news

జగన్ మోహన్ రెడ్డి బెయిల్ రద్దు చేయాలి అంటూ, రఘురామకృష్ణం రాజు వేసిన పిటీషన్ నిన్న సిబిఐ కోర్టులో విచారణకు వచ్చిన సంగతి తెలిసిందే. అయితే ఈ సందర్భంగా జరిగిన ఒక పరిణామం ఇప్పుడు అందరి దృష్టిని ఆకర్షించింది. సిబిఐ చేసిన పనితో, అందరు ఒకింత ఆశ్చర్యానికి గురయ్యారు. సిబిఐ వైఖరిలో ఈ మార్పు ఎటు వైపు దారి తీస్తుంది అనే విషయంతో పాటుగా, కేంద్రం వైఖరి కూడా ఈ దెబ్బతో బయట పడనుందనే వాదన వస్తుంది. ఇక విషయానికి వస్తే రఘురామకృష్ణం రాజు జగన్ బెయిల్ పిటీషన్ రద్దు చేయాలి అంటూ, గతంలో ఆయన పిటీషన్ వేసిన సమయంలో, సిబిఐ కోర్టు, అటు జగన్ మోహన్ రెడ్డితో పాటుగా, సిబిఐని కూడా కౌంటర్ దాఖలు చేయాల్సిందిగా కోరింది. అయితే రెండు వాయిదాల్లో సిబిఐ ఏమి కౌంటర్ ఇవ్వలేదు. ఇక మూడో సారి మాత్రం ఏక వాఖ్యంతో సిబిఐ కౌంటర్ ఇచ్చింది. సిబిఐ కోర్ట్ ఏమి చెప్తే , ఏ నిర్ణయం తీసుకుంటే దానికి కట్టుబడి ఉంటాం అంటూ, సిబిఐ తన కౌంటర్ ఇచ్చింది. అయితే ఈ కౌంటర్ పై గతంలో భిన్న వాదనలు వచ్చాయి. సిబిఐ ఏదో ఒకటి చెప్పాలి కానీ, ఇలా తప్పించుకే ధోరణిలో, ఇలా కౌంటర్ వేయటం పై అందరూ ఆశ్చర్య పోయారు. సిబిఐ వైఖరి పై పలువురు అనుమానం కూడా వ్యక్తం చేస్తూ, విమర్శలు గుప్పించారు.

అయితే నిన్న జరిగిన వాయిదాలో సిబిఐ అనూహ్య నిర్ణయం తీసుకుంది. అటు రఘురామకృష్ణం రాజు తరుపు న్యాయవాది, సిబిఐ ఈ విషయంలో ఏదో ఒకటి చెప్పాలి అంటూ కోర్టులో వాదించటంతో పాటుగా, బయట నుంచి వస్తున్న విమర్శలతో కానీ, లేదా మరో వ్యూహంతో కానీ సిబిఐ అనూహ్య నిర్ణయం తీసుకుంది. రఘురామకృష్ణం రాజు, జగన్ మోహన్ రెడ్డి , ఇద్దరి వాదనలు విన్నాం అని, తాము కూడా ఈ సారి వాయిదాకి, రిటన్ ఆర్గుమెంట్స్ ఇస్తాం అంటూ, ప్రకటించింది. సిబిఐ కోర్టు కూడా సిబిఐ నిర్ణయం చెప్పమని కోరింది. దీంతో గతంలో కోర్టు ఏ నిర్ణయం తీసుకున్న ఒకే అంటూ చెప్పిన సిబిఐ, ఇప్పుడు వాదనలు చెప్తాం అని చెప్పటం వెనుక ఉన్న వ్యూహం ఏమిటో అర్ధం కావటం లేదు. సిబిఐ కేంద్ర హెం శాఖ పరిధిలో ఉంటుంది కాబట్టి, సిబిఐ ఇచ్చే వాదనలు కేంద్రం , జగన్ పై ఉన్న వైఖరిని తెలియ చేస్తాయని విశ్లేషకులు అంటున్నారు. సహజంగా తాము విచారణ చేసి, చార్జ్ షీట్లు వేసిన వారికి అనుకూలంగా సిబిఐ వ్యవహరించే అవకాసం ఉండదు. మరి సిబిఐ ఏమని చెప్తుందో, 8వ తారీఖు తేలిపోనుంది.

