news

కో-వి-డ్ పరిస్థితి నానాటికీ తీవ్ర ఆందోళనకరంగా మారుతోందని, దేశ వ్యాప్తంగా రాష్ట్రంలో మరణాల సంఖ్య ఎక్కువ వుతోందని, ప్రజలతో పాటు ప్రభుత్వం కూడా అలసత్వం వీడి జాగ్రత్తలు పాటించాలని ప్రపంచ వ్యాప్తంగా ఉన్న వైద్య నిపుణులు, ఆరోగ్య సంస్థలు చెబుతున్నాయని టీడీపీ జాతీయ అధికార ప్రతినిధి కొమ్మారెడ్డి పట్టాభిరామ్ అభిప్రాయపడ్డారు. శనివారం ఆయన విలేకరులతో మాట్లాడారు. ఆ వివరాలు ఆయన మాటల్లోనే "మాజీ ముఖ్యమంత్రి, తెలుగుదేశం పార్టీ అధినేత చంద్రబాబు నాయుడు నిత్యం కో-వి-డ్ సంబంధించిన విషయాలను తెలి యచేస్తూ, ప్రజలకు తగిన సూచనలు ఇస్తూ, లోపాలను ఎలా సరి దిద్దుకోవాలో ప్రభుత్వానికి కూడా తెలియచేస్తున్నా రు. గ్లోబల్ ఫోరమ్ ఫర్ సస్టెయినబుల్ ట్రాన్స్ఫ్ ర్మేషన్ అనే సంస్థను ఏర్పాటు చేసి, ప్రపంచవ్యాప్తంగా ఉన్న వైద్యులు, ఆరోగ్యరంగ నిపుణులతో తగిన సలహాలు సూచనలు అందచేస్తున్నారు. ఆ క్రమంలోనే క-రో-నా వైరస్ లోనే ఒకరకమైన స్ట్రెయిన్ అయిన ఎన్ 440కే అనేది అత్యంత ప్రమాదకరమైనదని, దాని ఉనికిని మనరాష్ట్రంలోని కర్నూల్లో గుర్తించారని చెప్పడం జరిగింది. అదేదో పెద్ద నేరమైనట్లు మాజీ ముఖ్యమంత్రిపై ఈప్రభుత్వం కేసుపెట్టింది. మే 5వతేదీన చంద్రబా బునాయుడు దాని గురించిప్రస్తావిస్తే, మే 3న హిందూ దిన పత్రిక ఒకవార్తను ప్రచురించింది. ఎన్ 440కే అనేది వైరస్ లో ఒకరకమైన స్ట్రెయిన్ అని, సెంటర్ ఫర్ సెల్యులర్ మాలిక్యులర్ బయాలజీ (సీసీఎంబీ)కి చెందిన దివ్యతేజ్ సౌపతి అనే సైంటిస్ట్ అభిప్రాయాలను కూడా హిందూ దిన పత్రిక తమ కథనంలో పేర్కొనడం జరిగింది. టైమ్స్ఆఫ్ ఇండి యా కూడా మే2వ తేదీన ప్రచురించిన కథనంలో ఎన్ 440కే ఏపీలోని కర్నూల్లో కనుగొన్నట్లు పేర్కొన్నారు. ఆయా దిన పత్రికలతోపాటు, జాతీయస్థాయిలో ఉన్నదాదాపు 15 న్యూస్ ఛానళ్లు ఎన్ 440కే పై కథనాలు ప్రసారం చేశాయి.

ఎన్డీటీవీ, న్యూస్ 18, టైమ్స్ నౌ, జీ-హిందూస్థాన్, న్యూస్ ఎక్స్, ఐబీసీ, ఇండియాహెడ్ వంటి అనేకప్రముఖ జాతీయ, అంతర్జాతీయ న్యూస్ ఛానళ్లు ఎన్ 440కే వేరియంట్ వైరస్ గురించి చెబితే, దానిపై మాట్లాడటం తప్పెలా అవుతుంది?
