news

వైఎస్ఆర్ కాంగ్రెస్ పార్టీ ఎంపీ రఘురామకృష్ణం రాజు బెయిల్ పిటీషన్ పై ఈ రోజు సుప్రీం కోర్టులో వదనలు జరిగాయి. ఈ వాదనలు దాదాపుగా రెండున్నర గంటలు కొనసాగాయి. రెండు వైపులా చాలా వాడీ వేడిగా, హోరా హోరీగా వాదనలు జరిగాయి. ఒక కేసు ఇంత సుదీర్ఘంగా వాదనలు జరగటం చాలా అరుదుగా జరుగుతుంది. రెండు వైపుల వాదనలు విన్న కోర్టు, అయుదు నిమిషాలు పాటు బ్రేక్ తీసుకుంది. తరువాత తమ ఆర్డర్స్ ఇస్తూ, రఘురామరాజుకి బెయిల్ మంజూరు చేసింది. ఆయనకు తగిలిన గా-యా-లు, ఆయనకు హార్ట్ సర్జరీ అవ్వటం, ఇలా అన్ని ఆధారంగా తీసుకుని బెయిల్ ఇచ్చింది. ఆయనకు సొంత పూచికట్టు పై, అలాగే ఇద్దరు జామీ దారులుతో కలిసి లక్ష రూపాయలు షూరిటీ బాండ్లు సమర్పించి, బెయిల్ తీసుకోవచ్చని సుప్రీం కోర్టు తెలిపింది. గుంటూరులో ఉన్న సిఐడి కోర్టులో వీటిని దాఖలు చేసి, బెయిల్ తీసుకోవచ్చని చెప్పింది. ఇక అలాగే రఘురామరాజుకు కొన్ని షరతులు కూడా విధించింది. రఘురామరాజు ఈ కేసుకు సంబంధించి మీడియా లో కానీ, సోషల్ మీడియాలో కానీ మాట్లాడకూడదని చెప్పింది. అలాగే దర్యాప్తు అధికారికి సహకరించాలని, ఆయన్ను దర్యాప్తుకి పిలవాలి అంటే, 24 గంటలు టైం ఇచ్చి, లాయర్ సమక్షంలో దర్యాప్తు చేయాలని ఆదేశించింది.

అలాగే రఘురామరాజు ఆయనకు తగిలిన దెబ్బలను మీడియాకు చూపించకూడదని ఆదేశాలు ఇచ్చింది. రఘురామరాజు పై మోపిన అభియోగాలు, ఆయన్ను కస్టడీలోకి తీసుకోవాల్సిన అభియోగాలు ఏమి ఆయన పై లేవని అంది. అలాగే రఘురామరాజుని పోలీస్ కస్టడీలో కొట్టారు అని ప్రాధమిక సమాచారం ఉందని, ఆర్డర్ లో పెట్టాలని న్యాయవాదులు కోరగా, కోర్టు అంగీకరించింది. మొత్తంగా రఘురామరాజు విషయంలో జగన్ మోహన్ రెడ్డి పర్సనల్ గా తీసుకున్నా, కోర్టు, చట్టం, న్యాయం అన్నీ పరిశీలించి, ఆదేశాలు ఇచ్చింది. ఇక ఫైనల్ ఆర్డర్ కాపీలో ఎలాంటి అంశాలు కోర్టు ప్రస్తావిస్తుందో చూడాల్సి ఉంది. అయితే ఇదే సందర్భంలో, ఒక మీడియా వర్గం, రఘురామరాజు మీడియాతో అసలు మాట్లాడకూడదు అని ఆదేశాలు అంటూ చెప్తున్నారు, అయితే కోర్టు ఈ కేసుకి సంబంధించి మాత్రమే, మాట్లాడకూడదని చెప్పింది. ఏ కోర్టు అయినా, ఎవరైనా ఒక పౌరుడి ప్రాధమిక హక్కు అయిన ఫ్రీడమ్ అఫ్ స్పీచ్ ని నిలువరించదు, కేవలం ఈ కేసు విషయం మాత్రమే మాట్లాడవద్దని అన్నది.

