news

ఇప్పుడు ఎవరి నోట విన్నా రిసార్ట్ దీక్ష గురించే... ఎన్నో దీక్షలు గురించి విన్న ప్రజలు నిన్న పవన్ కళ్యాణ్ చేసిన రిసార్ట్ దీక్ష గురించి తెలుసుకుని అవాక్కయ్యారు... పవన్ దీక్ష చేస్తున్న విధానం పై చర్చ వచ్చింది. నిన్న సాయంత్రం 5 గంటల నుంచి, రేపు ఉదయం 9 గంటలకు పవన్ కళ్యాణ్ రిసార్ట్ లోనే దీక్ష చేసారు. దీక్ష అంటే, జనాల మధ్య ఉంటుంది కదా అనుకున్నారు... కాని, ఎవరికీ ఎంట్రీ లేదు.. కనీసం మీడియాకు కూడా... మీడియా అదేమిటి అని అడిగితే, మేమే వీడియో తీసి కొన్ని బైట్స్ పంపిస్తాము అని చెప్పారు.. ఇక్కడ అయిన తరువాత, ఈ రోజు ఉదయం 9 గంటల నుంచి సాయంత్రం 5 గంటల వరకు సెకండ్ హాఫ్ మాత్రం ప్రజల మధ్యలో దీక్ష మొదలు పెట్టారు.. నిన్న చీకట పడగానే పవన్ రిసార్ట్ లోపలకి వెళ్ళిపోయి దీక్ష చేసారని జనసేన వర్గాలు చెప్పాయి..

అయితే ఇదేమి దీక్షో అంటూ ప్రజలు అవాక్కయ్యారు. ఇదే విషయం పై, టీడీపీ నేత అశోక్ గజపతిరాజు స్పందిచారు. ఈరోజు ఆయన మీడియాతో మాట్లాడుతూ, హెల్త్ ఎమర్జెన్సీ ఉంటే ఆసుపత్రిలో దీక్ష చేయాలి కానీ, రిసార్ట్ లో కాదని, తొలిసారిగా రిసార్ట్ లో దీక్ష చేయడం చూస్తున్నానని, ఇది కొత్త ఫ్యాషనేమో అని వ్యంగ్యాస్త్రాలు సంధించారు. అసలు రిసార్ట్ లో దీక్ష ఏమిటో అర్ధం కావటం లేదని, ఇలాంటి దీక్షలు ఇప్పుడే చూస్తున్నాని అని అన్నారు... ప్రభుత్వం ఉద్దానం పై తీసుకున్న చర్యలు వివరించారు... మరో పక్క చంద్రబాబు కూడా ఈ విషయం పై ఈ రోజు సమీక్ష చేసారు... ఉద్దానం కిడ్నీ రోగుల సమస్యలపై ముఖ్యమంత్రి చంద్రబాబునాయుడు శనివారం సంబంధిత అధికారులతో సమీక్ష నిర్వహించారు. ఈ సందర్బంగా చంద్రబాబు మాట్లాడుతూ... కిడ్నీ రోగులకు పింఛన్లు ఇస్తున్న ఏకైక రాష్ట్రం మనదేనన్నారు.

13 వేల మందికి క్రమం తప్పకుండా చికిత్స అందిస్తున్నామని, ప్రతి 15రోజులకు నెఫ్రాలజిస్ట్ ద్వారా వైద్య సేవలు అందిస్తున్నామని చంద్రబాబు అన్నారు. పలాస, సోంపేట, పాలకొండ, టెక్కలిలో డయాలసిస్ కేంద్రాలు ఏర్పాటుచేశామని, రూ.17కోట్లతో 7 ఆర్వో సెంటర్లు ఏర్పాటు చేశామన్నారు. అంతేగాక సీకేడీ కేసుల కోసం సోంపేటలో ప్రయోగశాల ఏర్పాటు చేశామని, పనిచేసేవాళ్లపైనే విమర్శలు చేస్తారా? అంటూ చంద్రబాబు పేర్కొన్నారు. నెగటివ్ ధోరణులు అభివృద్ధికి నష్టం చేస్తాయన్నారు.

కొత్త రాష్ట్రాన్ని అభివృద్ధి పథం పట్టించడంలో సీఎం చంద్రబాబునాయుడు రాత్రింబవళ్లు కృషి చేస్తున్నారు. ఒకవైపు రాష్ట్రంలో పారిశ్రామిక ప్రగతికి కృషి చేస్తూనే మరోవైపు అన్నపూర్ణగా పేరు గాంచిన ఏపీలో వ్యవసాయాన్ని కొత్త పుంతలు తొక్కిస్తున్నారు. కేవలం అభివృద్ధితోనే సరిపెట్టకుండా పేదల సంక్షేమానికీ చంద్రబాబునాయుడు ప్రభుత్వం పెద్దపీట వేస్తూ, ఏటా లక్షల కోట్ల రూపాయాలను వెచ్చిస్తోంది. ఇందులో ప్రధానంగా చెప్పుకోవాల్సింది పేదలకు పౌష్టికాహారం అందజేయడం. ప్రజా సంక్షేమమే ధ్యేయంగా ముందుకు సాగుతున్న చంద్రబాబునాయుడు ప్రభుత్వం ఇప్పటికే తెలుపు రంగు రేషన్ కార్డు కలిగిన పేదలకు ప్రజా పంపిణీ వ్యవస్థ ద్వారా సబ్సిడీ పై నిత్యావసర సరకులు పంపిణీ చేస్తోంది. సర్వమత సమానత పాటిస్తున్న చంద్రబాబు సర్కార్ అయితే, పండగ నాడూ పేదలు మరింత ఆనందంగా ఉండాలనేది ప్రభుత్వ అభిమతం. ఇందుకుగానూ చంద్రన్న కానుకల పేరుతో పేదలకు నిత్యావసర సరుకులను ఉచితంగా పంపిణీ చేస్తోంది.

