news

నవ్యాంధ్ర రాజధాని ప్రాంతంలోని, విజయవాడ శివారు నున్నలో ఎలక్ట్రికల్ బైకుల తయారీ ఫ్యాక్టరీ రానుంది... ఆంధ్రప్రదేశ్ రాష్ట్రానికి చెందిన ప్రముఖ వస్త్ర వ్యాపార సంస్థ ‘చందన’ కుటుంబానికి చెందిన ఏవీఈ రమణ, చాందినీ చందన దంపతులు ‘చందన కార్ప్‌’ పేరుతో సంస్థను ఏర్పాటు చేసి ‘అవేరా’ పేరుతో బ్యాటరీ బైకులు, స్కూటర్లను తయారు చేయనున్నారు... రూ.200 కోట్ల వ్యయంతో చేపట్టే ఈ పరిశ్రమపై తొలి దశలో రూ.50 కోట్లు పెట్టుబడి పెట్టనున్నారు... విజయవాడ శివారు నున్నలో, సుమారు 63 ఎకరాల విస్తీర్ణంలో ఈ సంస్థను ఏర్పాటు చేస్తున్నారు. .

వచ్చే వారం రాష్ట్ర ప్రభుత్వంతో ఈ సంస్థ ఎంవోయూ చేసుకోనుంది. ఈ-బైకుల్లో ఉపయోగించే లిథియం ఐరన్‌ ఫాస్ఫేట్‌(ఎల్‌ఎఫ్‌పీ) బ్యాటరీలను, బోష్‌ కంపెనీ మోటార్లను విదేశాల నుంచి దిగుమతి చేసుకుంటారు. 60 శాతం పరికరాలను స్థానికంగా తయారు చేస్తారు. అందులో భాగంగా ఈ-బైకులో కీలకమైన చిప్‌లను దక్షిణ కొరియా సాంకేతిక సహకారంతో అనంతపురం, చిత్తూరుల్లోని ఎలకా్ట్రనిక్‌ క్లస్టర్స్‌లో తయారు చేయాలని నిర్ణయించారు. నున్నలో కేవలం అసెంబ్లింగ్‌ యూనిట్‌ను ఏర్పాటు చేస్తారు.

వచ్చే ఏడాది మార్చి, ఏప్రిల్‌ నాటికి పరిశ్రమను ఏర్పాటు చేసి ఉత్పత్తిని ప్రారంభించాలని చందన కార్ప్‌ భావిస్తోంది. ‘అవేరా’ ద్విచక్రవాహనాల్లో అత్యాధునిక లిథియం ఐరన్‌ ఫాస్ఫేట్‌ బ్యాటరీని వినియోగించడంతోపాటు ఎలక్ట్రిక్‌ మోటార్‌ టెక్నాలజీ ద్వారా గంట చార్జింగ్‌కు 250 కిలోమీటర్ల మైలేజీని సాధించగలుగుతున్నామని సంస్థ ఎండీ రమణ తెలిపారు. ఈ-బైకుల ధర అధికంగా ఉన్నా కేంద్ర, రాష్ట్ర ప్రభుత్వాలు ఇచ్చే రాయితీలతో సాధారణ బైకుల ధరకే వీటిని అందించేందుకు చందన కార్ప్‌ సిద్ధమవుతోంది. ఈ సంస్థ తయారు చేసే స్కూటర్‌ ధర రూ.2.50 లక్షలు అయితే రాయితీలు పోను రూ.70 వేలకు, స్పోర్ట్స్‌ బైక్‌ ధర రూ.5 లక్షలు కాగా, రూ.లక్షకే విక్రయించనున్నారు.

