news

అవతల వైపు 151 మంది ఉన్నారు, ఇటు వైపు నుంచి టిడిపి ఎమ్మెల్యేలను నలుగురుని లాక్కున్నారు. చంద్రబాబు నాయుడు కూడా అసెంబ్లీకి రావటం లేదు. తన భార్యను సభలో అవమానించటం పైన, ఆయన సవాల్ చేస్తూ, మళ్ళీ సభలో తాను సియంగా అడుగుపెడతా అని, దీన్ని గౌరవ సభను చేస్తాను అంటూ, ఆయన సభను బహిష్కరించారు. ఇంకేముంది, తెలుగుదేశం పార్టీ నేతలను ఒక ఆట ఆడుకోవచ్చు అని వైఎస్ఆర్ పార్టీ భావించింది. అయితే అసెంబ్లీ సమావేశాలు మొదలు పెట్టిన దగ్గర నుంచి సీన్ రివర్స లో నడుస్తుంది. మొదటి రోజు తెలుగుదేశం పార్టీ పూర్తి స్థాయిలో పై చేయి సాధించింది. గవర్నర్ ప్రసంగం సందర్భంగా టిడిపి పన్నిన వ్యూహానికి జగన్ మోహన్ రెడ్డి బిత్తరపోయారు. రాజ్యాంగాన్ని పరిరక్షించలేని గవర్నర్ అంటూ, తెలుగుదేశం పార్టీ గవర్నర్ ప్రసంగానికి అడ్డు పడింది. గవర్నర్ పూర్తి స్థాయిలో విఫలం అయ్యారు అంటూ, తెలుగుదేశం పార్టీ ఆందోళనకు దిగింది. సభలో నినాదాలు చేస్తూనే ఉంది. దీంతో గవర్నర్ ప్రసంగం రోజున, టిడిపి పై చేయి సాధించి, టిడిపి చేసిన ఆందోళన ప్రజల్లోకి వెళ్ళింది. టిడిపి ఇలా నిరసన తెలుపుతుందని, అసలు వైసీపీ ఊహించలేక, దానికి కౌంటర్ స్ట్రాటజీ ఏమి లేక, ఆ రోజు వైసీపీ బేలతనం బయట పడింది.

ఇక రెండో రోజు పూర్తి స్థాయిలో టిడిపి పట్టు సాధించింది. నాడు-నేడు విషయంలో వైసీపీ చేస్తున్న మోసం ఎక్ష్పొజ్ అయ్యింది. అలాగే పోలవరం ప్రాజెక్ట్ విషయంలో కూడా టిడిపి అడిగిన ప్రశ్నకు, సమాధానం చెప్పలేక, అనిల్ కుమార్ అరుపులు కేకలతో ముగించారు. ఇక అన్నిటికీ మించి, గతంలో 35 కమ్మ డీఎస్పీలు అంటూ, జగన్ మోహన్ రెడ్డి చేసిన ప్రచారం బట్టబయలు అయ్యింది. ఆ రోజు కూడా టిడిపి పై చేయి సాధించిది. తరువాత గౌతం రెడ్డి మరణం సంతాపంతో, సభ ముగిసినా, రోశయ్యకు సరైన గౌరవం ఇవ్వలేదు అనేది ప్రజల్లోకి వెళ్ళింది. ఆ తరువాత రోజు రోశయ్యకు సంతాపం ప్రకటించారు. ఇక గత మూడు రోజులుగా జంగారెడ్డిగూడెం సంఘటనతో, ప్రభుత్వం ఉక్కిరిబిక్కిరి అవుతుంది. ముందు రోజు 5 మంది టిడిపి ఎమ్మెల్యేలను సస్పెండ్ చేసారు. తరువాత రెండు రోజులు, మిగతా ఎమ్మెల్యేలను కూడా సస్పెండ్ చేసారు. ఉన్న పది మందికి కూడా వైసీపీ సమాధానం చెప్పలేక పోతుంది. మొత్తానికి ఇప్పటి వరకు అయితే అసెంబ్లీలో ఉన్న 15 మందితోనే, టిడిపి పై చేయి సాధించింది.

జంగారెడ్డిగూడెంలో కల్తీ నాటు సారా మరణాలు అన్నీ సహజ మరణాలు అంటూ, జగన్ మోహన్ రెడ్డి ప్రభుత్వం, నిన్నటి నుంచి బుకాయిస్తున్న సంగతి తెలిసిందే. నిన్నటి నుంచి కూడా జగన్ మోహన్ రెడ్డి ప్రభుత్వం, అవి కల్తీ సారా మరణాలు కావని, తెలుగుదేశం పార్టీ రాజకీయం చేస్తుంది అంటూ, గోల గోల చేసారు. అయితే నిన్నటి నుంచి తెలుగుదేశం పార్టీ కల్తీ సారా మరణాలను ప్రజల్లోకి తీసుకుని వెళ్ళటంలో సక్సెస్ అయ్యింది. ప్రభుత్వం పై ఒత్తిడి తెచ్చింది. తెలుగుదేశం పార్టీ ఆందోళన దెబ్బకు ప్రభుత్వం దిగి రాక తప్పలేదు. గత ముందు వరకు అవి సహజ మరణాలే అని బుకాయించిన ప్రభుత్వం, ఎట్టకేలకకు, జంగారెడ్డిగూడెం చావుల వెనుక, బాధ్యులైన వారి పైన కేసులు నమోదు చేసారు. మొత్తం ఈ సంఘటన పైన 10 ఎఫ్ఐఆర్ లను ప్రభుత్వం పెట్టింది. నాటుసారా ఆక్రమంగా నిల్వ చేసిన, పది మంది పైన కేసులు పెట్టారు. అలాగే అనుమానాస్పదంగా మృతి చెందారని, మూడు కేసులు నమోదు చేసారు. అలాగే తన భర్త నాటు సారా తాగే చనిపోయాడని ఫిర్యాదు చేయటంతో, మరో మూడు కేసులు నమోదు చేసారు. ఇన్నాళ్ళు బుకాయిస్తూ వచ్చిన ప్రభుత్వం, ఒత్తిడికి తలొగ్గక తప్పలేదు. ఇది కూడా కోర్టుకు వెళ్తే, తమ బండారం బయట పడుతుంది అని కాబోలు.

