news

దివి సీమ... కృష్ణా డెల్టాలోనే చిట్టచివారి ఆయకట్టు ప్రాంతం అయినా, ఈ పేరు వినగానే ఎవరికైనా ముందుగా గుర్తుకొచ్చేది ఈ ప్రాంతంలో రైతులు ఎదుర్కొనే సాగునీటి కషాలే.... దాదాపు రెండు దశాబ్దాలుగా కొనసాగుతున్న ఈ పరిస్థితి కారణంగా రైతులు ఏటా నష్టాలను చవిచూస్తున్నారు. పంట కాల్వల పైనే ఆధారపడి వ్యవసాయం చేసే ఈ ప్రాంతంలోని అన్నదాతలకు గత సంవత్సరం నుంచి ప్రభుత్వం పట్టిసీమ ద్వారా అందిస్తున్న సాగునీరు వారి పాలిట వరంగా మారింది. దాదాపు లక్ష ఎకరాల ఆయకట్టు కలిగిన దివి ప్రాంతంలో రెండేళ్లుగా ఏర్పడిన తీవ్ర వర్షా భావ పరిస్థితుల్లోనూ రైతులు సిరులు పండించారంటే అందుకు ప్రధాన కారణం పట్టిసీమే. ఈ సంవత్సరం జూన్ నెలలోనే సాగునీరు విడుదల కావటంతో కాల్వ చివరి ప్రాంతాలైన నాగాయలంక, కోడూరు, చల్లపల్లి, ఘంటసాల మండలాల్లో డిసెంబరు మొదటి వారానికే పంట చేతికొచ్చింది. అవనిగడ్డ నియోజకవర్గంలోని ఆరు మండలాల్లో రికార్డు స్థాయిలో దిగుబడులు నమోదవుతున్నాయి.

ఏటా తీవ్ర సాగునీటి ఎద్దడి కారణంగా నాగాయలంక మండలం గుల్లలమొద, సోర్లగొంది, గణపేశ్వరం, నాలి, కమ్మనమోల గ్రామాలు, కోడూరు మండలం రామకృష్ణాపురం, ఇరాలి, బసవ వానిపాలెం, ఊటగుండం, మోపిదేవి మండలం పెదకళేపల్లి, చింతలమడ, చల్లపల్లి మండలం మాజేరు, ఘంటసాల మండలం చిలకలపూడి, రుద్రవరం ప్రాంతాల్లో రైతులు నష్టాల పాలయ్యే సందర్భాలే ఎక్కువ. పట్టిసీమ పుణ్యమా అని జూన్ నెలలోనే సాగునీరు విడుదల కావటంతో జులె నెలాఖరు నాటికే దాదాపు ఎగువ రైతులంతా నాట్లు పూర్తీ చేసుకోవటంతో చివరి రైతులకు వంతులవారీగా నీటిని విడుదల చేసారు... సాగునీటి ఎద్దడి తలెత్తినా రైతులు మొక్కవోని ధైర్యంతో సాగు కొనసాగించటంతో కాల్వ చివరి గ్రామాల్లో ప్రస్తుతం వరి పైరు పొట్ట, ఈనిక దశల్లో ఉంది. ఎగువ పొలాల్లో వరి పైరు దాదాపగా గింజ గట్టిపడే దశకు చేరుకుని కోతకు సిద్ధమైంది.

దివిసీమ అంతా మొత్తం వరి పచ్చగా దర్శనమిస్తూ రైతుకు కనువిందు చేస్తోంది. పట్టిసీమ ద్వారా సకాలంలో నీరు అందడంతో పాటు కొండకోనల నుంచి పోషకాలతో కూడిన ఒండ్రును మోసుకురావటంతో పంటపొలాల్లో వరి పైరు బంగారు వర్ణంతో కనుల పండుగ చేస్తుంది. ఇప్పటికే కోతకు వచ్చిన ఏ పోలాలని పరిశీలించినా, బంగారు వర్ణంలో మిల మిల లాడుతూ దర్శనమిచ్చే వారి పైరును చుస్తే ఎకరాకు 35 నుంచి 45 బస్తాల మేర దిగుబడి వచ్చే అవకాసం ఉందని రైతులు ఆశాభావం వ్యక్తం చేస్తున్నారు...

