news

ఆంధ్రప్రదేశ్ మాజీ ముఖ్యమంత్రి, తెలుగుదేశం పార్టీ అధినేత చంద్రబాబు నాయుడుకి ఇస్తున్న భద్రత విషయంలో, కేంద్ర హోం శాఖ కీలక నిర్ణయం తీసుకుంది. దేశంలోని అందిరి నాయకులకు ఇస్తున్న ఎస్పీజీ, ఎన్ ఎస్ జీ భద్రత విషయంలో కేంద్ర హోం శాఖ సమీక్ష జరిపింది. ఈ సమీక్షలో పులు కీలక నిర్ణయాలు తీసుకున్నారు. ముఖ్యంగా ఉత్తరప్రదేశ్ మాజీ సీఎం, సమాజ్‌వాదీ పార్టీ చీఫ్ అఖిలేష్ యాదవ్ కు ఇస్తున్న బ్లాక్ క్యాట్ కమెండో సెక్యూరిటీని పూర్తిగా తొలగించారు. అఖిలేష్ యాదవ్ విషయంలో సమీక్ష జరిపి, ఆయనకు జెడ్ ప్లస్ రక్షణ ఇచ్చే అవసరం లేదని కేంద్ర హోం శాఖ తేల్చి చెప్పింది. అఖిలేష్ సియం అయిన తరువాత, ఆయనకు 22 మందితో NSG కమాండోల బృందంతో భద్రత కలిగించారు. అయితే ఇప్పుడు సమీక్ష జరిపి ఆయనకు షాక్ ఇచ్చారు. అయితే అఖిలేష్ తండ్రి, ములాయంకు మాత్రం జెడ్ ప్లస్ భద్రత కొనసాగుతుంది.

ఇలా అందరికీ సమీక్ష జరిపి, దేశంలో మొత్తం, 24 మంది నేతలకు వీఐపీల భద్రతా కవర్ నుంచి కేంద్రం ఉపసంహరించుకుంది. ఇక మన రాష్ట్రానికి వస్తే, జగన్ మోహన్ రెడ్డి అధికారంలోకి వచ్చిన దగ్గర నుంచి చంద్రబాబు భద్రత విషయంలో ఎలా ప్రవరిస్తున్నారో చూసాం. ఆయనకు పూర్తిగా భద్రత తొలగించారు. అయితే, చంద్రబాబు జెడ్ ప్లస్ భద్రత కేంద్ర పరిధిలోది కావటంతో, దాంట్లో ఎలాంటి మార్పు చెయ్యలేదు. దీంతో ఇప్పటికే జగన్, మోడీతో క్లోజ్ గా ఉండటం, ఢిల్లీలో కూర్చుని విజయసాయి రెడ్డి పుల్లలు పెడుతూ ఉండటంతో, కేంద్రం కూడా చంద్రబాబుకి జెడ్ ప్లస్ భద్రత తొలగిస్తుందని అందరూ భావించారు. కాని, కేంద్ర హోం శాఖ సమీక్షలో, చంద్రబాబుకి జెడ్ ప్లస్ భద్రత కొనసాగించాలని నిర్ణయం తీసుకున్నారు.

ముఖ్యంగా రాష్ట్రంలో ఉన్న రాజకీయ వైరం, పర్సనల్ స్థాయిలో ఉండటం, జగన్ ప్రభుత్వం కక్ష సాధింపులు, అలాగే నక్సల్స్ నుంచి ముప్పు, ఎర్ర చందనం మాఫియా నుంచి ముప్పు, ఇవన్నీ పరిగణలోకి తీసుకుని, చంద్రబాబుకి జెడ్ ప్లస్ భద్రత ఉండాల్సిందే అనే కేంద్రం నిర్ణయం తీసుకుంది. చంద్రబాబుతో పాటు, కేంద్ర రక్షణ శాఖమంత్రి రాజ్‌నాథ్ సింగ్, అసోం రాష్ట్ర ముఖ్యమంత్రి సర్బానంద సోనోవాల్, మాజీ సీఎం ఫరూక్ అబ్దుల్లాతో పాటుగా మరో 12 మందికి ఎన్‌ఎస్‌జి భద్రత కొనసాగించనున్నారు. ఇక మరో పక్క జగన్ ప్రభుత్వం తనకు భద్రత పూర్తిగా తొలగించటం పై చంద్రబాబు ఇప్పటికే కోర్ట్ కి వెళ్లారు. ఈ పిటీషన్ కోర్ట్ లో విచారణ దశలో ఉంది. భద్రతా పరమైన అంశం కాబట్టి ఓపెన్ కోర్ట్ లో విచారణ జరపాలెం అని ప్రభుత్వం చెప్పటంతో, ఈ కేసు విచారణ ఎంత వరకు వచ్చిందో తెలియాల్సి ఉంది.

