news

అప్పులు తీసుకోకుండా, ఏ ప్రభుత్వం కూడా నడవదు. అయితే అప్పులు చేసి ఏమి చేస్తున్నారు అనేది ముఖ్యంగా. ఎవరైనా అప్పులు చేస్తే, ఆస్తులు క్రియేట్ చేసుకుంటాం. లేదా వ్యాపారంలో పెట్టుకుంటాం, ఇల్లు కొనుక్కుంటాం. ఇలాంటి అప్పుతో ఇబ్బందే ఉండదు. కొంత మంది చేసే అప్పులు మరీ భయంకరంగా ఉంటాయి. ఎందుకు అప్పులు చేస్తున్నారో తెలియదు. అప్పు చేస్తారు, ఖర్చు పెట్టేస్తారు. డబ్బులు అయిపోగానే మరో అప్పు చేస్తారు. వాడి దగ్గర ఇల్లు ఉంటే తాకట్టు పెట్టుకుని అప్పు ఇస్తాడు. అది కూడా అయిపోతేనే, ఇంట్లో వస్తువులు తకాట్టు పెడతాడు. అది కూడా అయిపోతే, ఇంట్లో నగలు కూడా తాకట్టు పెడతాడు. చివరకు అప్పు దొరక్కపోతే ఊళ్ళో జనాల మీద పడి పీక్కుతింటాడు. మన ఆంధ్రప్రదేశ్ రాష్ట్రంలో అప్పులు అనేవి కొత్త కాదు. గత 63 ఏళ్ళలో వివిధ ప్రభుత్వాలు చేసిన అప్పు రూ.3 లక్షల కోట్లు అయితే, ఇప్పుడు జగన మోహన్ రెడ్డి రెండేళ్ళలోనే రూ.3 లక్షల కోట్లు అప్పు చేసేసారు. గతంలో చంద్రబాబు చేయలేదా అంటున్నారు. గతంలో చంద్రబాబు అనేక ఇరిగేషన్ ప్రాజెక్ట్ లు కట్టాడు. అనేక అభివృద్ధి కార్యక్రమాలు చేసారు. ఇక్కడ జగన్ మోహన్ రెడ్డి ఇన్ని లక్షల కోట్లు అప్పు చేసినా, అభివృద్ధి మాత్రం ఉండటం లేదు. అయితే ఇక్కడ ఒకటి గమనించాలి.

రాష్ట్ర ప్రభుత్వం మాత్రం అప్పుల విషయం ఒప్పుకోవటం లేదు. తక్కువ చేసి చెప్తుంది. అయితే రాష్ట్ర ప్రభుత్వం అప్పుల గుట్టుని కేంద్రం విప్పింది. ఇది వివిధ కార్పోరేషన్ల నుంచి తీసుకున్న అప్పు. ఇందులో రిజర్వ్ బ్యాంక్ నుంచి వారం వారం తీసుకునే అప్పు కలపలేదు. ఈ రోజు రాజ్యసభలో టిడిపి ఎంపీ కనకమేడల, 2019 నుంచి 2021 నవంబర్ వరకు ఏపికి ఏఏ బ్యాంకులు, ఎంత అప్పు ఇచ్చేయని అడిగారు. దీనికి కేంద్ర ఆర్థికశాఖ సహాయమంత్రి భగవత్ కరాడ్ సమాధానం ఇచ్చారు. ఈ రెండేళ్ళలో మొత్తం రూ.57,479 కోట్లు అప్పుని, పది జాతీయ బ్యాంకులు ఇచ్చాయి. మొత్తం ఏపీలో ఉన్న 40 ప్రభుత్వ కార్పొరేషన్లుకు ఈ రుణాలు ఇచ్చారు. ఈ అప్పు, వడ్డీ చెల్లించే బాధ్యత ఆయా కార్పోరేషన్లదే అని కేంద్రం స్పష్టం చేసింది. మొత్తంగా, స్టేట్ బ్యాంక్ అఫ్ ఇండియా అందరి కంటే ఎక్కువగా రూ.11,937 కోట్లు రుణం ఇచ్చింది. మొత్తం తొమ్మిది ప్రభుత్వ కార్పోరేషన్లకు ఈ లోన్లు ఇచ్చారు. తరువాత బీవోబీ రూ.10,865 కోట్లు అప్పు ఇచ్చింది. ఇలా పది బ్యాంకులు ఇచ్చాయి. ఇవి అన్నీ బయటకు తెలిసినవి, బయటకు తెలియనవి, ఎన్ని ఉన్నాయో మరి.

