news

ప్రతిసారీ ఓటు వేస్తున్నాం కదా... మా ఓట్లు ఇప్పుడు లేవేంటీ? అని సామాన్య ప్రజలే కాదు... ఏకంగా మంత్రి ఫరూక్‌ కూడా ఆశ్చర్యపోయారు. ఆయన కుటుంబంలో ఏడుగురి ఓట్లు గల్లంతు కావడం కలకలం రేపుతోంది. ఫరూక్‌ కు ఐదుగురు కొడుకులు, ఒక కూతురు. కొడుకులు, కోడళ్లు, కూతురు, అల్లుడుకి నంద్యాలలోని 72వ పోలింగ్‌ కేంద్రంలో ఓట్లు న్నాయి. అయితే ఫరూక్‌ కుటుంబంలోని 7 ఓట్లు, ఫరూక్‌ అన్నదమ్ముల కుటుంబాల్లోని మరికొన్ని ఓట్లు గల్లంతైనట్లు వెలుగులోకి వచ్చింది. మంత్రి ఫరూక్‌ మాట్లాడుతూ వైసీపీ నాయకులు పథకం ప్రకారం ఓట్లను గల్లంతు చేయించారని ఆరోపించారు. రాష్ట్రంలో 54 లక్షల ఓట్లు తొలగించాలని జగన్‌ లక్ష్యంగా పెట్టుకున్నారని ఆరోపించారు. ఈ మొత్తం వ్యవహారానికి బీజేపీ నేతలే సలహాదారులని విమర్శించారు.

ఈ విషయం పై తెలుగుదేశం పార్టీ ఆరోపణలకు పదును పెట్టింది. తెలంగాణలో అధికారంలోకి రావడానికి టీఆర్‌ఎస్‌ 24లక్షల ఓట్లు గల్లంతు చేయిస్తే, ఏపీలో సీఎం కుర్చీ ఎక్కడానికి వైసీపీ 52లక్షల ఓట్లను తొలగించడానికి స్కెచ్‌ వేస్తోందని మంత్రి దేవినేని ఉమామహేశ్వరరావు అన్నారు. బుధవారం విజయవాడలో, మైలవరంలో ఆయన మీడియాతో మాట్లాడుతూ... టీఆర్‌ఎస్‌, బీజేపీతో కలిసి జగన్‌ రాజకీయ డ్రామాలు ఆడుతున్నారని విమర్శించారు. ఓట్ల తొలగింపునకు తన పార్టీయే స్వయంగా ఫామ్‌-7ను సమర్పించిందని జగనే ఒప్పుకున్నందున ఆయనపై ఎన్నికల కమిషన్‌ చర్యలు తీసుకోవాలని డిమాండ్‌ చేశారు.

చంద్రబాబు అమలు చేస్తున్న సంక్షేమ పథకాలను చూస్తున్న ప్రతిపక్ష నేత జగన్‌కు వైసీపీ అధికారంలోకి వచ్చే అవకాశం లేదని అర్థమైందని, గెలిచే సత్తా లేకే బీజేపీ, టీఆర్‌ఎ్‌సలతో కలిసి కుట్రలు చేస్తున్నారని మంత్రి అచ్చెన్నాయుడు తునిలో ఆరోపించారు. నేరగాళ్లకు ఇలాంటి ఆలోచనలే వస్తాయన్నారు. ఈ మూడు పార్టీలు కలిసి ప్రభుత్వ పథకాలను పక్కదారి పట్టించాలని చూస్తున్నాయని విమర్శించారు. వైసీపీ అధినేత వ్యవహార శైలి... దొంగే దొంగ అని అరిచినట్లుందని మంత్రి ప్రత్తిపాటి పుల్లారావు విమర్శించారు. గుంటూరులో బుధవారం మీడియాతో మాట్లాడుతూ.. జగన్‌ నేర మనస్తత్వం ఫామ్‌-7 దాఖలుతో బహిర్గతమైందని అన్నారు. రాజ్యాంగం కల్పించిన ఓటు హక్కునే తొలగించేందుకు ప్రయత్నించిన జగన్‌.. అధికారంలోకి వస్తే ప్రజల ఆస్తులను ఉండనిస్తారా? అని మంత్రి ప్రశ్నించారు.

