news

ఆయన ఒక సీనియర్ ఐఏఎస్.. దేశంలో ఎంతో మందిని చూసారు.. కాని ఈ రోజు చంద్రబాబు చూపిస్తున్న చొరవ చూసి శభాష్ అంటున్నారు.. సహజంగా ఒక తుపాన్ ,వరద వచ్చినప్పుడు ప్రకటించే ప్రభుత్వ నష్ట పరిహారం మళ్ళీ తుఫాన్ వచ్చే దాకా అతిగతి ఉండదు, అదికూడా అరకొరగా ఉంటుంది. ఈ రోజు ఆంధ్రప్రదేశ్ ప్రభుత్వం తిత్లీ తూఫాన్ బాధితులకు మాట ఇచ్చిన ప్రకారం 447.27 కోట్ల రూపాయల నష్టపరిహారం చెల్లించనుంది. నష్టపోయిన రైతులకు ఈ రోజు ముఖ్యమంత్రి చంద్రబాబు స్వయంగా శ్రీకాకుళం జిల్లాలో పర్యటించి చెక్కులు ఇవ్వనున్నారు. ఇంత తక్కువ సమయంలో ఇలా నష్టపోయిన రైతులను భారత దేశ చరిత్రలో ఏ ప్రభుత్వం చేయలేదు. ఎన్ని కష్టాలు ఉన్నా, లోటు బడ్జెట్ ఉన్నా, ప్రభుత్వం ఈ రోజు 447.27 కోట్ల రూపాయలు నష్టపరిహారం చెల్లిస్తుంది.

ఇన్ని ఏళ్ళు ప్రభుత్వాలు నష్టపరిహారం ఇస్తాం అని చెప్పటం, ఇవ్వకుండా మొహం చాటేయటం చూసాం. మా ఆంధ్రప్రదేశ్ లో ఇచ్చిన మాట మీద నిలబడే ప్రభుత్వం అని నిరూపించింది. కేంద్ర ప్రభుత్వం ఇంత పెద్ద విపత్తు సంభవిస్తే, కనీసం సహాయం చేయలేదు. కేంద్రం ఏ సహాయం చేయకున్నా, ప్రతిపక్ష పార్టీలు పల్లెత్తు మాట కూడా అనలేని పరిస్థితుల్లో ఉన్నారు. ప్రజలు కష్టాల్లో ఉన్నారని ముఖ్యమంత్రి గారు, ఈ పరిహారం వెంటనే చెల్లించే ఏర్పాటు చేయటం చాలా ఉపయోగకరమైన, ఆనందకరమైన ప్రయత్నం. 447.27 కోట్ల రూపాయల చెక్కులు ఈ రోజు ముఖ్యమంత్రి గారు నష్టపోయిన రైతులకు పంపిణీ చేయనున్నారు. కేవలం 20 రోజుల్లోనే నష్టాలను అంచనా వేసి.. బాధితుల జాబితాలు రూపొందించి వారి ఖాతాల్లో సొమ్ములు జమ చేయడం దేశంలోనే ఒక రికార్డుగా ప్రభుత్వం భావిస్తోంది.

తుపాను కారణంగా జిల్లాలో 25 మండలాల పరిధిలోని 717 గ్రామాల్లో ప్రజలు నష్టపోయారు. ఇంత వరకు 4.30లక్షల మంది బాధితులు లెక్కతేలారు. ముఖ్యమంత్రి చంద్రబాబు ముఖచిత్రంతో గుంటూరులో నమూనా చెక్కులు తయారు చేస్తున్నారు. సోమవారం ఉదయం వరకు గ్రామాలకు చేర్చి.. పంపిణీ ప్రారంభిస్తారు. బాధితులకు ఇచ్చేవి నమూనా చెక్కులు మాత్రమే.. నగదు మాత్రం నేరుగా ఖాతాల్లో జమవుతుంది. శనివారం రాత్రే సొమ్ములు సర్దుబాటు చేయాల్సిందిగా ట్రెజరీ నుంచి ముంబయిలోని రిజర్వు బ్యాంకును కోరారు. సోమవారం ఉదయం ఆర్బీఐ నుంచి క్లియరెన్సు వస్తుందని భావిస్తున్నారు. మధ్యాహ్నానికల్లా జమ చేయాలని భావిస్తున్నారు. ఇప్పటి వరకు తేలిన అంచనాల మేరకు తొలిదశల్లో రూ.480 కోట్ల నుంచి రూ.490కోట్ల వరకు పంపిణీ చేయాల్సి ఉంటుందని, తమ పేర్లు లేవని ఫిర్యాదులు వస్తుండటంతో.. వీటిని పరిశీలించి మరో మిగతా మొత్తాన్ని పంపిణీ చేయాల్సి ఉంటుందని ప్రభుత్వం భావిస్తోంది.

