news

గత 19 రోజులుగా సిబిఐ, వి-వే-క కేసులో విచారణ చేస్తూనే ఉంది. అయితే గతంతో పోల్చితే ఈ సారి మాత్రం సిబిఐ దూకుడు పెంచిందని తెలుస్తుంది. ఇప్పటికి నాలుగు సార్లు విచారణ కోసం ఢిల్లీ నుంచి వచ్చిన సిబిఐ, గతంలో సాదా సీదాగా విచారణ చేసి వెళ్ళిపోయేది. అయితే ఈ సారి మాత్రం సిబిఐ కొత్త కోణంలో విచారణ చేస్తుంది. ఒక కొత్త లేడి ఆఫీసర్ కూడా టీంలో చేరినట్టు చెప్తున్నారు. ఈ సారి విచారణలో చాలా మంది కొత్త వారు తెర పైకి వచ్చారు. పులివెందులలోనే కాకుండా, కడప జిల్లా వ్యాప్తంగా కూడా పర్యటనలు చేస్తున్నారు. ఇప్పటి వరకు 19 రోజులుగా ఈ సారి విచారణ కొనసాగుతుంది. మాజీ ఎంపీటీసి సుధాకర్ రెడ్డిని ఇప్పటి వరకు విచారణ చేసారు. మరో కోణం ఏమిటి అంటే, బృందాలుగా విడిపోయిన సిబిఐ, మధ్యానం వరకు మాత్రమే విచారణ చేస్తూ, మధ్యానం నుంచి ఫీల్డ్ లోకి వెళ్లి విచారణ చేస్తున్నారు. జిల్లా వ్యాప్తంగా సుడిగాలి పర్యటనలు చేస్తూ, అనుమానం ఉన్న చోట, కూపీ లాగుతున్నారు. మొత్తం పులివెందుల అంతా తిరిగి, తరువాత రోజు విచారణకు ఎవరు రావాలి అనేది లోకల్ పోలీసులకు చెప్తున్నారు. గతంలో కాకుండా, ఈ సారి చాలా మంది కొత్త వ్యక్తులను పిలిపించి విచారణ చేస్తున్నారు. బెంగుళూరులో కూడా విచారణ జరిపినట్టు తెలుస్తుంది.

అలాగే వి-వే-క కూతురు సునీతను, పులివెందులలో ఆమెను మూడు సార్లు పిలిపించి, ఆమెతో మాట్లాడినట్టు తెలుస్తుంది. అయితే గతంలో సునీత రెడ్డి, 15 మంది అనుమానితులు పేర్లు ఇచ్చింది. అందులో వైఎస్ అవినాష్ రెడ్డి, ఇతర వైఎస్ కుటుంబ సభ్యులు కూడా ఉన్నారు. అయితే ఆ లిస్టు లో ఉన్న వారిని అయితే ఇప్పటి వరకు విచారణకు పిలిపించలేదు. కీలక వ్యక్తుల వద్దకు వెళ్ళే ముందు, ముందుగా పక్కా సమాచారం సేకరించి, పూర్తి ఆధారలతోనే వారిని విచారణకు పిలుస్తారని తెలుస్తుంది. సునీత ఇచ్చిన అనుమానితులు పేర్లు అన్నీ పెద్ద వాళ్ళు కావటం, పదవుల్లో ఉండటంతో, రిస్క్ తీసుకో కుండా, మొత్తం ఆధారాలు ఉంటేనే వారిని పిలిచేలా వ్యూహం రచించారు. మొత్తం మీద అయితే గతానికి భిన్నంగా, సిబిఐ విచారణ ఈ సారి కొనసాగుతుంది. అన్నిటికంటే ఆసక్తికరమైన విషయం ఏమిటి అంటే, సిబిఐ టీంలోకి ఒక కొత్త లేడీ ఆఫీసర్ రావటం, ఆమె ట్రాక్ రికార్డు అద్భుతంగా ఉండటంతో, ఈ సారి సిబిఐ సీరియస్ గా ఉన్నట్టు విశ్లేషకులు భావిస్తున్నారు.

