news

క-రో-నా కాలంలో కూడా ఆంధ్రప్రదేశ్ ప్రభుత్వం పెట్టాలి అనుకుంటున్న పది, ఇంటర్ బోర్డు ఎక్షామ్స పై ఈ రోజు సుప్రీం కోర్టులో విచారణ జరిగింది. ఈ పరీక్షలు నిర్వహించి తీరుతాం అని, జూలై చివరి వారంలో పరీక్షలు పెడుతున్నాం, దానికి సంబంధించి ఏర్పాట్లు కూడా పక్కాగా చేసాం అంటూ, ఏపి ప్రభుత్వం సుప్రీం కోర్టులో అఫిడవిట్ దాఖలు చేసింది. అయితే ఈ అఫిడవిట్ పై సుప్రీం కోర్టు తీవ్ర అసంతృప్తి వ్యక్తం చేసింది. ఎటువంటి ఏర్పాట్లు చేసారు, ఎన్ని రూమ్లు ఉన్నాయి, ఎంత మంది స్టాఫ్ ఉన్నారు, ఇలా సమగ్రంగా సమాచారం ఇవ్వకుండా, పరీక్షలు నిర్వహించి తీరుతాం అని ఒకే ఒక్క మొండి పట్టుదలతో చేస్తున్నారు తప్పితే, చిత్తశుద్ది కనిపించటం లేదు అంటూ, సుప్రీం కోర్టు పేర్కొంది. పైగా పరిస్థితిలు మారిపోతున్నాయి, ఎప్పుడు ఎలా ఉంటుందో అర్ధం కావటం లేదు, మూడో వేవ్ కూడా వస్తుందని అంటున్నారు, సెకండ్ వేవ్ లో జరిగిన అనర్ధాలు చూసాం. మన చేతిలో లేకుండా మొత్తం జరిగిపోతున్నాయి. మనం అనుకున్నది ఏది మన అంచనాలో ఉండదు. ఇప్పుడు మూడో వేవ్ కూడా వస్తుందని అంటున్నారు. జూలై మూడో వారంలో పరీక్షలు పెడతాం అంటున్నారు, మరి మూడో వేవ్ జూలై మూడో వారం లోపే వస్తే ఏమి చేస్తారు అంటూ సుప్రీం కోర్టు ప్రశ్నించింది. అప్పుడు పరీక్షలు ఆపేస్తారా అని సుప్రీం కోర్టు ప్రశ్నించింది.

ఒక్కో రూమ్ లో 15 మంది కూర్చోపెడతాం అంటున్నారు, దానికి 34 వేల రూమ్స్ కావాలి, అన్ని రూమ్స్ మీ దగ్గర ఉన్నాయా, అంత మంది స్టాఫ్ కావలి, పేపర్లు కాలేచ్ట్ చేయాలి, కరెక్ట్ చేయాలి, ఇప్పుడున్న పరిస్థితిలో, ఇది సాధ్యం అయ్యే పనేనా అని సుప్రీం కోర్టు ప్రశ్నించింది. పరీక్షలు నిర్వహణ మధ్యలో ఈ వేవ్ ఎక్కువగా ఉండి, వైరస్ ఎక్కువగా స్ప్రెడ్ అయితే, ఆ విషయంలో ఏమి చెప్తారు. మరి ఇలాంటి వాటి అన్నిటి పై మీకు ఏమైనా ప్లాన్ ఉందా ? ఇప్పుడు మీరు వేసిన ప్రణాలికలో మార్పులు వస్తే, దానికి అనుగుణంగా మీరు ఏమి చేస్తారు అని ప్రశ్నలు సందించింది. మీ దగ్గర ఏమి ప్లాన్ లేకుండా, ఏమి చెప్పకుండా, పరీక్షలు నిర్వహిస్తాం అంటే ఎలా అని సుప్రీం కోర్టు ప్రశ్నించింది. అన్ని రాష్ట్రాలు పరీక్షలు రద్దు చేసినాయి కదా, మీకు వచ్చిన ఇబ్బంది ఏమిటి అని ప్రశ్నించింది. ఒక్క విద్యార్ధి వైరస్ తో చనిపోయినా, దానికి మీరే బాధ్యత అంటూ కోర్టు చెప్పింది. మీరు దీని పై ఒకటికి రెండు సార్లు చర్చించండి, ఆలోచన చేయండి, రేపటి లోగా మళ్ళీ మీ నిర్ణయం చెప్పండి అంటూ, కోర్టు తెలిపింది.