ఇది నిజంగా పాపం వైసీపీకి వింత పరిస్థితి. రాష్ట్రంలో పర్సనల్ డిపాజిట్ (పీడీ) అకౌంట్లలో భారీ అవినీతి జరిగిందనేది బీజేపీ నేతల ఆరోపణ. ఢిల్లీ నుంచి గల్లీ వరకూ ఇదే అంశం పై ఆ మధ్య జీవీఎల్ వంటి నేతలు ఒంటికాలిపై లేచారు. కాగ్ ప్రస్తావించిన అంశాల ఆధారంగా విమర్శలు చేశారు. కానీ పీడీ ఖాతాలపై కమలనాథులకు రాష్ట్ర ప్రజా పద్దుల కమిటీ (పీఏసీ) షాక్ ఇచ్చింది. ఈ ఖాతాలకు గ్రీన్ సిగ్నల్ ఇచ్చింది. కంపోలర్ అండ్ ఆడిటర్ జనరల్ (కాగ్) లేవనెత్తిన అభ్యంత రాలను పద్దుల కమిటీ తోసిపుచ్చింది. అదీ పీఏసీ చైర్మన్, వైసీపీ ఎమ్మెల్యే బుగ్గన రాజేంద్రనాథ్ రెడ్డి అధ్యక్షతన బుధ వారం రెండో రోజు జరిగిన సమావేశంలో ఈ నిర్ణయం తీసుకొన్నారు.

విశ్వసనీయ సమాచారం మేరకు.. రాష్ట్రంలో దాదాపు 53వేలకు పైగా ఉన్న పీడీ అకౌంట్లపై కాగ్ లేవనెత్తిన అభ్యం తరాల పై చర్చ జరిగింది. ఆర్థిక శాఖ ముఖ్యకార్యదర్శి ముద్దాడ రవిచంద్ర ఈ ఖాతాలను ఎందుకు తెరుస్తారో.. వాటివల్ల ప్రయోజనాలేమిటో.. వివిధ ప్రభుత్వాల హయాంలలో ఉన్న ఈ ఖాతాల గురించి కమిటీకి వివరించారు. దీంతో ఈ ఖాతాల పై కాగ్ లేవనెత్తిన అభ్యంతరాలను ఉపసంహరిస్తూ పదుల కమిటీ నిర్ణయం తీసుకుంది. పీఏసీ నిర్ణయంతో ఆర్థికశాఖ అధికారులు ఊపిరి పీల్చుకున్నారు. ఈ ఖాతాల పై జీవీఎల్ నరసింహారావు ఆడిన అబద్ధాలు అన్నీ ఇన్నీ కావు. 53 వేల కోట్ల స్కాం జరిగింది అంటూ, హడావిడి చేసాడు. ఇప్పుడు వైసీపీ ఆధ్వర్యంలోని కమిటీనే, ఇవి సక్రమం అని తేల్చింది.

ఇది ఒక్కటే కాదు, పెన్నా డెల్టా, తుంగ భద్ర ప్రాజెక్టు లో లెవెల్ కెనాల్ పనులు, 2012-13లో వరద కాలువ పనులు, హైదరాబాద్- శ్రీశైలం రోడ్డు నిర్మాణంలో ప్రణాళికా లేమి, 2012-13లో నిజాం సాగర్, గోదావరి డెల్లా సిస్టమ్ ఆధునీకరణ పనుల పై కాగ్ లేవనెత్తిన అభ్యంతరాలను, తుంగభద్ర కాలువ పనులపై కాగ్ లేవనెత్తిన అంశాలనూ పద్దుల కమిటీ ఉపసంహరించింది. మొత్తానికి, పాపం వైసీపీకి వింత పరిస్థితి. ఒక పక్క, బీజేపీ మాటలు వినాలి, వాళ్ళు చేసే పనికిమాలిన ఆరోపణలను సమర్ధించాలి. మరో పక్క, రాష్ట్ర ప్రజా పద్దుల కమిటీలో ఉంటూ, రూల్స్ ఫాలో అవ్వాల్సిన పరిస్థితి. రూల్స్ ప్రకారం వెళ్ళాల్సిన తప్పని పరిస్థితి. రూల్స్ ప్రకారం, అన్నీ పర్ఫెక్ట్ గా ఉండటంతో, ఆరోపణలు చేసిన నోటితోనే, అన్నీ సక్రమం అని సర్టిఫై చేసారు. జీవీఎల్ చేసిన ఆరోపణలు అన్నీ తుస్సు అని తేల్చేసారు.

