఏపీఈఆర్‌సీ ఇచ్చిన ధరలు ప్రకారమే అప్పట్లో ఒప్పందాలు చేసుకున్నాం. దాని ప్రకారం యూనిట్‌కు రూ.4.70 వంతున పొందే హక్కు మా కంపెనీకి ఉంది. ఇప్పుడు మీ ప్రభుత్వం మారింది కాబట్టి, యూనిట్‌ ధరను తగ్గించాలని మీ కోరటం, చట్ట విరుద్ధం. పవన విద్యుత్తు ఉత్పత్తి ప్లాంటు ఏర్పాటు చేసిన సమయంలోని ధరకు, ఇప్పటి ధరకు, మీరు పోల్చి చూడటం కరెక్ట్ కాదు. ఈ ప్లాంట్ పై ఇప్పటికే మేము భారీ మొత్తాన్ని ఖర్చు పెట్టాం. రోజు రోజుకీ మాకు నిర్వహణ భారం పెరుగుతుంది. ఒప్పందాల్లో ఎలాంటి మార్పులు చేయాలన్నా ఏపీఈఆర్‌సీ అనుమతితోనే, ఇరు పార్టీలు ఒప్పుకుంటేనే జరగాలి. మీరు మమ్మల్ని రేటు తగ్గించమని, లేకోపోతే ఒప్పందాలు రద్దు చేస్తాం అంటున్నారు. అలా చెయ్యటం చట్ట విరుద్ధం" అని లేఖలో రాసారు.

ఆంధ్రప్రదేశ్ రాష్ట్రంలో మహిళల రక్షణ, భద్రత కోసం, చంద్రబాబు నాయుడు హయంలో, 2018లో ప్రత్యేకంగా ‘శక్తి’ టీమ్‌లను ఏర్పాటు చేసారు. ఈ మహిళా శక్తి బృందాలు, మహిళలకు రక్షణగానే కాకుండా, ప్రజలకు వివిధ నేరాల్ ఆపై అవగాహన కూడా కలిపిస్తూ ఉంటారు. వీరికి ప్రత్యేకంగా ఇన్నోవా వాహనాలు కూడా ఇచ్చారు. ఇప్పుడు ప్రభుత్వం మారినా, ఈ వ్యవస్థ కొనసాగుతుంది. అయితే ఇప్పుడు వైజాగ్ లో ఈ శక్తి టీమ్స్ చేసిన పనితో, సర్వత్రా విమర్శలు వస్తున్నాయి. వారికి ఇచ్చిన విధులను గాలికి వదిలేసి, టిక్ టాక్ చేసుకుంటూ కాలం గడిపేస్తున్నారు, వైజాగ్ శక్తి టీం పోలీసులు. టిక్ టాక్ కు అలవాటు పడి, అది వ్యసనంగా మారటంతో, విధులు కూడా పక్కన పడేసి, డ్యూటీలో ఉండగానే, యునిఫారం ఉండగానే టిక్ టాక్ చేసుకుంటూ, పంచ్ డైలాగులు, జబర్దస్త కామెడీతో, సోషల్ మీడియాలో వైరల్ అవుతున్నారు.

ఏకంగా వారికి ఇచ్చిన పోలీస్ వాహనంలోనే కాలక్షేపం చేస్తున్నారు. అయితే ఈ మహిళా ఖాకీల పై ఇప్పుడు విమర్శలు వస్తున్నాయి. యునిఫారంలో ఉండగానే, ఇలాంటి చేష్టలు ఏమిటి అంటూ, విమర్శలు వస్తున్నాయి. అయితే దీని పై పోలీస్ ఉన్నతాధికారులు ఏ నిర్ణయం తీసుకుంటారు, ప్రభుత్వం ఏ చర్యలు తీసుకుంటుంది అనేది చూడాలి. ఇప్పటికే ఈ టిక్ టాక్ వ్యసనంలో పడి తెలంగాణాలో ప్రభుత్వ ఉద్యోగాలు పోగొట్టుకున్న వారిని చూసాం. అక్కడలా ఇక్కడ ప్రభుత్వం కూడా, వీరి పై చర్యలు తీసుకుంటుందా లేదా అనేది చూడాల్సి ఉంది. తెలంగాణాలో ఇప్పటికే ఈ జాడ్యం చాలా మంది ప్రభుత్వ ఉద్యోగులకు చుట్టుకుంది. ఇప్పుడు ఇది ఆంధ్రప్రదేశ్ రాష్ట్రంలో కూడా విధుల్లో ఉన్న పోలీసుల దాకా పాకింది.

ఖమ్మం నగరపాలక సంస్థ కార్యాలయంలో టిక్‌టాక్‌ వ్యవహారం ముందుగా వెలుగులోకి వచ్చింది. వారిని ఉద్యోగంలో నుంచి తొలగించారు. తరువాత, కరీంనగర్ డీఎంహెచ్‌వో కార్యాలయంలో ఉద్యోగుల టిక్‌టాక్ వీడియోలు సోషల్ మీడియాలో వైరల్ అయ్యాయి. అక్కడ ముగ్గురు అధికారులను సస్పెండ్ చేసారు. శుక్రవారం గాంధీ ఆసుపత్రిలో టిక్‌టాక్ చేసిన జూనియర్ డాక్టర్లను కూడా సస్పెండ్ చేసారు. ఇలా చివరకు డాక్టర్లు, పోలీసులు, కూడా సోషల్ మీడియా పిచ్చలో పడి ప్రభుత్వ సేవ, ప్రజల సేవ మరిచి, టిక్ టాక్ లలో విచిత్రమైన పనులు చేస్తూ, కాలక్షేపం చేస్తున్నారు. ప్రభుత్వాలు ఇలాంటి వాటి పై ఖటినంగా ఉండాలి. ఇలాంటి వారిని ఉపేక్షించ కుండా, వెంటనే సస్పెండ్ చేస్తే కాని, వేరే వారికి ఇది పాక కుండా, ఆగుతుంది.