news

వివేక కేసు అనేక మలుపులు తిరుగుతుంది. ఘటన జరిగింది వివేక ఇంట్లో, అదీ పులివెందులలో. అంత ధైర్యంగా పులివెందులలో వైఎస్ ఫ్యామిలీ ఇంట్లోకి వచ్చి మరీ, ఆయనను హ-త్య చేసే ధైర్యం బయట వారికి ఉండదని అందరికీ తెలిసిన విషయమే. అనేక పేర్లు ప్రచారంలో ఉన్నా, సిబిఐ దర్యాప్తు చేస్తుంది కాబట్టి, అన్నీ బయటకు వస్తాయి అనే నమ్మాలి. ఇప్పటికే దస్తగిరి ఇచిన కన్ఫెషన్ స్టేట్మెంట్ లో సంచలన విషయాలు అన్నీ ఉన్నాయి. ఎర్ర గంగి రెడ్డి వెనుక, అవినాష్ రెడ్డి, భాస్కర్ రెడ్డి, మనోహర్ రెడ్డి ఉన్నట్టు చెప్పాడు.ఇది పెద్ద సంచలనం అవ్వటంతో, టిడిపి కూడా ఈ విషయం గట్టిగా పట్టుకుంది. అసలు చంద్రబాబు ఈ విషయం ఎత్తితేనే, దీనికి సమాధానం చెప్పలేక, ఆయన భార్య పై వ్యాఖ్యలు చేసారు. అయితే అదే రోజు జగన్ మోహన్ రెడ్డి మాట్లాడుతూ, తన పై అనవసర వ్యాఖ్యలు చేస్తున్నారని అన్నారు. వివేక తన సొంత బాబాయ్ అని, ఎవరి పేరు అయితే అవినాష్ రెడ్డి అంటున్నారో, అతను ఇంకో బాబాయ్ కొడుకు అని, మా ఫ్యామిలీలో వ్యక్తిని, మా వేలుతో మేమే కంటిలో పొడుచుకుంటామా అని జగన్ మోహన్ రెడ్డి ప్రశ్నించారు. అసలు వివేక కేసు విషయం చంద్రబాబు ఉన్న సమయంలోనే జరిగిందని, చంద్రబాబు దీని వెనుక ఉన్నారు అంటూ, అసెంబ్లీ సాక్షిగా సంచలన వ్యాఖ్యలు చేసారు.

అయితే మీడియాలో వివేక కేసులో, అవినాష్ రెడ్డి పాత్ర పై ప్రముఖంగా వస్తూ ఉండటంతో, ఇప్పుడు వైసీపీ అనుకూల మీడియా రంగంలోకి దిగింది. సాక్షాత్తు సాక్షిలో కూడా కొన్ని కధనాలు వచ్చాయి. గోర్ల భరత్ యాదవ్ అనే వ్యక్తి వివేక కేసు పై వ్యాఖ్యలు చేసారు అంటూ కధనాలు ప్రచురించారు. అందులో గోర్ల భరత్ యాదవ్ చెప్తూ, వివేక కేసు సూత్రధారి, ఏకంగా వివేక అల్లుడు రాజశేఖర్‍రెడ్డి అని చెప్పారు. వివేక ఆస్తి కోసమే, ఏకంగా అల్లుడే ఆయన్ను చం-పే-సా--డు అంటూ, సంచలన వ్యాఖ్యలు చేసారు. అంతే కాదు వివేక స్త్రీ లోలోడు అనే విధంగా, వివేకకు సన్నిహితంగా ఉండే షమీమ్‍కు, వివేక ఆస్తి మొత్తం దోచి పెడుతున్నాడని, అందుకే వివేక అల్లుడే ఈ పని చేసారు అంటూ, సాక్షి సహా, ఇతర వైసీపీ అనుకూల మీడియాలో ఈ విషయం ప్రముఖంగా ప్రస్తావిస్తూ, ఏకంగా వివేక క్యారక్టర్ ని దెబ్బ తీస్తూ, వివేక కుమార్తె సునీత భర్త, ఈ హ-త్య చేసాడు అనే విధంగా, కధనాలు రాసారు. దీంతో ఇప్పుడు వైసీపీ అనుకూల మీడియా, ఈ ఎదురు దా-డి చేయటం వెనుక వ్యూహం ఏమిటి ? సిబిఐ ఎలా రియాక్ట్ అవుతుందో చూడాలి.

