news

కేసీఆర్ ఏపి రాజకీయాల్లో వేలు పెట్టటం ఏమో కాని, ఇక్కడ కొంత మంది మాత్రం, వీర లెవెల్లో రెచ్చిపోతున్నారు. అప్పట్లో స్వతంత్ర పోరాటం చేసే క్రమంలో, ఇక్కడ కొంత మని మన దేశంలో విష పురుగులు, బ్రిటీష్ వారితో కలిసి, సొంత మాతృభూమికే అన్యాయం చేసారు. ఇలాంటి విష పురుగులు, ఇప్పుడు ఏపిలో కూడా తయారయ్యాయి. ఏపి ప్రజలను ఛీ కొట్టి, కుక్కలు, రాక్షులు అని, చివరకు మనం తినేది పెంట అని సంభోదించినా, ఇక్కడ కొంత మందికి మాత్రం, కేసీఆర్ అంటే ప్రేమ కారిపోతుంది. మన కష్టంతో నిర్మించుకున్న హైదరాబాద్ నుంచి మనలను గెంటేసి, కనీసం రాజధాని కూడా లేకుండా, ప్రయాణం ప్రారంభించిన మన ధుస్తుతికి కారణం అయిన కేసిఆర్ ను నెత్తిన పెట్టుకుంటున్నారు.

కాంగ్రెస్ పార్టీ, మేము అధికారంలోకి వచ్చిన మొదటి రోజే, ప్రత్యెక హోదా ఇస్తాం అంటే, కేసీఆర్ తెలంగాణాలో కూర్చుని, మా రాష్ట్రానికి హోదా ఇవ్వకుండా, ఏపికి ఇస్తే ఊరుకునేది లేదు అంటూ బహిరంగ సభలో చెప్పారు. పార్లమెంట్ లో అవిశ్వాస తీర్మానం పెడితే, దాన్ని అడ్డుకున్నారు. ఇలాంటి కేసీఆర్ ని ఏపి ప్రజలందరూ తిరస్కరిస్తుంటే, జగన్ మాత్రం కేసీఆర్ ముద్దు అంటున్నారు. మనకు నీళ్ళు ఇవ్వద్దు అంటున్న వాడిని కౌగలించుకుంటున్నారు. అలా ఎందుకు చేస్తున్నావ్ అంటే, మీకెందుకు అంటున్నారు. నిన్న జగన్ వ్యాఖ్యలు దీనికి నిదర్సనం. తెలంగాణ ముఖ్యమంత్రి కేసీఆర్‌ ఆంధ్రప్రదేశ్‌కు ప్రత్యేక హోదాకోసం మద్దతు ఇస్తున్నారని జగన్‌ పేర్కొన్నారు. కేసీఆర్‌ మద్దతు తీసుకుంటే అభ్యంతరం ఏమిటని ప్రశ్నించారు.

సోమవారం ఆయన అనంతపురం జిల్లా తాడిపత్రి, కర్నూలు జిల్లా ఆదోని, చిత్తూరు జిల్లా మదనపల్లెలో జరిగిన ఎన్నికల ప్రచారంలో పాల్గొన్నారు. తాడిపత్రి సభలో కేసీఆర్‌ అంశాన్ని ప్రస్తావించారు. ‘‘కేసీఆర్‌ మద్దతిస్తున్నది మాకా? ప్రత్యేక హోదాకా? ఏపీకి ప్రత్యేక హోదాకు ఆయన మద్దతిస్తుంటే... చంద్రబాబు ఎందుకు అభ్యంతరం? జాతీయ స్థాయిలో ఒక రాష్ట్రానికి ఇంకో రాష్ట్రం తోడుగా ఉంటే... రాష్ట్రాల హక్కులు కాపాడుకోవచ్చు. ఫెడరల్‌ ఫ్రంట్‌ ఏర్పాటు చేసి, కేంద్రంపై ఒత్తిడి తెచ్చి, రాష్ట్రాల సమస్యలు పరిష్కరించేందుకు... ఇంకా, మన రాష్ట్రానికి సంబంధించి ప్రత్యేక హోదాకు కేసీఆర్‌ మద్దతు పలికారు. దానికి హర్షించాల్సిందిపోయి సిగ్గుమాలిన విధంగా మాట్లాడటం ధర్మమేనా?’’ అని చంద్రబాబుపై ధ్వజమెత్తారు. రాష్ట్రంలో ఉన్న 25మంది ఎంపీలకు తెలంగాణలోని 17 మంది జత అయితే, మొత్తం 42 మంది ఎంపీలు ఒకేతాటిపైకి వచ్చి ప్రత్యేక హోదాకోసం మద్దతిస్తే... హర్షించాల్సిందిపోయి, దిక్కుమాలిన రాజకీయాలు చేస్తావా అని చంద్రబాబును ప్రశ్నించారు. టీఆర్‌ఎ్‌సతో పొత్తుకు టీడీపీ ప్రయత్నించలేదా అని నిలదీశారు.