ఆంధ్రప్రదేశ్ రాష్ట్ర ప్రభుత్వం చేస్తున్న పనులతో, కోర్టుల్లో తీవ్ర ఇబ్బందులు ఎదురు అవుతూనే ఉన్నాయి. తాజాగా హైకోర్టు చేసిన వ్యాఖ్యలు చూస్తే, ఏపి ప్రభుత్వానికి అవమానం అనే చెప్పాలి. అయితే ఇంత వరకు హైకోర్ట్ చేసిన వ్యాఖ్యల పై, ఎవరూ స్పందించలేదు. ఇక వివరాల్లోకి వెళ్తే, ఏపి హైకోర్టులో ఉపాధి హామీ పధకం నిధులు విడుదల పై కేసు విచారణ జరిగింది. చంద్రబాబు హయాంలో, చివరి ఏడాదిలో జరిగిన ఉపాధి హామీ పనులు నిధులు విషయంలో, పనులు చేసిన వారికి డబ్బులు ఇవ్వలేదు. కేంద్రం నుంచి నిధులు వచ్చినా ప్రభుత్వం ఆ డబ్బులు కాంట్రాక్టర్ లకు ఇవ్వలేదు. దీని పై చిత్తూరు జిల్లాకు చెందిన ఒక కాంట్రాక్టర్, అలాగే తూర్పు గోదావరి జిల్లాకు చెందిన మరో కాంట్రాక్టర్ తమకు ప్రభుత్వం బిల్లులు చెల్లించటం లేదని, ఎన్ని సార్లు అడిగినా స్పందన ఇవ్వటం లేదని, హైకోర్టుని ఆశ్రయించారు. అయితే దీని పై విచారణ చేసిన హైకోర్టు, ఆర్ధిక శాఖ, పంచాయతీ రాజ్ కమీషనర్ ను పిలిచి, ఈ కేసు పై విచారణ చేసింది. అయితే పంచాయతీ రాజ్ తరుపున వాదిస్తున్న న్యాయవాది, ఆయన మాట్లాడుతూ, రాష్ట్ర ప్రభుత్వం దగ్గర ప్రస్తుతం డబ్బులు లేవని, అందుకే చెల్లించ లేదు అంటూ హైకోర్టుకు తెలిపారు. దీంతో హైకోర్టు ఒక్కసారిగా, ఆ సమాధానానికి ఆశ్చర్య పోయింది.

ఈ సందర్భంగా హైకోర్టు స్పందిస్తూ, ఈ మాత్రం బిల్లులు చెల్లించటానికి కూడా మీకు, రాష్ట్ర ప్రభుత్వం దగ్గర డబ్బులు లేవా అంటూ ప్రశ్నించింది. ఇంత చిన్న అమౌంట్ కే డబ్బులు లేవు అంటే, రేపు మూడు రాజధానులు ఎలా కడతారు, మీ ఆర్ధిక పరిస్థితి ఇలా ఉందని తెలిస్తే, ఏ కాంట్రాక్టర్ ముందుకు వచ్చి, మూడు రాజధానులు కడతారు అంటూ, హైకోర్టు ప్రశ్నించింది. అదే విధంగా, పనులు చేసిన కాంట్రాక్టర్ ను ఇబ్బందులు పెడుతున్నారని, వారి ప్రైవసీకి భంగం కలిగిస్తున్నారని హైకోర్టు పేర్కొంది. వారికి డబ్బులు ఇవ్వకుండా ఇబ్బంది పెడితే, వారి కుటుంబం ఎలా మనుగడ సాగిస్తుంది, ఆ కంట్రాక్టర్ గుడ్ విల్ దెబ్బ తింటుంది కదా అని కోర్టు ప్రశ్నించింది. అయితే ఇందులో రాజధాని నిర్మాణాకి సంబంధించి, కోర్టు చేసిన వ్యాఖ్యలు గమనించాల్సిన అంశం. చిన్న చిన్న కాంట్రాక్టులకు డబ్బులు కూడా ఇవ్వలేని వారు, మూడు రాజధానులు ఎలా కడతారు, అసలు ఆంధ్రప్రదేశ్ ఆర్ధిక పరిస్థితి ఎలా ఉందో, మాకు అఫిడవిట్ రూపంలో ఇవ్వండి అంటూ కోర్టు సంచలన వ్యాఖ్యలు చేసింది.