ఆంధ్రప్రదేశ్ ముఖ్యమంత్రి చంద్రబాబు కొన్ని కీలక వ్యాఖ్యలు చేశారు... దక్షిణ కొరియా పర్యటన విశేషాలను ముఖ్యమంత్రి నిన్న మీడియాకి వివరించిన సందర్భంలో ఈ వ్యాఖ్యాలు చేశారు... కియ మోటార్స్‌ పెట్టుబడులు, ఉద్యోగావకాశాల పై మాట్లాడుతూ మాట్లాడుతూ చంద్రబాబు వోక్స్‌వ్యాగన్‌ ప్రస్తావన తెచ్చారు. ఆ రోజుల్లోనే ఉమ్మడి ఆంధ్రప్రదేశ్ రాష్ట్రాన్ని ఆటోమొబైల్‌ రంగంలో బూస్ట్ తేవాలి అని ప్రయత్నించాను అని, అప్పుడే వోక్స్‌వ్యాగన్‌ కోసం ప్రయత్నాలు చేసింది గుర్తు చేశారు... తరువాత అధికారం పోవటం, తరువాత వచ్చిన రాజశేఖర్ రెడ్డి ప్రభుత్వం, ఆ కంపనీని ఎలా పోగొట్టుంది చెప్పారు...

వోక్స్‌వ్యాగన్‌తో ఆ రోజుల్లో సంప్రదింపులు జరిపామని తెలిపారు. అయితే వైఎస్‌ హయాంలో పారిశ్రామికవేత్తల్లో లేనిపోని భయాలు కల్పించారని, అక్రమాలు చేసేలా ప్రోత్సహించారని విమర్శించారు. వోక్స్‌వ్యాగన్‌ కంపెనీ రాష్ట్రంలో రాకపోవటమే కాకుండా, వాటి ఫలితంగానే వోక్స్‌వ్యాగన్‌ కంపెనీ డైరక్టర్లలో ఒకరు ఇప్పటికీ జైల్లో ఉన్నారు. కానీ దానికి కారణమైన నాయకుడు (బొత్సా సత్యన్నారాయణ) మాత్రం దర్జాగా కాలరెగరేసి తిరుగుతూ మా పై విమర్శలు చేస్తున్నారని సీఎం వ్యాఖ్యానించారు. వోక్స్‌వ్యాగన్‌ కంపెనీ డైరక్టర్ జైల్లో కూర్చుంటే, అసలు అవినీతి చేసిన బొత్సా సత్యన్నారాయణ మాత్రం కారుల్లో హాయిగా తిరుగుతున్నారు అని ముఖ్యమంత్రి అన్నారు...

అనంతపురం జిల్లాలో దక్షిణ కొరియాకు చెందిన కియ పరిశ్రమ వల్ల రూ.12915 కోట్ల(2 బిలియన్‌ యూఎస్‌ డాలర్ల) పెట్టుబడి వస్తుందని, ప్రత్యక్షంగా నాలుగు వేల మందికి, పరోక్షంగా ఏడు వేల మందికి ఉద్యోగాలు లభిస్తాయని సీఎం తెలిపారు. కియ మోటార్స్‌కు భూమి, నీరు, అనుమతులు అత్యంత వేగంగా ఇవ్వడం కొరియా పారిశ్రామికవేత్తలను ఆశ్చర్యపరిచిందన్నారు. దీంతో కియకు అనుబంఽధ పరిశ్రమలన్నీ ముందుకొచ్చి రాష్ట్ర ప్రభుత్వంతో ఒప్పందం చేసుకున్నాయని తెలిపారు. ఈ ఒప్పందంలో భాగంగా 37 అనుబంధ సంస్థలు రూ.4,995.2 కోట్ల పెట్టుబడి పెట్టనున్నాయని తెలిపారు. కియతోపాటు 37 అనుబంధ సంస్థలతో కలిపి కొరియన్‌ టౌన్‌షిప్‌ని అనంతపురంలో ప్రారంభించనున్నట్లు వెల్లడించారు...