పల్నాడు వైసీపీలో విబేధాలు బయట పడ్డాయి. గతంలో పలు సార్లు వైసీపీ ఎంపీ లావు కృష్ణదేవరాయను వైసీపీ నేతలు అవమానించిన సంఘటనలు ఉన్నాయి. గతంలో తనను అవమానించినా ఎక్కడా కూడా ఎంపీ లావు కృష్ణదేవరాయ బయట పడలేదు. పలు సార్లు కొన్ని అధికారిక కార్యక్రమాలకు కూడా ఆయనకు ఆహ్వానం కూడా రాకుండా అవమానించారు. అయితే ఈ రోజు కూడా నరసరావుపేటలో రెండు కార్యక్రమాలు జరుగుతున్నా, తనని అవమానించటంపై ఎంపీ లావు అగ్రాహం వ్యక్తం చేసారు. ఈ రోజు నరసరావుపేటలో మార్కెట్ యార్డ్ పాలకవర్గం ప్రామాణ స్వీకర కార్యక్రమం ఈ రోజు జరుగుతుంది. ఆ ప్రమాణ స్వీకర కార్యక్రమానికి మంత్రి బాలినేని శ్రీనివాస్ రెడ్డి, ఎమ్మెల్యే అంబటి రాంబాబు సహా మిగతా ఎమ్మెల్యేలు కూడా హాజరు అవుతున్నారు. దీంతో పాటు మరో కార్యక్రమం కూడా ఉంది. కొండవీటులో నగరవనంకు చెందిన శంకుస్థాపన, కొండవీటి అభివృద్ధికి చెందిన పలు కార్యక్రమాలు జరుగుతున్నాయి. అయితే ఈ రెండు అధికారిక కార్యక్రమాలకు కూడా ఎంపీ లావు కృష్ణదేవరాయకు ఆహ్వానం లేకుండా, ఆయన్ను తీవ్రంగా అవమానించారు. ఎందుకు ఇలా చేస్తున్నారో అర్ధం కాని పరిస్థితి ఉంది. ఎంపీ లావు కృష్ణదేవరాయను పార్టీలో నుంచి పంపించటానికి, ఇలా చేస్తున్నారా అనే గుసగుసలు కూడా వినిపిస్తున్నాయి.

అయితే ఈ అంశం పైన, స్థానిక నేతలు, స్థానిక మంత్రులు, ఎమ్మెల్యేల పైన ఎంపీ లావు కృష్ణదేవరాయ ఆగ్రహం వ్యక్తం చేస్తున్నారు. తనకు గతంలో కూడా ఇదే విధంగా పలు అవమానకర సంఘటనలు జరిగాయని, అయినా కూడా ఎక్కడ బయట పడలేదని, అయినా కూడా రోజు రోజుకీ ఇటువంటి సంఘటనలు పెచ్చు మీరుతున్న నేపధ్యంలోనే, ఇటువంటి సంఘటనల పైన, ఇప్పటికే హైకమాండ్ కు కూడా ఫిర్యాదు చేసినట్టు తెలుస్తుంది. ఇది దేనికి దారి తీస్తుందో చూడాలి. ఒక్కసారిగా తనలో ఉన్న అసంతృప్తిని లావు కృష్ణదేవరాయ బయట పెడుతున్నారు. అధిష్టానం చెప్పినా కూడా, పట్టించుకోక పోవటం, రోజు రోజుకీ ఈ సంఘటనలు ఎక్కువ అవ్వటంతో, ఎంపీ లావు కృష్ణ దేవరాయ మీడియా సమావేశం ఏర్పాటు చేసారని తెలుస్తుంది. మరి ఈ విలేఖరుల సమావేశంలో, ఈ విబేధాల గురించి ఎలాంటి స్పష్టత ఇస్తారో చూడాలి. ఈ విషయం పైన, అధిష్టానం ఏమి చేస్తుందో మరి. ప్రోటోకాల్ ప్రకారం ఎంపీకి ఇవ్వాల్సిన గౌరవం ఇవ్వటానికి, ఇబ్బంది ఏమిటో మరి ?

