news

విశాఖపట్నం వస్తుందని భావించిన అతిపెద్ద యుద్ధ విమాన వాహకనౌక ఐఎన్‌ఎ్‌స విరాట్‌ను మహారాష్ట్ర తన్నుకుపోయింది. దీంతో రాష్ట్రం ఆశలపై కేంద్ర ప్రభుత్వం నీళ్లు చల్లినట్లయింది. దీన్ని రాష్ట్రానికి తీసుకొచ్చి పర్యాటక రంగానికి ప్రధాన ఆకర్షణగా మలచాలని సీఎం చంద్రబాబు ఎంతో ప్రయత్నించారు. ఢిల్లీకి వెళ్లినపుడల్లా రక్షణశాఖ అధికారులతో దీనిపై చర్చిస్తూనే ఉన్నారు. విశాఖ సాగరతీరంలో ఫ్లోటింగ్‌ హోటల్‌గా మార్చాలనుకున్నారు. అంతపెద్ద నౌకను తీరానికి చేర్చడం కష్టమైన పని కాబట్టి, నీటిలోనే ఉంచాలని నిర్ణయించారు. భీమిలిలో 500ఎకరాల స్థలాన్ని కూడా గుర్తించారు. సుమారు రూ.వేయి కోట్ల అంచనా వ్యయంతో డీపీఆర్‌ రూపొందించారు.

2016 ప్రథమార్ధం నుంచి విరాట్‌పై పోటీ నెలకొంది. ఇప్పుడు మహారాష్ట్ర దాదాపు ముందు వరుసలోకి వచ్చేసిందన్న వార్తలు వినిపిస్తున్నాయి. కేంద్రం, మహారాష్ట్రలో ఒకే పార్టీ అధికారంలో ఉండడం, కేంద్రం-ఏపీ మధ్య నెలకొన్న రాజకీయ అంతరం, తదితర పరిణామాలు నేపథ్యంలో నౌక మహారాష్ట్రకే దక్కే అవకాశం ఉందన్న వాదన వినిపిస్తోంది. 2016 ఫిబ్రవరిలో రాష్ట్ర పర్యాటకశాఖ నిర్వహించిన సమావేశంలో, కేంద్రం మనకు ఇవ్వటానికి సమ్మతించిందని ముఖ్యమంత్రి చంద్రబాబునాయుడు వెల్లడించారు. 2017 జూన్‌లో విరాట్‌ను డీ కమిషన్‌ చేశారు...కానీ, ఏపీకి కేటాయిస్తున్నట్లు అధికారిక ఉత్తర్వులు వెలువడలేదు. తర్వాత ముఖ్యమంత్రి కేంద్రానికి, రక్షణశాఖకు రెండుసార్లు లేఖలు రాసారు. అయితే మారిన రాజకీయ పరిస్థుతుల్లో, ఏపి మరో మొండిచెయ్యి ఇచ్చింది కేంద్రం.

విరాట్‌కు ఏ యుద్ధనౌకకు లేని చరిత్ర వుంది. ప్రపంచంలో ఎక్కువ కాలం సేవలందించినది ఇదే. యునైటెడ్‌ కింగ్‌డమ్‌లో 1959 నుంచి 1980 వరకు ‘హెచ్ ఎంఎస్ హెర్మస్‌’ పేరుతో పనిచేసింది. వారి నుంచి 650 లక్షల డాలర్లకు కొనుగోలు చేసి, 12 మార్చి 1987న భారత నౌకాదళంలోకి తీసుకొచ్చారు. అప్పటి నుంచి ఇప్పటివరకు విరామం లేకుండా సేవలు అందించింది. దేశంలో డీ కమిషనింగ్‌ జరిగిన యుద్ధ విమాన వాహక నౌకల్లో మొదటిది విక్రాంత కాగా రెండోది విరాట్‌. ప్రతి యుద్ధనౌకకు ఒక నినాదం ఉంటుంది. విరాట్‌ నినాదం మాత్రం చాలా శక్తిమంతంగా, స్ఫూర్తినిచ్చేదిగా ఉంటుందని నేవీ అధికారులు చెబుతున్నారు. ‘జలమేవ యశ్యే...బలమేవ తశ్యే’’ అనే నినాదం విరాట్‌పై ఉంటుంది. అంటే... సముద్రాన్ని శాసించేవారే శక్తివంతులు అనేది దాని అర్థం. ఆ విధంగానే విరాట్‌ పనిచేసింది.

