news

అందరి రాజకీయ నాయకుల్లాగా ఓట్లు సీట్లు కోసమే కాదు, భవిష్యత్తు తరాల గురించి ఇప్పటి నుంచే ఆలోచించే నేత చంద్రబాబు. అందుకే అభివృద్ధి, సంక్షేమం మాత్రామే కాదు, ఎన్నో రిఫార్మ్స్ కూడా తీసుకువచ్చి, సమాజంలో మార్పు కోసం ప్రయత్నం చేస్తూ ఉంటారు. అందులో భాగంగానే ఫిజికల్ లిటరసీని ప్రోత్సహిస్తున్నారు. ఇందులో భాగంగా, ‘ప్రాజెక్టు గాండీవ’ పేరుతో, రాష్ట్రానికి మంచి క్రీడాకారులని తయారు చేసే కార్యక్రమం మొదలు పెట్టారు. క్రీడాభివృద్ధి పై ముఖ్యమంత్రి చంద్రబాబు సమీక్ష చేసారు. ఒలింపిక్ పోటీలలో పతకాలు సాధించడమే లక్ష్యంగా ‘ప్రాజెక్టు గాండీవ’ పేరుతో ప్రత్యేక శిక్షణా కార్యక్రమాన్ని చేపట్టినట్టు ప్రత్యేక ప్రధాన కార్యదర్శి ఎల్‌వీ సుబ్రహ్మణ్యం ముఖ్యమంత్రికి తెలియజేశారు. ఈ ప్రాజెక్టులో భాగంగా ప్రస్తుతం రాష్ట్రంలోని అన్ని పాఠశాలల్లో ప్రతిభావంతులను ఎంపికచేసే ప్రక్రియ జరుగుతోందని చెప్పారు.

ఈనెల 20లోగా అథ్లెట్ల ఎంపిక పూర్తవుతుందని, మలిదశలో వీరిని ‘సెంటర్ ఆఫ్ ఎక్స్‌లెన్స్’కు పంపించి అక్కడ అంతర్జాతీయ ప్రమాణాలతో కూడిన శిక్షణ అందిస్తామని తెలిపారు. ‘పాంచజన్య’ ప్రాజెక్టు కింద బాస్కెట్ బాల్, ఫుట్ బాల్, హాకీ, సైక్లింగ్, ఖోఖో, కబడ్డీ, హ్యాండ్ బాల్, వాలీబాల్ తదితర క్రీడలలో విద్యార్థులకు శిక్షణ అందిస్తున్నామని చెప్పారు. అన్ని పాఠశాలలో ఫిజికల్ లిటరసీని ప్రోత్సహిస్తున్నామన్నారు. రాష్ట్రంలో వున్న అన్ని ఎస్‌సీ, ఎస్‌టీ గురుకుల పాఠశాలల్లో అత్యాధునిక క్రీడా వసతులను ఏర్పాటు చేస్తున్నామని శాప్ మేనేజింగ్ డైరెక్టర్ బంగార్రాజు చెప్పారు. విశాఖపట్నం, తిరుపతి, అమరావతిలను క్రీడా నగరాలుగా తీర్చిదిద్దే కృషిలో వేగం పెంచాలని ముఖ్యమంత్రి సూచించారు. అన్ని జిల్లాలలో క్రీడలకు అవసరమైన అవుడ్డోర్, ఇండోర్ స్టేడియాలు, ఇతర క్రీడా సదుపాయాలను కల్పించాలని చెప్పారు. అంతర్జాతీయ క్రీడా పోటీలలో మన విద్యార్థులు పతకాలను గెలుచుకునే స్థాయికి ఎదగాలని చెప్పారు.