ఓటు దొంగల్ని గుర్తించేందుకు ఆంధ్రప్రదేశ్ పోలీసులు వేట ప్రారంభించారు. అర్హులైన ఓటర్ల పేర్లను జాబితా నుంచి గల్లంతు చేయాంచాలనే ఉద్దేశంతో కొంతమంది మోసపూరితంగా ఆన్‌లైన్‌లో ఫామ్ 7 దరఖాస్తులు చేశారంటూ ఎన్నికల సంఘం అధికారులు ఇచ్చిన పిర్యాదులతో కేసులు నమోదు చేసిన పోలీసులు దర్యాప్తు ముమ్మరం చేశారు. వీలైనంత వేగంగా ఈ కేసుల దర్యాప్తును ఓ కొలిక్కి తీసుకురావాలని లక్ష్యంగా పెట్టుకున్నారు. ప్రాధమిక సమాచారం ప్రకారం, దాదపుగా 10 మంది వైసీపీ ఎమ్మల్యేలు, వీటి వెనుక ఉన్నట్టు గుర్తించినట్టు సమాచారం. రాష్ట్ర వ్యాప్తంగా టీడీపీ సానుభూతిపరుల ఓట్లు తొలగించాలని వైసీపీ కుట్ర పన్నడం వాస్తవమేనని ఆ పార్టీ నేతలు అన్నారు. ఇప్పటి వరకు పోలీసులు నమోదు చేసిన కేసులు పరిశీలిస్తే 2 లక్షల 81వేల అసలైన ఓట్లను తొలగించాలని ఫామ్ 7 దరఖాస్తులు రాగా అందులో 95 శాతం వైసీపీ పెట్టిన దరఖాస్తులే ఉన్నాయని చెబుతున్నారు.

బూత్‌స్థాయి నాయకుల పేరిట ఇతర రాష్ట్రాల నుంచి ఈ పిర్యాదులను ఆన్‌లైన్‌లో పెట్టారు. కానీ క్షేత్రస్థాయిలో ఏ సంబంధంలేని బూత్ స్థాయి నేతలు ఇప్పుడు పోలీసు కేసుల్లో చిక్కుకుంటున్నారు. ఇతరుల ఓటు హక్కును తొలగించేందుకు కుట్రలు చేయడంతోపాటు తమ సమయం వృధా చేసినందుకు వారిపై చర్యలు తీసుకోవాలని ఎక్కడికక్కడ పోలీసులకు ఎన్నికల అధికారులు పిర్యాదు చేశారు. మోసపూరితంగా ఫారం-7 దరఖాస్తులు పెట్టిన ఘటనలపై బుధవారం వరకూ రాష్ట్ర వ్యాప్తంగా 322 కేసులు నమోదు కాగా...అందులో 235 కేసుల్లో 2,300 మంది దరఖాస్తుదారులను పోలీసులు గుర్తించారు. మిగతా కేసుల్లో ఉన్నదెవరో తేల్చే పనిలో పోలీసులున్నారు. అనంతరం వారు దురుద్దేశపూరితంగానే కుట్ర చేయాలనే ఉద్దేశంతోనే ఈ దరఖాస్తులు చేశారా? అనేది తేల్చనున్నారు. వీలైనంత వేగంగా ఈ కేసుల దర్యాప్తును కొలిక్కొ తీసుకురావాలని లక్ష్యంగా పెట్టుకున్నారు.

తన ఓటు తొలగించాలని కోరుతూ ఓటరు స్వతహాగా గానీ లేదా ఎవరైనా గ్రామంలో మృతిచెందిన వారి ఓట్లు, ఒకే పేరుతో జాబితాలో రెండుసార్లున్న పేర్లు, స్థానికంగా నివాసం ఉండని వారి పేర్లు తొలగించాలని కోరుతూ ఫారం-7 దరఖాస్తు చేయచ్చు. కేంద్ర ఎన్నికల సంఘం నేషనల్‌ ఓటరు సర్వీసు పోర్టల్‌ వెబ్‌సైట్‌ను ఏర్పాటు చేసి...దాని ద్వారా ఆన్‌లైన్‌లో దరఖాస్తులు స్వీకరిస్తోంది. ఈ అవకాశాన్ని దుర్వినియోగం చేయాలన్న ఉద్దేశంతో గత పది రోజుల వ్యవధిలో 8.74 లక్షల ఫారం-7 దరఖాస్తులు ఎన్నికల సంఘానికి అందాయి. ఒకేసారి ఇన్ని లక్షల సంఖ్యలో దరఖాస్తులు రావటాన్ని అనుమానించిన ఎన్నికల సంఘం క్షేత్రస్థాయిలో విచారణ చేపట్టింది. ఇందులో కొందరిని విచారించినప్పుడు తాము గ్రామాల్లోనే నివాసముంటున్నమని, తమ ఓటరు తొలగించాలని కోరుతూ ఎప్పుడూ దరఖాస్తు చేయలేదని విచారణ అధికారులకు చెప్పారు. ఆయా గ్రామాల్లోని ఒకరో ఇద్దరో వ్యక్తులు వారి పేరిట ఈ నకిలీ దరఖాస్తులు చేసినట్లు విచారణలో తేలింది. దీంతో రాష్ట్ర ప్రధాన ఎన్నికల అధికారి ఆదేశాల మేరకు ఎక్కడికక్కడ పోలీసుస్టేషన్లలో స్థానిక తహసీల్దార్లు ఫిర్యాదులు చేశారు. 2,300 మంది దరఖాస్తుదారులను గుర్తించిన పోలీసులు వీరందరికీ సీఆర్‌పీసీ సెక్షన్‌ 41 కింద నోటీసులు ఇచ్చేందుకు సిద్ధమవుతున్నారు. అందరినీ విచారించి వారి వాంగ్మూలాలను నమోదు చేసుకుంటారు.