నిన్న పోలవరం ప్రాంతంలో, ఉదయం 8 గంటల సమయంలో ఒక్కసారిగా కలకలం. మెటల్‌ రోడ్డు మెల్లమెల్లగా ఉబికి రావడం మొదలైంది. పైకి వస్తున్న నడిరోడ్డుపై చీలికలు,ఒకటీ రెండూ కాదు... అలా సుమారు ఆరు అడుగుల ఎత్తునా రోడ్డు ఉబికి వచ్చింది. రోడ్డు మొత్తం ఖండఖండాలుగా విడిపోయింది. అయితే, నిర్మాణంలో ఉన్న పోలవరం ప్రాజెక్టు ప్రాంతానికి... ఈ ఘటన జరిగిన రోడ్డు చాలా దూరంగా ఉంటుంది. కడెమ్మ వంతెన వద్ద ఉన్న పోలీసు చెక్‌పోస్టుకు కూతవేటు దూరంలో ఈ ఘటన జరిగింది. ఇక్కడ జరిగిన దానికి, పోలవరం ప్రాజెక్ట్ నిర్మాణానికి అసలు సంబంధమే ఉండదు.

అయితే, ఇలాంటి అవకాశాలు కోసం, పేలాలు ఏరుకునే బ్యాచ్ మన రాష్ట్రంలో ఎక్కువ కదా.. వెంటనే విష ప్రచారం మొదలు పెట్టారు. పోలవరం ప్రాజెక్ట్ లో భూకంపం వచ్చిందని, నిర్మాణం సరిగ్గా చెయ్యటం లేదని, అందుకే ప్రాజెక్ట్ కూలిపోతుందని, చంద్రబాబు వారం వారం సమీక్ష చేసేది ఇదేనా అంటూ మొదలు పెట్టారు. పవన్ ట్వీట్లతో ఏడుస్తుంటే, ఇక మన జగన్ గారు, తమ అవినీతి ఛానెల్ లో ఒకటే ఏడుపు. ప్రాజెక్ట్ నిర్మాణానికి, దీనికి సంబంధం లేదు అని చెప్పినా, అదే ట్యూన్. అసలేం జరిగిందంటే... పోలవరం మీదుగా పలు గ్రామాలకు వెళ్లే రహదారి చాలా ఏళ్లుగా ఉంది. చిన్నగా ఉన్న రోడ్డును ఆ తర్వాత ప్రాజెక్టు అవసరాల దృష్ట్యా వెడల్పు చేశారు. ప్రాజెక్టులో తీసిన మట్టిని డంపింగ్‌ యార్డుకు తరలించేందుకు ఈ రహదారిని ఆనుకునే, కొంచెం దిగువన ట్రాన్స్‌ట్రాయ్‌ సంస్థ మట్టితో మరో రహదారి నిర్మించింది.

ఈ మట్టి రోడ్డుపై దాదాపు నిమిషానికొకటి వంద టన్నుల లోడ్‌తో ట్రక్కులు తిరుగుతున్నాయి. అతి భారీ యంత్రాలు తిరగడంతో మట్టి రోడ్డు ఒత్తిడికి గురై మెల్లమెల్లగా కుంగుతూ వచ్చింది. దీని ప్రభావం పక్కనే ఉన్న తారు రోడ్డుపై పడింది. లోలోపలే ఒత్తిడి పెరిగింది. అది తట్టుకోలేనంతగా పెరిగి శనివారం ఉదయం ువిస్ఫోటం్‌లా మారింది. మెల్లమెల్లగా ఉబుకుతూ రోడ్డు ముక్కలు ముక్కలుగా మారింది. ఇది భూకంపం కాదని, మట్టి రోడ్డుపై పడిన భారీ ఒత్తిడి వల్ల... పక్కనే ఉన్న తారు రోడ్డు తీవ్రంగా దెబ్బతిందని ఇంజనీర్లు తెలిపారు. అయితే ఈ రోడ్ దెబ్బ తినటంతో, కేవలం గంట వ్యవధిలోని పోలీసు చెక్‌పోస్టుకు ఎదురుగా ఉన్న డంపింగ్‌యార్డు మీదుగా వాహనాల రాకపోకలకు శనివారం సాయంత్రానికి ర్యాంపు ఏర్పాటు చేశారు. ప్రాజెక్టు అధికారులు, ఏజన్సీ వాసులు దానిపై నుంచి రాకపోకలు సాగిస్తున్నారు. ఇక్కడ నిన్న మధ్యాన్నం రెండు గంటల నుంచే, అంతా సాధారణ స్థితి నెలకుంది. ఇంత భారీ నిర్మాణం జరుగుతుంటే, చిన్న చిన్న సమస్యలు కూడా, పెద్దవిగా చూపిస్తూ, చంద్రబాబు మీద ఏడ్చే బ్యాచ్ మన రాష్ట్రంలో ఎక్కువ కాబట్టి, అన్నిటికీ వివరణలు ఇవ్వాల్సిన పరిస్థితి.

