news

కర్ణాటకలో జరుగుతున్న పరిణామాలు దేశం మొత్తం చూస్తుంది. గవర్నర్ ను అడ్డు పెట్టుకుని, మోడీ, అమిత్ షా ఎలాంటి రాజకీయం చేస్తున్నారో చూస్తున్నాం.. తాజాగా చోటుచేసుకుంటున్న రాజకీయ పరిణామాల నేపథ్యంలో బీజేపీయేతర పక్షాలన్నీ ఏకం కావాల్సిన సమయం అసన్నమైందని జేడీఎస్‌ శాసనసభాపక్ష నేత కుమారస్వామి పిలుపునిచ్చారు. బెంగళూరులో ఆయన మీడియాతో మాట్లాడుతూ.. రాష్ట్రంలో భాజపా అధికార దుర్వినియోగానికి పాల్పడుతోందని.. దాన్ని ఎదుర్కొనేందుకు చంద్రబాబునాయుడుతో పాటు, మమతాబెనర్జీ, కేసీఆర్‌, మాయావతి తమతో కలిసిరావాలని కోరారు. విపక్ష పార్టీలన్నీ ఏకతాటిపైకి వచ్చి ప్రజాస్వామ్యాన్ని పరిరక్షించాలన్నారు. క

ర్ణాటకలో ప్రభుత్వాన్ని నిలబెట్టుకునేందుకు భాజపా తమ పార్టీ ఎమ్మెల్యేలను కొనుగోలు చేసేందుకు ప్రయత్నిస్తోందని ఆరోపించారు. ఎమ్మెల్యేలను కాపాడుకోవడమే తమ ముందున్న తక్షణ కర్తవ్యమని కుమారస్వామి అన్నారు. భాజపా మెజార్టీ లేకపోయినా ప్రభుత్వ ఏర్పాటుకు గవర్నర్‌ ఆహ్వానించడం దారుణమని కుమారస్వామి అన్నారు. గవర్నర్‌ తన అధికారాన్ని దుర్వినియోగం చేశారని మండిపడ్డారు. మరో పక్క కేంద్రం, ఈడీతో దాడులు చేపిస్తుందని, ఫోన్ ట్యాపింగ్ చేస్తున్నారని, అన్నీ అమిత్ షా దగ్గర ఉండి నడిపిస్తున్నారని, వీళ్ళని ఎదుర్కోవాలి అంటే, అందరూ వస్తేనే కుదురుతుంది అని చెప్పారు.. కర్ణాటకలో అధికారం చేజిక్కని పక్షంలో ఈ అంశాన్ని దేశవ్యాప్తంగా చర్చకు లేవనెత్తి బీజేపీని డిఫెన్స్‌లోకి నెట్టాలనే యోచనలో జేడీఎస్ ఉన్నట్లు సమాచారం.

మరో పక్క, ప్రముఖ న్యాయనిపుణుడు రాంజెఠ్మలానీ ఈ రోజు సుప్రీంకోర్టును ఆశ్రయించారు. కర్ణాటకలో ప్రభుత్వ ఏర్పాటుకు బీజేపీని ఆహ్వానిస్తూ గవర్నర్ వాజుభాయి వాలా తీసుకున్న నిర్ణయాన్ని వ్యక్తిగత హోదాలో ఆయన సవాల్ చేశారు. గవర్నర్ ఆహ్వానం మేరకు బీఎస్ యడ్యూరప్ప ఈ రోజు కర్ణాటక 23వ ముఖ్యమంత్రిగా ప్రమాణ స్వీకారం చేసిన విషయం తెలిసిందే. బలనిరూపణకు ఆయనకు గవర్నర్ 15 రోజుల గడువు ఇవ్వడం కూడా వివాదాస్పదమైంది. అయితే, గవర్నర్ నిర్ణయంపై నిన్న రాత్రే కాంగ్రెస్ సుప్రీంకోర్టు తలుపు తట్టగా, యడ్యూరప్ప ప్రమాణ స్వీకారానికి కోర్టు గ్రీన్ సిగ్నల్ ఇచ్చింది. అయితే ఈ కేసులో తమ తుది ఆదేశాలకు లోబడి ప్రభుత్వ ఏర్పాటు, ప్రమాణ స్వీకారం ఉంటాయని మాత్రం స్పష్టం చేసింది.