అప్పుడెప్పుడో జగన్ చేసిన అవినీతి కేసులో మారిషస్ కోర్ట్, అప్పట్లో నరేంద్ర మోడీ సారధ్యంలో ఉన్న కేంద్ర ప్రభుత్వానికి కూడా నోటీసులు ఇచ్చిన సంగతి తెలిసిందే. ప్రతిపక్షంలో ఉండగానే జగన్ కు ఉన్న ట్రాక్ రికార్డు ఇది. ఇప్పుడు జగన్ అధికారంలో ఉన్నారు. ఇంకెంత ట్రాక్ రికార్డు ఉంటుందో తెలుసా ? జగన్ చేసే పనుల వల్ల, దేశానికే నష్టం వాటిల్లే పరిస్థితి వచ్చింది. అమరావతికి ప్రపంచ బ్యాంక్ ఇచ్చిన జర్క్ మర్చిపోక ముందే, నిన్న చైనాలోని బీజింగ్‌ కేంద్రంగా నడుస్తున్న ఏషియన్‌ ఇన్‌ఫ్రాస్ట్రక్చర్‌ అండ్‌ ఇన్వె్‌స్టమెంట్‌ బ్యాంక్‌ అమరావతికి షాక్ ఇచ్చింది. మేము కూడా రుణం ఇవ్వం అని తేల్చి చెప్పింది. అయితే, ఈ సందర్భంలో వాళ్ళు రాసిన లేఖ చూస్తే, కేంద్రమే భయపడే పరిస్థితి వచ్చింది. జగన్ ప్రభుత్వ వైఖరిని తీవ్రంగా తప్పుబడుతూ, కేంద్రాన్ని తీవ్రంగా హెచ్చరించింది.

ఈ దెబ్బతో కేంద్రం కూడా భయపడే పరిస్థితి వచ్చింది. జగన్ వైఖరి వల్ల, దేశంలో మిగతా ప్రాజెక్ట్ ల నుంచి కూడా ఏఐఐబీ తప్పుకునే పరిస్థితి వచ్చింది. కేంద్ర విదేశాంగ శాఖకు లేఖ రాసిన ఏఐఐబీ, ప్రతి దానికి ఇలా మీ ఇష్టం వచ్చినట్టు చేస్తే ఎలా అని కేంద్రాన్ని హెచ్చరించింది. ఒక ప్రభుత్వం రుణం కావలి అంటుంది, మరో ప్రభుత్వం అవసరం లేదు అంటుంది. ఇలా అయితే, మా బ్యాంక్ ప్రతిష్ట దెబ్బ తింటుందని అని చెప్పింది. ఈ అంశం పై మేము తీవ్ర ఆగ్రహంగా ఉన్నాం. ఈ విషయం పై అంతర్జాతీయ వేదికల పై చర్చ పెడతాం. ఇలాగే మీ ఇష్టం వచ్చినట్టు చేస్తే, జరిమానా విధించే అవకాశం కూడా లేకపోలేదు అంటూ తీవ్రంగా హెచ్చరించింది. పరిస్థితి ఇలాగే కొనసాగితే, మేము మీ దేశంలో ఏ ప్రాజెక్ట్ కి సహకరించం, అన్ని ప్రాజెక్ట్ ల నుంచి తప్పుకుంటాం అని హెచ్చరించింది.

మన దేశంలో మౌలిక వసతుల సహకారానికి ఏఐఐబీ ముందుకొచ్చింది. అలాగే చంద్రబాబు అధికారంలో ఉండగా, అమరావతిలో కూడా మౌలిక వసతులకు లోన ఇవ్వటానికి బ్యాంక్ ను ఒప్పించారు. రాజధానికి ఈ బ్యాంకు రూ.1400 కోట్లు ఇవ్వాలని నిర్ణయం తీసుకుంది. అయితే జగన్ వైఖరి చూసిన బ్యాంక్, ఇలాంటి వైఖరితో లోన్ ఇవ్వం అని చెప్పేసింది. అమరావతి ఒక్కటే కాదు, చంద్రబాబు ముందుకు రావటంతో, దాదపుగా 7 వేల కోట్లు వివిధ ప్రాజెక్ట్ లకు ఇవ్వటానికి ముందుకొచ్చింది. పట్టణ ప్రాంత తాగునీటి సరఫరా, మురుగు నీటి పారుదల వ్యవస్థల మెరుగుదల ప్రాజెక్టు కోసం 2800 కోట్లు, గ్రామీణ రహదారుల ప్రాజెక్టు కోసం 3100 కోట్లు, 24 గంటల విద్యుత్‌ సరఫరా ప్రాజెక్టు కోసం 1100 కోట్లు ఇవ్వటానికి రెడీ అయ్యింది. ఇప్పుడు జగన్ వైఖరితో, అన్ని ప్రాజెక్ట్ ల నుంచి బ్యాంక్ తప్పుకోనుంది. అయితే మన రాష్ట్రంలోనే కాదు, జగన్ వైఖరితో దేశం నుంచే తప్పుకుంటాం అని బ్యాంక్ హెచ్చరించింది.