‘‘వైసీపీ అధ్యక్షుడు వైఎస్‌ జగన్‌ కోడి కత్తి గా యం ఓ డ్రామా. కోడికత్తి గాకుండా ఎవడైనా పెద్ద కత్తి తో జగన్‌కు చిన్న గాయం చేసినా మా చంద్రబాబు కొంప మునిగేది. అక్కడ కూడా వైసీపీ వాళ్ల తెలివి పనిచేయలేదు. అంత తిక్క వ్యక్తి జగన్‌ సీఎం అయితే ఇక అంతే’’ అని ఎంపీ జేసీ దివాకర్‌రెడ్డి ఎద్దేవా చేశారు. హంద్రీ-నీవా ప్రాజెక్టు 36వ ప్యాకేజీ కాలువలపై శాసనమండలి చీఫ్‌విప్‌ పయ్యావుల కేశవ్‌ చేపట్టిన రెండు రోజుల పాదయాత్ర ముగింపు సందర్భంగా ఆదివారం ఉరవకొండ నియోజకవర్గం బెళుగుప్ప మండలం శీర్పి చెరువులో ఏర్పాటుచేసిన బహిరంగ సభలో ఆయన మాట్లాడారు. ఎన్ని సంక్షేమ పథకాలు అమలు చేసినా ప్రజలు మరచిపోతారని, అయితే సాగునీరందిస్తే మాత్రం ఏళ్లకాలం గుర్తు పెట్టుకుంటారన్నారు.

‘‘మా వాడు జగన్‌.. పేరుకు రెడ్డే కానీ రెడ్లకుండే దాతృత్వం లేదు. జగన్‌..! ఇప్పుడు కూడా నేను నీ మేలు కోరేవాడినే. నీకు ఇద్దరు కూతుళ్లున్నారు. చ క్కగా ఫ్యాక్టరీలున్నాయ్‌.. లక్షణంగా బతుకు. నేనే ఎన్నికల్లో పోటీ చేయకుండా రమించుకోవాలనుకుంటున్నా. కానీ చంద్రబాబు మరో పదే ళ్లు.. కనీసం ఐదు సంవత్సరాలు సీఎంగా ఉంటేనే అనంతపురం జిల్లా సస్యశ్యామలమవుతుంది. వచ్చే ఎన్నికల్లో 30 శాతం అభ్యర్థులను మార్చకపోతే చంద్రబాబుకు అధికారం గోవిందా. ఆయన ముందుచూపు న్న నాయకుడు. సీఎం కావాలనుకునే వ్యక్తి రాష్ట్ర ప్రజలంతా బాగుండాలని కోరుకుంటారు. జగన్‌కు కామన్‌సెన్స్‌ లేదు. పట్టిసీమను చంద్రబాబు తీసుకొస్తే దాన్ని వద్దనేవాడుంటాడా? దశాబ్దాల కిందటే నిపుణులు ఈ రాష్ట్రంలో సాగునీటి సమస్య పరిష్కారానికి నదుల అనుసంధానమే మార్గమని సూచించారు.

దాన్ని అమలు చేసి చూపించిన ఏకైక నాయకుడు చంద్రబాబు. జిల్లాలో నిర్మించిన బీటీపీకి నీరెప్పుడొస్తుందిరా.. అని మా నీలం సంజీవరెడ్డి అనేవాడు. ఆయన కలను ఇప్పుడు నిజం చేయబోతున్నారు. ఎవరూ ఊహించని విధంగా గోదావరి, కృష్ణా నదులను చంద్రబాబు అనుసంధానం చేశాడు’’ అన్నారు. నదుల అనుసంధానంతో రాష్ట్రంలోని రైతాంగాన్ని సాగునీటి ప్రాజెకుల ద్వారా ఆదుకోవడానికి నిరంతరం శ్రమిస్తున్నారన్నారు. రాయదుర్గం నియోజకవర్గంలోని బీటీపీకి నీరందించేందుకు గతనెలలో భూమిపూజ చేశారన్నారు. అంతేగాకుండా ప్రతి ఇంటికీ సంక్షేమ పథకాలను అందించిన ఘనత చంద్రబాబుకే దక్కుతుందన్నారు.