తెలుగుదేశం పార్టీ మళ్లీ అధికారంలోకి రాగానే పింఛన్లను రూ.3వేలకు పెంచుతామని తెదేపా జాతీయ అధ్యక్షుడు, ముఖ్యమంత్రి చంద్రబాబు స్పష్టం చేశారు. వృద్ధాప్య ఫించన్ల అర్హత వయసును తగ్గిస్తామని తెలిపారు. 300 చదరపు అడుగుల లోపు విస్తీర్ణంలో ఉచితంగా ఇళ్లు నిర్మించి తీరుతామని చెప్పారు. పార్టీ నేతలతో సోమవారం ఆయన టెలికాన్ఫరెన్స్‌ నిర్వహించారు. జగన్ తన బతుకు బాగు కోసం ఇక్కడ బతికే వారికి శాశ్వత సమాధి కట్టాలని చూస్తున్నాడని ఆక్షేపించారు. జగన్‌వి పిరికిపంద రాజకీయాలని, కేసీఆర్, కేటీఆర్‌కు భయపడుతూ వారివద్ద బానిసలా ఉన్నాడని దుయ్యబట్టారు. ఏపీలో అసమర్థ ప్రభుత్వం ఉండాలని కేసీఆర్‌ భావిస్తున్నారని చెప్పారు.

60 ఏళ్లు కష్టపడిన ఆస్తులను లాగేసుకున్నారని, ఇప్పుడు జగన్ రూపంలో మనం కష్టపడి నిర్మించుకుంటున్న నవ్యాంధ్ర ఆస్తులను కూడా లాగేందుకు కుట్ర పన్నారని కేసీఆర్‌ను ఉద్దేశించి వ్యాఖ్యానించారు. పౌరుషంతో మన ఆస్తులను మనం కాపాడుకుందామని పిలుపునిచ్చారు. హైదరాబాద్‌లో ఉంటున్న వారిని వేధింపులకు గురిచేస్తే ఉపేక్షించేది లేదని హెచ్చరించారు. హైదరాబాద్‌కు తిరిగి పూర్వ వైభవం రావాలంటే ఇక్కడ అసమర్థ ప్రభుత్వం ఉండాలనేది కేసీఆర్ భావన అని చంద్రబాబు అన్నారు. ఏపీలో పుట్టడమే నేరమా అని..హైదరాబాద్‌లో ఉండేవాళ్లు భయపడే పరిస్థితి తీసుకొస్తున్నారని సీఎం ఆగ్రహించారు. జగన్‌ ముమ్మాటికీ తుపాను కంటే పెద్ద సమస్యేనని చెప్పారు.

