news

వైసీపీ మంత్రులు సోయలో ఉండి మాట్లాడుతున్నారో, లేక కావాలని మాట్లాడుతున్నారో, లేక తమ అధినేతను మంచి చేసుకోవటానికి మాట్లాడుతున్నారో కానీ, వారు మాట్లాడే మాటలు అసంబద్ధంగా, ఆలోచన లేకుండా ఉంటున్నాయి. మొన్నటి దాకా ఆంధ్రప్రదేశ్ రాజధాని ఏది అంటే, అమరావతి అని అందరూ చెప్పే వారు. ఇప్పుడు అమరావతి అనే మాటే లేకుండా పోయింది. మూడు ముక్కలు చేసి పెట్టారు. ఒక విధానం లేకుండా చేసి పడేసారు. మళ్ళీ బిల్లు వెనక్కు తీసుకున్నారు. అసలు వీరికి మనసులో ఏమి ఉందో, అసలు ఏమి చేద్దాం అనుకుంటున్నారో తెలియదు. అప్పట్లో ఒక వీడియో వైరల్ అయ్యింది. అందులో బొత్సాని విలేఖరులు, ఆంధ్రప్రదేశ్ రాజధాని ఏది అంటే, అయన తడబడిన తీరు అందరికీ నవ్వులు తెప్పించింది. ఒక మంత్రికి ఆంధ్రప్రదేశ్ రాజధాని ఏదో తెలియకుండా, ఆయన పడిన ఇబ్బందులు అన్నీ ఇన్నీ కావు. అయితే ఇప్పుడు బొత్సాకి ఒక క్లారిటీ వచ్చింది అనుకుంటా, ఈ రోజు విలేఖరులతో మాట్లాడుతూ, ఆంధ్రప్రదేశ్ రాజధాని హైదరాబాద్ అంటూ బాంబు పేల్చారు. ఆంధ్రప్రదేశ్ విభజన చట్టం ప్రకారం, 2024 వరకు మనకు హైదరాబాద్ రాజధాని అని, అప్పటి వరకు కూడా మన ఆంధ్రప్రదేశ్ రాజధాని హైదరాబాద్ అంటూ బొత్సా చేసిన వ్యాఖ్యలు అందరికీ షాక్ కు గురి చేసాయి.

ఏ రాష్ట్రానికి, ఆ రాష్ట్రం విడిపోయి, తెలంగాణా వాళ్ళు తిట్టే తిట్లకు సమాధానంగా, ఆత్మగౌరవంతో, హైదరాబాద్ కు ధీటైన రాజధాని నిర్మించుకుందామని, అమరావతిని రాజధానిగా ఏపి నిర్ణయం తీసుకుంది. ఇందులో వైసీపీ కూడా భాగస్వాములే. అమరావతిని ఒకే అన్నారు. అమరావతిలో జగన్ కు ఇల్లు ఉంది, మేమే రాజధాని కట్టి చూపిస్తాం అన్నారు, మొత్తం చెప్పి, చివరకు అమరావతితో మాకు సంబంధం లేదని అంటున్నారు. ఇప్పుడు అమరావతి మన రాజధాని కాదు, మూడు రాజధానులు కుడా కాదు, మన రాజధాని హైదరాబాద్ అంటూ బొత్సా ఈ రోజు చేసిన ప్రకటనతో అందరూ షాక్ తిన్నారు. అయితే బొత్సా మాటల పై టిడిపి మండి పడుతుంది. కేసిఆర్ కు బానిసత్వం చేస్తున్న వైసీపీ నేతలు, ఇప్పుడు తమ మనసులో మాట బయట పెట్టారని, కేసీఆర్ రుణం తీర్చుకునేందుకు ఏపీని నాశనం చేస్తున్నారని, హైదరాబాద్ పురోగతికి కృషిచేసిన మంత్రులు మనసులో మాట బయటపెట్టారని, టీడీపీ ఎమ్మెల్యే పయ్యావుల కేశవ్ అన్నారు.

