news

జగన్ రెడ్డి పాలనలో మహిళలకు జరుగుతున్న అవమానాలు, వెతలు, వేధింపుల గురించి ఎంతలా ప్రభుత్వానికి , ముఖ్యమంత్రికి అర్థమయ్యేలా చెప్పాలని చూస్తున్నా, అధికారంలో ఉన్నవారు అహంకారంతో, మదంతో తాము చేసేది, చెప్పేదే సరైంది అన్నట్లుగా మాట్లాడుతున్నారని, మహిళాదినోత్సవ కార్యక్రమంలో ముఖ్యమంత్రి సహా, వైసీపీ నేతలంతా మాట్లాడింది విన్నవారెవరైనా తాము చెప్పినదానితో ఏకీభవించాల్సిందేనని టీడీపీ పొలిట్ బ్యూరోసభ్యురాలు, తెలుగు మహిళరాష్ట్ర అధ్యక్షురాలు శ్రీమతి వంగలపూడి అనిత స్పష్టంచేశారు. బుధవారం ఆమె మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆమె మాటల్లోనే క్లుప్తంగా "మహిళలను గౌరవించే విషయంలో జగన్మోహన్ రెడ్డికే సంస్కారం లేవని ఇన్నాళ్లు భావించాము. తాను నెల్లూరులో నారీ సంకల్పదీక్ష కార్యక్రమంలో మాట్లాడి వచ్చిన తర్వాత, అక్కడుండే ఒక ఎమ్మెల్యేకి నోటిదురద ఎక్కువైంది. తన తండ్రి పలుకుబడితో, టీడీపీ పెట్టిన రాజకీయ భిక్షతో ఒకసారి ఎమ్మెల్యేగా గెలిచిన సదరు ప్రబుద్ధుడికి మహిళల గురించి మాట్లాడేటప్పుడు ఒళ్లుదగ్గరపెట్టుకోవాలని హెచ్చరిక జారీ చేస్తున్నాం. తనకు తాను రాజకీయధీరుడినని చెప్పుకునే సదరు సోకాల్డ్ వైసీపీ ఎమ్మెల్యేకి గుర్తింపు పిచ్చి పరాకాష్టకుచేరింది. "

"ఆ క్రమంలో తన ఇంట్లోని తల్లిని, భార్యని దూషించి, వారి వ్యక్తిత్వాన్ని కూడా కించపరచడానికి వెనుకాడడు. అధికారంలో ఉండి మహిళల్నిగౌరవించలేని ఇలాంటి పశుప్రవృత్తి కలిగిన వారికి మనుషులుగా బతికే అర్హతఉందా అని ప్రశ్నిస్తున్నాం. ఒకతల్లి కడుపునపుట్టే అర్హత కూడా లేదు. నాగురించి అసభ్యంగా మాట్లాడిన సదరు సోకాల్డ్ వైసీపీ ఎమ్మెల్యేకి ఒకటే చెబుతున్నాను. తన తల్లి, భార్య వ్యక్తిత్వం ఎలాంటివో, నాది కూడా అలాంటి వ్యక్తిత్వమే. నా వ్యక్తిత్వం గురించి సదరు ఎమ్మెల్యే మాట్లాడే ముందు, తనభార్య, తన తల్లి, తన కూతురు ముందు ముందు ఎంతలా క్షోభపడాల్సి వస్తుందో సదరు వ్యక్తి ఆలోచించుకుంటే మంచిది. నల్లపురెడ్డి శ్రీనివాస్ రెడ్డి గారికి ఎంత మంచిపేరుందో... ఆయన కడుపున పుట్టిన వ్యక్తి అంత సిగ్గులేని విధంగా తయారయ్యాడు. తన తల్లిని ప్రశ్నిస్తున్నాను...ఏంటమ్మా నీ కుమారుడిని ఇలా పెంచావని? నీ వ్యక్తిత్వానికి, నా వ్యక్తిత్వానికి నక్కకు, నాగలోకానికిఉన్నంత తేడా ఉంది. నువ్వు ఒక ఎమ్మెల్యేవి? నా కొడకల్లారా.. ఆడవాళ్ల వ్యక్తిత్వం గురించి మాట్లాడితే ఇంకోసారి మీకు బడతెపూజ ఖాయం. ఇంకోసారి వాగావు అంటే, వచ్చి నీ ఇంట్లో కూర్చుంటా. నీ సంగతి నీ ఇంట్లోనే తేలుస్తా" అని అనిత ఆవేశంగా మాట్లాడారు

