news

శాసానసభలో జరిగిన సంఘటన పై , తెలుగుదేశం పార్టీ అధినేత చంద్రబాబు నాయుడు సతీమణి, ఎన్టీఆర్ మెమోరియల్ మేనేజింగ్ ట్రస్టీ నారా భువనేశ్వరి మొదటి సారి స్పందించారు. ఈ మేరు ఆమె కొద్ది సేపటి క్రితం ఒక పత్రికా ప్రకటన విడుదల చేసారు. ఎన్టీఆర్ మెమోరియల్ ట్రస్ట్ లెటర్ హెడ్ పై, జారీ చేసిన ఈ పత్రికా ప్రకటనలో, శాసనసభలో తన పై చేసిన అనుచిత వ్యాఖ్యల పట్ల నిరసన వ్యక్తం చేసిన వారి అందరికీ పేరు పేరునా ఆమె ధన్యవాదాలు తెలిపారు. అదే విధంగా తనకు జరిగిన అవమానాన్ని, ఒక తల్లికి, ఒక తోబుట్టువుకు, ఒక కూతురుకు జరిగిన అవమానంగా భావించి తనకు అండగా నిలబడిన వారి అందరికీ పేరు పేరునా ధన్యవాదాలు చెప్తూ, కృతజ్ఞతలు తెలిపారు. చిన్న తనం నుంచి తన అమ్మా నాన్న, విలువలతో పెంచారని చెప్పి, నేటికీ వాటిని పాటిస్తున్నాం అని ఈ సందర్భంగా ఆ లేఖలో పేర్కొన్నారు. విలువలతో కూడిన సమాజం కోసం, ప్రతి ఒక్కరూ కృషి చేయాల్సిన అవసరం ఉందని, కష్టాల్లోనూ ఆపదలో ఉన్న వారి అందరికీ కూడా అండగా ఉండాల్సిన అవసరం ఉందని భువనేశ్వరి ప్రకటనలో పేర్కొన్నారు. ఇతరుల వ్యక్తిత్వాన్ని కించపరిచేలా, గౌరవాన్ని భంగం కలిగించేలా ఎవరూ వ్యవహరించకూడదని ఆమె చెబుతూ, తనకు జరిగిన అవమానం వేరే ఎవరికీ జరగకుండా ఉండాలని ఆశిస్తున్నా అని పేర్కొన్నారు.

చాలా క్లుప్తంగా ఇచ్చిన లేఖలో, ఎంతో అర్ధం వచ్చేలా అర్ధవంతంగా రాసారు. శాసనసభలో తనకు అన్యాయం జరిగింది అని కూడా ఆమె అందులో పేర్కొన్నారు. తనకు జరిగిన ఈ అవమానం ఎవరికీ కూడా భవిష్యత్తులో జరగకూడదని పేర్కొన్నటంతో, పాటు, చిన్న తనం నుంచి విలువలతో బ్రతికాం అని, ఇప్పటికే అలాగే ఉన్నామని చెప్పటం, తన అమ్మా నాన్న చిన్నప్పటి నుంచి పెంచిన విధానం పై ఆ లేఖలో పేర్కొన్నారు. శాసనసభలో జరిగిన అవమానం తరువాత, చంద్రబాబు మీడియా సమావేశంలో, కంటతడి పెట్టారు. ఈ సంఘటన రాష్ట్ర వ్యాప్తంగా నిర్ఘాంతపోయేలా చేసింది. చంద్రబాబుని ఎప్పుడూ ఇలా చూడని వారు చేలించి పోయారు. టిడిపి శ్రేణులు రాష్ట్ర వ్యాప్తంగా, అనేక నిరసనలు చేసారు. అనేక మహిళా సంఘాలు కూడా నిరసనలు చేసాయి. అయితే ఈ నేపధ్యంలోనే కొద్ది సేపటి క్రితం ఈ పత్రికా ప్రకటన విడుదల చేసి, నిరసన తెలియచేసి, అండగా నిలిచిన అందరికీ ధన్యవాదాలు చెప్పారు.

టిడిపి అధినేత చంద్రబాబు నాయుడు మూడు రోజు నెల్లూరులో పర్యటించారు. గంగపట్నంలో ముంపు బాధితులను చంద్రబాబు పరామర్శించారు. బాధితుల ఇళ్లలోకి వెళ్లి చంద్రబాబు వారిని కష్టాలు అడిగి తెలుసుకున్న తీరు అందరినీ ఆకట్టుకుంది. చంద్రబాబు చూసి వరదలకు ఇళ్లు బురదమయం అయ్యాయని మహిళలు విలిపించారు. ఈ సందర్భంగా చంద్రబాబు అటుగా వెళ్తూ ఉండగా, అనూహ్య ఘటన చోటు చేసుకుంది. ఒక రైతు తన బాధ చెప్పుకుంటూ, చంద్రబాబుని ఆపారు. వైసీపీకి ఓట్లేసి మోసపోయామని, ఏమీ పట్టించుకోవట్లేదని ఒక్కసారిగా చంద్రబాబు కాళ్లపై పడ్డారు. దీంతో వెంటనే సెక్యూరిటీ అలెర్ట్ అయ్యింది. చంద్రబాబు ఆ రైతుని దగ్గరకు తీసుకుని, రైతును ఓదార్చి ధైర్యం చెప్పారు చంద్రబాబు. గంగపట్నంలో బాధితులకు చంద్రబాబు ఆర్థికసాయం ప్రకటించారు. ఎన్టీఆర్ ట్రస్ట్ తరపున ఒక్కో కుటుంబానికి రూ.5 వేలు ప్రకటించారు చంద్రబాబు. గంగపట్నంలో నష్టపోయిన గిరిజనులు, జాలర్లకు పరిహారం ఇచ్చారు. ముంపు నుంచి ఇద్దరిని కాపాడిన సురేశ్‌కు నగదు ప్రోత్సాహం అందించారు. ప్రభుత్వంలో ఉన్న వాళ్ళు రెండు వేలు ఇచ్చి సరిపెట్టుకుంటాం అని చెప్తుంటే, చంద్రబాబు మాత్రం బాధితులకు ఏకంగా 5 వేలు ఇస్తూ ప్రజలను ఆదుకుంటున్నారు.

