news

దేవాలయాలపై దాడులు, విగ్రహాల ధ్వంసం పట్ల రాష్ట్ర ప్రజలు ఆవేదన చెందుతున్నారని మాజీ మంత్రి దేవినేని ఉమామహేశ్వరరావు మండిపడ్డారు. శుక్రవారం తెలుగుదేశం కేంద్ర కార్యాలయంలో మీడియాతో మాట్లాడుతూ.. వీటిపై సీఎం స్పందన ఎలా ఉంటోందనని 5 కోట్ల మంది ప్రజలు ఎదురుచూశారు. బొత్స చేత చిలకపలుకులు పలికించారు. రాష్ట్రంలో ఒక సీఎం, 5 మంది డిప్యూటీ సీఎంలుండగా ఈయన మాట్లాడమేమిటి? దేవాదాయశాఖ మంత్రి, సంబంధిత శాఖామంత్రులు ఉండగా బొత్స మాట్లాడడం విడ్డూరంగా ఉంది. ఇది వారి నిర్లక్ష్య ధోరణికి పరాకాష్ట. దీనిపై ముఖ్యమంత్రి సమాధానం చెప్పాలి. బీహార్ ఫేక్ మాఫియా అయిన ప్రశాంత్ కిశోర్ తో తిరుపతి ఎన్నికల వ్యూహం గురించి మాట్లాడటానికి 3 గంటలు కేటాయించిన సీఎం కు దేవాలయాలు, విగ్రహాల ధ్వంసంపై మాట్లాడడానికి సమయం లేకపోవడం బాధాకరం. ముఖ్యమంత్రి పంచకట్టుడుతో పరమాత్ముడవలేరు. సీఎం అసమర్థ వైఖరివల్ల ప్రభుత్వ వ్యవస్థలకు, యంత్రాంగానికి పెరాలసిస్ వచ్చింది. ప్రభుత్వ వ్యవస్థల్ని పనిచేయనీయకుండా చేశారు. దేవాలయాలపై 140 సంఘటనలు జరిగినా ముద్దాయిలను పట్టుకోలేకపోయారు. అంతర్వేది రథం దగ్దంతో సంఘటనలో మేం సీబీఐ విచారణ కోరితే మమ్మల్ని తిట్టారు. 24 గంటలు గడవకముందే మాట మార్చి సీబీఐ విచారణ అన్నారు. చంద్రబాబునాయుడు శేఖర్ రెడ్డికి టీటీడీ బోర్డు మెంబర్ పదవిని ఇవ్వడమేకాకుండా వ్యాపార సంబంధాలు కూడా నెరుపుతున్నారని దుష్ర్పచారం చేశారు. జగన్ బాబాయి కేసు ఇంతవరకు పట్టుకోకపోవడం సిగ్గుచేటు.

పక్క రాష్టం వారితో కలిసి డేటా చోరీకి పాల్పడ్డారు. పింక్ డైమెండ్ తాడేపల్లి రాజప్రాసాదానికి వచ్చిందో? లేక బీహార్ పీకే టీం దగ్గరికి వెళ్లిందో? లేక ఇడుపులపాయి ఎస్టేట్ కు వెళ్లిందో, లోటస్ పాండ్ లో ఉందో, బెంగుళూరు వైట్ హౌస్ లో ఉందో తెలపాలి. టీడీపీ ప్రభుత్వం ఐదేళ్లలో 6 లక్షల కోట్లు దోపిడి చేసిందని దుష్ర్పచారం చేశారు. మీరు ఇప్పుడు రెండు సంవత్సరాల్లో 2 లక్షల కోట్లు అప్పు చేయబోతున్నావు. రాష్ట్రంలో దేవుడి పరిపాలన జరుగుతోందంటున్నావు. ఇది దేవుడి పరిపాలన కాదు, దయ్యాల పరిపాలన. పాడేరులో అమ్మవారి పాదాలు ధ్వంసం చేశారు. పురంశెట్టి అంకులును, నందం సుబ్బయ్యలను అతి దారుణంగా హత్య చేశారు. ఈ సంఘటనలకు పోలీసులు అత్యుత్సాహంగా సహకరిస్తున్నారు. ట్రంప్ కు ఏ గతి పట్టిందో, జగన్ రాజప్రాసాదానికి కూడా అదే గతి పడుతుంది. ప్రభుత్వ యంత్రాంగాన్ని నిర్వీర్యం చేశారు. ప్రభుత్వం సొంత డప్పు కొట్టుకోవడం మానాలి. రైతులు అమ్ముకున్న ధాన్యానికి రూ.2,700 కోట్లు రావాల్సి ఉంది. జగన్మోహన్ రెడ్డి మీడియా ముందుకు వచ్చి మాట్లాడలేని నిస్సహాయ పరిస్థితుల్లో ఉన్నారు. వంద ఎలుకలు తిన్న పిల్లి తీర్థయాత్రలకు వెళ్లొచ్చిన మాదిరిగా జగన్ వ్యవహరిస్తున్నారుఉదాసీన వైఖరి వల్ల రాష్టం వెనక్కి పోతోంది. తిరుపతి ఎన్నికల వల్ల మీ బండారం బయట పడుతుంది. రాష్ట్రంలో జరుగుతున్న విధ్వంసాలపై నోరు మెదపడంలేదు. వీటిపై జగన్ సమాధానం చెప్పాలి.

