news

టిడిపి జాతీయ ప్రధాన కార్యదర్శి నారా లోకేష్ మరి కొద్ది సేపట్లో గన్నవరం ఎయిర్ పోర్ట్ కు చేరుకోకున్నారు. ఈ రోజు నరసరావుపేటలో అనుష కుటుంబాన్ని లోకేష్ పరామర్శించనున్నారు. ఘటన జరిగిని ఏడు నెలలు అవుతున్నా, ఇప్పటికీ న్యాయం చేయకపోవటం పై, లోకేష్ నిరసన తెలపనున్నారు. అయితే పోలీసులు మాత్రం, దీనికి ఒప్పుకోవటం లేదు. అనుమతి లేదు అని చెప్తున్నారు. ఈ నేపధ్యంలో కృష్ణా, గుంటూరు జిల్లాల్లో హై టెన్షన్ వాతావరణం నెలకొంది. ఇప్పటికే కృష్ణా, గుంటూరుకు చెందిన నేతలు అందరినీ అదుపులోకి తీసుకున్నారు. టిడిపి కీలక నేతలు అందరినీ ఇప్పటికే పోలీసులు అరెస్ట్ చేసారు. అలాగే గన్నవరం ఎయిర్ పోర్ట్ వద్దకు వస్తున్న నేతలను, వచ్చిన వారిని వచ్చినట్టే అరెస్ట్ చేస్తున్నారు. గన్నవరం ఎయిర్ పోర్ట్ దగ్గర హైసెక్యూరిటీ పోలీస్ వారు పెట్టారు. సామాన్య ప్రజలకు కూడా ఇబ్బందులు ఎదురు అవుతున్నారు. ఎయిర్ పోర్ట్ కు వచ్చే వారిని, అలాగే లోపల నుంచి బయటకు వచ్చే వారిని కూడా తీవ్ర ఇబ్బందులకు గురి చేస్తున్నారు. ప్రయాణికులు తీవ్ర ఇబ్బందులు ఎదుర్కుంటున్నారు.

ఇది ఎయిర్ పోర్ట్ లేదా బస్ స్టాండ్ అనేది అర్ధం కావటం లేదని అంటున్నారు. మరి కొద్ది సేపట్లో లోకేష్ గన్నవరం రానున్నారు. లోకేష్ తో పాటుగా, వంగలపూడి అనిత, శ్రీరాం చినబాబు, ఎంఎస్ రాజు, తదితర నేతలు వస్తున్నారు. మరి లోకేష్ ని నరసరావుపేట వెళ్ళటానికి పోలీసులు అనుమతి ఇస్తారా, లేక ఆయన్ను అరెస్ట్ చేసి దగ్గరలోనే పోలీస్ స్టేషన్ కు తీసుకుని వెళ్తారా, లేదా ఎయిర్ పోర్ట్ లోనే అటు నుంచి అటు హైదరాబాద్ పంపిస్తారా అనేది చూడాల్సి ఉంది. ఈ విషయం పై పోలీసులు మాత్రం, ఏమి చెప్పటం లేదు. అయితే టిడిపి నేతలను మాత్రం, కాలు కదప నివ్వటం లేదు. బయటకు వస్తే అరెస్ట్ చేసి లోపల వేస్తున్నారు. మారు మూల ప్రాంతాల్లో ఉన్న పోలీస్ స్టేషన్లకు తీసుకుని వెళ్తున్నారు. మొత్తం మీద లోకేష్ ని ఆపటానికి, వందల మంది పోలీసులు పెట్టి, హడావిడి చేస్తున్నారు. వచ్చిన తరువాత లోకేష్ ని ఎక్కడకు తేసుకుని వెళ్తున్నారు, ఏమి చేస్తారు అనేది చూడాల్సి ఉంది. మరి ఈ రోజు ఏమి అవుతుందో చూడాలి.