ఆంధ్రప్రదేశ్ హైకోర్టులో ఈ రోజు రెండు కీలక కేసులు పై విచారణ జరిగింది. ముఖ్యంగా రాష్ట్రంలో జెడ్పీటీసీ, ఎంపీటీసీ ఎన్నికలు జరిగినప్పటికీ కౌంటింగ్ నిర్వహించలేదని, దీనికి సంబంధించి తెలుగుదేశం, జనసేన వేసిన పిటీషన్ల పై, హైకోర్టు సింగల్ బెంచ్, జెడ్పీటీసీ, ఎంపీటీసీ ఎన్నికల నోటిఫికేషన్ రద్దు చేస్తూ, సుప్రీం కోర్టు మార్గాదర్శక సూత్రాలు పాటించకపోవటం పై, నెల రోజులు వ్యవధి అమలు చేయకపోవటం పై, మళ్ళీ రీ నోటిఫికేషన్ ఇవ్వాలని ఆదేశాలు జారీ చేసింది సింగల్ బెంచ్. అదే విధంగా రాష్ట్ర ఎన్నికల కమిషన్, సుప్రీం కోర్టు తీర్పుని కూడా సరిగ్గా అర్ధం చేసుకోలేక పోయారని తీవ్రమైన వ్యాఖ్యలు కూడా బెంచ్ చేసింది. ఈ నేపధ్యంలోనే, సింగల్ బెంచ్ తీర్పుని సవాల్ చేస్తూ, రాష్ట్ర హైకోర్టు డివిజినల్ బెంచ్ లో పిటీషన్ దాఖలు చేసింది. ఈ పిటీషన్ పై విచారణ జరిగింది. చీఫ్ జస్టిస్ కూడా ఈ బెంచ్ లో ఉన్నారు. ధర్మాసనం ముందు ఈ రోజు విచారణ జరిగింది. ఈ విచారణ సందర్భంగా హైకోర్టు స్పందిస్తూ, సింగల్ బెంచ్ ఇచ్చిన, కేవలం రీ నోటిఫికేషన్ జడ్జిమెంట్ ఆదేశాలు పై మాత్రమే స్టే విధించాలని ఆదేశాలు జారీ చేసింది. కానీ జెడ్పీటీసీ, ఎంపీటీసీ ఎన్నికలకు సంబంధించిన కౌంటింగ్ మాత్రం, ఈ పిటీషన్ పరిష్కారం అయ్యే వారకు, ఎట్టి పరిస్థితిలోను నిర్వహించ వద్దని ఆదేశాలు జారీ చేసింది.

జెడ్పీటీసీ, ఎంపీటీసీ ఎన్నికలు పూర్తయినా కూడా ఈ రోజు వరకు కూడా కౌంటింగ్ నిర్వహించలేదు. సుప్రీం కోర్టు ఇచ్చిన మార్గదర్శకాలు పాటించలేదని, సింగల్ బెంచ్ రీ నోటిఫికేషన్ ఇవ్వాలని ఆదేశాలు జారీ చేసింది. ఈ నేపధ్యంలోనే రాష్ట్ర ఎన్నికల కమిషన్ దాఖలు చేసిన రిట్ అపీల్ పై, డివిజనల్ బెంచ్ లో విచారణ జరిగింది. ఈ విచారణలో రాష్ట్ర ఎన్నికల కమిషన్ తరుపున సీనియర్ న్యాయవాది నిరంజన్ రెడ్డి వాదనలు వినిపించారు. రిట్ అపీల్ కు సంబంధించి, కేవలం రీ నోటిఫికేషన్ కు సంబంధించిన దాని పైన ఏమైతే ఉత్తర్వులు ఇచ్చారో, కేవలం దాని పైనే స్టే విధిస్తున్నట్టు హైకోర్టు పేర్కొంది. అయితే ఎన్నికల కౌంటింగ్ విషయంలో మాత్రం, ఈ రిట్ అపీల్ పరిష్కారం అయ్యే వరకు ఎలాంటి నిర్ణయం తీసుకోవద్దని ఆదేశాలు జారీ చేసింది. కేసు విచారణను జూలై 27 వ తేదీకు వాయిదా వేసింది. అయితే అప్పటి వరకు కూడా కౌంటింగ్ కూడా జరిగే అవకాసం లేదు. మరి దీని పై ప్రభుత్వం తదుపరి చర్యలు ఎలా ఉంటాయో చూడాల్సి ఉంది.