అనంతపురము జిల్లా కేంద్రంలో 25 ఎకరాల విస్తీర్ణంలో రూ.25 కోట్ల వ్యయంతో ఇండోర్, అవుడ్డోర్ స్పోర్ట్స్ స్టేడియాన్ని ఏర్పాటు చేస్తున్నామని యువజన, క్రీడా వ్యవహారాల శాఖ ప్రత్యేక ప్రధాన కార్యదర్శి ఎల్‌వీ సుబ్రహ్మణ్యం ముఖ్యమంత్రికి వివరించారు. ప్రఖ్యాత అమెరికన్ స్పోర్ట్స్ యూనివర్శిటీ, ఏపీ స్పోర్ట్స్ యూనివర్శిటీ సహకారంతో విశాఖ నగరంలో 250 ఎకరాలలో పీపీపీ పద్ధతిలో స్పోర్ట్స్ సిటీని ఏర్పాటుచేస్తున్నట్టు చెప్పారు. తిరుపతిలో పీపీపీ విధానంలోనే 70 ఎకరాల విస్తీర్ణంలో స్పోర్ట్స్ సిటీని నెలకొల్పుతున్నామన్నారు. ఒంగోలులో స్పోర్ట్స్ స్టేడియం ఏర్పాటుకు కేటాయించిన 40 ఎకరాల స్థలం విషయంలో లీగల్ వివాదాలు తలెత్తినందున మరో స్థలాన్ని గుర్తించే పనిలో వున్నామని తెలిపారు. విజయవాడ విద్యాధరపురంలో 9 ఎకరాలలో స్పోర్ట్ షాపింగ్ కాంప్లెక్స్ సిద్ధం చేస్తున్నామన్నారు. రూ.175 కోట్ల వ్యయంతో పీపీపీ పద్ధతిలో చేపట్టిన బీఆర్ స్టేడియం నిర్మాణ పనులు టెండర్ల దశలో ఉన్నాయని చెప్పారు.

ఢిల్లీలో జరుగుతున్న పరిణామాలు అన్నీ చంద్రబాబు నిశితంగా గమనిస్తున్నారు. తెలుగుదేశం పార్టీ సీనియర్ నేతలు, ఎంపీలతో రాజకీయ విషయాల పై మాట్లాడుతూ, అధికారులతో కేంద్రం చేసిన అన్యాయం పై మరింత సమాచారం తెప్పించుకుంటూ, సంప్రదింపులు కొనసాగిస్తున్నారు. అవిశ్వాసంపై చర్చకు స్పీకర్‌ ఆమోదం తెలపడంతో చకచకా పావులు కదపాలని సీఎం చంద్రబాబు ఆలోచిస్తున్నారు. దేశ వ్యాప్తంగా వివిధ పార్టీలకు చెందిన, మోడీ వ్యతిరేకుల మద్దతు కూడగట్టేలా మరింత దూకుడుగా వెళ్లాలని అనుకుంటున్నారు. లోక్‌సభ స్పీకర్ సుమిత్రామహజన్ ఆమోదం తెలిపిన నేపథ్యంలో ముఖ్యమంత్రి, టీడీపీ అధినేత చంద్రబాబు నాయుడు అప్రమత్తమయ్యారు. రాష్ట్ర ఉన్నతాధికారులతో భేటీ అయ్యారు.

ఈ సమావేశానికి ప్రభుత్వ ప్రధాన కార్యదర్శి దినేశ్, ఆర్థిక శాఖ ముఖ్య కార్యదర్శి రవిచంద్ర, సీఎం ప్రత్యేక ప్రధాన కార్యదర్శి సతీష్ చంద్ర, సీఎంవో అధికారులు హాజరయ్యారు. భజన చట్టం హామీలు, ఇప్పటివరకు అమలు జరిగిన తీరు, ఏపీకి రావాల్సిన నిధులు, ఆర్థికలోటు వంటి కీలక అంశాలపై చర్చించారు. ఇప్పటివరకు కేంద్రం ఇచ్చిన నిధులు.. రావాల్సిన నిధుల గురించి ఫైనాన్స్ సెక్రటరీ రవిచంద్ర ముఖ్యమంత్రికి వివరించారు. వీటితోపాటు.. దుగరాజపట్నం పోర్ట్, కడప ఉక్కు కర్మాగారం, విశాఖ రైల్వేజోన్, ట్రైబల్ యూనివర్సిటీ వంటి హామీల పురోగతిపై చర్చించారు. వీటన్నింటికి సంబంధించి ఎంపీలకు తగిన సమాచారం అందజేయాలని అధికారులకు సూచించారు.