ఆంధ్రప్రదేశ్ రాష్ట్రంలో ప్రభుత్వం తీసుకునే అనేక నిర్ణయాలు వివాదాస్పదం అవుతున్నాయి. ముఖ్యంగా మతపరమైన సున్నిత అంశాలలో కూడా ప్రభుత్వం తీసుకుంటున్న చర్యలు వివాదానికి తావు ఇస్తున్నాయి. పదో తారిఖు నిర్వహించే వినాయక చవతి ఉత్సవాల విషయం పై ఏపి ప్రభుత్వం ఇచ్చిన ఆదేశాలు తీవ్ర దుమారం రేపాయి. వినాయక చవతి ఉత్సవాలు ఇంట్లో మాత్రమే చేసుకోవాలి అంటూ ఇచ్చిన ఆదేశాలు తీవ్ర దుమారం రేపాయి. అయితే ప్రభుత్వం మాత్రం క-రో-నా నిబంధనలు సాకుగా చూపుతుంది. దీని పై అనేక విమర్శలు వచ్చాయి. వైసీపీ చేసుకునే వర్ధంతి, జయంతి, పుట్టిన రోజు కార్యక్రమాలకు లేని కరోనా, కేవలం హిందూ పండుగులకే ఎందుకు అంటూ విమర్శలు వచ్చాయి. నిబంధనలు పాటిస్తూ, షరతులతో కూడిన అనుమతులు ఇవ్వాలి అంటూ, గత మూడు రోజులుగా పెద్ద ఎత్తున ఆందోళన కార్యక్రమాలు జరిగాయి. టిడిపి నేతలు ఈ విషయం పై పెద్ద ఎత్తున ఆందోళన వ్యక్తం చేసారు. అయినా ప్రభుత్వం మాత్రం ఎక్కడా దిగి రాలేదు. తాము చెప్పిందే ఫైనల్ అనే విధంగా, అధికార పార్టీ నేతలు సమర్ధించుకున్నారు. మీ కార్యక్రమాల సంగతి ఏమిటి అంటే జవాబు లేదు. ఈ నేపధ్యంలోనే, ఈ విషయం కూడా కోర్టు ముందుకు వెళ్ళింది. ప్రభుత్వం నిర్ణయం పై లంచ్ మోషన్ పిటీషన్ దాఖలు అయ్యింది.

అయితే ఈ లంచ్ మోషన్ పిటీషన్ పై విచారణ జరిపిన హైకోర్టు, ప్రభుత్వానికి కొంచెం అనుకూలంగా, అలాగే పిటీషనర్ కు కూడా కొంచెం అనుకూలంగా తీర్పు ఇచ్చింది. ప్రైవేటు స్థలాల్లో చేసుకునే వినాయక చవితి ఉత్సవాలు న్రివహించుకోవచ్చు అంటూ ఆదేశాలు ఇచ్చింది. కో-వి-డ్ నిబంధనలు పాటిస్తూ, ఒకేసారి అయుదు మంది కంటే ఎక్కువ మించకుండా ప్రైవేటు స్థలాల్లో పూజలు చేసుకోవచ్చు అంటూ హైకోర్టు ఆదేశాలు ఇచ్చింది. మతపరమైన కార్యక్రమాలు నిరోధించే హక్కు ఎవరికీ లేదని స్పష్టం చేసింది. అయితే పబ్లిక్ స్థలాల్లో మాత్రం విగ్రహాలు పెట్టుకోవటానికి హైకోర్టు అభ్యంతరం చెప్పింది. ఈ విషయంలో ప్రభుత్వ ఆదేశాలు పాటించాలని ఆదేశాలు ఇచ్చింది. అలాగే ప్రైవేటు స్థలాలో పర్మిషన్ ఇవ్వాలని ప్రభుత్వానికి ఆదేశాలు ఇచ్చింది. అలాగే కేంద్ర రాష్ట్ర ప్రభుత్వాలు విధించే నిబంధనలు తప్పని సరిగా పాటించాలని కోర్టు స్పష్టం చేసింది. మొత్తం మీద, ప్రైవేటు స్థలాల్లో పెట్టుకోవచ్చు అని చెప్పటంతో, కొంత ఊరట లభించినట్టే.