జగన్ మోహన్ రెడ్డి పై ఉన్న 11 కేసులు విత్ డ్రా చేసుకోవటం పై ఈ రోజు హైకోర్టులో విచారణ జరిగింది. క-రో-నా లాక్ డౌన్ వన్ లో నిబంధనలకు విరుద్ధంగా గుంటూరు జిల్లా, అనంతపురం జిల్లాలో కేసులు విత్ డ్రా చేసుకోవటం పై, హైకోర్టు సుమోటోగా కేసు తీసుకున్న సంగతి తెలిసిందే. దీని పై ఈ రోజు హైకోర్టులో విచారణ కొనసాగింది. అడ్మినిస్ట్రేటివ్ కమిటీ, జగన్ పై కేసులు విత్ డ్రా చేసుకోవటం పై విచారణ నిర్వహించటం, ఆ విచారణ ఆధారంగా హైకోర్టు సుమోటోగా కేసు నమోదు చేసింది. క్రిమిననల్ రివిజన్ పిటీషన్ పై బుధవారం విచారణ జరగగా, ప్రతివాదులు అందరికీ నోటీసులు ఇస్తాం అని హైకోర్టు చెప్పింది. అయితే ప్రభుత్వం తరుపున అడ్వొకేట్ జనరల్ మాత్రం, అసలు ఈ కేసులు విచారణ అర్హం కాదని, నోటీసులు ఇవ్వటానికి వీలు లేదని, అడ్మినిస్ట్రేటివ్ కమిటీ న్యాయ పరమైన అంశాల పై ఎలా చెప్తుందని వాదించారు. అలాగే సుప్రీం కోర్టు తీర్పులు కూడా కొన్ని చెప్పారు. హైకోర్టు ఇలా క్రిమినల్ రివిజన్ పిటీషన్ సుమోటో గా తీసుకోవటం, దేశంలోనే మొదటి సారని, ఇంత వరకు ఎప్పుడు జరగలేదని వాదించారు. ఈ నేపధ్యంలో కేసు విచారణను ఈ రోజు కూడా హైకోర్టు వాయిదా వేసింది. అయితే ఈ రోజు కొద్ది సేపటి క్రితం, మళ్ళీ ఈ కేసుకు సంబంధించి విచారణ మొదలైంది.

విచారణ సందర్భంగా హైకోర్టు న్యాయమూర్తి కె.లలిత ఏదైతే అడ్మినిస్ట్రేటివ్ కమిటీ జగన్ కేసులు విత్ డ్రాకి సంబంధించి దర్యాప్తు చేసి, నివేదిక ఇచ్చిందో, ఆ నివేదికను సీల్డ్ కవర్ లో కోర్టు ముందు ఉంచాలని ఆదేశాలు జారీ చేసారు. ఆ నివేదికను పూర్తిగా స్టడీ చేసిన తరువాత, తాము పూర్తి స్థాయిలో ఆదేశాలు జారీ చేస్తామని కోర్టు తెలిపింది. ఈ నివేదిక, సీల్డ్ కవర్ లో రిజిస్టరీ నుంచి అందిన తరువాత, ఆ నివేదకను పూర్తిగా స్టడీ చేసిన తరువాత, ఈ రోజు కానీ, రేపు కానీ ఈ అంశం పై పూర్తి స్థాయిలో ఆదేశాలు వచ్చే అవకాసం కనిపిస్తుంది. మొన్న జరిగిన విచారణలో అడ్వొకేట్ జనరల్ జరిపిన వాదనలు, ఈ రోజు అడ్మినిస్ట్రేటివ్ కమిటీ రిపోర్ట్ ఇంకా రిపోర్ట్స్ లోకి రాకపోవటంతో, అవి రికార్డుల్లోకి వచ్చిన తరువాత, తాము తగిన ఆదేశాలు ఇస్తామని హైకోర్టు స్పష్టం చేసింది. అయితే దీని పై ఈ రోజు కానీ, రేపు కానీ, తగిన ఆదేశాలు వచ్చే అవకాసం ఉంది. నిబంధనలకు విరుద్ధంగా ఒక ప్రభుత్వాధినేతగా ఉంటూ, తన పైన కేసులు కొట్టేయించుకోవటం పై విమర్శలు వస్తున్నాయి.