news

ఐఏఎస్, ఐపిఎస్ ఆఫీసర్లు అంటే ఇది వరకు ఒక విలువ ఉండేది. మన వ్యవస్థలో రాజకీయ నాయకులు ఎంతో, అధికార యంత్రాంగం అంత. మొన్నటి వరకు అధికారులు నిక్కచ్చిగా ఉండేవారు. ముఖ్యమంత్రి, మంత్రి తప్పులు చేస్తే తప్పు అని చెప్పే వారు. ఇప్పుడు పరిస్థితి మారిపోయింది. అడ్డగోలు నిర్ణయాలు తీసుకుంటున్నారు. ఇష్టం వచ్చినట్టు చేస్తున్నారు. అధికారులు డమ్మీ అయిపోయారు. ముఖ్యమంత్రి కానీ, ఆయన కింద ఉండే సలహాదారులు కానీ ఏది చెప్తే, అధికారులు అది చేయాలి. ఆ ఫైల్ మీద సంతకం పెట్టాలి. ఆ జీవో విడుదల చేయాలి. ఇదే వారి పాలిత శాపం అవుతుంది. డీజీపీ నుంచి చీఫ్ సెక్రటరీ దాకా, సీనియర్ ఐఏఎస్ ఆఫీసర్ల నుంచి కింద స్థాయి అధికారులు దాకా అందరూ, కోర్టు ముందు దోషిగా నిలబడాల్సిన పరిస్థితి. రెండు రోజుల క్రితం ఏపిలోని ఎనిమిది మంది ఐఏఎస్ ఆఫీసర్లకు కోర్టు శిక్ష విధించిన సంగతి, దేశ వ్యాప్తంగా చర్చకు దారి తీసింది. గతంలో అనుభవాలు తెలిసి కూడా, ఐఏఎస్ ఆఫీసర్లు ఇలా వ్యవహరించటం పై, విస్మయం వ్యక్తం అవుతుంది. ఎప్పుడైనా ప్రభుత్వం ఏదైనా తప్పు చేసి, కోర్టు శిక్ష వేస్తే, దానికి బలి అయ్యేది ముఖ్యమంత్రో, మంత్రో కాదు, కేవలం అక్కడ ఉన్న అధికారులు మాత్రమే. అన్నీ తెలిసి కూడా అధికారులు ఇలా వ్యవహరించటం పై రిటైర్డ్ ఐఏఎస్ ఆఫీసర్లు ఆశ్చర్యం వ్యక్తం చేస్తున్నారు.

మాజీ చీఫ్ సెక్రటరీ ఎల్వీ శుభ్రమణ్యం మాట్లాడుతూ, ఇది వరకు అధికారులు తమ అభిప్రాయాన్ని ఫైల్ లో రాసేవారని, ఇప్పుడు ఆ పరిస్థితి లేకుండా పోయిందని, వీళ్ళు భయపడకుండా పని చేయాలని, మహా అయితే ట్రాన్స్ఫర్ చేస్తారు కానీ, సస్పెండ్ చేసే అధికారం వాళ్లకు లేదని అన్నారు. మరో మాజీ చీఫ్ సెక్రటరీ ఐవైఆర్ కృష్ణా రావు మాట్లాడుతూ, సలహాదారులు వ్యవస్థ అధికారుల పై ఎక్కువ పెత్తనం చేస్తూ, వాళ్ళు చెప్పిందే జరిగాలి అనే విధంగా ప్రవర్తిస్తున్నారు కాబట్టే, అధికారులు బలి అవుతున్నారని అన్నారు. ఇక మొన్నటి వరకు జగన్ సిఎంవోలో పని చేసిన పీవీ రమేష్ మాట్లాడుతూ, 2012లో అనేక మంది అధికారులు జైలుకు వెళ్లి వచ్చినా అధికారులు మారలేదని, దీని పై వారు సీరియస్ గా ఆలోచించాల్సిన అవసరం ఉందని అన్నారు. చివరకు ఎమ్మెల్యే కూడా పెత్తనం చేసేస్తున్నాడు అంటూ అసహనం వ్యక్తం చేసారు. ఇక సిబిఐ మాజీ జేడీ లక్ష్మీనారాయణ మాట్లాడుతూ, కోర్టు చేసేది రిఫరీ పని అని, ప్రభుత్వాలు తప్పు చేయకుండా ఉంటే, కోర్టులకు ఏమి పని ఉంటుంది అంటూ వ్యాఖ్యానించారు. మరి ఇంత మంది మాజీ అధికారులు చెప్పిన తరువాత అయినా, ప్రభుత్వం మారుతుందో లేదో మరి.