నవ్యాంధ్రప్రదేశ్ నుంచి దేశ ఆర్థిక రాజధానికి అనుసంధానం చేసేందుకు ఎయిర్ ఇండియా (ఏఐ) దృష్టి సారించింది. గన్నవరం నుంచి ముంబై కు నూతన సర్వీసును జనవరి 15వ తేదీ నుంచిప్రారంభించాలని ప్రాథమికంగా నిర్ణయించారు. ముందుగా హైదరాబాద్‌ నుంచి ముంబయికి నడుస్తున్న సర్వీసును గన్నవరం వరకూ పొడిగించనున్నారు. తర్వాత.. పూర్తిస్థాయిలో ఇక్కడి నుంచి నేరుగా ముంబయికి సర్వీసులు ఏర్పాటు చేయనున్నట్టు అధికారులు, ఎయిర్‌ ఇండియా సిబ్బంది పేర్కొంటున్నారు. గతంలో ఢిల్లీ కి సర్వీసును ప్రారంభించినప్పుడు కూడా ఇలాగే మొదట హైదరాబాద్‌ నుంచి నడిచే విమానాన్ని ఇక్కడికి పొడిగించారు. తరువాత డైరెక్ట్ ఫ్లిట్ వేశారు...

ముంబయికి విమాన సర్వీసును ఏర్పాటు చెయ్యటంతో, వ్యాపార వర్గాలకే కాక, విదేశాలకు వెళ్ళేవారికి కూడా, ఈ సర్వీసులు ఉపయోగపడతాయి. ప్రస్తుతం విదేశాల నుంచి విజయవాడకు వచ్చేవారు, ఎవరైనా హైదరాబాద్‌లోనో లేక, ముంబయిలో దిగి అక్కడి నుంచి మళ్లీ హైదరాబాద్‌కు చేరుకుని, విజయవాడకు రావాల్సి వస్తోంది. ఇది చాలా ఇబ్బందికరంగా ఉంటుంది... గన్నవరం ఎయిర్పోర్ట్ ఉండి కూడా, ముంబైలో దిగి, మళ్ళీ హైదరాబాద్ వచ్చి, విజయవాడ రావాల్సి వస్తుంది... దీంతో గన్నవరం నుంచి ముంబై కి సర్వీసులను ఏర్పాటు చేయాలంటూ, పౌరవిమానయానశాఖకు ఇక్కడి వ్యాపార సంఘాల నుంచి లేఖలు చాలాకాలంగా రాస్తున్నారు.

దేశంలోనే రెండో అతిపెద్ద రద్దీ ఎయిర్ పోర్ట్ ముంబయి కావడంతో, అక్కడి నుంచి ప్రపంచంలోని ఏ దేశానికైనా సులభంగా చేరుకునేందుకు ఇక్కడి వారికి కనెక్టివిటీ ఏర్పడుతుంది. ప్రస్తుతం హైదరాబాద్‌కు వచ్చే అంతర్జాతీయ సర్వీసుల్లో ఎక్కువశాతం అర్థరాత్రి దాటాకే వస్తాయి. అక్కడి నుంచి విజయవాడకు రావాలంటే ఉదయం వరకూ వేచి చూడాల్సిందే. అదే ముంబయికి సర్వీసులను ఏర్పాటు చేస్తే.. ఈ సమస్య ఉండదు. ఇక ఎయిరిండియా సర్వీసులో ఇక్కడి నుంచి వెళ్లి.. అదే సంస్థ ముంబయి నుంచి విదేశాలకు నడిపే సర్వీసులను అందుకోవచ్చు. టిక్కెట్లను సైతం నేరుగా తీసుకునేందుకు వీలు కుదురుతుంది. దీంతో జపాన్‌, దుబాయ్‌ సహా ఏ దేశానికైనా నేరుగా విజయవాడ నుంచి చేరుకున్నట్టుగానే ఉంటుంది. సమయం వృథా కాకుండా వెళ్లేందుకు మార్గం సుగమమవుతుంది.

విభజన సమయంలో ఆంధ్రప్రదేశ్ కు ఎంత అన్యాయం జరిగిందో.. రాష్ట్రంలో ఆర్థికంగా ఎంత దయనీయ స్థితికి చేరుకుందో కొత్తగా చెప్పాల్సిన పని లేదు. ఉద్యోగులకు జీతాలివ్వడానికి - సంక్షేమ పథకాలకు కూడా డబ్బుల్లేని పరిస్థితి. అయితే ఇవన్నీ మన ఆంధ్రుడి కష్టం ముందు చిన్నబోయాయి... మనల్ని నడిపిస్తున్న నాయకుడు సత్తా ఏంటో మరో సారి రుజువైంది.... సంక్షోభాలను అవకాశాలుగా మార్చుకుంటూ, రియల్‌ గవర్నెన్స్‌ కోసం ముందుకెళ్తు, నదుల అనుసంధానంతో చరిత్ర సృష్టించి, సాంకేతిక పరిఙ్ఞానంతో పంటలను కాపాడి, రాయలసీమలో కరువు నివారణకు చర్యలు తీసుకుని, సరళమైన పారశ్రామిక విధానంతో, ఆంధ్రప్రదేశ్ అన్ని రంగంల్లో అభివృద్ధిలో దూసుకుపోతుంది... ఇన్ని కష్టాలు ఉన్నప్పటికీ జాతీయ సగటును మించి ఆంధ్రప్రదేశ్ వృద్ధి రేటు సాధించింది...