ఈ ముఖ్యమంత్రి ఏమీ పట్టించుకోడు. జాతీయంగా, అంతర్జాతీయంగా ఎవరు ఏం చెబుతున్నారు.. ఏం చర్యలు తీసుకోవాలని ఆలోచించడు. ఆయన ఆలోచనలన్నీ సంగం డెయిరీని ఎలా మూసేయాలి... జువారీ సిమెంట్ ను ఎలా క్లోజ్ చేయాలి... అమర్ రాజా కంపెనీలకు ఎలా తాళాలేయాలనే వాటి చుట్టూనే ఉంటాయి. లేకపోతే ఇసుకంతా జయప్రకాశ్ పవర్ వెంచర్స్ కు ఎలా దోచిపెట్టాలి... పాడిపరిశ్రమను అమూల్ కు ఎలా ధారాధత్తంచేయాలనే ఆలోచిస్తుంటాడు తప్ప, ప్రజల ప్రాణాలగురించి పట్టించుకోడుకదా? పారా సిట్మాల్ , బ్లీచింగ్ పౌడర్ తోకరోనా తగ్గిపోతుందని చెప్పి గతంలోనే రాష్ట్రం కొంపముంచాడు. కాబట్టే, ఈముఖ్య మంత్రి పనితీరుచూసి, తన వంతు బాధ్యతగా చంద్రబాబు స్పందిస్తున్నారు. ఆ క్రమంలో ఆయన ప్రభుత్వాన్ని హెచ్చరిస్తే అది తప్పా? దానికికర్నూల్లో అనామకుడైన ఒకవ్యక్తితో తప్పుడు కేసుపెట్టిస్తారా? ప్రతిపక్షపార్టీగా తాము సూచనలిస్తే దాన్నికూడా ఓర్చుకోలేరా? మీరు చేయాల్సింది చేయరు.. ప్రతిపక్షం ఏదైనా చెబితేనేమో తప్పుడుకేసులు పెడతారా?

ఏప్రియల్30వ తేదీన సుప్రీంకోర్టు చాలాస్పష్టంగా కేంద్ర, రాష్ట్రప్రభుత్వాలకు కొన్ని సూచనలు చేసింది. రిట్ పిటిషన్ నెం – 3/ 2021కి సంబంధించి చాలాస్పష్టంగా సుప్రీం కోర్టు ఒక డైరెక్షన్ ఇచ్చింది. కో-వి-డ్ కు సంబంధించి ఎవరు ఎలాంటిసలహాలు ఇచ్చినా, సూచనలుచేసినా, ఎవరుప్రజలను అప్రమత్తంచేసే ప్రయత్నం చేసినా, అటువంటివారిపై తప్పుడు కేసులు పెట్టే ప్రయత్నం చేయవద్దని చాలాస్పష్టంగా చెప్పింది. మీరు అటువంటి చర్యలకు పాల్పడితే కోర్టు ధిక్కరణ కింద చర్యలుంటాయని కూడా హెచ్చరించింది. అన్నిరాష్ట్రాల డీజీపీలు, సీఎస్ లు, ప్రభుత్వాలకు స్పష్టమైన ఆదేశాలిచ్చింది. సుప్రీం కోర్టు తీర్పునుకూడా లెక్కచేయకుండా మాజీ ముఖ్యమంత్రి పై తప్పుడుకేసు పెడతారా. దేశ అత్యున్నత న్యాయస్థానం ఇచ్చిన తీర్పుని కూడా పట్టించుకోకుండా, ఎక్కడో జార్ఖండ్ ముఖ్యమంత్రి హేమంత్ సోరెన్ ఏదో ట్వీట్ పెడితే, దానిపై ఈ ముఖ్యమంత్రి స్పందిస్తాడు. సుప్రీంకోర్టు తీర్పులపై, జాతీయ మీడియాలో వచ్చిన కథనాలపై స్పందించడానికి మాత్రం ఆయనకు సమయముండదు. హేమంత్ సోరెన్ ట్వీట్ చదవడానికి మాత్రం జగన్ రెడ్డికి సమయం ఉంటుంది. ఈయన చంద్రబాబుపై తప్పుడు కేసులుపెట్టిస్తాడా? ముందు ఈయనపైన క్రిమినల్ కేసులు పెట్టాలి. తన నిర్లక్ష్యంతో వందలమంది చావులకు కారణమవుతున్నాడు కాబట్టి, ఈ ముఖ్యమంత్రిపై క్రిమినల్ కేసుపెట్టి, లోపలేయాలి. ప్రధానిని ధైర్యంగా మాకు ఇవికావాలి.. మాప్రజలను కాపాడ టానికి సహకరించండని అడిగే ధైర్యంలేదుగానీ, హేమంత్ సోరెన్ ట్వీట్ ను తప్పుపడతాడు. చంద్రబాబునాయుడు ఎన్ 440కే గురించి ఏంమాట్లాడారు. ఆయన అన్నదానిలో తప్పేముంది? ఈ ముఖ్యమంత్రి ఏనాడైనా ప్రజలకోసం మీడియా ముందుకొచ్చి మాట్లాడాడా? ఎలాగూ తాడేపల్లి ప్యాలెస్ దాటి బయటకు రాడు. కనీసం మీడియా ద్వారానైనా ప్రజలకు జాగ్రత్తలు చెప్పాడా? మాట్లాడితే తన జీతగాడిని పంపిస్తాడు. ఈ రాష్ట్రానికి ముఖ్యమంత్రి ఆయనా లేక, ఆయన జీతగాడా? చంద్రబాబుగారు జాగ్రత్తలు చెబితే, ఆయనపై కేసులు పెడతారా? చంద్రబాబుపై పెట్టిన కేసుకు, రేపు డీజీపీ సుప్రీంకోర్టులో సమాధానం చెప్పాలి. ఈముఖ్యమంత్రి , డీజీపీ సుప్రీంకోర్టుకి ఏంచెబుతారో చూద్దాం.