రూ.149.05 కోట్లతో అసెంబ్లీకి రాజమార్గమని నిన్న సాక్షి పత్రికలో కథనం రాశారని, కృష్ణానది కుడి కరకట్టపై 15.5 కిలో మీటర్ల వరకు రహదారి విస్తరణ పనులకు, ముఖ్యమంత్రి శంఖుస్థాపన చేస్తున్నాడని కూడా రాశారని టీడీపీ జాతీయ అధికార ప్రతినిధి కొమ్మారెడ్డి పట్టాభిరామ్ తెలిపారు. గురువారం ఆయన మంగళగిరిలోని పార్టీ జాతీయకార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే "విజయవాడ నుంచి అమరావతికి కనెక్టివిటీ పెంచడానికే కరకట్ట విస్తరణకు శ్రీకారం చుట్టారని చెప్పారు. నిన్న జరిగింది చూశాక, ముఖ్యమంత్రికి ఉన్నట్టుండి అమరావతిపై ఇంత ప్రేమ ఎందుకు పుట్టుకొచ్చిందా అని ప్రపంచం మొత్తం కూడా ఆశ్చర్య పోయింది. రాజధాని అమరావతిని శ్మశానమని, ఎడారని, ముంపునకు గురయ్యే ప్రాంతమని చెప్పిన వ్యక్తే, నేడు అకస్మాత్తుగా ఎందుకిలా చేశాడా అనే ప్రశ్నకు సమాధానం దొరక్క ప్రపంచమంతా ఎదురుచూస్తోంది. జగన్మోహన్ రెడ్డి ఏ పనిచేసినా ఏదో ఒక స్వలాభంతోనే చేస్తాడు. కరకట్ట రోడ్డు నిర్మాణం వెనుక కూడా అలాంటి కారణాలే ఉన్నాయి. గత 10, 15రోజులుగా అనేక రకాల వార్తలు వింటున్నాం. ఇసుక నిల్వతో కరకట్టకు ముప్పని, తాళాయపాలెంలో ఇసుక డంపింగ్ యార్డ్ ఏర్పాటుపై రైతుల అభ్యంతరం వంటివి వింటున్నాం. కృష్ణా నదిలోని ఇసుకను డ్రెడ్జింగ్ సాయంతో తోడేసి, కరకట్ట పక్కనే పెద్దపెద్ద డంపింగ్ యార్డులు ఏర్పాటుచేస్తున్న సంగతి అందరికీ తెలిసిందే. డంపింగ్ యార్డు నుంచి ఇసుకను తరలించడానికే ఈ ముఖ్యమంత్రి రోడ్డు విస్తరణకు పూనుకున్నాడు. పెద్ద ఎత్తున ఇసుకరవాణా జరగాలంటే మంచిరోడ్డు కావాలి కదా. దానికోసమే 4 వరుసలతో కరకట్ట రహదారి విస్తరణకు ముఖ్యమంత్రి పూనుకున్నాడు. అదీ అసలువిషయం. ప్రపంచమంతా ఎదరుచూస్తున్న ప్రశ్నకు సమాధానం అదీ. అదొక ప్రధానకారణమైతే, రెండో ముఖ్యమైన కారణం ఇంకోటి ఉంది. రాజధాని అమరావతికి ప్రపంచ వ్యాప్తంగా పెట్టుబడులను ఆకర్షించడం కోసం చంద్రబాబునాయుడు గతంలో స్టార్టప్ ఏరియాను తయారుచేశారు. రైతులుపెద్దమనసు చేసుకో బట్టే, లక్షలకోట్ల విలువైన సంపద సృష్టికి అమరావతి కేంద్ర బిందువైందని చంద్రబాబు అనేక సార్లు చెప్పారు. అలా ఆయన ఆలోచనల నుంచి పుట్టుకొచ్చిందే స్టార్టప్ ఏరియా. 680హెక్టార్లు (1689ఎకరాలు) భూమితో రివర్ ఫ్రంట్ వ్యూ (నదీముఖంగా) ఉన్న స్టార్టప్ ఏరియాను అభివృద్ధి చేయాలని చంద్రబాబు భావించారు. ఆ భూమి మొత్తాన్ని కాజేయడానికే, ఇప్పుడు ఈ ముఖ్యమంత్రి రోడ్డు విస్తరణకు సిద్ధమయ్యాడు.