కర్ణాటకలో అమిత్ షా, మోడీ చేస్తున్న దారుమైన ప్రజాస్వామ్య ఖూనీ అడ్డుకునేందుకు, కాంగ్రెస్ పార్టీ అర్ధరాత్రి సుప్రీమ్ కోర్ట్ మెట్లు ఎక్కింది. దీంతో కర్ణాటక రాజాకీయలు నేపధ్యంలో హైడ్రామా చోటు చేసుకుని. ప్రభుత్వం ఏర్పాటుకు యడ్యూరప్పను గవర్నరు ఆహ్వానించడం పై కాంగ్రెస్‌ సుప్రీం కోర్టుకెక్కింది. కోర్ట్ కి వెళ్ళకుండా రాత్రి 9 గంటలకు ప్రభుత్వ ఏర్పాటుకు పిలిచి, ఉదయం 9:30కి ప్రమాణస్వీకారం చేస్తున్నారని, అత్యవసరంగా పిటిషన్‌ను విచారించాలని కాంగ్రెస్‌ సీనియరు నేత, న్యాయవాది అభిషేక్‌ మను సింఘ్వి కోర్టును కోరారు. గవర్నర్‌ నిర్ణయాన్ని సవాల్‌ చేస్తూ బుధవారం రాత్రి 11:47 గంటలకు అత్యవసరంగా ఓ హౌస్‌ మోషన్‌ పిటిషన్‌ దాఖలు చేసింది. దీనిపై అప్పటికప్పుడే వాదనలు వినాలని అభ్యర్థించింది. కాంగ్రెస్‌ ఎంపీ అభిషేక్‌ మనుసింఘ్వి, వివేక్‌ తనఖా, పార్టీ లీగల్‌సెల్‌కు చెందిన లాయర్లు- కృష్ణ మీనన్‌ మార్గ్‌లో ఉన్న చీఫ్‌ జస్టిస్‌ దీపక్‌ మిశ్రా నివాసానికి రాత్రి 12:28 గంటలకు చేరుకున్నారు.

కర్ణాటకలో ఓ అనైతిక ప్రభుత్వం కొలువుదీరబోతోందని, గురువారం ఉదయం 9:30కే ప్రమాణస్వీకారమని, దీన్ని తక్షణం ఆపాలని, సుప్రీం జోక్యం అనివార్యమని అభ్యర్థించారు. గవర్నర్‌ నిర్ణయం చెల్లదని ప్రకటించాలని, ఈ ప్రక్రియ నిలుపుచేయాలని అభిషేక్‌ మనుసింఘ్వి కోరారు. సీజే తొలుత విముఖత ప్రదర్శించినా తరువాత వెంటనే వాదనలు వినడానికి అంగీకరించారు. అర్ధరాత్రి 1:45కి ఆరో నెంబరు కోర్టులో విచారణకు ఆదేశాలు జారీ చేస్తూ ముగ్గురు సభ్యుల ధర్మాసనాన్ని అప్పటికప్పుడు ఏర్పాటు చేశారు. జస్టిస్‌ ఏకీ సిక్రీ నేతృత్వంలో జస్టిస్‌ అశోక్‌ భూషణ్‌, జస్టిస్‌ ఎస్‌ఏ బాబ్డేలతో కూడిన బెంచ్‌కు ఈ వ్యవహారాన్ని కేటాయించారు. కాంగ్రెస్‌- జేడీఎస్‌ సంయుక్తంగా వేసిన ఈ పిటిషన్‌ను పరిశీలించిన సీజే దీనికి సంబంధించిన వాదనలను లిఖిత పూర్వకంగా వెంటనే సమర్పించాలని ఆదేశించారు.