రాష్ట్రాన్ని పాలిస్తున్నది ఫేక్ ముఖ్యమంత్రని, ఫేక్ ప్రభుత్వమని తొలి నుంచీ టీడీపీ చెబుతూనే ఉందని, ఫేక్ ముఖ్యమంత్రి తన అంకెల గారడీతో మరోసారి అడ్డంగా దొరికిపోయాడని టీడీపీ జాతీయ అధికార ప్రతినిధి కొమ్మారెడ్డి పట్టాభిరామ్ స్పష్టం చేశారు. బుధవారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే... "కో-వి-డ్ సందర్భంగా వ్యాక్సినేషన్ కు సంబంధించి, ఎన్ని వ్యాక్సిన్లు ఇచ్చారో, జూన్ లో 1 నుంచి 22వ తేదీవరకు ఎన్ని డోసుల వ్యాక్సిన్లు ఇచ్చారో చెబుతూ, ఫేక్ ముఖ్యమంత్రి, ఫేక్ ప్రభుత్వం తప్పుడు సమాచారంతో ప్రజలను మోసగించాలని చూసింది. ఆరోగ్యాంధ్ర ట్విట్టర్ లో ఈరోజు ఒక ట్వీట్ పెట్టారు. అది చూసి ఆశ్చర్యపోయాను. 46.46 మిలియన్లు అంటే 4కోట్ల60లక్షల డోసుల వ్యాక్సిన్లను జూన్ లోనే అందించారని, 5కోట్ల80లక్షల మందికి వ్యాక్సినేషన్ పూర్తయిందని ఆ ట్వీట్ లోచెప్పారు. మరలా గొప్పగా దానిపై అనుమానం రాకుండా, ఒక్కొక్క వ్యాక్సిన్ వయొల్ ని బ్రహ్మండంగా వాడామని, మైనస్ 6శాతం మాత్రమే వృథా అయ్యాయని కూడాచెప్పారు. ప్రభుత్వానికి దురదృష్టవశాత్తూ ఒక మిలియన్ కి ఎన్ని లక్షలుంటాయని కూడా తెలియదు. సమాచారంలో లక్షలను కోట్లుగా చూపించారు. అదే ట్వీట్ కింద ఉన్నసమాచారాన్ని పరిశీలించాను. జూన్ 1 నుంచి 22వ తేదీ వరకు 58లక్షల74వేల201 డోసులు ఇచ్చినట్టు చెప్పారు. కానీ జూన్ 1 నుంచి 22వరకు ఇచ్చిన వ్యాక్సిన్ల వివరాలను మొత్తం లెక్కిస్తే 39 లక్షల89వేల671 వచ్చింది. కానీ ట్వీట్ కింద తాటికాయంత అక్షరాలతో 58లక్షల 74వేల201 డోసులని రాశారు. దాదాపుగా 19లక్షలు పెంచేశారు. ఎన్నివ్యాక్సిన్ డోసులు వచ్చాయనేది కూడా పరిశీలిద్దాం. 46లక్షల46వేల400 డోసులు వచ్చాయంటున్నారు. వచ్చిన డోసులన్నీ కూడితే మాకు వచ్చిన లెక్క 41లక్షల10,530. జూన్ 1 కి అంతకు ముందు నెలలో మిగిలిన స్టాక్ ఉంటుంది కదా అని భావించి, ఆ లెక్క కూడా బయటకు తీశాం. మే నెలకి సంబంధించి జూన్ 1కి, 59వేల ఓపెనింగ్ స్టాక్ మాత్రమే ఉంది. అది కూడా కలిపితే 41లక్షల69వేలు మాత్రమే అవుతుంది. కానీ వీరు ఎంత చెబుతున్నారయ్యా....46లక్షల46వేలు. అంటే 5లక్షల 25వేల వరకు కలిపారు. ఇచ్చిన వ్యాక్సినేషన్ డోసుల్లోనేమో 19లక్షల వరకు కలిపారు.. ఈరకంగా ప్రజలకు ఏదో ఒకటిచెబితే సరిపోతుంది అనుకుంటున్నారా?

