news

ఆంధ్రప్రదేశ్ ముఖ్యమంత్రి చంద్రబాబు నాయుడు మరోసారి కేంద్ర ప్రభుత్వంపై నిప్పులు చెరిగారు. కేంద్రం రాష్ట్రానికి ఇచ్చిన హామీలు నెరవేర్చకుండా ద్రోహం చేసిందని ఆయన సోషల్‌మీడియా ద్వారా తెలిపారు. ప్రత్యేక హోదా ఇస్తామని కేంద్రం సరిగ్గా ఐదేళ్ల క్రితం ఇదే రోజున హామీ ఇచ్చిందని.. కానీ ఇచ్చిన హామీని నెరవేర్చకుండా ద్రోహం చేసిందని ఆయన ట్వీట్ చేశారు. ‘‘ఫిబ్రవరి 20, సరిగ్గా ఈ రోజుకు ఆంధ్రప్రదేశ్‌కు కేంద్రం ద్రోహం చేసి ఐదేళ్లు. 5 కోట్ల మందిని నమ్మించి మోసం చేసి ప్రత్యేక హాదాతో సహా మరో 5 హామీలు గాలికి వదిలేసింది. వెనుకబడిన జిల్లాలకిచ్చిన రూ.350 కోట్లు వెనక్కి తీసుకుంది. బీజేపీ చేసిన ఈ నమ్మక ద్రోహాన్ని ఎక్కడికక్కడ ఎండగట్టాలి’’ అని ట్విట్టర్‌లో చంద్రబాబు పేర్కొన్నారు.

సరిగ్గా నేటికి ఐదేళ్ళ క్రితం... తెలంగాణ బిల్లుకు ఆమోదం తెలిపే సమయంలో.. ఆంధ్రప్రదేశ్‌ సంక్షేమం, అభివృద్ధి ఆగకుండా ముందుకు సాగేందుకు వీలుగా... రాజ్యసభలో నాటి ప్రధానమంత్రి మన్మోహన్‌సింగ్‌ ఏపీకి ఆరు హామీలిచ్చారు. ఆ హామీలను నెరవేర్చాల్సిన బాధ్యత ఆ తర్వాత వచ్చిన మోడీ ప్రభుత్వం పై ఉంది. అయితే మోడీ ప్రభుత్వం ఆ హామీలను తుంగలో తొక్కింది. ఏపీకి నమ్మక ద్రోహం చేసింది. 5 కోట్ల మందిని నమ్మించి మోసం చేసి 5 ఏళ్లు అయిన సందర్భంలో తమ నిరసనలు తెలుపుతున్నారు ఏపీ ప్రజలు. నవ్యాంధ్ర ప్రజల తరపున ఒక్కో హామీని గుర్తుచేస్తూ ఎందుకు నెరవేర్చలేదని ప్రశ్నిస్తోంది తెలుగుదేశం.

ఇవి ఆ హామీలు: హామీ నెం.1 - ప్రత్యెక హోదా. హామీ నెం.2 - దేశంలోని మరికొన్ని రాష్ట్రాలతో సమానంగా పారిశ్రామిక ప్రోత్సాహకాలు, హామీ నెం.3 - కేబీకే, బుందేల్‌ఖండ్‌ తరహాలో రాయలసీమ, ఉత్తరాంధ్ర జిల్లాలకు ప్రత్యేక ప్యాకేజీ, హామీ నెం.4 - పోలవరం ప్రాజెక్టు సహాయ, పునరావాసం సున్నితంగా అమలయ్యేలా చట్టానికి సవరణ, హామీ నెం. 5 - తెలంగాణ రాష్ట్ర ఆవిర్భావ దినోత్సవం నాటికి... అంటే 2014 జూన్ 2 నాటికే సంతృప్తికర రీతిలో ఇరు రాష్ట్రాల మధ్య ఆస్తులు -అప్పుల పంపిణీ పూర్తి కావాలి. హామీ నెం.6 - రాష్ట్రం ఏర్పడిన తొలి ఏడాది తలెత్తే రెవెన్యూ లోటు భర్తీ. ఇంకా ఎన్నాళ్ళు సాగాలి ఈ పోరాటం? ఒక రాష్ట్రానికి జరిగిన అన్యాయాన్ని ఐదేళ్ళయినా సరిదిద్దక పోగా, మరింత అన్యాయం జరిగేలా రాష్ట్రంపై కుట్రలు చేయడానికి మోడీ ప్రభుత్వం పూనుకోవడం ఎంత దారుణం? ఈ వివక్షను, కక్షను ప్రశ్నిస్తోంది తెలుగుదేశం. సాక్షాత్తూ దేశ ప్రధాని, అత్యున్నత చట్టసభలో ఇచ్చిన హామీలకే విలువ లేకపొతే ఇంకెక్కడి ప్రజాస్వామ్యం? మాజీ ప్రధాని ఇచ్చిన ఆరు హామీలకు నేడు ఐదేళ్లు పూర్తయిన సందర్భంగా, వాటిని ఎందుకు నెరవేర్చలేదని ప్రతి నవ్యాంధ్ర పౌరుని తరపున మోడీని ప్రశ్నిస్తోంది తెలుగుదేశం.