వైఎస్ వివేకా కేసులో ఎప్పుడెప్పుడా అని అందరూ సస్పెన్స్ గా చూస్తున్న పరిణామం వచ్చినట్టే కనిపిస్తుంది. వివేకా కేసులో గత రెండు మూడు వారాలుగా వస్తున్న అఫిడవిట్లు స్టేట్మెంట్లు చూస్తున్న ప్రజలు, ఈ కేసు పై ఒక అంచనాకు వస్తున్నారు. సిబిఐ కూడా విచారణ వేగవంతం చేసింది. అన్ని వేళ్ళు అవినాష్ రెడ్డి వైపు చూపిస్తున్నాయి. అవినాష్ రెడ్డి ఏ నిమిషం అయినా అరెస్ట్ చేస్తారు అంటూ, గత వారం రోజులుగా ప్రచారం జరుగుతుంది. లోకసభ స్పీకర్ దగ్గర కూడా అనుమతి తీసుకున్నారని వార్తలు వచ్చాయి. అయితే గత వారం సిబిఐ అధికారులు, అవినాష్ రెడ్డికి నోటీసులు ఇచ్చినా, అవినాష్ రెడ్డి ఆ నోటీసులు తీసుకోలేదని వార్తలు వచ్చాయి. దీంతో సిబిఐ అధికారులు కోర్టు ద్వారా అవినాష్ రెడ్డికి నోటీసులు ఇచ్చేందుకు కసరత్తు చేస్తున్నారు. అలాగే అవినాష్ రెడ్డి తండ్రి భాస్కర్ రెడ్డికి కూడా సిబిఐ విచారణకు పిలిచే అవకాసం ఉంది. ఇప్పటికే అనేక మంది వైఎస్ అవినాష్ రెడ్డి పేరు చెప్పారు. ఈ మొత్తం వ్యవహారంలో అవినాష్ రెడ్డి, ఆయన తండ్రి భాస్కర్ రెడ్డి, అవినాష్ రెడ్డి అనుచరుడు దేవిరెడ్డి శివసంకర్ రెడ్డి పేర్లు ప్రముఖంగా వినిపించాయి. ఇప్పటికే దేవిరెడ్డి శివసంకర్ రెడ్డిని సిబిఐ అరెస్ట్ చేసింది. ఆయన బెయిల్ పిటీషన్ వేసుకున్నా, సిబిఐ దాన్ని తిరస్కరిస్తూ వాదనలు కూడా వినిపించింది.

ఈ వాదనలు వినిపించే క్రమంలో, ఈ కేసు చివరి దశకు చేరుకుందని, త్వరలోనే పెద్ద తలకాయల అరెస్ట్ ఉంటుందని, సిబిఐ కోర్టుకు తెలిపింది. పెద్ద తలకయాలు అంటే ఎవరో అందరికీ తెలిసిందే. అయితే ఈ రోజు మీడియా చానల్స్ లో కొన్ని వార్తలు హల్ చల్ చేస్తున్నాయి. వైఎస్ వివేక కేసులో దూకుడు పెంచిన సిబిఐ, వచ్చే రెండు మూడు రోజుల్లో పెద్ద తలకాయని అరెస్ట్ చేస్తుందని వార్తలు వస్తున్నాయి. ఇందు కోసం, రేపు ఢిల్లీ నుంచి, సీబీఐ డీఐజీ చౌరాసియా, అడిషనల్ ఎస్పీ రామ్ సింగ్ కడపకు రానున్నారు. ఇక్కడ మరో విశేషం ఏమిటి అంటే, కడపలో ప్రత్యేక పోలీస్ బలగాలను సిద్ధం చేయమని సీబీఐ, పోలీసులను కోరినట్టు తెలుస్తుంది. ముఖ్యంగా అవినాష్ రెడ్డి, భాస్కర్ రెడ్డి, మనోహర్ రెడ్డిలను సిబిఐ విచారణ చేస్తుందని, విచారణ తరువాత వారిని అరెస్ట్ చేయవచ్చు అంటూ ఊహాగానాలు వినిపిస్తున్నాయి. ఈ క్రమంలో ఎలాంటి అల్లర్లు, గొడవలు జరగకుండా, సిబిఐ ముందు జాగ్రత్తగా పోలీస్ ఫోర్సు పెంచమని, ఏపి పోలీసులను కోరినట్టు తెలుస్తుంది.