సర్వమత సమానతను పాటిస్తూ, క్రిస్మస్, సంక్రాంతి పండగలకు తెలుపు రంగు రేషన్ కార్డుదారులకు ఈ సరుకులను అందజేస్తోంది. ఇందుకోసం నాలుగేళ్ల నుంచి చంద్రన్న కానుకల పేరుతో ఆరు రకాల నిత్యావసర వస్తువులను ఉచితంగా పంపిణీ చేస్తోంది. చందన్న కానుకల పేరుతో అందజేసే కిట్ లో నెయ్యి 100 గ్రాములు, పామాయిల్ అర లీటరు, కిలో గోధుమ పిండి, అరకిలో కందిపప్పు, అరకిలో శెనగపప్పు, బెల్లం అరకిలో ఉంటున్న విషయం తెలిసిందే. రంజాన్ తోఫా పేరుతో అందజేసే కిట్ లో నాలుగు రకాల నిత్యావసర వస్తువులు ఇస్తున్నారు. రూ.17 విలువ చేసే కిట్ లో 5 కిలోల గోధుమ పిండి, 2 కిలోల పంచదార, కిలో సేమియా, 100 గ్రాముల నెయ్యి ఉంటున్నాయి. చంద్రన్న కానుకల వల్ల రాష్ట్రంలో ఉన్న కోటి 40 లక్షలకు పైగా కుటుంబాలు లబ్ధి పొందుతున్నాయి. పండగ రోజుల్లోనూ పేద కుటుంబాల్లో సంతోషాలు వెల్లివిరియాలని చంద్రబాబునాయుడు ప్రభుత్వం చర్యలు చేపట్టింది.

జూన్ 1 నుంచి 12 లక్షల మందికి రంజాన్ తోఫా ఎప్పటిలాగే ఈ ఏడాది కూడా ముస్లిము సోదరులకు రంజాన్ పవిత్ర మాసం సందర్భంగా తోఫా అందజేయాలని ప్రభుత్వం నిర్ణయించింది. ఇందుకుగానూ ప్రభుత్వం రూ.35.29 కోట్లు వెచ్చించనుంది. దీనివల్ల రాష్ట్రంలో తెలుగు రంగు రేషన్ కార్డులు కలిగిన 12 లక్షల కుటుంబాలకు లబ్ధి కలుగనుంది. రూ.17ల విలువ కలిగిన రంజాన్ తోఫా కిట్ లో నాలుగు రకాల నిత్యావసర వస్తువులు ఉంటాయి. 5 కేజీల గోధుమ పిండి, 2 కేజీల పంచదార, కేజీ సేమియా, 100 గ్రాముల నెయ్యి ఉచితంగా అందజేయనున్నారు. ఈ నాలుగు రకాల వస్తువుల విలువ బహిరంగ మార్కెట్ లో రూ.488. జూన్ 1 నుంచి రాష్ట్రంలో ఉన్న 27.666 రేషన్ డిపోల ద్వారా రంజాన్ తోఫా అందజేయనున్నారు.

కార్డుదారులకే కాకుండా డీలర్లు కూడా సంతోషంగా పండగ జరుపుకునేలా ప్రభుత్వం తీపి కబురు అందించింది. గతంలో చంద్రన్న కానుకలు, రంజాన్ తోఫా పంపిణీ చేసేటప్పుడు డీలర్లకు రూ.5ల కమీషన్ అందజేసేది. మారుతున్న పరిస్థితులు, ధరల నేపథ్యంలో వారికి అందజేసే కమీషన్ పెంచాలని చంద్రబాబు ప్రభుత్వం నిర్ణయించింది. గతంలో అందజేసే కమీషన్ ను వంద శాతం పెంచింది. ప్రతి కార్డుకూ డీలర్లకు రూ.10 అందజేయనుంది. చంద్రన్న సరకుల పంపిణీ పక్కదారి పట్టకుండా ఉండేందుకు ప్రభుత్వం గట్టి నిఘా ఏర్పాటు చేసింది. కానుకల్లో నాణ్యత లోపం లేకుండా ఉండేందుకు ప్రత్యేక టీములు ఏర్పాటు చేసింది. సరుకులు పక్కదారి పట్టినా, నాణ్యత లోపించినా 1100 నెంబర్ కు ఫోన్ చేస్తే నిందితులపై కఠినచర్యలు తీసుకుంటామని ప్రభుత్వం ప్రకటించింది. కార్డుదారుల ఆరోగ్యానికి పెద్దపీట వేస్తున్నామని, సరకుల నాణ్యతాలోపంతో ఎవరూ నష్టపోకూడదనేది రాష్ట్ర ప్రభుత్వ లక్ష్యం.