చంద్రబాబునాయుడిపై కర్నూలు జిల్లాలో సుబ్బయ్య అనే న్యాయవాది అయిన ఒక పెద్దాయన కేసు పెట్టాడని, ఎన్ 440కే అనే కొత్తరకం వైరస్ వ్యాపిస్తోందని చెప్పి, మాజీ ముఖ్యమంత్రి ప్రజలను భయభ్రాంతులకు గురిచేయడమే ఆయన చేసిననేరమని ఫిర్యాదులో పేర్కొన్నారని టీడీపీ సీనియర్ నేత, మాజీమంత్రి చింతకాయల అయ్యన్నపాత్రుడు తెలిపారు. శనివారం ఆయన మాట్లాడుతూ "ఎన్ 440కే గురించి ముందు చంద్రబాబునాయుడు చెప్పలేదు. క-రో-నా రెండోదశ వ్యాప్తిలో వైరస్ లో మరోకొత్త రకమైన ఎన్ 440కే ఉనికిని కనుగొన్నట్లు సీసీఎంబీ నిర్ధారించింది. అది దేశమంతా వ్యాపిస్తోందని కూడా అందరూ చర్చించు కుంటున్నారు. కొందరు పనికిమాలిన సన్నాసులేమో ఎన్ 440కే అనేదే లేదన్నట్లు మాట్లాడుతున్నారు. జాతీయ మీడియాలో ఒకవైపు కొత్తరకం వైరస్ ఎన్ 440 కే గురించి చర్చించారు. తెలంగాణ హైకోర్టు కూడా నేడు ఎన్ 440కే వైరస్ వ్యాప్తిపై, తెలంగాణ ప్రభుత్వం ఏం చర్యలు తీసుకోబోతోందని కూడా ప్రశ్నించింది. మే 4వ తేదీన హిందూ దిన పత్రికలో ఆంధ్రప్రదేశ్ ల కొత్తరకం వైరస్ ప్రవేశిస్తోందని, అది ఇప్పుడున్నదానికంటే 15రెట్లు ప్రమాదకరమని కూడా కథనం రాశారు. మే 2వ తేదీన టైమ్స్ఆఫ్ ఇండియా పత్రిక లో కొత్తరకం వైరస్ దేశవ్యాప్తంగా ఉప్పెనలా రాబోతోందని కూడా రాయడం జరిగింది. 6వ తేదీన టైమ్స్ ఆఫ్ ఇండియాలోనే దక్షిణ భారతదేశంలో ఉనికిలో ఉన్న కొత్తరకం వైరస్ గురించి తెలుసుకోవాల్సి ఉందని మరోవార్త రాశారు. విశాఖపట్నంలో, రాష్ట్రంలోని ఇతరనగరాల్లో సంభవిస్తున్న వినాశ నానికి కొత్తరకం వైరస్సే కారణమని చర్చించుకుంటున్నారు. ఇంతమంది ఇన్నిరకాలుగా మాట్లాడుతుంటే, జాతీయ దినపత్రికలు, న్యూస్ ఛానళ్లు దానిపై చర్చిస్తుంటే, చంద్ర బాబునాయుడు ఒక్కడే ప్రజలను భయభ్రాంతులకు గురి చేస్తున్నాడని ఆయనపై కేసులు పెడతారా? ఆయన చెప్పిం ది ప్రజలను జాగ్రత్తగాఉండమని. అలా చెప్పడం ఆయన చేసిన తప్పా? మే 6, 8వ తేదీల్లో టైమ్స్ నౌ న్యూస్ ఛానల్ వారు ఈ వైరస్ వ్యాప్తిపై చర్చ నిర్వహించారు.