కోర్టులో న్యాయవాదుల మధ్య తీవ్ర వాదోపవాదాలు చోటుచేసుకున్నాయి. మెజారిటీ ఉన్నవారినే ప్రభుత్వం ఏర్పాటుకు ఆహ్వానించాలని వాదనలు వినిపించారు. బలనిరూపణకు 15 రోజుల సమయం ఎలా ఇస్తారని ప్రశ్నించారు. ఇది రాజ్యాంగ విరుద్ధమని, ఎమ్మెల్యేల కొనుగోలుకు అవకాశమిచ్చినట్లేనని వ్యాఖ్యానించారు. ఇటువంటి వ్యవహారంలో గతంలో కోర్టు 48 గంటల సమయమే ఇచ్చిందని చెప్పారు. ‘‘కాంగ్రెస్-జేడీఎస్ ల బలం 116 మంది ఎమ్మెల్యేలు. బీజేపీ బలం 104. మరి గవర్నర్‌ ఎందుకు మెజారిటీ ఉన్న కాంగ్రె్‌స-జేడీఎస్ లను ప్రభుత్వ ఏర్పాటుకు ఆహ్వానించలేదు? గవర్నర్‌ నిర్ణయం ఏకపక్షం, చట్టవిరుద్ధం, రాజ్యాంగ విరుద్ధం, సంప్రదాయ విరుద్ధం. ఈ నిర్ణయం చెల్లదని ప్రకటించాలి. మెజారిటీ ఉన్న కూటమి నేత హెచ్‌డీ కుమారస్వామిని ఆహ్వానించేట్లు గవర్నర్‌ను ఆదేశించాలి’’ అని ఆ పిటిషన్‌లో పేర్కొన్నారు.

మెజారిటీ నిరూపించుకోవడానికి అతిపెద్ద పార్టీకి అవకాశం ఇవ్వడం సంప్రదాయం కాదా? అని ధర్మాసనం ప్రశ్నించింది. ప్రభుత్వం ఏర్పాటుకు ఒక పార్టీని గవర్నరు పిలవకుండా కోర్టు అడ్డుకోగలదా? అని కూడా అడిగింది. అది రాజ్యాంగ సంక్షోభానికి దారితీయదా? అని ప్రశ్నించింది. గతంలో గవర్నరు చర్యను అడ్డుకున్న సందర్భముందని సింఘ్వీ సమాధానమిచ్చారు. గతంలో ఇచ్చిన తీర్పులు గవర్నరుకు వ్యతిరేకంగా, ఆయనను అడ్డుకోవడానికి ఇచ్చినవి కావని కోర్టు అభిప్రాయపడింది. రెండు గంటలు వాదనలు విన్న కోర్ట్, గవర్నర్ అధికారాలని అడ్డుకోలేము అని, తేల్చి చెప్పింది. దీంతో ఈ రోజు ప్రమాణస్వీకారం ఏ అడ్డంకులు లేకుండా జరగనుంది... అయితే, కేసు ఇంకా డిస్మిస్ చెయ్యలేదు. రేపు ఉదయం 10:30 గంటలకు వాదనలు మళ్ళీ విననుంది. అంతకంటే ముందు, గవర్నర్ కు ఎడ్యురప్ప ఇచ్చిన లేఖ, ఎంత మంది మద్దతు ఉంది, ఇవన్నీ చూపించాలని సుప్రీం కోర్ట్ కోరింది. ప్రమాణస్వీకార అంశం తుది తీర్పుకు లోబడే ఉంటుందని కోర్ట్ చెప్పింది.