కొండపల్లి మునిసిపల్ నగర పంచాయతీ చైర్మెన్ ఎన్నిక, గత రెండు రోజులుగా, వైసీపీ సభ్యుల విధ్వంసంతో వాయిదా పడుతూ వచ్చింది. దీంతో తెలుగుదేశం పార్టీ ఈ అంశం పై, రాష్ట్ర హైకోర్టులో లంచ్ మోషన్ పిటీషన్ వేసింది. దీంతో ఈ రోజు పిటీషన్ విచారణకు వచ్చింది. పిటీషన్ విచారణకు వచ్చిన సందర్భంలో కోర్టు సీరియస్ అయ్యింది. విజయవాడ పార్లమెంట్ సభ్యుడు కేశినేని నానికి, ఎక్స్ ఆఫిషియో సభ్యత్వం పై మున్సిపల్ కమిషనర్ ఎలాంటి వివరణ ఇవ్వక పోవటంతో, ఆయన గతంలో హైకోర్టుకు వెళ్ళటంతో, కోర్టు కేశినేని నానికి అనుమతి ఇస్తూ, అక్కడ ఓటు హక్కు వినియోగించుకోవచ్చు అంటూ, ఆదేశాలు జారీ చేసింది. ఇదే సమయంలో తమకు నివేదిక కూడా ఇవ్వాలని హైకోర్టు ఆదేశించింది. నగర పంచాయతీ సమావేశం 22న నిర్వహించాలని కూడా ఆదేశించింది. అయితే నిన్న ఉదయం సమావేశం ప్రారంభం కావటంతో, వైసీపీ సభ్యులు విధ్వంసం సృష్టించారు. దీంతో సమావేశం ఈ రోజుకి వాయిండా పడింది. ఈ రోజుకి కూడా మళ్ళీ అదే సీన్ రిపీట్ అయ్యింది. ఈ నేపధ్యంలోనే అక్కడ ఉద్రిక్త పరిస్థితి నేలకోనటం, ఈ రోజు కూడా సమావేశం వాయిదా వేయటంతో, ఈ రోజు హైకోర్టులో లంచ్ మోషన్ పిటీషన్ దాఖలు అయ్యింది. ఈ లంచ్ మోషన్ పిటీషన్ పై ఈ రోజు మధ్యానం 12 గంటలకు వాదనలు ప్రారంభం అయ్యాయి.

ఈ వాదనల సందర్భంగా, కేశినేని నాని తరుపు న్యాయావాది అశ్వినీకుమార్, రెండు రోజులుగా అక్కడ జరిగిన విధ్వంసం గురించి కోర్టుకు చెప్పారు. నిన్న , ఈ రోజు వైసీపీ చేసిన గలాటాతో, ఎన్నికను నిరవధికంగా వాయిదా వేసారని చెప్పారు. అయితే దీని వెనుక కుట్ర ఉందని, టిడిపి నేతలను ప్రలోభాలు పెట్టేందుకు చేస్తున్నారని తెలిపారు. అదే విధంగా ఎన్నిక నిర్వహించాలన్న హైకోర్ట్ ఆదేశాలు కూడా పట్టించుకోలేదని, కేశినేని నాని ఓటు వేయకుండా ప్రయత్నం చేస్తున్నారని కోర్టుకు తెలిపారు. ఈ నేపధ్యంలో హైకోర్టు సీరియస్ అయ్యింది. అసలు ఎన్నిక నిర్వహించకుండా, నిన్న ఈ రోజు ఏమి చేసారని ప్రశ్నించింది. నిన్న సభ్యులు ఎలా వ్యవహరించారో ఆర్వో ఇచ్చిన రిపోర్ట్ చూస్తూ, ఇంత గొడవ చేస్తుంటే ఆర్వో ఎందుకు పోలీసులకు తెలపలేదని ప్రశ్నించారు. పోలీసులు ఏమి చేస్తున్నారని ప్రశ్నించారు. ఈ అంశం పై హైకోర్టు సీరియస్ అవుతూ, మధ్నాహ్నం 2:15 గంటలకు విజయవాడ పోలీస్ కమీషనర్, కొండపల్లి మున్సిపల్ కమిషనర్ ను తమ ముందుకు రావాలని హైకోర్టు ఆదేశించింది.