తెలుగుదేశం పార్టీ కేంద్ర కార్యాలయం, గుంటూరు జిల్లా మంగళగిరిలో ఉన్న విషయం తెలిసిందే. గత ఏడాది అక్టోబర్ 19 న, తెలుగుదేశం పార్టీ కేంద్ర కార్యాలయం పై, వైసీపీ రౌడీ మూకలు దా-డి చేసి, నానా భీభత్సం సృష్టించిన విషయం తెలిసిందే. దొరికిన వారిని దొరికినట్టు, సుత్తులు, కర్రలతో కొట్టి నానా భీభత్సం సృష్టించారు. అయితే ఇంత పెద్ద ఘటన, దేశంలో ఎప్పుడూ జరగని విధంగా ఒక పార్టీ కేంద్ర కార్యాలయం పై దా-డు-లు చేస్తే, అనూహ్యంగా ఈ ఘటన తరువాత, టిడిపి ఆఫీస్ కు ఉండే సాయుధ భద్రతను తొలగించారు. అప్పటి వరకు తెలుగుదేశం పార్టీ కేంద్ర కార్యాలయానికి 24 గంటలు సాయుధ బలగాలతో భద్రత ఉండేది. అయితే పార్టీ కార్యాలయానికి కానీ, పార్టీ అధినేత చంద్రబాబుకు కానీ, ఎలాంటి నోటీసులు కానీ, సమాచారం కనీ ఇవ్వకుండా, భద్రతను ఉన్నట్టు ఉండి పోలీసులు తొలగించారు. ఈ ఘటన జరిగిన తరువాత జగన్ మోహన్ రెడ్డి స్పందిస్తూ, మా పార్టీకి చెందిన కొంత మంది, బీపీలు పెరిగి, అక్కడకు వెళ్లి విధ్వంసం చేసారు, తప్పు ఏమి ఉంది అంటూ సమర్ధించుకున్నారు. ఈ ఘటన తరువాత, పోలీసుల సాయుధ భద్రత తొలగించటం పై, తెలుగుదేశం పార్టీ ఆందోళన వ్యక్తం చేస్తుంది. ఇప్పుడు కరోనా సద్దుమనిగిన తరువాత, టిడిపి ఆక్టివ్ అయ్యింది.

ఈ మధ్య కాలంలో అనేక సమావేశాలు కేంద్ర కార్యాలయంలో జరుగుతున్నాయి. చంద్రబాబు సహా, ఇతర ప్రజా ప్రతినిధులు తరుచూ కేంద్ర కార్యాలయానికి వస్తున్నారు. ఈ నేపధ్యంలో, పార్టీ కేంద్ర కార్యాలయంలో భద్రత లేక పోవటం పై తెలుగుదేశం పార్టీ ఆందోళన వ్యక్తం చేస్తుంది. పార్టీ ప్రధాన కార్యాలయంకు భద్రత కల్పించాలంటూ డీజీపీ కి టిడిపి లేఖ రాసింది. పొలిట్ బ్యూరో సభ్యులు వర్ల రామయ్య డీజీపీకి లేఖ రాసి, సాయుధ భద్రత కావాలని కోరారు. గతంలో జరిగిన అనుభవాలు దృష్టిలో ఉంచుకుని, భద్రత ఇవ్వాలని, చంద్రబాబు గారికి జెడ్ ప్లస్ భద్రత ఉందని, ప్రతి రోజు ఆయన రాత్రి వరకు ఆఫీస్ లో ఉంటున్నారని, అలాగే శాసనసభ్యులు ప్రతిరోజూ ఆఫీస్ కు వస్తున్నారని, పార్టీ కార్యకర్తలు పెద్ద ఎత్తున వస్తున్నారని, వాళ్ళ ముసుగులో సంఘ విద్రోహ శక్తులు చొరబడి, వారిని నుంచి తమకు ముప్పు ఉందని, గతంలో జరిగిన అనుభవాలు చూసి, భద్రత ఇవ్వాలి అంటూ, డీజీపీకి లేఖ రాసారు. గతంలో ఉండే భద్రత చెప్పా పెట్టకుండా తీశేసారని, దాన్ని మళ్ళీ ఇవ్వాలని కోరారు.