నిన్న అసెంబ్లీలో ప్రశ్నోత్తరాల సమయంలో, 45 ఏళ్ళకే, 2 వేలు పెన్షన్ అని జగన్ హామీ ఇచ్చారు కదా, అది ఎప్పటి నుంచి ఇస్తున్నారు అని అడిగినందుకు, సరైన సమాధానం రాకపోవటంతో, మాకు మాట్లాడే అవకాసం ఇవ్వాలి అని కోరినందుకు, తెలుగుదేశం శాసనసభాపక్ష డిప్యూటీ లీడర్లగా ఉన్న ముగ్గురిని సభ నుంచి బడ్జెట్‌ సమావేశాలు ముగిసేదాకా జగన్ ప్రభుత్వం సస్పెండ్‌ చేసిన సంగతి తెలిసిందే. అయితే కేవలం ప్రశ్న అడిగితేనే సస్పెండ్ చేస్తారా అంటూ నిన్న మిగతా తెలుగుదేశం ఎమ్మెల్యేలు నిరసన తెలియచేసి వాక్ అవుట్ చేసారు. అచ్చెంనాయుడు ఆయన స్థానంలో నుంచున్నా కూడా, ఎందుకు సస్పెండ్ చేసారో చెప్పాలని, నిన్న స్పీకర్ ను కలిసి, సస్పెన్షన్ ఎత్తేయాలని కోరారు. అయినా ప్రభుత్వం ఏమి స్పందించలేదు.

దీంతో ఈ రోజు అసెంబ్లీ ప్రారంభానికి ముందు, తెలుగుదేశం నేతలు మెరుపు ధర్నా చేసారు. చంద్రబాబు కూడా ఈ ధర్నాలో పాల్గునటంతో ఒక్కసారిగా టెన్షన్ వాతావరణం నేలకుంది. ఒక్కసారిగా జరిగిన ఈ పరిణామంతో అలెర్ట్ అయిన పోలీసులు, మీడియాను అసెంబ్లీ నుంచి బయటకు గెంటేసారు. ఎమ్మెల్యేలు, ఎమ్మెల్సీలు అసెంబ్లీ ప్రాంగణంలో బైఠాయించి నిరసన వ్యక్తం చేశారు. ఇదే మార్గంలో మిగతా నేతలు వస్తారని, జగన్ కూడా ఇటే వస్తారాని, అక్కడ నుంచి వెళ్ళిపోవాలని పోలీసులు హెచ్చరించారు. అయినా తెలుగుదేశం నేతలు అసెంబ్లీ మొదలయ్యే వరకు, అక్కడే ఆందోళన చేసారు. ఎందుకు సస్పెండ్ చేసారో కనీసం చెప్పకుండా సస్పెండ్ చేసారని, ప్రశ్న అడిగినందుకు సస్పెండ్ చెయ్యటం అన్యాయమని చంద్రబాబు అన్నారు.

తమ సభ్యులపై సస్పెన్షన్‌ వేటు వేయడం అప్రజాస్వామిక చర్య అని చంద్రబాబు అన్నారు. ఎన్నికల్లో ఊరు ఊరు తిరిగి మీరు ఇచ్చిన హామీలనే గుర్తు చేస్తే, అన్యాయంగా బయటకు నెట్టేస్తారా అని నిలదీశారు. జగన్ మోహన్ రెడ్డికి అసహనం పెరిగిపోయిందని, పోడియం వద్ద కు వెళ్లని టీడీపీ సభ్యులనూ సస్పెండ్‌ చేశారని అన్నారు. ఇది ఇలా ఉంటె, ఈ రోజు కూడా ఉదయం ఉంచి తెలుగుదేశం పార్టీ ఎంత అడిగినా మైక్ ఇవ్వలేదు. రైతులకు ఇచ్చే పెట్టుబడి సాయం 12500 అని జగన్ ప్రకటించారు. అయితే ఇప్పుడు 12500 కాదని, 6500 అని, కేంద్రం ఇచ్చే 6 వేలు అదనం అని చెప్తున్నారు. దీని పై చంద్రబాబు లెగిసి నుంచుని మైక్ ఇవ్వమని అడిగినా మైక్ ఇవ్వలేదు. దీంతో నిరసన తెలియచేస్తూ, సభ నుంచి తెలుగుదేశం పార్టీ వాక్ అవుట్ చేసింది.