news

మొన్నటి వరకు చంద్రబాబు తాగే మినరల్ వాటర్ పై కూడా గోల గోల చేసి, మేము ప్రజలను ఇబ్బంది పెట్టం, మేము అసలు ఖర్చు చెయ్యం అంటూ వైసీపీ నేతల ప్రసంగాలు చూసాం. ట్రాఫిక్ కి ఇబ్బంది అని చెప్పి, చంద్రబాబు ఉండవల్లి నుంచి గన్నవరం వరకు హెలికాప్టర్ వాడితే, ఖర్చు ఖర్చు అంటూ గోల చేసారు. అదే హెలికాప్టర్ కాకుండా వెళ్తే, చంద్రబాబు వల్ల ట్రాఫిక్ ఆగిపోతుంది, సామాన్యులు ఇబ్బంది పడుతున్నారు అంటూ రాజకీయం చేసారు. అయితే, ఇప్పడు వాళ్ళే అధికారంలోకి వచ్చారు. ఈ చెడిపోయిన రాజకీయ వ్యవస్థ ప్రక్షాళన చేస్తాను అంటూ చెప్తున్న జగన్, తన కోసం ఏర్పాటు చేసిన హెలికాప్టర్ ఎగరటానికి, 42 కుటుంబాలను ఇబ్బంది పెడుతున్నారు. జగన్ మోహన్ రెడ్డి తాడేపల్లిలో నివాసం ఉంటున్న సంగతి తెలిసిందే. ఆయన రాకపోకల కోసం, కృష్ణాకెనాల్‌ రైల్వే జంక్షన్‌ సమీపంలో హెలీప్యాడ్‌ ఏర్పాటు చేసారు. దానికి నిన్న ట్రయిల్‌రన్‌ జరిగింది.

హెలీప్యాడ్‌ నుంచి బయటకు వచ్చే జగన్ కాన్వాయ్ కి డివైడర్‌ అడ్డుగా మారింది. దీన్ని వెంటనే తొలగించాలని జగన్ భద్రతా సిబ్బంది మున్సిపల్‌ అధికారులకు ఆదేశించారు. అంతే కాకుండా జగన్ నివాసం నుంచి పడమర వైపు బయటకు వచ్చే మార్గంలో అడ్డుగా ఉన్న మూడు ఇళ్లను తొలగించాలని కడు ఆదేశాలు వెళ్ళాయి. వెంటనే రన్గమ్లొఇ దిగిన అధికారులు ఆ ఇళ్ళ యజమానులతో చర్చిస్తున్నారు. ఈ మూడు ఇల్లు కాకుండా, హెలీప్యాడ్‌ ఉన్న ప్రాంగణ ప్రాంతంలో 42 కుటుంబాలు ఉంటున్నాయి. వారిని కూడా వెంటనే అక్కడ నుంచి తొలగించాలని అధికారులకు ఆదేశాలు వెళ్ళాయి. హెలిప్యాడ్ ప్రారంభం అయ్యే లోపు, అత్యవసరంగా 12 ఇళ్లను తొలగించాలని ఆదేశాలు వచ్చాయి. దీంతో ఆ ఇంటి యజమానులుతో మాట్లాడి, వారిని అక్కడ నుంచి వేరే చోటుకు పంపించేందుకు అధికారులు ఏర్పాట్లు చేస్తున్నారు. సియం హెలికాప్టర్ ఎగరటం కోసం, ఏళ్ళుగా అక్కడ ఉంటున్న 42 కుటుంబాలను అక్కడ నుంచి పంపించటం దారుణం అని స్థానిక టిడిపి నేతలు వాపోతున్నారు.

రాష్ట్రంలో పలువురు తెలుగుదేశం పార్టీ ప్రజాప్రతినిధులకు భద్రతను తగ్గించారు, మరి కొందరి మాజీలకు పూర్తిగా సెక్యూరిటీ తొలగించారు. కొత్తగా జగన్ ప్రభుత్వం కొలువుదీరడంతో, భద్రత సమీక్ష కమిటీ సిఫార్సులను పోలీసులు అమలు చేస్తున్నట్టు చెప్తున్నారు. నేతలకు ఉన్న స్థాయి, వారికి ఉన్న ముప్పును పరిగణలోకి తీసుకుని నిర్ణయం తీసుకుంటున్నామని పోలీసులు అంటున్నారు. అయితే తాజా పోలీసులు తీసుకున్న నిర్ణయంతో కృష్ణా జిల్లాలోని పలువురు తాజా మాజీ ఎమ్మెల్యేలు, ఎంపీలకు గన్ మెన్ లను తొలగించగా, మరికొందరికి తగ్గించారు. ఇది రాజకీయ కక్షసాధింపుగా తెలుగుదేశం నేతలు ఆరోపిస్తూ, ఈ విషయం పై ఆందోళన వ్యక్తం చేస్తున్నారు. ఇటీవలి జరిగిన శాసనసభ ఎన్నికలలో ఓటమి పాలైన మాజీ ఎమ్మెల్యేలు బోడె ప్రసాద్‌, ఉప్పులేటి కల్పన, తంగిరాల సౌమ్య, శ్రీరాం రాజగోపాల్‌, కొనకళ్ల నారాయణ, జలీల్‌ ఖాన్‌, మండలి బుద్ధప్రసాద్‌, తదితరులకు ప్రస్తుతం ఉన్న 1 + 1 గన్‌మెన్లను తొలగించారు. మరో పక్క విజయం సాధించినా గన్నవరం ఎమ్మెల్యే వంశీకి తగ్గించారు. ఎమ్మెల్సీ అయిన బుద్దా వెంకన్నకు సగానికి తగ్గించారు. అలాగే, ఓటమి పాలైన తాజా మాజీ మంత్రులు దేవినేని ఉమామహేశ్వరరావు, కొల్లు రవీంద్రలకు మాత్రం తగ్గించి 1+1కు పరిమితం చేశారు.