చాలా రోజుల తరువాత ఈనాడు పత్రిక ఒక సంచలన కధనంతో ముందుకు వచ్చింది. ఈ మధ్య కాలంలో తెలుగుదేశం పార్టీ, అలాగే ఆ పార్టీ నేత పయ్యావుల కేశవ్, సోలార్ విద్యుత్ కొనుగోళ్ళ ఒప్పందాల్లో జురుగుతున్న పెద్ద స్కాం గురించి బయట పెట్టిన సంగతి తెలిసిందే. సెకి సంస్థ మధ్యవర్తిగా ఉంటూ, రాజస్తాన్ లో సోలార్ విద్యుత్ ఉత్పత్తి ప్లాంట్ పెట్టి, అక్కడ నుంచి మన రాష్ట్రానికి సోలార్ విద్యుత్ ఇవ్వటానికి ఒప్పందం చేసుకున్నారు. దీనికి యూనిట్ ధర రూ.2.49 పడుతుంది. అయితే సోలార్ యూనిట్ ధరలు వేగంగా పడిపోతున్న ఆ సమయంలో, 25 ఏళ్ళ పాటు అగ్రిమెంట్ చేసుకోవటం, పక్క రాష్ట్రాల్లో రూ.2.49 కంటే తక్కువగా కరెంట్ రావటం, అలాగే మన రాష్ట్రంలో ప్లాంట్ పెట్టకపోవటం, ఇవన్నీ అనుమానాలకు తావు ఇస్తున్నాయి అంటూ, పయ్యావుల కేశవ్ అప్పట్లో పలు అంశాలు లేవనెత్తారు. ఇప్పుడు తాజాగా ఈనాడు మరో ఆసక్తికర విషయంతో, కధనం ప్రచురించింది. తాజాగా గుజరాత్ ప్రభుత్వం, సోలార్ విద్యుత్ ని రూ.1.99కి కొంటూ ఒప్పందం చేసుకుంది అంటూ, ఈనాడు ప్రముఖంగా ప్రచురిస్తూ, రాష్ట్ర ప్రభుత్వం పెడుతున్న అదనపు ఖర్చు గురించి ప్రశ్నిస్తుంది. మన ప్రభుత్వం 25 ఏళ్ళ పాటు, 42,500 కోట్ల యూనిట్లను కొనటానికి, యూనిట్ రూ.2.49 కు ధర నిర్ణయిస్తు ఒప్పందం కుదుర్చుకుంది. అయితే, ఇప్పుడు గుజరాత్ ప్రభుత్వం రూ.1.99 కే కొంటుంది. అంటే, ఒక్కో యూనిట్ కు 50 పైసలు మనం అదనంగా పెట్టి కొంటున్నాం. పక్క రాష్ట్రాల్లో ధరలు ఎలా ఉన్నాయో మన ప్రభుత్వం ఎందుకు ఆలోచించలేదు ?

ఇక్కడ మనం చూసుకుంటే, 25 ఏళ్ళ పాటు 42,500 కోట్ల యూనిట్లను మన ప్రభుత్వం కొననుంది. ఇప్పుడు 50 పైసలు అదనంగా పెట్టి మనం కొంటున్నాం. అంటే, రూ.21,250 కోట్లు అధిక బారం రాష్ట్రం పై పడనుంది. 25 ఏళ్ళలో మొత్తం రూ.1,05,825 కోట్లు వెచ్చించనున్నారు. రూ.21,250 కోట్లు అదనపు భారం పడుతుంటే, రాష్ట్ర ప్రభుత్వం ఏమి చేస్తుంది ? ఎందుకు ఆలోచించ లేదు ? ఇంత పెద్ద మొత్తం చేసుకునేప్పుడు, మార్కెట్ లో ధరలు ఎలా ఉన్నాయో చూసుకోవాలి కదా ? కేవలం ఆరు నెలల వ్యవధిలోనే, యూనిట్ ధర భారీగా పడిపోయిన చరిత్ర ముందు ఉంది. అది చూసి కూడా, రాష్ట్ర ప్రభుత్వం అంత ఎక్కువ ధరకు ఎలా కొంటుంది ? ఇప్పుడు రాజస్థాన్ నుంచి ఇక్కడకు రావాలి అంటే, మళ్ళీ దానికి అదనంగా రూపాయి పైన పడుతుంది. ఈ భారం మొత్తం రాష్ట్ర ప్రభుత్వం ఎందుకు భరించాలి ? ఇన్నాళ్ళు టిడిపి వేసిన ప్రశ్నలు రాజకీయం అనుకున్నా, ఇప్పుడు ఈనాడులో వచ్చిన కధనం చూస్తే, దీని వెనుక పెద్ద స్కెచ్ ఉన్నట్టే అర్ధం అవుతుంది. మరి ప్రభుత్వం, ఈ కధనం పై ఎలాంటి వివరణ ఇస్తుందో చూడాలి.