రఘురామకృష్ణం రాజు కేసులో మరో కీలక పరిణామం చోటు చేసుకుంది. ఢిల్లీలో పలు కేంద్ర మంత్రులను కలుస్తున్న రఘురామరాజు కుటుంబ సభ్యులు, కీలక నిర్ణయం తీసుకున్నారు. రఘురామరాజు కుమారుడు భరత్, సుప్రీం కోర్టులో మరో పిటీషన్ దాఖలు చేసారు. సిఐడి కస్టడీలో ఉన్న తన తండ్రి పై, సిఐడి అధికారులు కొ-ట్ట-టం పై, సుప్రీం కోర్ట్ పర్యవేక్షణలో దర్యాప్తు నిర్వహించాలని, దర్యాప్తుని సిబిఐ లేదా, సుప్రీం కోర్టు నిర్నయంచే ప్రత్యెక బృందంతో, ఈ దర్యాప్తు జరపించాలని, భరత్ తన పిటీషన్ లో పేర్కొన్నారు. అయితే ఇందులో, ప్రతి వాదులుగా, జగన్ మోహన్ రెడ్డిని, సిఐడి అధికారులను కూడా ఇందులో చేర్చారు. ఈ దర్యాప్తులో దోషులుగా తేలితే, వారి అందరి పై కూడా, కేసులు నమోదు చేసేలా ఆదేశించాలని కూడా ఈ పిటీషన్లో పేర్కొన్నారు. వినీత్ శరణ్, బీఆర్ గగాయ్ నేతృత్వంలోని బెంచ్ ముందుకు ఈ పిటీషన్ విచారణకు రాబోతుంది. రేపు ఈ పిటీషన్ విచారణకు వచ్చే అవకాసం ఉంది. అయితే ఈ పిటీషన్ ను ఒక కీలక పిటీషన్ గా విశ్లేషకులు భావిస్తున్నారు. ఈ పిటీషన్ తో, ఈ కేసు మరో మలుపు తిరుగుతుందని భావిస్తున్నారు. ఈ కేసు సిబిఐకి వెళ్తుందా అనేది కూడా చూడాల్సి ఉంది. ఆయనను కొ-ట్ట-టం నిజమే అయితే, ఆర్మీ హాస్పిటల్ లో ఇచ్చే మెడికల్ నివేదిక కూడా ఇప్పుడు కీలకం కాబోతుంది.

ఆర్మీ హాస్పిటల్ కనుక, గవర్నమెంట్ హాస్పిటల్ ఇచ్చిన రిపోర్ట్ కు భిన్నంగా ఇస్తే, కొ-ట్ట-టం వల్లే అని రిపోర్ట్ ఇస్తే, సిబిఐ రంగ ప్రవేశం చేసే అవకాసం ఉంది. ఈ రోజు రఘురామకృష్ణం రాజు కుమారుడు దాఖలు చేసిన పిటీషన్, రేపు బెయిల్ పిటీషన్, అలాగే మెడికల్ రిపోర్ట్, ఈ మొత్తం అంశాలు ఇప్పుడు ఏ టర్న్ తీసుకుంటుందో చూడాల్సి ఉంది. అయితే ఈ పిటీషన్ వేసిన సందర్భం, ఇవన్నీ చూసిన విశ్లేషకులు, ఢిల్లీలో పెద్దలు ఇచ్చిన సూచన మేరకే, ఈ కేసు వేసారా అనే చర్చ కూడా నడుస్తుంది. ఎందుకంటే, రెండు రోజులుగా రఘురామరాజు కుటుంబ సభ్యులు ఢిల్లీలో ఉన్నారు. హోం మంత్రి అమిత్ షా, రక్షణ మంత్రి రాజనాద్ సింగ్, పార్లమెంట్ స్పీకర్ ని కలిసి, రఘురామరాజు అరెస్ట్, తదినంతర పరిణామాలు వివరించారు. వాళ్ళు ఎలాంటి హామీ ఇచ్చారో బయటకు రాలేదు కానీ, ఈ రోజు సుప్రీం కోర్టులో రఘురామ రాజు కుటుంబ సభ్యులు దాఖలు చేసిన పిటీషన్ వెనుక మాత్రం, ఢిల్లీ పెద్దలు ఎవరైనా ఉన్నారా అనే చర్చ జరుగుతుంది. చూడాలి మరీ, ఇంకా ఎన్ని మలుపులు తిరుగుతుందో.