ప్రజాస్వామ్యంలో ప్రతిపక్షం అనేది చాలా ముఖ్యమైనది. అధికార పక్షానికి ఎన్ని బాధ్యతు ఉంటాయో, ప్రతిపక్షానికి కూడా అన్నే బాధ్యతలు ఉంటాయి. అయితే ఈ మధ్య కాలంలో వైఎస్ఆర్ కాంగ్రెస్ పార్టీ అధికారంలోకి వచ్చిన తరువాత, ప్రతిపక్షాన్ని నిర్వీర్యం చేసే పనిలో పడింది. ప్రతిపక్ష నాయకులు గట్టిగా మాట్లాడితే కేసులు, ప్రతిపక్ష నాయకులు ఆందోళనలు చేస్తాం అంటే హౌస్ అరెస్ట్ లు. బలంగా ఉండే ప్రతిపక్ష నాయకుల పై కేసులు, వేధింపులు. ఇదే ధోరణి అసెంబ్లీలో కూడా కొనసాగింది. అయితే అసెంబ్లీలో చంద్రబాబు టార్గెట్ గా ఆయన అవమానాలు పడేలా వైసీపీ వ్యహరించింది. చంద్రబాబుని పెర్సనల్ గా టార్గెట్ చేసారు. అయినా చంద్రబాబు తొణకలేదు బెనకలేదు, కుప్పంలో దొంగ ఓట్లతో, రిగ్గింగ్ తో, అధికార బలంతో, మునిసిపల్ ఎన్నికల్లో గెలిచిన తరువాత, చంద్రబాబుని అసెంబ్లీలో మరింత కుంగదీయాలని వైసీపీ ప్లాన్ చేసింది. అయితే చంద్రబాబు మాత్రం, ఎక్కడా వీరి ఉడత ఊపులకు వెనక్కు తగ్గలేదు. నేను మిమ్మల్ని ప్రశ్నిస్తూనే ఉంటా, కుప్పం కాకపొతే పులివెందుల నుంచి మొదలు పెడదాం, బాబాయ్ కేసు నుంచి మొదలు పెడదాం అని, దీటుగా సమాధానం చెప్పారు. అంతే వైసీపీకి ఏమి చేయాలో అర్ధం కాలేదు. చంద్రబాబు ఇంత బలమైన వాడని వైసీపీ ఊహించలేక పోయింది. అందుకే చంద్రబాబుని రాజకీయంగా దెబ్బ కొట్టలేం అని పర్సనల్ గా టార్గెట్ చేసింది.

బూతుల మంత్రులు, కొంత మంది బూతుల ఎమ్మెల్యేల చేత, సభ్య సమాజం మాట్లాడని భాషను, అసెంబ్లీలో ఉపయోగించేలా చేసి, చంద్రబాబు సతీమణిని నిండు సభలో అవమానించారు. అంతే, అప్పటి వరకు బలంగా ఉన్న చంద్రబాబు, ఒక్కసారిగా కుప్పకూలి పోయారు. 40 ఏళ్ళ రాజకీయ జీవితంలో ఏ నాడు లేని విధంగా, చిన్న పిల్లాడిలా వెక్కి వెక్కి ఏడ్చారు. తన భార్య శీలాన్ని, అన్న గారి కూతురు శీలాన్ని నిండు సభలో శంకించిన కౌరవ మూకల మధ్య నేను ఉండనని, ఈ కౌరవ సభలోకి, మళ్ళీ సియంగానే గౌరవ సభ చేసి వస్తానని, శపధం చేసారు. అయితే ఇప్పుడు రేపటి నుంచి అసెంబ్లీ సమావేశాలు ప్రారంభం అవుతున్న నేపధ్యంలో, టిడిపి మిగతా ఎమ్మెల్యేలు సభకు వెళ్ళాలని నిర్ణయం తీసుకున్నారు. గతంలో వైసీపీ రెండేళ్ళు సభలో లేకుండా, ప్రతిపక్ష పాత్ర పోషించలేదు. టిడిపి ఇప్పుడు వైసీపీలా తప్పు చేయదలుచుకోలేదు. చంద్రబాబు తప్ప మిగతా ఎమ్మెల్యేలు సభకు వెళ్ళాలని, వెళ్ళక పోతే వైసీపీ మరింత రెచ్చిపోతుందని, అమరావతి , పోలవరం, రైతుల సమస్యలు, ధరల పెరుగుదల, ఆర్ధిక పరిస్థితి, ఇలా అనేక సమస్యలను సభలో ప్రస్తావించాలని టిడిపి నిర్ణయించింది. వైసీపీ కంటే, తాము భిన్నం అని టిడిపి నిరూపించింది.