ప్రస్తుత ఆర్థిక సంవత్సర ఆరు నెలల ప్రగతిలో రాష్ట్ర ప్రభుత్వం మళ్ళీ డిస్టింక్షన్ సాధించింది. 2017-18 ఆర్థిక సంవత్సరానికి సంబంధించి 6 నెలల ప్రగతి నివేదికను ముఖ్యమంత్రి గురువారం మీడియా సమావేశంలో వివరించారు. భారత్ దేశ వృద్ధి రేటు 5.8 ఉండగా, ఏపీ 11.37 సాధించి రెట్టింపు స్థానాన్ని సాధించింది. వీటిలో అత్యధికంగా వ్యవసాయ రంగం 25.60 సాధించి అగ్రగామిగా ఉండగా, ఇండస్ట్రీ అభివృద్ధి 7.43, సర్వీస్ సెక్లార్ రంగం 8.38శాతం సాధించింది. 2015-16లో ఏపీ వృద్ధిరేటు 10.95శాతం కాగా జాతీయ వృద్ధిరేటు 8.01శాతం. 2016-17లో ఏపీలో 11.61శాతం వృద్ధిరేటు సాధిస్తే...జాతీయ సగటు 7.11శాతం మాత్రమే. ఆర్థిక సంవత్సరం రెండో త్రైమాసికంలో జీవీఏ వృద్ధిరేటులో ప్రాథమికరంగంలో మత్స్యరంగం టాప్‌లో ఉంది. ఈ రంగంలో 43.43శాతం వృద్ధిరేటు కనిపించింది. అయితే గత ఏడాది ఇదే త్రైమాసికం వృద్ధిరేటు 52.95శాతంతో పోలిస్తే ఇది తక్కువే. వ్యవసాయ రంగంలో గణనీయమైన ప్రగతి కనిపించింది.

ఈ ఏడాది హార్టీకల్చర్‌లో 18.62శాతం, లైవ్‌స్టాక్‌లో 12.86శాతం వృద్ధిరేటు వచ్చింది. ఫారెస్ర్టీ, లాగింగ్‌లో మైనస్‌ వృద్ధిరేటు నమోదుకావడం గమనార్హం. మరోవైపు పారిశ్రామిక రంగంలో రెండో త్రైమాసికంలో మైనింగ్‌లో 7.82శాతం, తయారీరంగంలో 7.89శాతం, విద్యుత్తు, గ్యాస్‌, నీటి సరఫరా రంగంలో 6.65శాతం, నిర్మాణ రంగంలో 5.28శాతం వృద్ధి రేటుతో వెరసి.. 6.8శాతం కనిపించింది. సేవారంగంలో రియల్‌ ఎస్టేట్‌, సంబంధిత సేవల్లో 11.17శాతం, కమ్యూనికేషన్స్‌లో 9.9శాతం, వ్యాపారం, హోటల్స్‌, రెస్టారెంట్స్‌లో 5.95శాతం, రవాణారంగంలో 6.69శాతం..ఇలా మొత్తంగా సేవా రంగంలో 8.1శాతం వృద్దిరేటు సాధించారు. తాము ఇంత కష్టపడుతుంటే కొంతమంది కథలు, కాకరకాయలు చెప్తున్నారంటూ, ప్రతిపక్షాన్ని ఉద్దేశించి విమర్శించారు. గత మూడేళ్లలోనూ ఏపీ వృద్ధి రేటులో ముందుందని, ఇలా 15-20ఏళ్లపాటు సాధిస్తే ప్రపంచంలో నంబర్‌వన్‌ అవుతామని ధీమా వ్యక్తం చేశారు.