వైసీపీ ఎంపీ రఘురామకృష్ణం రాజు కేసులో సంచలన వార్తా వెలుగులోకి వచ్చింది. ఆర్మీ హాస్పిటల్ లో రఘురామరాజుకు వైద్య పరీక్షలు చేసి, ఆ రిపోర్ట్ ని సీల్డ్ కవర్ లో, సుప్రీం కోర్టుకు ఇచ్చిన సంగతి తెలిసిందే. ఈ విషయం పై ఈ రోజు సుప్రీం కోర్టులో విచారణ జరిగింది. అయితే ఈ విచారణలో ఆర్మీ హాస్పిటల్ ఇచ్చిన రిపోర్ట్ ని సుప్రీం కోర్టు జడ్జిలు చదివి వినిపించారు. ఈ నివేదికల సంచలన విషయాలు బయట పడ్డాయి. రఘురామ కృష్ణం రాజు ఎడమ కాలు పై, జెనరల్ ఫ్రాక్చర్ అయినట్టు సుప్రీం కోర్టు నివేదిక చదివి వినిపించింది. అలాగే అనేక వివిధ గాయాలు కూడా ఆయన కాలిగి గాయాలు ఉన్నాయని సుప్రీం కోర్టు బెంచ్ చెప్పింది. అయితే ప్రభుత్వ తరుపు న్యాయవాది మాత్రం, ఆ రిపోర్ట్ పై అనుమానాలు వ్యక్తం చేసారు. ఆ దెబ్బలు ఆయనకు ఆయనే కొట్టుకున్నారేమో అంటూ ప్రభుత్వ తరుపు న్యాయవాది వాదించారు. రఘురామకృష్ణం రాజు తరుపున హాజరు అయిన ముకుల్ స్పందిస్తూ, బెంచ్ తో మాట్లాడుతూ, గాయాలు ఉన్నాయని మేము చెప్పిన మాట నిజమే అయ్యిందని, పోలీసులు కొ-ట్టిం-ది నిజం అని తేలిందని, తమ క్లైంట్ కు వెంటనే బెయిల్ ఇవ్వాలని, అలాగే తమ క్లైంట్ పై జరిగిన ఈ అమానుషం పై, వెంటనే సిబిఐ తో విచారణ జరిపించాలని ఆదేశాలు జారీ చేయాలని, కోర్టు ని కోరారు.

అయితే రాష్ట్ర ప్రభుత్వ తరుపు న్యాయవాది మాత్రం, అనుమానాలు వ్యక్తం చేసారు. గుంటూరు గవర్నమెంట్ హాస్పిటల్ నివేదిక చక్కగా ఉందని, అందులో ఏమి లేదని ఉందని, మరి అక్కడ నుంచి వెళ్ళిన తరువాత, ఆర్మీ హాస్పిటల్ కు వెళ్ళిన తరువాత ఏమైనా జరిగి ఉండవచ్చు ఏమో, అని అనుమానం వ్యక్తం చేసారు. దీనికి స్పందించిన సుప్రీం కోర్టు జడ్జి, మేము అయాన్ను ఆర్మీ హాస్పిటల్ కు పంపించామని, ఆ హాస్పిటల్ కేంద్ర పరిధిలో కానీ, రాష్ట్ర పరిధిలో కానీ ఉండదు అని గుర్తు చేసారు. అయితే తమకు మెడికల్ రిపోర్ట్ కావాలని అన్నారు. దీంతో మీకు రిపోర్ట్ పంపిస్తామని, మధ్యానం 2.30 గంటలకు ఈ కేసు మళ్ళీ వింటామని కోర్టు చెప్పింది. అయితే ప్రభుత్వ తరుపు లాయర్ మాత్రం, ఈ కేసుని సోమవారం తీసుకోవాలని కోరగా, కోర్టు ఒప్పుకోలేదు. అయితే రఘురామ రాజు తరుపు న్యాయవాది మాత్రం, వెంటనే బెయిల్ పిటీషన్ పై వాదనలు వినాలని కోరగా, మేము మధ్యానం 2.30 గంటలకు, మీ వాదనలు వింటామని కోర్టు వాయిదా వేసింది.