నిన్న హైకోర్టులో సిఐడి అడిషనల్ డీజీ సునీల్ కుమార్ పైన, కేసు నమోదు అయ్యింది. సునీల్ కుమార్ తనను వేధిస్తున్నాడు అంటూ, ఆయన మామ పెనుమాక సుబ్బారావు హైకోర్టులో కేసు పెట్టారు. ఈ పిటీషన్ గతంలో దాఖలు అయినప్పటికీ, నిన్న ఈ కేసు హైకోర్టులో విచారణకు వచ్చింది. సిఐడి అడిషినల్ డీజీ హోదాలో ఉన్న సునీల్ కుమార్, తన అధికారాన్ని అడ్డు పెట్టుకుని, అధికార దుర్వినియోగానికి పాల్పడుతూ, తమను మానసికంగా, శారీరకంగా హింసిస్తున్నారని, వేధింపులకు గురి చేస్తున్నారని ఆయన ఈ పిటీషన్ లో పేర్కొన్నారు. ఈ పిటీషన్ పై ముందు రాష్ట్ర ప్రభుత్వం ప్రాధమికంగా విచారణ చేసి, ఆ తరువాత ఒక వేళ రాష్ట్ర ప్రభుత్వం సరైన విచారణ చేయాకపోతే, సిబిఐతో విచారణ జరిపించాలని ఆ పిటీషన్ లో కోరారు. ఈ పిటీషన్ విచారణకు అనుమతించాలా లేదా అనే అంశం పై, హైకోర్టులో తీవ్ర వాదోపవాదాలు జరిగాయి. పిటీషనర్ తరుపున, సునీల్ కుమార్ మామ పెనుమాక సుబ్బారావు తరుపున సుప్రీం కోర్టు సీనియర్ న్యాయవాది ఆదినారయణ రావు వాదనలు వినిపించారు. ఈ వాదనలు పై సిఐడి వైపు నుంచి , హోం శాఖ వైపు నుంచి కూడా న్యాయవాదులు తమ తమ వాదనలు వినిపించారు, ఈ కేసుకి విచారణ అర్హత లేదని, కొట్టేయాలని కోరారు.

ఈ విధంగా ఆరోపణలు చేయటం తగదు అని, ఆయన ఒక ఉన్నత అధికారి అని, ఆయన పై ఇలా ఆరోపణలు చేయటం, చట్ట విరుద్ధం, న్యాయ విరుద్ధం అని, అందు వల్ల, ఈ పిటీషన్ విచారణకు అనుమతించ వద్దు అని, సిఐడి, హోం శాఖ తరుపున న్యాయవాదులు వాదించగా, సునీల్ కుమార్ అధికార దుర్వినియోగానికి పాల్పడుతూ, తమను వేధిస్తున్నాడు అంటూ, పిటీషనర్ తరుపున ఆదినారాయణ రావు సాక్ష్యాలతో సహా వాదనలు వినిపించారు. ఈ వాదనలు అనంతరం, హైకోర్టు ఈ పిటీషన్ ను విచారణకు స్వీకరిస్తున్నాం అని, దీనికి విచారణ అర్హత ఉందని ప్రకటించింది. ప్రతి వాదులు అందరికీ హైకోర్టు నోటీసులు జారీ చేసింది. రాష్ట్ర డీజీపీ, రాష్ట్ర హెం శాఖ, అదే విధంగా రాష్ట్ర ప్రభుత్వ ప్రధాన కార్యదర్శి, హోం శాఖ కార్యదర్శి, డీవోపీటీకి, సీబీఐ డైరెక్టర్ కి, సెంట్రల్‌ విజిలెన్స్‌ కమిషనర్ కు, ఇలా అందరికీ నోటీసులు జారీ చేసి, ఈ నెల 16వ తేదీకి కేసుని వాయిదా వేసింది. సునీల్ కుమార్ మామ, ఎవరో కాదు, మొన్నటి వరకు జగన్ దగ్గర సలహదారుగా పని చేసిన, మాజీ ఐఏఎస్ పీవీ రమేష్ కుమార్ నాన్న.