నిన్న ఆంధ్రప్రదేశ్ లో పద్మావతి ట్రావెల్స్ బస్సులో పెద్ద ఎత్తున డబ్బు పట్టుబడిన సంగతి తెలిసిందే. శ్రీకాకుళం నుంచి విజయవాడ వెళ్తున్న పద్మావతి ట్రావెల్స్ బస్సులో నల్లజర్ల మండలం వీరవల్లి చెక్ పోస్ట్ దగ్గర 4.76 కోట్ల నగదును పోలీసులు పట్టుకున్నారు. పద్మావతి ట్రావెల్స్ కు చెందిన రెండు బస్సుల్లో భారీగా డబ్బుతో పాటుగా, బంగారం కూడా గుర్తించారు. స్సు లగేజ్ డిక్కీలలో, సీట్ల కింద నోట్ల కట్టలు ఉంచి డబ్బుని రవాణా చేస్తూ ఉండగా, పట్టుకున్నారు. ఒక్కో బాక్సులో రూ.80 లక్షల వరకు డబ్బు ఉంచి, అనేక బాక్సుల్లో తరలించారు. శ్రీకాకుళం నుంచి గుంటూరు వెళ్తున్న AP39 TB 7555 బస్సుతో పాటు, మరో బస్సులో ఈ డబ్బు పట్టుకున్నారు. అయితే దీని పై పోలీసులు నిన్నటి నుంచి విచారణ చేస్తున్నారు. ఈ డబ్బు మొత్తం విజయవాడకు చెందిన బంగారం వ్యాపారుల డబ్బు అని మొదటిగా భావించారు. అయితే ఇప్పటి వరకు ఈ డబ్బు మాది అంటూ ఎవరు రాకపోవటంతో, ఈ విషయంలో ట్విస్ట్ నెలకొంది. బంగారం వ్యాపారులు అయితే ఇప్పటి వరకు ఎందుకు రాకుండా ఉంటారు అనే చర్చ నడుస్తుంది. ఇప్పటికే బస్సు డ్రైవర్ ని, క్లీనర్ ని అదుపులోకి తీసుకుని విచారణ చేస్తున్నారు. మొత్తం ఏడుగురుని అదుపులోకి తీసుకుని ఈ విషయం పై పోలీసులు విచారణ చేస్తున్నారు.

అయితే వారి నుంచి కూడా సరైన సమాధానం రావటం లేదు. దీంతో ఎవరైనా వచ్చి ఈ డబ్బు తమదని చెప్తారని పోలీసులు భావిస్తున్నా, ఇప్పటి వరకు బంగారం వ్యాపారులు ఇది తమ డబ్బే అంటూ ఎవరూ రాకవపోవటంతో , ఇది పెద్ద మిస్టరీగా మారింది. ఈ డబ్బు మొత్తం ప్రస్తుతం ఏలూరు ట్రెజరీ ఆఫీస్ లో ఉంది. 4.76 కోట్ల నగదుతో పాటుగా, బంగారం కూడా ఉంది. ఇది మాది అని ఇప్పటి వరకు ఎవరూ రాలేదు. అయితే ఇదే సమయంలో తూర్పు గోదావరి జిల్లాలో దొరికిన డబ్బు విషయంలో మాత్రం, ఆ డబ్బు తమదే అని వ్యాపారాలు వచ్చి, లెక్కలు చెప్తున్నారు. ఇక్కడ పశ్చిమ గోదావరి జిల్లాలో దొరికిన డబ్బుకు మాత్రం, ఇప్పటి వరకు ఎవరూ ముందుకు రాకపోవటంతో, పోలీసులు కూడా ఈ విషయం పై దర్యాప్తు చేస్తున్నారు. ఈ బాక్సులు ఎవరు బస్సులో పెట్టారు, ఈ బాక్సులు ఎక్కడికి వెళ్తున్నాయి, ఎవరికీ అంద చేయమని ఆదేశాలు ఉన్నాయని, అనే అంశం పై స్పష్టత వస్తే, ఈ కేసు ఈజీగానే తేలిపోతుంది. మరి ఈ మిస్టరీ ఎప్పటికి తేలుతుందో చూడాలి మరి.