పవన్ కళ్యాణ్ తెదేపాను, వైకాపాను ఒకే గాటన కట్టడాన్ని చంద్రబాబు తప్పుబట్టారు. జగన్‌తో తనకు పోలిక పెడతారా అంటూ నిలదీశారు. పవన్ ఎవరి వైపు ఉంటారో తేల్చుకోవాలని అన్నారు. మీరు ఎవరికైనా భయపడతారేమో కానీ... తాను ఎవరికి భయపడనని పవన్ కళ్యాణ్‌ను ఉద్దేశించి అన్నారు. తనతో పోల్చితే పవన్ కళ్యాణ్‌కు ఉన్న అనుభవం ఏపాటిది అని వ్యాఖ్యానించారు. లోపల ఒకటి పెట్టుకుని, బయటకు ఒకటి చెప్పటం జగన్‌ తత్వమని విమర్శించారు. జగన్ లాంటి టిపికల్ నేరస్థుల విచారణకు ఎఫ్‌బీఐలో ప్రత్యేక చాప్టర్ ఉందన్నారు. దోచుకోవడమే తప్ప సంపద సృష్టించడం చేతకాని వ్యక్తి జగన్ అని మండిపడ్డారు. వైకాపాకు ఓటేస్తే పింఛన్లు ఆగిపోవడమే కాక.. పంట పొలాలకు నీళ్లు కూడా రావని అన్నారు. వైకాపా నుంచి ఒక్క ఎంపీ, ఎమ్మెల్యే గెలిపించినా కేసీఆర్‌కే లాభమని చంద్రబాబు పేర్కొన్నారు.

ఎన్నికలు దగ్గర పడుతున్న వేళ ఏపీలో రాజకీయ వాతావరణం ఒక్కసారిగా వేడెక్కింది. ప్రధాన పార్టీలన్నీ ప్రచారంలో తలమునకలయ్యాయి. పోటీలో తలపడుతున్న అభ్యర్థులు ఒకరిపై మరొకరు దుమ్మెత్తి పోసుకుంటున్నారు. ఈ నేపథ్యం ఓటర్లను ఆకట్టుకునేందుకు గుళ్లు, గోపురాలు తిరుగుతున్నారు. ఈ క్రమంలో వైసీపీ అభ్యర్థి అనుచరుడు చేసిన ఓ వింతచేష్ట ఇప్పుడు సోషల్ మీడియాలో తెగ వైరల్ అవుతోంది. ఇంతకీ ఏం జరిగిందంటే.. హారతి పళ్లెంలో వేసిన దక్షిణ కానీ లేదా హుండీలో వేసిన కానుకలు వెనక్కి తీసుకోకూడదని అంటారు. కానీ వైసీపీ అభ్యర్థి పార్థసారధి అనుచరులకు ఇదేమీ పట్టినట్టు లేదు.

ఎంచక్కా అందరూ చూస్తుండగా హారతి పళ్లెంలో వేసిన దక్షిణ సొమ్మును వెంటనే వెనక్కి తీసుకున్నాడు. ఈ దృశ్యం కెమెరాకు చిక్కి ఆ పై సోషల్ మీడియాకు ఎక్కింది. ఇప్పడిది వైరల్‌గా మారింది. నెటిజన్లు సెటైర్లు వేస్తూ నవ్వుపుట్టిస్తున్నారు. మరికొందరు వైసీపీ నేతల తీరును తప్పుబడుతున్నారు. ఇక మరో పక్క, ప్రకాశం జిల్లా పర్చూరులో వైసీపీ కార్యకర్తలు మందుకొడుతూ హల్ చల్ చేశారు. పర్చూరు వైసీసీ అభ్యర్థి దగ్గుబాటి వెంకటేశ్వరరావు నామినేషన్ సందర్భంగా ఆ పార్టీ కార్యకర్తలు నడిరోడ్డుపై మద్యం తాగుతూ, వాహనాలు ఎక్కి ఊగిపోయారు. రోడ్డుపై హల్ చల్ చేశారు. పర్చూరులోని మద్యం దుకాణాలన్నీ వైసీపీ కార్యకర్తలతో నిండిపోయాయి. https://youtu.be/3oMAX7TisPY