వైకాపా అధినేత జగన్‌ మరోసారి శవరాజకీయం మొదలు పెట్టారని ఏపీ మంత్రి నారా లోకేశ్‌ మండిపడ్డారు. తండ్రి శవాన్ని అడ్డుపెట్టుకొని సీఎం పీఠం ఎక్కాలని ప్రయత్నించి.. చావు దెబ్బతిన్నా జగన్‌కు బుద్ధిరాలేదని దుయ్యబట్టారు. దొంగ పత్రికతో కుల రాజకీయం చేసేందుకు ప్రయత్నిస్తున్నారని ఆరోపించారు. వైకాపా శవ రాజకీయాల పార్టీ అని మరోసారి రుజువైందన్నారు. కొండవీడులో వ్యక్తిగత కారణాలతో రైతు కోటయ్య చనిపోతే వైకాపా నేతలు కనీసం సానుభూతి కూడా తెలపలేదన్నారు. రైతు ఆత్మహత్యను రాజకీయానికి వాడుకోవడమే వైకాపా అజెండా అని విమర్శించారు. రైతు పొలానికి, సీఎం హెలిప్యాడ్‌కు సంబంధం లేదనే విషయం వైకాపా నేతలకు తెలియదా అని ప్రశ్నించారు. వైకాపా శవ, కుల రాజకీయాలకు త్వరలోనే ప్రజలు జవాబు చెబుతారన్నారు.

ఇదే విషయం పై గుంటూరు పోలీసులు కూడా స్పందించారు. రైతు ప్రాణాలు కాపాడటానికి పోలీసులు వందల మీటర్లు పరుగులు పెట్టి ఆసుపత్రికి తరలిస్తే.. వారే కొట్టి చంపారని విషప్రచారం చేస్తున్నారని, దీనిని సహించబోమని గుంటూరు గ్రామీణ ఎస్పీ రాజశేఖర్‌బాబు స్పష్టం చేశారు. ఆయన్ని కాపాడటానికి పోలీసులు పడిన కష్టాల వీడియోలు, ఫొటోలున్నాయని వివరించారు. పోలీసులే కొట్టి చంపినట్లు ఏ ఒక్కరైనా చూస్తే వచ్చి చెప్పాలని మంగళవారం విలేకరుల సమావేశంలో ఘాటుగా స్పందించారు. ముఖ్యమంత్రి చంద్రబాబు పాల్గొన్న కొండవీడు వేడుకల సందర్భంగా రైతును పోలీసులే కొట్టి చంపారనే ప్రచారంపై ఎస్పీ రాజశేఖర్‌బాబు వివరణ ఇచ్చారు.

రైతు కోటేశ్వరరావుకు 14 ఎకరాల స్థలం ఉందని, అది కొండవీడు వేడుక జరిగే ప్రాంతానికి చాలా దూరంగా ఉందని తెలిపారు. ఇందులో మూడు నుంచి నాలుగెకరాల ఖాళీ స్థలంలో అనుమతులు తీసుకొని పోలీసు కంట్రోల్‌రూం ఏర్పాటుచేశామని అన్నారు. ఈ స్థలానికి దూరంగా బొప్పాయి, కనకాంబరం, మునగ తోటలున్నాయని తెలిపారు. సోమవారం ఉదయం పదింటికి రైతు కోటేశ్వరరావు పురుగుల మందు తాగినట్టు అక్కడ గస్తీ పోలీసులకు సమాచారం అందిందని అన్నారు. ఆయన ప్రాణాలు కాపాడాలనే ఆతృతతో ఓ కానిస్టేబుల్‌.. కోటేశ్వరరావును భుజంపై వేసుకొని దాదాపు 700 మీటర్లు పరుగు తీశారని వివరించారు. పోలీసులంతా అప్రమత్తమై విద్యుత్‌ శాఖకు చెందిన వాహనాన్ని ఏర్పాటుచేసి ఫిరంగిపురంలోని ఆసుపత్రికి తరలించారని తెలిపారు. దురదృష్టవశాత్తు అప్పటికే ఆ రైతు మృతి చెందాడన్నారు. ఈ దుర్ఘటన సీఎం పర్యటనకు దాదాపు నాలుగుగంటల ముందు చోటు చేసుకుందని తెలిపారు.