మే 4వతేదీన ఒన్ ఇండియా ఛానల్ వారు కూడా దీనిపై డిబేట్ నిర్వహిం చారు. పత్రికలు, ఛానళ్లు, చంద్రబాబునాయుడు ప్రజలంతా అప్రమత్తంగా ఉండాలని హెచ్చరించారు. అంతమాత్రానికే చంద్రబాబుపై క్రిమినల్ కేసులు పెడతారా? సజ్జల రామకృ ష్ణారెడ్డి, పెద్దిరెడ్డి రామచంద్రారెడ్డి లాంటి పనికిమాలిన వాళ్లు వాళ్ల నాయకుడికి డబ్బాలు కొట్టుకుంటూ ఉంటారు. కర్నూల్లో చంద్రబాబుపై కేసుపెట్టిన న్యాయవాది కో-వి-డ్ సమయంలో సహాయం దొరక్క ఇబ్బందిపడుతున్న పేదల పక్షాన పోరాడాలి. అంతేగానీ సుబ్బయ్యకు ఇలాంటి పనులు తగునా? కర్నూల్లోనే మంత్రి జయరామ్ పేకాట క్లబ్బులు నడుపుతున్న సంగతి న్యాయవాది అయిన సుబ్బయ్యకు తెలియదా? మంత్రి పేకాటక్లబ్బులు నడుపుతుంటే మాట్లాడని వ్యక్తి చంద్రబాబుపై తప్పుడుకేసులు పెడతాడా? జయరామ్ కొన్నివేల ఎకరాల భూములను దోచేస్తే, ఏనాడూ సుబ్బయ్య ఆయనపై కేసుపెట్టలేదేం? మంత్రి, ఆయన కుటుంబసభ్యులందరూ కలిసి పేదల భూములు ఆక్రమించు కుంటున్నారని పత్రికల్లో వార్తలు కూడా వచ్చాయి. అవేవీ న్యాయవాది సుబ్బయ్యకు కనిపించలేదా? జయరామ్ తన శాఖకు సంబంధించి అవినీతికి పాల్పడి, బెంజ్ కార్ లో తిరుగుతుంటే, సుబ్బయ్య ఎందుకుస్పందించలేదు. తన సొంత జిల్లాకు చెందిన మంత్రి అవినీతిపై మాట్లాడలేని సుబ్బయ్య, చంద్రబాబుపై కేసుపెట్టడమేంటి? ఆయనచేసిన పనికి తోటిన్యాయవాదులు నవ్వరా?

క-రో-నా వల్ల కొన్ని లక్షలమంది చనిపోతున్నారు..అందుకుకారణం నాయకుల అసమర్థ, చేతగాని పాలనే. దానిపై ఎప్పుడైనా సుబ్బయ్య ఆలోచన చేశారా? ఢిల్లీలో ముస్లింలు 2వేలమందికి పైగా ఏదో సమావేశం పెట్టుకుంటే, వారివల్లే క-రో-నా వచ్చిందని నానాయాగీ చేశారు. మరి కుంభమేళాకు కొన్ని లక్షలమంది ని ఎలా అనుమతించారో చెప్పండి? క-రో-నా రెండోదశ వ్యాప్తి కి ప్రధానకారణం ఎన్నికలు కాదా? ఇప్పుడున్న పరిస్థితుల్లో ఎవరైనా ఎన్నికలు పెడతారా? లక్షలమంది చనిపోవడానికి కారణం నాయకులు కారా? వారి అసమర్థత, చేతగానితనం కాదా? అటువంటి వారిపై వకీల్ సాబ్ సుబ్బయ్య ఎందుకు స్పందించడంలేదు? నిజంగా సుబ్బయ్యకు ప్రజలపై ప్రేమఉంటే, పరోక్షంగా లక్షల మంది చావులకు కారణమైన నాయకులపై కేసు పెట్టాలి. అంతేగానీ జాగ్రత్తగా ఉండమని చెప్పిన చంద్రబాబుపై పెట్టడమేంటి? అసమర్థ, అవినీతిపాలనను కప్పిపుచ్చుకోవడానికి ఈ దొంగ ముఖ్యమంత్రి, నీలాంటి వాళ్లతో కేసులు వేయిస్తాడని మాకు తెలుసయ్యా..సుబ్బయ్యా...! తన అసమర్థత గురించి ప్రజలు చర్చించుకోకూడదనేదే జగన్ ఆలోచన. పెట్టండి ఎన్నికేసులు పెడతారో? మీరెన్ని కేసులు పెట్టినా, మేం ఎప్పుడూ ప్రజలపక్షాన వారిసమస్యలపై పోరాడుతూనే ఉంటాము. సుబ్బయ్య లాంటి న్యాయవాదులు కో-వి-డ్ వల్ల, పాలకుల నిర్లక్ష్యం వల్ల ప్రజలకు జరుగుతున్న అన్యాయంపై పోరాడాలి. అంతేగానీ అసమర్థులైనవారికోసం తమ విలువైన సమయాన్ని వృథాచేసుకోవద్దని సూచిస్తున్నాం.