రాజధాని పరిధిలో ఒక్కొక్కటిగా కంపెనీల రాక ప్రారంభమైంది. ఐటీ సంస్థలతో పాటు పారిశ్రామిక క్లస్టర్లు సైతం ఏర్పాటు చేస్తుండడంతో యువతకు ఉపాధి అవకాశాలు చేరువవుతున్నాయి. కృష్ణా, గుంటూరుల్లో ఇప్పటికే ఐటీ కంపెనీలు గత ఏడాది కాలంలో 35 వరకూ ప్రారంభమయ్యాయి. వీటిలో 2300కు పైగా కొలువులు స్థానిక యువతకు లభించాయి. మరో ఆరు నెలల్లో గన్నవరంలోని ఐటీ పార్కులో రెండో టవర్‌ నిర్మాణం పూర్తి చేయనున్నారు. దీనిలో మరో 25 కంపెనీల వరకూ రానున్నాయి. ప్రస్తుతం ఉన్న మేధాటవర్స్‌లో 12 కంపెనీలు ఉండగా.. మరికొన్ని కంపెనీలకు త్వరలో స్థలం కేటాయించనున్నారు.

గుంటూరు పరిధిలోని మంగళగిరిలోనూ ప్రస్తుతం ఓ ఐటీ టవర్‌ ఏర్పాటు చేశారు. దీనిలో 50వేల చదరపు అడుగుల స్థలం అందుబాటులోనికి వచ్చింది. మూడు అంతస్థుల్లో పైకేర్‌ సంస్థ కార్యాలయం ఏర్పాటు చేసింది. మరో అంతస్తులో ఇతర కంపెనీలు ప్రారంభమయ్యాయి. ఈ ఐటీ టవర్‌లో మొత్తం 400మంది వరకూ ఉద్యోగులు ప్రస్తుతం ఉన్నారు. ఇక్కడే మరికొన్ని కూడా ఏర్పాటు కానున్నాయి.. మంగళగిరి పరిధిలోనూ మరో 30 ఐటీ కంపెనీల వరకూ ఏర్పాటు చేసేందుకు ఏపీఎన్‌ఆర్‌టీ ప్రయత్నాలు చేస్తోంది. అలాగే మంగళగిరిలో హెల్త్‌క్లస్టర్‌ ఏర్పాటుకు చర్యలు చేపడుతున్నారు. మెడికల్‌ కోడింగ్‌, బిల్లింగ్‌, బీమా కంపెనీల ప్రొసీజర్స్‌ వంటి కంపెనీలు దీనిలో రానున్నాయి.

గన్నవరం ఐటీపార్క్‌లో మేధాటవర్స్‌కు వెనుకవైపు రెండో ఐటీ టవర్‌ నిర్మాణం ప్రారంభమైంది. దీనిలో 4.4 లక్షల చదరపు అడుగుల విస్తీర్ణం స్థలం అందుబాటులోకి రానుంది. ఆరు నెలల్లో నిర్మాణం పూర్తిచేసి ఐటీ కంపెనీలకు కేటాయించనున్నారు. 25 సంస్థలను ఇక్కడ ఏర్పాటు చేయనున్నారు. హెచ్‌సీఎల్‌ సంస్థకు గన్నవరంలో 17 ఎకరాలను కేటాయించారు. ఇక్కడ భవనాల నిర్మాణానికి పరిశీలన పూర్తయింది. 2018 జనవరి నుంచి ప్రారంభించి.. 2019 జనవరిలోగా భవనాల నిర్మాణం పూర్తి చేయనున్నారు. గన్నవరం మండలంలోని వీరపనేనిగూడెంలో ఉన్న 81 ఎకరాల స్థలంలో పారిశ్రామిక క్లస్టర్‌ను ఏర్పాటు చేసేందుకు ఏపీఐఐసీ ఆధ్వర్యంలో స్థలాన్ని కేటాయించారు. ఈ ప్రాంతాన్ని అభివృద్ధి చేసి.. ఇప్పటికే దేశవ్యాప్తంగా ఉన్న 75 సంస్థలకు స్థలాలను కేటాయించారు. మల్లవల్లి ఇండస్ట్రియల్‌ పార్కును వంద ఎకరాల్లో అభివృద్ధి చేస్తున్నారు. ఇక్కడ 936 యూనిట్లను ఏర్పాటు చేయనున్నారు. ఇక్కడే 33యూనిట్లతో ఫుడ్‌పార్క్‌ను సైతం ఏర్పాటు చేస్తున్నారు.