ముఖ్యమంత్రి కుర్చీ కోసం, పాదయాత్ర చేస్తున్న జగన్ మోహన్ రెడ్డి పాదయాత్ర కోనసీమలో కొనసాగుతుంది. ఈ సందర్భంలో జగన్ మోహన్ రెడ్డి పశ్చిమగోదావరి జిల్లా ఉంగుటూరు వద్ద పెదకాపవరం గ్రామ శివారులో, అక్కడ చెరువుని అక్కడ నీళ్ళను చూసి పులకించి పోయారు... వేసవిలో కూడా ఇంత నీరు ఉండటంతో అక్కడకు వెళ్లి, చెరువులో చేపలు, రొయ్యలు పట్టే వారి దగ్గరకు వెళ్లారు.. వారి దగ్గర ఆ చెరువులో చేపలు, రొయ్యలకు మేత వేసే విధానం చూశారు. అంతే కాదు వల వేయడమే కాదు… వాటిని పట్టడం ఎలాగో స్థానికులను అడిగి తెలుసుకున్నారు. ఆ తర్వాత తాను పట్టి సరదా తీర్చుకున్నారు. ఇంతటితో అయిపోలేదు.. అసలు స్టొరీ ఇక్కడే ఉంది.. జగన్ వెనుక ఉండే ప్రశాంత్ కిషోర్ టీం, అక్కడ అన్నీ ఫోటోలు తీసారు..

జగన్ చెరువు దగ్గరకు వెళ్ళటం, చెరువులో నీళ్ళు దండిగా ఉన్నాయి కదా అని చెప్పటం, స్వయంగా అక్కడ చేపులు, రొయ్యలు పట్టటం, రొయ్యలు బయటకు తీసి, సైజు బాగా ఉంది డబ్బులు బాగా వస్తాయి కదా అని చెప్పటం, ఇవన్నీ ఫోటోలు, వీడియోలు బయటకు వచ్చాయి... ఈ ఫోటోలు, వీడియోలు చూసిన ప్రజలు, జగనే స్వయంగా, అన్నీ బాగున్నాయి అని చూపిస్తున్నారుగా అని అనుకుంటున్నారు... ఒక పక్క వేసవి అయినా సరే. ఎక్కడా పచ్చదనం తగ్గలేదు, కొబ్బరి చెట్లు, చెరువులు చూస్తే మనసు పులకించిపోతోంది, ఇంత వేసవిలో కూడా చెరువులు అన్నీ నిండు కుండ లాగా ఉన్నాయి, ఇవన్నీ చూపిస్తూ, జగనే స్వయంగా, చంద్రబాబు పరిపాలనలో నీరు ఎలా ఉందో చుపిస్తున్నట్టు ఉంది అనుకుంటూ, టిడిపి ఎలాగూ చేసింది చెప్పుకోవటం లేదు కాబట్టి, జగన్ ఈ విధంగా చెప్తున్నారా ఏంటి అనుకుంటున్నారు...

మరో పక్క, అంతకు ముందు రోజే , బహిరంగ సభలో, ఆక్వా సాగు దెబ్బతింది అని, నీళ్ళు లేవని, చంద్రబాబు పై జగన్ విమర్శలు గుప్పించారు... తీరా ఇక్కడేమో, తానే స్వయంగా, నిండు కుండలా ఉన్న చెరువులో రొయ్యలు పట్టి, ఇంత పెద్ద రొయ్యలా అని ఆశ్చర్యపోయి, చంద్రబాబు పరిపాలన సూపర్ అని చెప్పకనే చెప్పారు.. అయితే, ఇలాంటి ఫీడబ్యాక్ వచ్చింది అని తెలుసుకున్న జగన్, ప్రశాంత్ కిషోర్ బ్యాచ్ పై ఫైర్ అయ్యారు. ఇలాంటి ఫోటోలు బయటకు ఇవ్వద్దు అని ఎన్ని సార్లు చెప్పాలి, ఇది వరకు రాయలసీమలో కూడా పచ్చని పొలాలు, రోడ్లు, నీళ్ళు, ఇలా ఫోటోలు తీసి ఇచ్చి, మనమే చంద్రబాబు బాగా చేస్తున్నాడు అని చెప్పుకునేలా చేసారు, ఇప్పుడు ఇలా చేస్తున్నారు అంటూ జగన్ ఫైర్ అయ్యారు. ఇలాంటి ఫోటోలు కాకుండా, దీనంగా, హీనంగా ఉన్న ఫోటోలు, ఊరి బయట ఉండే ఫోటోలు మాత్రమే బయటకు వదలాలని, ఇంకో సారి ఇలాంటి తప్పు చేస్తే, సహించేది లేదని జగన్ గట్టి వార్నింగ్ ఇచ్చారు.