అయితే వంశీ విషయంలో పోలీసులు తీసుకున్న నిర్ణయంతో అందరూ షాక్ అయ్యారు. తనకు ప్రాణ హాని ఉందని భావిస్తున్న గన్నవరం ఎమ్మెల్యే వల్లభనేని వంశీకి కూడా భద్రతను తగ్గించటం చర్చనీయంసం అయ్యింది. ప్రస్తుతం వంశీకి 2+2 ఉండగా, దానిని 1+1కు తగ్గించారు. అయితే తనకు మరింత భద్రత కావాలని, ఈ ఏడాది ఫిబ్రవరిలో అప్పటి డీజీపీ ఠాకూర్‌కు వంశీ లేఖ రాశారు. తన ప్రాణానికి ముప్పు ఉందని జరిగిన సంఘటనలు అన్నీ చెప్తూ, 4+4 రక్షణ కల్పించాలని పోలీసులను అభ్యర్థించారు. ఇది నగర కమిషనర్‌ ద్వారకా తిరుమలరావు వద్దకు రావటం, అన్నీ పరిశీలించి ఆయన కూడా సెక్యూరిటీ పెంచటానికి ఆమోద ముద్ర వేశారు. ఈ లోపు ఎన్నికలు రావడం, ప్రభుత్వం మారటం జరిగిపోయింది. ఈ నేపథ్యంలో 4+4 ఉండాల్సిన భద్రత 1+1కు తగ్గించటం పై వంశీ ఆందోళన వ్యక్తం చేస్తున్నారు. పెంచమని అడిగితే, ఇంకా తగ్గించడం సరికాదని అంటున్నారు. ప్రభుత్వం కనుక స్పందించక పొతే, కోర్ట్ కు వెళ్లి సెక్యూరిటీ తెచ్చుకుంటామని అంటున్నారు.

ఈ రోజు ఢిల్లీలో, ప్రధానమంత్రి నరేంద్ర మోదీ అధ్యక్షతన జరిగిన అఖిలపక్ష సమావేశం కొద్ది సేపటి క్రిందట ముగిసింది. సుమారుగా నాలుగు గంటల పాటు ఈ సమావేశం కొనసాగింది. జమిలి ఎన్నికలకు మూడు పార్టీలు మినహా అన్నీ మద్దతు పలికాయని, కేంద్ర ప్రభుత్వం చెప్తుంది. అయితే వామపక్షాలు, ఎంఐఎం పార్టీలు మాత్రం ఈ ప్రక్రియను వ్యతిరేకించాయి. మరో పక్క ఈ భేటీకి కాంగ్రెస్‌, ఎస్పీ, బీఎస్పీ, డీఎంకే, టీఎంసీ, టీడీపీ దూరంగా ఉన్నాయి. తెలుగుదేశం పార్టీ తన అభిప్రాయాన్ని లేఖ ద్వారా పంపించింది. ఇది ఇలా ఉండగా, అఖిలపక్ష సమావేశం ముగిసిన తర్వాత ఒక ఆసక్తికర సన్నివేశం చోటుచేసుకుంది. పార్లమెంటు లైబ్రరీ భవనంలో జరిగిన అఖిలపక్ష సమావేశం ముగిసిన తర్వాత వైఎస్సార్‌ కాంగ్రెస్‌ పార్టీ పార్లమెంటరీ పక్ష నేత, ఎంపీ విజయసాయిరెడ్డి, జగన్ మోహన్ రెడ్డి కోసం అక్కడ వైట్ చేస్తూ ఉన్నారు.

అయతే ఈ లోపు అటుగా వెళ్తున్న ప్రధాని, విజయసాయి రెడ్డి అక్కడ కనిపించడంతో ఆయనను పలకరిస్తూ హాయ్ విజయసాయి అంటూ సంబోధించి వెళ్ళిపోయారు. ఆ సమయంలో విజయసాయి ఎంతో వినయంతో, మోడీకి అభివాదం చేసారు. అయితే ప్రత్యెక హోదా కోసం మెడలు వంచుతాం అంటూ ఆంధ్ర రాష్ట్రంలో ప్రగల్బాలు పలికి, ఢిల్లీలో మాత్రం ప్లీజ్ సార్ ప్లీజ్ అంటూ, కాలం నడిపెస్తున్నారు, జగన్, విజయసాయి. ప్రత్యెక హోదా పై అసెంబ్లీలో తీర్మానం చేస్తూ, మేము ప్రత్యెక హోదా ఇవ్వము అని చెప్తున్న కేంద్రాన్ని ఒక్క మాట కూడా అనకుండా, మొత్తం చంద్రబాబు మీద నెపం నెట్టేసి, ఆయన పై ఎదురు దాడి చెయ్యటం నిన్న అసెంబ్లీ చూసాం. అసెంబ్లీలో ప్రత్యెక హోదా పై ఇంత హడావిడి చేసి, ఢిల్లీలో మాత్రం ఇలా కేంద్రంతో కాంప్రమైజ్ అయిపోయే కధ నడిపెస్తున్నారు. చూద్దాం ఈ ప్లీజ్ సార్ ప్లీజ్ అనే విధానంతో, ప్రత్యెక హోదా సాధిస్తారేమో...