కన్ను మిన్ను కాన రాక, అధికార అహంతో, నోటికి ఏమి మాట్లడతున్నమో తెలుసుకోకుండా, రెచ్చిపోతున్న బీజేపీ నాయకులకు ఎక్కడకు వెళ్ళినా ఆంధ్రులు వదిలిపెట్టటం లేదు.. మా రాష్ట్రానికి ఇవ్వాల్సిన విభజన హామీలు ఎందుకు నెరవేర్చలేదు అంటూ, నిలదీస్తున్నారు... సాక్షాత్తు అమిత్ షా కే, తిరుపతిలో ఈ నిరసన తగిలింది... అయితే తాజాగా, బీజేపీ రాజ్యసభ సభ్యుడు జీవీఎల్ నరసింహరావుకు, ఈ నిరసన సెగ తాకింది. మీకు అమరావతి ఎందుకు, మయసభ కట్టుకుంటారా అని, ఎగతాళి చేసింది ఈయనే... ఇలా ఆంధ్రా పై అడ్డగోలుగా వాదించినందుకు, బహుమానంగా, రాజ్యసభ ఇచ్చి సత్కరించారు అమిత్ షా... అందుకే ఆ విశ్వాసం చూపిస్తూ, ఆంధ్రా పై మరింతగా విరుచుకు పడుతున్నాడు జీవీఎల్... సరిగ్గా కర్ణాటక ఎన్నికల ప్రచార హడావిడి ముగిసిన వెంటనే, ఆంధ్రప్రదేశ్ కు చుక్కలు చూపిస్తాం అంటున్నారు..

ఈ నేపధ్యంలో, అమెరికాలో, న్యూజెర్సీ రాష్ట్రంలోని ఎడిసన్ లో బీజేపీ ఒక కార్యక్రమం నిర్వహించింది. కర్ణాటక ఎన్నికల విజయాన్ని పురస్కరించుకుని విజయోత్సవ సభ లాగా దీనిని నిర్వహించారు. దీనికి ఎంపీ జీవీఎల్ నరసింహారావు ను ఆహ్వానించారు. ఆయన ఎప్పటిలాగానే.. ప్రత్యేకహోదా వంచన విషయంలో పాచిపోయిన పాట పాడడం ప్రారంభించారు. హోదా ను మించిన ప్యాకేజి ఇస్తున్నామని, చంద్రబాబు తీసుకోవడం లేదని, నానా అవాకులు చెవాకులు పేలడం ప్రారంభించారు. ఈ వరుస అబద్దాలను సహించలేకపోయిన సభికులైన ప్రవాసాంధ్రులు లేచి నిల్చుని, మీరు అన్నీ అబద్దాలు చెబుతున్నారంటూ నిలదీశారు.

సభలో గందరగోళం చెలరేగింది. “ఈ నిరసనలు కూడా వ్యూహాత్మకంగా చేస్తున్నవే అని, మీరు అందరూ దుష్ప్రచారపు మాయలో పడుతున్నారని” నరసింహారావు కాసేపు బుకాయించే ప్రయత్నం చేశారు. కానీ ఆ పాచిక కూడా పారలేదు. ఈలోగా నరసింహారావు బుకాయింపులను అడ్డుకున్న వారిని బలవంతంగా సభనుంచి బయటకు పంపించారు. “గత ఎన్నికల్లో మేము కూడా మోడీ మాటలను నమ్మి ఆయనకు మద్దతు ఇచ్చాం. అందువల్ల మా మిత్రులను కూడా కోల్పోయాం. కానీ మీరు తెలుగు జాతిని వంచించారు” అంటూ పలువురు తీవ్రంగా విమర్శించారు. ఈ తాకిడి తట్టుకోలేకపోయిన నరసింహారావు తన ప్రసంగాన్ని అర్ధాంతరంగా ముగించేశారు. మొత్తానికి ఆంధ్రా వారికి ద్రోహం చేసి, ఎదురు చుక్కలు చూపిస్తాం అంటున్న బీజేపీకి, ఎక్కడకు వెళ్ళినా చుక్కలు కనిపిస్తున్నాయి..