జగన్ మోహన్ రెడ్డి సొంత జిల్లా కడపలోని,మైదకూరు నియోజకవర్గంలోని ఖాజీపేట మండలంలో, 13 మంది వైసీపీ సర్పంచ్లు మూకుమ్మడి రాజీనామా చేసి, షాక్ ఇచ్చారు. జగన్ మోహన్ రెడ్డి సొంత జిల్లాలో ఈ సంఘటన చోటు చేసుకోవటం, సంచలనానికి దారి తీసింది. ప్రతి శాఖలోనూ డబ్బులు తీసుకుంటున్న జగన్ ప్రభుత్వం, ఇప్పుడు పంచాయతీల ఖాతాలో కూడా డబ్బులు ఖాళీ చేసింది. తమ వద్ద కూడా డబ్బులు తీసుకున్నారని, ఆరోపిస్తున్నారు. గ్రామాల్లో అభివృద్ధి కార్యక్రమాలు చేయటానికి వీలు లేకుండా పోయిందని అంటున్నారు. ఇప్పటికే సంక్షేమ పధకాల అమలులో సర్పంచ్ల పాత్ర లేకుండా చేసారని, ఇప్పుడు 14వ, 15వ ఫైనాన్స్ కమిషన్ నిధులను కూడా తీసేసుకున్నారని ఆవేదన వ్యక్తం చేసారు. ప్రభుత్వ నియంతృత్వ పోకడలకు వ్యతిరేకంగా తాము పోరాటం చేయాలని నిర్ణయం తీసుకున్నామని అన్నారు. ఈ రోజు నుంచి తమ పంచాయతీల పరిధిలో, వీధి దీపాల నిర్వహణ, రోడ్ల మరమ్మతు లను, శానిటేషన్ కార్యక్రమం తో పాటుగా తదితర నిర్వహణ భారాలను తాము పట్టించుకోమని తెలిపారు. అయితే తాము పంచాయతీ సర్పంచ్ పదవులకు రాజీనామా చేయం అని, తమ ప్రభుత్వ నిర్ణయానికి వ్యతిరేకంగా, వైఎస్ఆర్ కాంగ్రెస్ పార్టీకి రాజీనామా చేస్తున్నామని తెలిపారు.

ఈ ప్రభుత్వంలో సర్పంచ్ పదవులకు విలువ లేకుండా పోయిందని బాధ పడుతున్నారు. జగన్ మోహన్ రెడ్డి సొంత జిల్లాలోనే, ఇలా గ్రామాల్లో వ్యతిరేకత ఉండటం కొసమేరపు. గ్రామ సర్పంచ్లు, ఈ విషయంలో బయట పడ్డారు. అయితే కడప జిల్లా వ్యాప్తంగా వైఎస్ఆర్ కాంగ్రెస్ పార్టీ బలంగా ఉంటుంది అనే అభిప్రాయం ఉంది. అక్కడ వైఎస్ఆర్ కాంగ్రెస్ పార్టీ నేతలను కాకుండా, వేరే నిర్ణయం తీసుకునే సాహసం చేయరు. అలాంటిది, అక్కడ కూడా ప్రజలకు చిరాకు వస్తుంది అంటే పరిస్థితి ఎక్కడి వరకు వెళ్లిందో అర్ధం చేసుకోవచ్చు. ప్రభుత్వం దగ్గర డబ్బులు లేక, అప్పులు పుట్టాక, తాకట్టు పెడదాం అంటే కోర్టులు ఊరుకోక, ఆర్ధికంగా జగన్ మోహన్ రెడ్డి ప్రభుత్వం ఇబ్బందులు పడుతుంది. ఈ నేపధ్యంలోనే, గ్రామాలకు వెళ్ళే నిధులు కూడా ప్రభుత్వం తీసుకుని వాడేసుకుంటుంది. దీంతో గ్రామాల్లో అభివృద్ధి లేకుండా పోయింది. చిన్న చిన్న పనులు కూడా గ్రామాలు , ప్రభుత్వం వైపు చూసినా, ప్రభుత్వం ఏమి ఇవ్వలేని పరిస్థితిలో, ఈ రోజు కడపలో బయట పడ్డారు.