ఎన్440కె వైరస్ వేగంగా ఆంధ్రప్రదేశ్ లో వ్యాప్తి చెందుతుంది అంటూ, ఆంధ్రప్రదేశ్ మాజీ ముఖ్యమంత్రి చంద్రబాబు, ప్రజలను అప్రమత్తం చేసిన విషయం తెలిసిందే. అయితే ఇది తప్పు అంటూ, కర్నూల్ లో చంద్రబాబు పై కేసు నమోదు అయ్యింది. చంద్రబాబు అందరినీ భయపెడుతున్నారు అంటూ, ఆయన పై కేసు నమోదు చేసారు. ఈ రోజు కర్నూల్ పోలీసులు హైదరాబాద్ బయలు దేరారని, ఆయనకు నోటీసులు ఇస్తున్నారు అంటూ, ఉదయం నుంచి వార్తలు చెక్కర్లు కొట్టాయి. అయితే ఇప్పటి వరకు చంద్రబాబుకు నోటీసులు ఇవ్వలేదు. ఇది ఇలా ఉంటే, ఇప్పుడు ఈ వ్యవహారంలో ట్విస్ట్ నెలకొంది. చంద్రబాబు పై ఏ స్టేషన్ లో అయితే కేసు పెట్టారో, అదే స్టేషన్ లో, అదే విషయం పై, మంత్రి సీదిరి అప్పలరాజుపై ఫిర్యాదు నమోదు అయ్యింది. ఒక టీవీ డిబేట్ లో మంత్రి సీదిరి అప్పలరాజు, కర్నూలులో ఎన్440కె వైరస్ గురించి అందరూ భయపడేలా చెప్పారని, ఈ వైరస్ వేగంగా విస్తరిస్తుందని చెప్పారని, తాము అందరూ భయపడి పోయామని, నిన్న చంద్రబాబు పై ఏ కేసు అయితే పెట్టారో, అదే కేసు మంత్రి సీదిరి అప్పలరాజు పై కూడా పెట్టాలి అంటూ, పోతురాజు రవికుమార్ అనే వ్యక్తి కంప్లైంట్ ఇచ్చారు. చంద్రబాబుపై ఎలా కేసు పెట్టారో, ఆయనకు ఎలా నోటీసులు ఇస్తున్నారో, అలాగే మంత్రి సీదిరి అప్పలరాజుపై కూడా చర్యలు తీసుకోవాలని కోరారు.

దీంతో ఇప్పుడు కర్నూల్ వన్ టౌన్ పోలీసులు షాక్ తిన్నారు. చంద్రబాబు చెప్పింది నిజమే అనే విధంగా మంత్రి సీదిరి అప్పలరాజు ఒక టీవీ డిబేట్ లో చెప్పారు. చంద్రబాబు చెప్పింది తప్పు అయితే, మంత్రి సీదిరి అప్పలరాజు చెప్పింది కూడా తప్పే అవుతుంది. చంద్రబాబు పై కేసు పెడితే, మంత్రి సీదిరి అప్పలరాజు పై కూడా కేసు పెట్టాలి. ఒక వేళ పెట్టకుండా, కేవలం చంద్రబాబునే టార్గెట్ చేస్తే, రేపు కోర్టు ఇదే ప్రశ్నిస్తుంది. అప్పుడు పైన ఉన్న జగన్ మోహన్ రెడ్డికి, సజ్జల రామకృష్ణా రెడ్డికి ఏమి అవ్వదు. మొత్తం కర్నూల్ వన్ టౌన్ పోలీస్ స్టేషన్ లో ఉన్న పోలీసులకు ఈ వ్యవహారం చుట్టుకుంటుంది. బహుసా అందుకే ఉదయం అనగా చంద్రబాబుకి నోటీసులు అంటూ హడావిడి చేసిన కర్నూల్ పోలీసులు, ఇందుకే ఇప్పటి వరకు చంద్రబాబుకు నోటీసులు ఇచ్చి ఉండరని అంటున్నారు. చంద్రబాబుకి ఇస్తే, ఇటు మంత్రి సీదిరి అప్పలరాజుకు కూడా నోటీసులు ఇచ్చి, అదే కేసు పెట్టాల్సి ఉంటుంది. మరి ఈ వ్యవహారం ఎటు వెళ్తుందో చూడాలి.