ఆంధ్రప్రదేశ్ ప్రభుత్వానికి రాష్ట్ర హైకోర్ట్ లో గట్టి ఎదురు దెబ్బ తగిలింది. విద్యుత్ కొనుగోలు ఒప్పందాలు ముందు రద్దు చేస్తామని, ఆ తరువాత ఈ ధరలు సమీక్షిస్తామని చెప్పటమే కాకుండా, ఆ ధరలు తగ్గించాలని, గత ప్రభుత్వం చేసుకున్న నిర్ణయాలను తిరగదోడటంతో, విద్యుత్ ఉత్పత్తి సంస్థలు రాష్ట్ర హైకోర్టుని రెండేళ్ళ క్రితం ఆశ్రయించారు. అయితే మొదటగా ఈ కేసు సింగల్ జడ్జి ముందుకు వెళ్ళింది. అక్కడ సింగెల్ జడ్జి తీర్పు ఇస్తూ, సోలార్ పవర్, విండ్ పవర్ కి, ఇంత చొప్పన ప్రభుత్వం ఇవ్వాలని మధ్యంతర ఉత్తర్వులు జారీ చేసారు. దీని పైన విద్యుత్ ఉత్పత్తి సంస్థలు, అది తమకు నష్టం చేకూరుస్తుంది అంటూ, రాష్ట్ర హైకోర్టు డివిజినల్ బెంచ్ ని ఆశ్రయించారు. డివిజినల్ బెంచ్, కొద్ది సేపటి క్రితం తీర్పు ఇచ్చింది. సింగల్ బెంచ్ ఇచ్చిన తీర్పుని కొట్టేసింది. అంతే కాదు, విద్యుత్ కొనుగోలు ఒప్పందాలకు సంబంధించి, రాష్ట్ర ప్రభుత్వంతో ఈ ఒప్పందం చేసుకున్న సంస్థలు, ఎంత మేరకు ఒప్పందం చేసుకున్నాయో, ఆ రేటు ప్రకరామే వారికి చెల్లింపులు చేయాలని తీర్పు ఇచ్చింది. అంటే సోలార్ పవర్ యూనిట్ కి రూ.4.80 పైసలకు, విండ్ పవర్ ని యూనిట్ కు రూ.4.83 పైసలకు చెల్లించి తీరాల్సిందే అని కూడా, హైకోర్టు స్పష్టం చేసింది. అదే విధంగా ఏపి లోడ్ డిస్పాచ్ సెంటర్ వేసిన పిటీషన్ ను కూడా హైకోర్టు కొట్టివేసింది.

దీంతో పాటు, రాష్ట్ర ప్రభుత్వం విద్యుత్ ఉత్పత్తి సంస్థలకు బిల్లులు చెల్లించకుండా, జాప్యం చేస్తుందని, దీని వల్ల సోలార్, విండ్ విద్యుత్ ను ఉత్పత్తి చేసే సంస్థలు, తీవ్ర ఇబ్బందులు ఎదుర్కుంటున్నాయి అని, ఆర్ధిక కష్టాల్లో కూరుకుపోతున్నాయని, దీంతో పాటు, ఎవరు అయితే పని చేస్తున్నారో, వారికి జీతాలు కూడా ఇవ్వలేని పరిస్థితికి, ఆ కంపెనీలు వెళ్లాయని, ఆ విద్యుత్ ఉత్పత్తి సంస్థలు హైకోర్టులో పిటీషన్ వేసాయి. ఈ పిటీషన్ వేసిన నేపధ్యంలో హైకోర్టు నిన్న సంచలమైన తీర్పు చెప్పింది. ఈ తీర్పులో, ఆరు వారాల్లోగా బకాయలు అన్నీ చెల్లించాల్సిందే అని కూడా, ఆదేశాలు ఇచ్చింది. ఇవి దాదాపుగా 20 వేల కోట్ల వరకు ఉంటాయి. మరి ప్రభుత్వానికి ఇప్పుడున్న పరిస్థితిలో అంత డబ్బు ఎలా వస్తుందో చూడాలి. అదే విధంగా రాష్ట్ర విద్యుత్ నియంత్రణ సంస్థలు రెండూ కూడా, విద్యుత్ ఉత్పత్తి సంస్థలకు ప్రభుత్వానికి మధ్య జరిగిన ఒప్పందాన్ని సమీక్షించాలని వేసిన పిటీషన్ ను కూడా హైకోర్టు కొట్టేసింది. దీంతో ఇప్పుడు 20 వేల కోట్లు తేవాలి అంటే, జగన్ ప్రభుత్వానికి అదిరిపోయే జర్క్ అనే చెప్పాలి. మరి ప్రభుత్వం చేల్లిస్తుందో, లేక కోర్టు ధిక్కరణకు పాల్పడుతుందో చూడాలి.