తెలంగాణ లో స్థిరపడ్డ ఆంధ్ర కి చెందిన పారిశ్రామిక వేత్తలను టార్గెట్ గా తెరాస పావులు కదుపుతుంది. అత్యధిక పారిశ్రామిక వేతలు తెలుగు దేశం సింపటైజర్స్ అవ్వగా వారి అందరిపై ఈడీ, ఇన్కమ్ టాక్స్ ఉపయోగించటానికి రంగం సిద్ధం చేసిన తెరాస అధినేత కెసిఆర్. ఈ కోవ లో తెలుగు దేశం వైపు ఉన్న పారిశ్రామిక వేతలని భయభ్రఅంతులకి గురిచేసి వారిని వైస్సార్సీపీ కి సపోర్ట్ చేసేలా ప్రణాళికలు రూపొందిస్తున్నారు. తద్వారా ఆంధ్ర ప్రదేశ్ లో ఎన్నికల సమయానికి కుల విద్వేషాలు రెచ్చకొట్టటానికి పకడ్బందీ గా ప్రణాళికలు రచిస్తున్నారు. ఇప్పటికే ఈ కోవలో బెదిరించి కొంత మందిని చేర్చుకున్నారు. హైదరబాద్ లో ఉన్న ఆస్థులు, కంపెనీలు కాపాడుకోవటానికి, వారు కేసిఆర్ కు సరెండర్ అవ్వాల్సిన పరిష్తితి.

అయితే ఇప్పుడు వరుస పెట్టి కేవలం తెలుగు సూపర్ స్టార్ట్ మహేష్ బాబు మీద జరుగుతున్న ఐటి దాడులు చూస్తుంటే, మహేష్ ను కూడా కావాలనే బెదిరిస్తున్నారా అనే అనుమానం కలుగుతుంది. మహేష్ బాబు రాజకీయాలకు ఎప్పుడూ దూరంగానే ఉంటారు. సూపర్ స్టార్ట్ కృష్ణ కాంగ్రెస్ లో ఉన్నా, మహేష్ మాత్రం ఎప్పుడూ ఒక పార్టీకి సపోర్ట్ చేసిన సందర్భం లేదు. అయితే మహేష్ బావ గల్లా జయదేవ్ ని వైసిపీలోకి తేవటానికి, మహేష్ పై ఒత్తిడి తెస్తున్నారా అనే అనుమానం కలుగుతుంది. మహేష్ ఈ ఒత్తిడికి లొంగక పోవటంతో, ఆయన్ను టార్గెట్ చేసుకుని గత కొన్ని రోజులుగా ఐటి దాడులు చేస్తుంది. మొన్నా మధ్య ఐటి దాడులు చేసి హడావిడి చేసారు. అయితే అన్నీ సక్రమంగా ఉన్నాయని మహేష్ చెప్పటంతో అక్కడితో వివాదం సద్దుమణిగింది.

ఇప్పుడు మళ్ళీ, ఈ రోజు మహేశ్‌బాబుకు మరోసారి జీఎస్టీ అధికారులు షాక్‌ ఇచ్చారు. ఆయనకు చెందిన ఏఎంబీ సినిమాస్‌ థియేటర్‌లో ప్రేక్షకుల నుంచి అదనంగా డబ్బులు వసూలు చేసినట్లు ఆరోపణలు వస్తున్నాయి. ఈ ఏడాది జనవరి 1 నుంచి కొత్త అమల్లోకి వచ్చిన జీఎస్టీ నిబంధనలు ఏఎంబీ మాల్‌ అతిక్రమించిందని వార్తలు వెలువడుతున్నాయి. రూ.100 ఆ పైన టికెట్‌కు గతంలో 28 శాతం జీఎస్టీ ఉండగా.. జనవరి 1 నుంచి 18 శాతానికి, రూ.100 లోపు టికెట్‌పై 18 శాతాన్ని కాస్తా 12కు తగ్గించింది. అయితే ఏఎంబీ మాల్‌ తగ్గించిన ధరలు అమలు చేయకుండా అక్రమంగా ప్రేక్షకుల వసూలు చేసినట్లు ఆరోపణలు సాకుగా చూపి దాడులు సెహ్సారు. దాంతో థియేటర్‌పై కేసు నమోదు చేసి, నోటీసులు జారీ చేసినట్లు సమాచారం. తాజాగా వస్తున్న ఆరోపణలపై మహేశ్‌ స్పందించాల్సి ఉంది.