జగన్ మోహన్ రెడ్డి అధికారంలోకి వచ్చి మూడేళ్ళు అయ్యింది. ఈ మూడేళ్ళలో చెప్పుకోదగిన పని ఏమైనా ఉందా అంటే ఒక్కటంటే ఒక్కటి కూడా లేదు. కానీ చెడగొట్టిన పనుల లిస్టు అయితే చాంతాడు అంత ఉంది. ఆ పని నీకు ఎందుకు చేయటం చేతకాలేదు అంటే, మొత్తం చంద్రబాబే చేసాడు అని చెప్పి తప్పించుకుంటున్నారు. ఏది అడిగినా చంద్రబాబు చంద్రబాబు చంద్రబాబు. ఇదే కోవలో పోలవరం కూడా వచ్చి చేరింది. చంద్రబాబు ఉన్న సమయంలో, పోలవరం పనులు పరుగులు పెట్టాయి. కొండలను పిండి చేసి, 72 శాతం పోలవరం పనులు పరిగెత్తించారు. జగన్ మోహన్ రెడ్డి వచ్చిన తరువాత, ఆ పనులు కొనసాగించి ఉంటే, పోలవరం మొదలయ్యి రెండేళ్ళు అయ్యేది. రివర్స్ టెండరింగ్ డ్రామాలతో మొదలు పెట్టి, ఇప్పటి దాకా ఏ పని చేయకుండా, కేవలం 4 శాతం పనులు చేసి, ప్రతి ఏడాది, అదిగో పూర్తి చేస్తున్నా, ఇదిగో పూర్తి చేస్తున్నాం అని, డబ్బా కొట్టారు. మొన్న జరిగిన అసెంబ్లీ సమావేశంలో, మూడేళ్ళు అయ్యింది ఎందుకు పోలవరం పూర్తి చేయలేదని అడిగితే, మంత్రి అనిల్ కుమార్ యాదవ్, జగన్ మోహన్ రెడ్డి టిడిపి పై విరుచుకు పడ్డారు. మొత్తం చంద్రబాబు చేసిన ఘనకార్యమే అని, చంద్రబాబు కట్టిన డయాఫ్రం వాల్ దెబ్బతిందని, అందుకే పోలవరం లేట్ అయ్యిందని అన్నారు.

చంద్రబాబు కట్టిన డయాఫ్రం వాల్ దెబ్బ తినటంతో, దాన్ని రిపేర్ చేసే పనిలో ఉన్నామని అసెంబ్లీలో చెప్పారు. అయితే ఇదే విషయం పై, డిజైన్ల అప్రోవల్ కోసం ఏపి అధికారులు, కేంద్రం వద్దకు వెళ్లారు. ఇక్కడే అసలు ట్విస్ట్ నెలకొంది. ఒక పక్క ప్రాజెక్ట్ ఏరియాలో అంత వరద ఉంటే, డయాఫ్రం వాల్ దెబ్బతిందని, మీరు ఎలా చెప్పగలుగుతున్నారు అంటూ కేంద్రం ఏపి అధికారులను ప్రశ్నించింది. ముందు ప్రాజెక్ట్ ఏరియాలో వరద మొత్తం తోడి, అసలు అక్కడ నిజంగా డయాఫ్రం వాల్ దెబ్బ తిందో లేదో చెప్పాలని, అసలు అక్కడ ఏమి జరిగిందో తెలియకుండా, మీరు ఊహించుకుని ఎలా చెప్తారని, ఈ నెల 15న పూర్తి సమాచారంతో, తమ వద్దకు రావాలని, కేంద్ర జల శక్తి శాఖా మంత్రి చెప్పటంతో, అధికారులు తిరిగి వచ్చారు. అంటే ఇన్నాళ్ళు జగన్ ప్రభుత్వం, చంద్రబాబు వల్లే డయాఫ్రం వాల్ డామేజ్ అయ్యిందని చెప్పి విషయం తప్పు అని తేలింది. ఎలాంటి ఆధారాలు లేకుండా, రాష్ట్ర ప్రభుత్వం, రాజకీయ లబ్ది కోసం ఈ వ్యాఖ్యలు చేసినట్టు అర్ధం అవుతుంది.