ఆంధ్రప్రదేశ్ రాజకీయాలు కుల పరంగా కొట్టుకుని, కుల పరంగా విడిపోవటానికి కారణం, గతంలో సోషల్ మీడియాలో చేసిన విపరీత ప్రచారం. అలాగే ఎన్నో ఫేక్ ప్రచారాలు సోషల్ మీడియాలో జరిగాయి. అప్పట్లో చంద్రబాబు ప్రభుత్వం, ఈ ఫేక్ ప్రచారాలు ప్రజలు నమ్మరని, పోలవరం, అమరావతి, ఇరిగేషన్ ప్రాజెక్ట్ లు, ఉద్యోగాలు, కంపెనీలు, పెట్టుబడులు, అభివృద్ధి, సంక్షేమం, ఇవన్నీ ప్రజలకు కావాలని, ఇలాంటి ఫేక్ ప్రచారాలు కాదని, చిన్న చూపు చూసింది. చివరకు ఈ ఉదాసీనతతో, ఏకంగా అధికారం కోల్పోవాల్సి వచ్చింది. చంద్రబాబు ఓడిపోవటానికి కారణం, ఈ ఫేక్ ప్రచారం సింహభాగం అని అనేక విశ్లేషణలు చెప్పాయి. ఇక ఇది ఎవరు చేసారు, ఎందుకు చేసారు అనేది అందరికీ తెలిసిందే. అప్పటి నుంచి, తరువాత అధికారంలోకి వచ్చిన తరువాత నుంచి, వైసీపీ కి అడ్డు లేకుండా పోయింది. ఎన్ని చేసినా వైసీపీ ఎదురు దాడి చేయటంలో ప్రావీణ్యం సంపాదించింది. చివరకు మీడియాలో కూడా అధిక భాగం వైసీపీ భజనకే ఇష్ట పడుతున్నారు. అయితే ఎక్కడో ఒక చోట వీటికి బ్రేక్ పడుతుంది కదా. అలాగే వైసీపీ చేస్తున్న హడావిడికి "జై శ్రీరాం" అనే నినాదం బ్రేక్ వేసింది. ఇన్నాళ్ళు తిరుగు లేదు అనుకున్న వైసీపీ డిఫెన్సు లో పడింది. చంద్రబాబు గత నెల రోజులుగా పెంచిన స్పీడ్ కు విలవిలలాడుతుంది.

ఎన్ని చేసినా మైలేజ్ రాక పోగా, చంద్రబాబు వాదన ప్రజల్లోకి వెళ్తుంది. అసెంబ్లీలో ఇన్సురన్సు ప్రీమియం కట్టలేదు అని బయట పెట్టిన దగ్గర నుంచి, రామతీర్ధం వరకు గత నెల రోజులుగా చంద్రబాబు వేసిన పాచికలకు, వైసీపీ విలవిలలాడుతుంది. చివరకు ముఖ్యమంత్రి హోదాలో, అంతా చంద్రబాబు చేసాడు అని జగన్ చెప్పినా, జరుగుతున్న పనులు చూసి ప్రజలు నమ్మే పరిస్థితి లేదు. అందుకే జగన్ పడిపోతున్న గ్రాఫ్ ని కనిపెట్టారు. తమ పార్టీ నాయకులతో ఇక వర్క్ అవ్వదు అనుకున్నారో ఏమో, ప్రశాంత్ కిషోర్ ని వెంటనే రమ్మని కబురు పంపించారు. ఆయన తాడేపల్లిలో జగన్ తో సమావేశం అయ్యారు. వైసీపీ రాజకీయ వ్యూహకర్తగా ప్రశాంత్ కిషోర్ కి మంచి పేరు వచ్చిన సంగతి తెలిసిందే. ఇప్పుడు జగన్ ఆయన్ను పిలిపించటం వెనుక, గత నెల రోజులుగా చంద్రబాబు తనపై సాధిస్తున్న పై చేయికి కౌంటర్ వ్యూహం కోసమే అని పొలిటికల్ సర్కిల్స్ లో టాక్ నడుస్తుంది. మరి ప్రశాంత్ కిషోర్ ఎలాంటి సలహాలు ఇస్తారో చూడాలి. ప్రశాంత్ కిషోర్ ఎలాంటి సలహాలు ఇచ్చినా, ప్రభుత్వం చేయాల్సింది దేవాలయాల పై జరిగిన ఘటనలు ఎవరు చేసారో వాళ్ళని పట్టుకోవటం, ఇలాంటి ఘటనలు మళ్ళీ జరగకుండా చూడటం. చూద్దాం, మళ్ళీ సోషల్ మీడియా ఎలా తయారు అవుతుందో..