స్టార్టప్ ఏరియాకు రోడ్డువేస్తే మంచి కనెక్టివిటీ ఏర్పడుతుంది. రోడ్డు వేయడం వల్ల, బిల్డ్ ఏపీ పథకం కింద, 1689 ఎకరాలను అమ్మకానికి పెట్టి, తన బినామీలతో ఆ భూమిని కొనిపించాలన్నదే ముఖ్యమంత్రి దురాలోచన. ఎకరం రూ.10కోట్లు వేసుకున్నా కూడా ఆభూమి మొత్తంవిలువ రూ.17వేలకోట్ల వరకుఉంటుంది. రూ.17వేలకోట్ల ఆస్తిని కాజేయడానికే ఈ ముఖ్యమంత్రి కరకట్ట రోడ్డు విస్తరణకు సిద్ధమయ్యాడు. ముఖ్యమంత్రి చేపట్టిన రోడ్డువిస్తరణ వెనుక రూ.17వేలకోట్ల స్కామ్ ఉంది. అమరావతిపై ఈ ముఖ్యమంత్రికి నిజంగా ప్రేమఉంటే, చంద్రబాబునాయుడు గతంలో 90శాతం వరకు పూర్తిచేసిన సీడ్ యాక్సెస్ రోడ్డుని ఎందుకు పూర్తిచేయడంలేదు? కరకట్టను ఆనుకునే వైసీపీ ఎమ్మెల్యే రామకృష్ణారెడ్డి, ఇతర వైసీపీ నేత లభూములున్నాయి. రామకృష్ణారెడ్డి అనుచరులుగా చెప్పుకునే కొందరు రాజధానికి భూములివ్వకుండా కోర్టులకు వెళ్లారు. అలా ఉన్నభూముల విలువను పెంచుకో వడానికి కూడా ముఖ్యమంత్రి వేస్తున్న రాజమార్గం సహకరిస్తుంది. కాబట్టి ఆరకంగా తన పార్టీ నేతలకు మేలు చేయడాని కే ముఖ్యమంత్రి రోడ్డు వేయడానికి సిద్ధమయ్యాడు. ఇవన్నీ ఇలాఉంటే, మరో ప్రధానకారణం ఏమిటంటే ఈ ముఖ్యమంత్రి ఎప్పుడు సచివాలయానికి వెళ్లాలన్నా, ముసుగు వీరుడిలా ముసుగేసుకొని, పోలీసులసాయంతో వెళ్తున్నాడు. అలా వెళ్లడంఇబ్బందేకదా? అందుకే ఆ గ్రామాల మధ్య నుంచి వెళ్లకుండ కొత్త రోడ్డు వేయాలని భావించాడు. ఆగ్రామాల్లోనుంచి వెళ్లినప్పుడల్లా ఎన్నికలకు ముందు ఆయనచెప్పిన మాయమాటలు, మోసపు వాగ్ధానాలు గుర్తొస్తుంటాయి కదా. అందుకే ఇప్పుడు ఇలా రోడ్డునిర్మాణం పేరుతో, ప్రజల నుంచి తప్పించు కోవడానికి దొడ్డిదారి ఏర్పాటు చేసుకుంటున్నాడు. ఇదండీ ముఖ్యమంత్రి చేపట్టిన కరకట్ట రోడ్డువిస్తరణ వెనకున్న దోపిడీ చరిత్ర.