ఇన్నాళ్ళు తమకు విపక్షమే లేదని, రాహుల్ గాంధి అసలు పోటీనే కాదని, విర్రవీగిన ఢిల్లీ పెద్దలకు, చంద్రబాబు రెండు సార్లు ఢిల్లీ పర్యటన చేసి షాక్ ఇచ్చి వచ్చారు. దాదపుగా 15 విపక్ష పార్టీలను ఒక్కతాటి పైకి తీసుకువచ్చారు. మాయవతితో గేమ్ ఆడిద్దాం అనుకున్న అమిత్ షా వ్యూహానికి, చంద్రబాబు చెక్ పెట్టారు. కేవలం రెండు సార్లు ఢిల్లీ వెళ్లి, ఈ పనులు అన్నీ చక్కబెట్టుకుని వచ్చారు. ఇప్పుడు తరువాత స్టెప్ కూటమి ఆఫిషయల్ గా అనౌన్స్ చెయ్యటం. ఒక్కసారి ఇది జరిగిన తరువాత, ఇక మోడీ-షా లకు చుక్కలు కనిపిస్తాయి. ఎందుకంటే అక్కడ ఉంది రాహుల్ గాంధి కాదు, చంద్రబాబు.

యునైటెడ్ ఫ్రంట్ దగ్గర నుంచి వాజ్ పాయి ఎన్డీఏ దాకా, చంద్రబాబు పాత్ర ఏమిటో, కూటమి కట్టి చంద్రబాబు ఏమి చెయ్యగలరో, మోడ-షా లకు బాగా తెలుసు. అటు లెఫ్ట్ పార్టీ లను, ఇటు రైట్ పార్టీలను ఒకే తాటి పాటి ఉంచే శక్తి చంద్రబాబుకి మాత్రమే ఉందనేది అందిరికీ తెలిసిందే. ఇప్పుడు చంద్రబాబు ఢిల్లీలో చూపిస్తున్న చొరవ, టాక్ అఫ్ ది నేషన్ అయ్యింది. దీంతో, ఈ విషయం పై, మోడీ స్పందించారు. కేవలం తమ కుమారులకు అధికారం కట్టబెట్టడం కోసమే కొన్ని విపక్షాలు ఒక్కటవుతున్నాయి తప్ప సిద్ధాంతపరమైన సారూప్యతతో కాదని మోడీ అన్నారు. మోదీని ఓడించడమే ఏకైక లక్ష్యంగా చంద్రబాబు, రాహుల్‌ చేతులు కలపడం, 15 పార్టీలతో జాతీయ ఫ్రంట్‌ ఏర్పరచనున్నట్లు ప్రకటించడంతో మోదీ ఈ వ్యాఖ్యలు చేయడం విశేషం.

ఎవరి పేరూ ఎత్తకుండా ఆయన తొలిసారిగా ఈ జాతీయ ఫ్రంట్‌పై స్పందించారు. అనువంశిక పాలన పేరుతో రాహుల్‌, చంద్రబాబులిద్దరినీ ఆయన టార్గెట్‌ చేశారు. ఐదు లోక్‌సభ నియోజకవర్గాల బీజేపీ కార్యకర్తలతో ఆయన వీడియో కాన్ఫరెన్స్‌ ద్వారా మాట్లాడారు.‘‘ఏకే-47 పేల్చినపుడు బుల్లెట్లు శరపరంపరగా బయటకొస్తాయి. అదే రీతిన అబద్ధాలను పేలుస్తున్నారు. విపక్షాలు కావవి..అబద్ధాలు వెళ్లగక్కే యంత్రాలు’’ అని ప్రధాని విరుచుకుపడ్డారు. అయితే, చంద్రబాబు, రాహుల్ కలియికలో, వాళ్ళు ప్రధానంగా చెప్పింది, వ్యవస్తులు నాశనం అవుతున్నాయని, సుప్రీం కోర్ట్ దగ్గర నుంచి ఆర్బీఐ దాకా, మోడీ చేస్తున్న చేతకాని పాలన్ని విమర్శ చేస్తే, మోడీ మాత్రం, ఆ విషయం పై స్పందించకుండా, ఏపి విభజన హామీల పై చంద్రబాబు తిరగబడితే, ఆ విషయం పై స్పందించకుండా, తనకు బాగా వచ్చిన ఆక్టింగ్ తో మాయ చేస్తున్నారు.