రాష్ట్రంలో మంత్రుల పరిపాలన పై చంద్రబాబు నిన్న రివ్యూ చేశారు... ఏ మంత్రి, ఎంత ఫాస్ట్ గా పని చేస్తుంది లెక్కలతో సహా చెప్పారు... తన కార్యాలయం కంటే, హోం మంత్రి చినరాజప్ప ఫాస్ట్ గా ఉన్నారంటూ కితాబు ఇచ్చారు... ముఖ్యమంత్రి సొంత టీం పై అసంతృప్తి వ్యక్తం చేశారు... గత క్వార్టర్ లో, తన కార్యాలయంలో ఫైల్స్ క్లియరెన్స్‌ చెయ్యటానికి సగటున ఒక్కో ఫైలు 42 రోజుల 11 గంటలు పట్టింది అన్నారు... ముఖ్యమంత్రి కార్యాలయంలోనే ఇలా ఉంటే ఎలా? అంటూ వ్యాఖ్యానించారు.
ఉపముఖ్యమంత్రి చినరాజప్ప కేవలం నాలుగు గంటల్లో దస్త్రాన్ని పరిష్కరిస్తున్నారని, రెండో స్థానంలో లోకేష్‌ ఉన్నారని తెలిపారు. లోకేష్‌ ఆరు గంటల సమయం తీసుకుంటున్నట్టు ముఖ్యమంత్రి చెప్పారు. ‘‘ఈయన వచ్చిన ఫైలు వచ్చినట్టూ పంపేస్తున్నట్టున్నాడు’’ అని చినరాజప్పనుద్దేశించి సరదాగా వ్యాఖ్యానించారు. మానవ వనరులశాఖ మంత్రి గంటా శ్రీనివాసరావు సగటున ఒక్కో దస్త్రానికి 66 రోజులు తీసుకుంటున్నారంటూ... ‘‘ఈయన సమావేశాలకు రారు. ఇక్కడ కూడా కనిపించరు. ఆయనదో ప్రత్యేక ధోరణి’’ అని ముఖ్యమంత్రి వ్యాఖ్యానించారు. మంత్రి మాణిక్యాలరావు గురించి చెబుతూ... ‘‘ఆయన 9 గంటల 5 రోజుల సమయం తీసుకుంటున్నారు. గతం కంటే బాగా మెరుగుపడ్డారు. అంతకుముందు 77 రోజులు తీసుకునేవారు’’ అని పేర్కొన్నారు. మంత్రి అఖిలప్రియ 35.10 రోజుల సమయం తీసుకుంటున్నారని చెబుతూ... ఇలా అయితే ఎలా అమ్మా? అని ప్రశ్నించారు.
ఇక నుంచి గెట్టిగా పని చెయ్యాలి అని, 15 రోజులకి ఒకసారి రివ్యూ చేస్తాను అని చెప్పారు.. అందరూ ఫాస్ట్ గా ఫైల్స్ క్లియరెన్స్‌ చెయ్యాలని చెప్పారు... నా కార్యాలయంతో సహా, ఎవరి దగ్గర ఎన్ని రోజులు ఫైళ్లు పెండింగ్‌లో ఉన్నాయో ఎప్పటికప్పుడు తెలిసిపోతుంది, అందరూ అప్రమత్తంగా ఉండాలి అని అన్నారు.. మరో రెండు నెలల్లో ఫైల్స్ అన్నీ డిజిటల్ అయిపోయాని, సచివాలయం నుంచి కింది స్థాయి వరకు దస్త్రాలన్నీ ఆన్‌లైన్‌లో ఉండాలని ముఖ్యమంత్రి స్పష్టంచేశారు. ఆన్‌లైన్‌లో పెట్టినా కొన్ని అవసరమైన దస్త్రాల హార్డ్‌కాపీలు కూడా భద్రపరచాలని సూచించారు.