ఫేక్ ముఖ్యమంత్రికి లెక్కలు, కూడికలు, తీసివేతలు రాకపోతే మాకు రావా? ప్రజలు మరీ అంత గొర్రెల్లా కనిపిస్తున్నారా ఫేక్ ప్రభుత్వానికి? జూన్ 1 నుంచి 22వరకు వాస్తవంగా ఇచ్చిన వ్యాక్సిన్లు 39లక్షల 89వేలయితే, 58లక్షల74వేలని రాస్తారా? ఇష్టమొచ్చినట్లు ట్వీట్లుపెడతారా? వచ్చిన వ్యాక్సిన్లు ఓపెనింగ్ బ్యాలెన్స్ కలిపినాకూడా 41లక్షల69వేలైతే, 46లక్షల 46వేలని చెబుతారా? వచ్చిన డోసుల్లో, ప్రజలకు ఇచ్చిన డోసుల్లో అంతా ఫేక్ లెక్కలే. ఇవి ఎప్పుడైతే ప్రజల ముందుంచామో.. వెంటనే ట్వీట్ తీసేశారు. దొంగలెక్కలు బయట పడేసరికి వెబ్ సైట్ లోని అంకెలు తొలగిస్తారా? కానీ ఇప్పటికే వాటిని టీడీపీ ప్రజలముందు ఉంచేసింది. ఫేక్ ప్రభుత్వం చెప్పే ఫేక్ లెక్కలను ప్రజలు నమ్మవద్దని కోరుతున్నాం. మేమేనెంబర్ 1 అంటూ ప్రజలను మోసగించే పనిలో ఉన్నారు. దాదాపు 19లక్షల వ్యాక్సిన్ డోసులు ప్రజలకు ఇవ్వకుండానే ఇచ్చేశామని దొంగ లెక్కలతో ప్రభుత్వం అడ్డంగా దొరికిపోయింది. తలసరిన జూన్ 21వతేదీన ఎన్నిడోసులిచ్చారో అదికూడా చూద్దాం. జూన్ 21న తలసరిన 0.17శాతం మాత్రమే డోసులిచ్చారు. అది దేశ స్థాయిలో రాష్ట్రాన్ని 22వ స్థానానికి దిగజార్చింది. ఇదేనా ముఖ్యమంత్రి ప్రతాపం, సమర్థత? జూన్ 20వతేదీన తామే నెంబర్ 1 అనిచెప్పారు కదా? జూన్ 21నాటికే 22వస్థానానికి ఎలా పడిపోయారు? పర్ కేపిటా డోసుల్లో 22వస్థానానికి ఎందుకు పడిపోయామో కూడా ముఖ్యమంత్రే ప్రజలకు సమాధానంచెప్పాలి. ప్రభుత్వమిచ్చే తప్పుడు లెక్కలు నమ్మి ప్రజలు మోసపోవద్దని కోరుతున్నాం. తొలి డోసు, రెండో డోసు ఇవ్వడంలో రాష్ట్రం అనేక విధాలా వెనుకబడే ఉంది. ఆరోగ్యఆంధ్రా ట్విట్టర్ అకౌంట్ తో, తప్పుడు లెక్కలతో ముఖ్యమంత్రి ప్రజలను మోసగించాలని చూస్తున్నాడు. బాధ్యతగల ప్రతిపక్షం ముఖ్యమంత్రి ఫేక్ లెక్కలను ఆధారాలతో సహా బయటపెట్టింది.