ఆంధ్రప్రదేశ్ రాష్ట్ర ప్రభుత్వానికి కేంద్రం నుంచి భారీ షాక్ వచ్చింది. భారీ షాక్ అనటానికి కారణం ఉంది. ప్రస్తుతం ఆంధ్రప్రదేశ్ రాష్ట్ర ప్రభుత్వానికి ఖర్చులతో పోల్చుకుంటే, ఆదాయం పెద్దగా లేదు. కేవలం అప్పుల మీద నెట్టుకుని రావాల్సిన పరిస్థితి వచ్చింది. ఒక్కో నెలలో జీతాలు కూడా లేట్ అవుతున్నాయి. అప్పు పుడితే కానీ, గడవని పరిస్థితికి వచ్చింది. ఇందు కోసం జగన్ మోహన్ రెడ్డితో పాటుగా, మంత్రి బుగ్గన చేయని ప్రయత్నం అంటూ లేదు. మంత్రి బుగ్గన ఢిల్లీ పర్యటనలో అప్పు కోసం అనేక ప్రయత్నాలు చేసారు. అయితే అదనపు వివరాలు కావాలని కేంద్రం కోరటం, ఆ అదనపు వివరాలు ఇచ్చిన తరువాత కేంద్రం అసలు విషయం చెప్పి భారీ షాక్ ఇచ్చింది. ఇక వివరాల్లోకి వెళ్తే ఆంధ్రప్రదేశ్ రాష్ట్ర రుణ పరిమితిని ఈ ఆర్ధిక ఏడాది, అంటే 2021-22 సమయానికి, రూ.42,472 కోట్లగా నిర్ణయించి, బహిరంగ మార్కెట్ లో రుణాలు తీసుకోవచ్చు అంటూ ముందుగా కేంద్రం చెప్పింది. అయితే ఇది సరిపోదని, ఇంకా అదనపు రుణం కావలి అంటూ బుగ్గన ఢిల్లీ చుట్టూ ప్రదక్షిణలు చేసారు. అయితే ఇప్పటి తీసుకున్న రుణాల పై సమగ్ర నివేదిక తమకు పంపిస్తే ఆలోచిస్తామని కేంద్ర ఆర్ధిక సఖ అధికారులు చెప్పారు.

ఆ వివరాలు అన్నీ పంపించిన తరువాత, రుణం పెంచుతారు అనుకుంటే, రూ.42,472 కోట్ల నుంచి రూ.27,668 కోట్లకు తగ్గించి షాక్ ఇచ్చారు. దీనికి కారణంగా గతంలో పరిమితికి మించి అప్పులు తీసుకున్నారని, ఇప్పుడు దాన్ని సరిచేస్తున్నాట్టు చెప్పారు. రాష్ట్ర జీడీపీలో 4 శాతం అప్పులు తీసుకోవచ్చు. అంటే రూ.42,472 కోట్లు. ఈ తీసుకున్న అప్పులో రూ.27,589 కోట్లను క్యాపిటల్ ఎక్స్పెండిచర్ కింద ఖర్చు పెడితే మరో 0.5% రుణాలు ఇస్తారు. అంటే మరో రూ.5,309 కోట్లు పెరుగాయి. లేకపోతే అంత తగ్గుతుంది. అంటే రూ.42,472 కోట్ల నుంచి రూ.37,163 కోట్ల వరుకే మన రుణ పరిమితి పరిమితం అవుతుంది. అయితే కేంద్రం అడిగిన లెక్కలు అన్నీ రాష్ట్ర ప్రభుత్వం లేఖ రూపంలో పంపించింది. గతంలో మనకు ఉన్న రుణ పరిమితి కన్నా, రాష్ట్ర ప్రభుత్వం రూ.17,923.94 కోట్లు అదనంగా తీసుకున్నట్టు కేంద్రం గుర్తించింది. అవన్నీ లెక్కిస్తే, మీకు ఈ ఏడాది రుణ పరిమితి కేవలం రూ.27,668 కోట్లు అని కేంద్రం, ఏపి అధికారులకు తేల్చి చెప్పింది. ఈ దెబ్బతో రాష్ట్ర ప్రభుత్వ పెద్దలకు, అధికారులకు ఏమి చేయాలో పాలు పోవటం లేదు. అదనంగా రుణం ఇస్తారు అనుకుంటే, మరింత కోత పెట్టటం పై షాక్ అయ్యారు. ఎలాగైనా ఇంకా ఎక్కువ రుణం వచ్చేలా చూడాలని ప్రయత్నం చేస్తున్నారు.