ఎల్లుండి అవిశ్వాసం పై చర్చ జరగనున్న నేపథ్యంలో రాష్ట్ర ప్రయోజనాలు ఏ విధంగా ఫోకస్‌ కావాలనే దానిపైనే ప్రధానంగా తెలుగుదేశం దృష్టి సారించింది. అవిశ్వాస తీర్మానం చర్చకు వచ్చినప్పుడు ఆంధ్రప్రదేశ్‌కు కేంద్రం ఏ విధంగా మోసం చేసింది? హోదాతో పాటు, చాట్టంలో పెట్టిన 18 అంశాలను ఏవిధంగా ముందుకు తీసుకెళ్లాలనే దానిపై చర్చోపచర్చలు సాగుతున్నట్టు సమాచారం. ఢిల్లీలో ఉన్న నేతలకు సమాచారం అందించేందుకు ప్రత్యేక బృందాన్ని ఏర్పాటు చేసినట్టు తెలుస్తోంది. బీజేపీని రాజకీయంగా ఇరుకున పెట్టేందుకు ఉన్న అవకాశాలను లేవనెత్తుతూనే రాష్ట్రానికి బీజేపీ అన్యాయం చేసిందనే అంశాన్ని ఫోకస్‌ చేయాలని యోచిస్తున్నట్టు సమాచారం.

కర్ణాటకకు చెందిన ఎంకే అగ్రోటెక్ (ఫ్రీడమ్ రిఫైండ్ సన్ ఫ్లవర్ ఆయిల్) ఆంధ్రప్రదేశ్ లోని కాకినాడలో వంట నూనెల ప్రాసెసింగ్ యూనిట్ ను ఏర్పాటు చేయనుంది. సన్ ఫ్లవర్ నూనెను దిగుమతి చేసుకుని ప్రాసెస్ చేసేందుకు కాకినాడలో ప్లాంట్లు ఏర్పాటు చేయడానికి ప్రభుత్వంతో చర్చలు జరుపుతున్నామని, రెండేళ్లలో ఇది అందుబాటులోకి వస్తుందని ఎంకే అగ్రోటెక్ జాతీయ అమ్మకాల అధిపతి పెరి మల్లిఖార్జున్ తెలిపారు. దాదాపు 15 ఎకరాల్లో రూ. 200-250 కోట్లతో ఏర్పాటు చేసే ఈ ప్లాంట్ వల్ల దాదాపు 1,000 మందికి ఉపాధి లభిస్తుందన్నారు.

సన్ ఫ్లవర్ ముడి నూనెను ఉక్రెయిన్ నుంచి దిగుమతి చేసుకుంటామని, ముడి వంట నూనెల దిగుమతికి ప్రధానంగా ఓడరేవు ఉండాలని, అందుకనే కాకినాడను ఎంచుకున్నామన్నారు. ఆంధ్రప్రదేశ్, తెలంగాణాలలో సన్ ఫ్లవర్ నూనె వినియోగం నెలకు 65 వేల టన్నులు ఉందని, ఇందులో బ్రాండెడ్ అమ్మకాలు 35 వేల టన్నులు ఉంటుందన్నారు. 'సన్ ప్యూర్' బ్రాండ్ తో కంపెనీ వంట నూనెలను విక్రయిస్తోంది. కర్ణాటకకు చెందిన ఈ కంపెనీ తెలంగాణ, ఆంధ్రప్రదేశ్ మార్కెట్లలోకి అడుగు పెట్టిన సందర్భంగా మల్లిఖార్జున్ మాట్లాడారు. రసాయన రహిత సన్ ఫ్లవర్ ఆయిల్ ను విక్రయిస్తున్నట్లు చెప్పారు.