జగన్ మోహన్ రెడ్డి బాబాయ్ అయిన వైఎస్ వివేక కేసులో, జగన్ కుటుంబానికి అత్యంత సన్నిహితుడు అయిన దేవిరెడ్డి శంకర్ రెడ్డిని, సిబిఐ అరెస్ట్ చేసిన విషయం తెలిసిందే. ముఖ్యంగా వివేక మాజీ డ్రైవర్ దస్తగిరి ఇచ్చిన కన్ఫెషన్ స్టేట్మెంట్ లో, 40 కోట్లు డబ్బు ఇస్తాను అని చెప్పింది దేవిరెడ్డి శంకర్ రెడ్డి అని, ఎర్ర గంగి రెడ్డి ఈ విషయం తనకు చెప్పాడు అంటూ, దస్తగిరి సిబిఐకి చెప్పాడు. అంతకు ముందే దేవిరెడ్డి శంకర్ రెడ్డిని సిబిఐ విచారించి ఉండటం, దస్తగిరి కన్ఫెషన్ స్టేట్మెంట్ నేపధ్యంలో, దేవిరెడ్డిని సిబిఐ అరెస్ట్ చేసింది. అయితే అరెస్ట్ కు ముందు కూడా పెద్ద హై డ్రామా చోటు చేసుకుంది. దేవిరెడ్డి శంకర్ రెడ్డి అంతకు ఒక రోజు ముందే హైదరాబాద్ వెళ్లి, హాస్పిటల్ లో చేరారు. అయితే సిబిఐ మాత్రం, హాస్పిటల్ లో ఉన్నా వదిలి పెట్టలేదు. ఆయన్ను అరెస్ట్ చేసింది. కోర్టులో ప్రవేశ పెట్టింది. దేవిరెడ్డి జగన్ కుటుంబానికి సన్నిహితుడు, అలాగే వైఎస్ అవినాష్ రెడ్డికి కూడా అత్యంత సన్నిహితుడు కావటంతో, ఈ అరెస్ట్ సంచలనం కలిగించింది. ఇది ఇలా ఉంటే, అరెస్ట్ తరువాత కోర్టులో ప్రవేశ పెట్టటంతో, కోర్టు అతనికి రిమాండ్ విధించింది. అయితే రిమాండ్ లో ఉన్న వ్యక్తిని కోర్టు అనుమతి లేకుండా ఎక్కడికీ తరలించ కూడదు. అయితే కోర్టు అనుమతి లేకుండా కడప పోలీసులు, దేవిరెడ్డి శంకర్ రెడ్డిని, రిమ్స్ కు తరలించారు.

ఈ విసహయం తెలుసుకున్న పులివెందుల కోర్టు, పోలీసులు తీరు పై ఆగ్రహం వ్యక్తం చేసింది. కోర్టు ముందుకు వచ్చి సమాధానం చెప్పుకునే పరిస్థితి పోలీసులకు వచ్చింది. వివేక కేసు విషయంలో దేవిరెడ్డిని నవంబర్ 17వ తేదీన సిబిఐ అధికారులు హైదరాబాద్ లో అరెస్ట్ చేసారు. తరువాత నవంబర్ 18న పులివెందుల కోర్టులో ప్రవేశ పెట్టగా, కోర్టు 14 రోజులు రిమాండ్ వేసింది. అయితే విచారణ కోసం, సిబిఐ కస్టడీ పిటీషన్ వేయగా, నవంబర్ 26న కోర్టు , సిబిఐ కస్టడీకి ఇస్తూ ఆదేశాలు ఇచ్చింది. అయితే అతను అసలు నోరు విప్పటం లేదని, సహకరించటం లేదని, నాలుగు రోజులు ఇంకా సమయం ఉండగానే సిబిఐ అధికారులు కోర్టులో హాజరు పరచగా, కోర్టు మళ్ళీ రిమాండ్ వేసి, కడప సెంట్రల్ జైలుకు పంపించింది. అయితే కోర్టు రిమాండ్ లో ఉన్న వ్యక్తిని, కోర్టుకు చెప్పకుండా, ఆర్థో సమస్య ఉంది అంటూ, దేవిరెడ్డిని మూడు రోజులు క్రితం, కడపలోని రిమ్స్ కు తరలించారు. అయితే విషయం కోర్టుకు తెలియటంతో, కోర్టు ఆగ్రహం వ్యక్తం చేస్తూ, నోటీసులు ఇవ్వగా, జైలు అధికారులు సంజాయిషీ ఇచ్చారు. ఆతనికి కొన్ని సమస్యలు ఉండటంతో హాస్పిటల్ కు తరలించామని, కోర్టుకు చెప్పటం ఆలస్యం అయ్యిందని చెప్పారు.