ఈ రోజు రాష్ట్ర హైకోర్టులో కొన్ని కీలక పిటీషన్ల పై, ప్రభుత్వానికి హైకోర్టు నుంచి ఆదేశాలు వెళ్ళాయి. అలంటి ఒక కేసులోనే, హైకోర్టు రాష్ట్ర డీజీపీకి సంచలన ఆదేశాలు ఇచ్చింది. అనంతపురం జిల్లా ఆత్మకూరు పోలీస్ స్టేషన్ లో, 107 సిఆర్పీసి కింద, పరుసురాముడు అనే వ్యక్తి పై దాఖలైన ఎఫ్ఐఆర్ ను సవాల్ చేస్తూ , ఈ రోజు, ఆయన హైకోర్టులో పిటీషన్ వేసారు. ఈ ఎఫ్ఐఆర్ కొట్టివేయలి అంటూ, క్వాష్ పిటీషన్ దాఖలు చేసారు. ఈ పిటీషన్ పైనే ఈ రోజు హైకోర్టులో విచారణ జరిగింది. పిటీషనర్ తరుపు న్యాయవాది కృష్ణా రెడ్డి వాదనలు వినిపిస్తూ, ఈ విధంగా పోలీసులు ప్రవర్తించటం అన్యాయం అని అన్నారు. మాములుగా అయితే 107 సీఆర్పీసి కింద ఎవరు అయినా అల్లర్లు కానీ, ఆందోళనలు కానీ చేస్తారు అనే ముందస్తు సమాచారం ఉంటేనే, అటువంటి వ్యక్తులను బైండ్ ఓవర్ చేసే విధంగా, తాహిసిల్దార్లకు అధికారాలు ఉంటాయని, ఈ అధికారాలను పోలీసులు లాగేసుకుని, 107 సిఆర్పీసి కింద కేసులు నమోదు చేస్తున్న విషయాన్ని హైకోర్టు దృష్టికి తీసుకుని వచ్చారు. అదే విధంగా, 107 సిఆర్పీసి కింద కేసులు నమోదు చేసి, ఆ తరువాత అటువంటి వ్యక్తుల పైన రౌడీ షీట్లు కూడా ఓపెన్ చేస్తున్నారు అంటూ, కోర్టు దృష్టికి తెచ్చారు. ఇలా చేయటం, వ్యక్తుల ప్రాధమిక హక్కులకు భంగం కలిగించటమే అని అన్నారు.

ఈ వాదనల నేపధ్యంలోనే హైకోర్టు కూడా, న్యాయవాది కృష్ణా రెడ్డి వాదనలతో ఏకీభావించింది. పైగా వ్యక్తుల ప్రాధమిక హక్కులకు భంగం కలిగించే విధంగా, తాహసీల్దార్ కు సంబంధించిన అధికారాలను, పోలీసులు చేజిక్కించుకునటం పై, హైకోర్టు అసంతృప్తి వ్యక్తం చేసింది. గతంలో ఇటువంటి అనేక పిటీషన్లు, తమ ముందుకు వచ్చాయని కూడా హైకోర్టు స్పష్టం చేసింది. అందువల్లే పరుశురాముడు అనే వ్యక్తి పై, అనంతపురం జిల్లా ఆత్మకూరు పోలీస్ స్టేషన్ లో నమోదు అయిన ఎఫ్ఐఆర్ ను కొట్టివేస్తూ తీర్పు చెప్పింది. రాష్ట్రంలో 107 సిఆర్పీసి కింద స్టేషన్ హౌస్ ఆఫీసర్లు ఎవరూ కూడా కేసులు నమోదు చేయటానికి వీలు లేదని, ఈ మేరకు డీజీపీ రాష్ట్రంలో ఉన్న అన్ని పోలీస్ స్టేషన్ ల ఎస్ఐలకు హైకోర్టు ఆదేశాలు చెప్పాలని, స్పష్టమైన ఆదేశాలు జారీ చేయాలి అంటూ, హైకోర్టు మార్గదర్శక సూత్రాలు జారీ చేసింది. దీనికి సంబంధించి, డీజీపీ వెంటనే అన్ని పోలీస్ స్టేషన్ లకు, స్పష్టమైన ఆదేశాలు ఇవ్వాలి అంటూ, కోర్టు ఉత్తర్వులు జరీ చేసింది.