పశ్చిమగోదావరి జిల్లాలో కీలకమైన తాడేపల్లిగూడెం నియోజకవర్గంపై ముఖ్య మంత్రి చంద్రబాబు దృష్టి సారించారు.అసెంబ్లీ అభ్యర్థిత్వాన్ని జడ్పీ చైర్మన్‌ ముళ్లపూడి బాపిరాజు, సమన్వయకర్త ఈలినాని, మునిసిపల్‌ చైర్మన్‌ బొలిశెట్టి శ్రీనివాస్‌ ఆశిస్తున్నారు. ముగ్గురు నాయకులు కూడా తమ ఆకాంక్షను నేరుగా సీఎం చంద్రబాబు ముందుంచారు.రాష్ట్ర స్థాయి నాయకులతో సంప్రదింపులు జరుపు తున్నారు. సీఎంపై ఒత్తిడి పెంచుతున్నారు. చాపకింద నీరులా తమ ప్రయత్నాలు సాగిస్తున్నారు. ఈ నేపథ్యంలోనే ఇంటెలిజెన్స్‌ వర్గాల నుంచి, పార్టీ శ్రేణుల వరకూ ముళ్లపూడి, నాని, బొలిశెట్టి పేర్లతోనే అధిష్ఠానం ఆరా తీసింది.

ముగ్గురి అభ్యర్థిత్వాలపై సర్వే సాగింది. దీనిపై నియోజకవర్గంలోనూ తీవ్ర ఉత్కంఠ నెలకొంది. ఎవరికి టిక్కెట్టు దక్కుతుందోనన్న ఆతృత పార్టీ శ్రేణుల్లో ఉంది. ఇప్పటికే నర్సాపురం పార్లమెంట్‌ పరిధిలో తాడేపల్లిగూడెం నియోజకవర్గం మినహా మిగిలిన అన్ని అసెంబ్లీ నియోజకవర్గాల్లో అభ్యర్థులను ఖరారు చేశారు. సిట్టింగ్‌లకే అవకాశం కల్పించారు. వారంతా ప్రచారాన్ని ప్రారంభించారు. తాడేపల్లిగూడెంపై సీఎం చంద్రబాబు ఎటువంటి నిర్ణయం తీసుకోలేదు. కేవలం రాష్ట్ర స్థాయిలో సమీక్ష నిర్వహించారు. నియోజకవర్గ సమన్వయ కమిటీ నుంచి అభిప్రాయాలను సేకరించారు.నిర్ణయాన్ని పెం డింగ్‌లో పెట్టారు. ముగ్గురు ఆశావహులు కూడా ఎవరికి వారే తమకే టిక్కెట్టు వస్తుందంటూ ధీమాతో ఉన్నారు.

ఈ మేరకు గురువారం రాజధానిలో ముళ్లపూడి, నాని, బొలిశెట్టిలతో ముఖ్య మంత్రి సమావేశం కానున్నారు. ముగ్గురు సర్దుబాటు ధోరణిలో పయనించాలంటూ ముఖ్యమంత్రి దిశానిర్దేశం చేసే అవకాశాలు కనిపిస్తున్నాయి. తాడేపల్లిగూడెం నియోజకవర్గంలో సామాజిక సమీకరణలు కీలక పాత్ర వహిస్తుండడంతో ముఖ్యమంత్రి చంద్ర బాబు ఎటువంటి నిర్ణయం తీసుకుంటారనే దానిపై ఇప్పుడంతా ఆసక్తిగా ఎదురు చూస్తున్నారు.ముగ్గురు నాయకులతో సంప్రదిం పులు జరిపిన తర్వాత ముఖ్యమంత్రి ఒక నిర్ణయానికి వచ్చే అవకాశం ఉంటుందని రాజకీయ వర్గాలు భావిస్తున్నాయి.