రాష్ట్ర ఎన్నికల కమీషనర్ నిమ్మగడ్డ రమేష్ కుమార్ వద్దకు, ఆంధ్రప్రదేశ్ ప్రభుత్వం ముగ్గురు సీనియర్ అధికారులను పంపించింది. ఆంధ్రప్రదేశ్ చీఫ్ సెక్రటరీ ఆదిత్యనాద్ దాస్, కొద్ది సేపటి క్రితం రాష్ట్ర ఎన్నికల కమీషనర్ నిమ్మగడ్డ రమేష్ కుమార్ ఆఫీస్ కు చేరుకొని, ఆయన్ను కలవటం జరిగింది. ఆయనతో పాటుగా, మరో ఇద్దరు ఉన్నత స్థాయి సీనియర్ అధికారులు కూడా హాజరు అయ్యారు, పంచాయతీరాజ్ ముఖ్య కార్యదర్శి, వైద్య ఆరోగ్యశాఖ ముఖ్య కార్యదర్శి కూడా ఈ భేటీలో పాల్గున్నారు. హైకోర్టు ఇచ్చిన ఆదేశాలు మేరకే, ఆంధ్రప్రదేశ్ రాష్ట్ర ప్రభుత్వం, ముగ్గురు ఉన్నతస్థాయి అధికారుల బృందాన్ని, ఎన్నికల కమీషనర్ నిమ్మగడ్డ రమేష్ కుమార్ వద్దకు పంపించింది. ముఖ్యంగా ఇందులో చూస్తే, హైకోర్టు రాష్ట్ర ప్రభుత్వానికి ఆదేశాలు ఇచ్చిన నేపధ్యంలోనే ఈ భేటీ జరిగింది. ఆంధ్రప్రదేశ్ రాష్ట్ర ప్రభుత్వం, నిమ్మగడ్డ రమేష్ కుమార్ ఇచ్చిన ఎన్నికల ప్రొసీడింగ్స్ పై, ఆంధ్రప్రదేశ్ రాష్ట్ర హైకోర్టుకు వెళ్ళింది. నిమ్మగడ్డ రమేష్ కుమార్, అన్ని పార్టీలతో ప్రభుత్వంతో సంప్రదించి, అందరి సూచనలు మేరకు, ఈ ఫిభ్రవరిలో ఎన్నికలు జరపటానికి నిర్ణయం తీసుకుని ఎన్నికలకు సంబంధించిన ప్రొసీడింగ్స్ ఇచ్చారు. ఈ నేపధ్యంలోనే, రాష్ట్ర ప్రభుత్వం, ఆ నిర్ణయానికి వ్యతిరేకంగా హైకోర్టుకు వెళ్ళింది. ఆ ప్రక్రియ ఆపేయాలని కోరింది.

ముందుగా ఎన్నికలు నిర్వహణకు ఇప్పుడు వీలు లేదు అంటూ, క-రో-నాని సాకుగా చెప్పింది. అయితే వివిధ రాష్ట్రాలు ఎన్నికలు జరపటం, సుప్రీం కోర్టు కూడా ఇందుకు అనుగుణంగా అక్కడ ఆదేశాలు ఇవ్వటంతో, రాష్ట్ర ప్రభుత్వం ఇక్కడ తన వాదన మార్చింది. క-రో-నా వ్యాక్సిన్ వస్తున్న నేపధ్యంలో, అది ప్రజలకు వేయాలంటే యంత్రాంగం కావాలని, ఇది అన్నిటికంటే పెద్ద ప్రరిక్రియ అని, అందుకే ఇప్పుడు ఎన్నికలు సాధ్యం కాదని తేల్చి చెప్పింది. అయితే దీని పై హైకోర్టు ఆదేశాలు ఇస్తూ, ప్రభుత్వం ఎన్నికల సంఘంతో కూర్చుని మాట్లాడాలని, వాళ్ళు ఏమి చెప్తున్నారో వినాలని, ఇద్దురూ కూర్చుని మాట్లాడుకోవాలని, ఇందుకోసం ప్రభుత్వం ముగ్గురు సీనియర్ అధికారులను పంపించాలని కోరింది. హైకోర్టు తీర్పు కాపీ ఇచ్చిన మూడు రోజుల్లోగా, ఈ చర్చలు జరగాలని హైకోర్టు ఆదేశాలు ఇవ్వటం, ప్రభుత్వం ముగ్గురు అధికారులను ఇక్కడకు పంపించింది. ప్రభుత్వ వాదనను, ఈ ముగ్గురు అధికారులు, ఎన్నికల కమీషనర్ కు చెప్పనున్నారు. అయితే రెండు రోజుల క్రితం విజయసాయి రెడ్డి మాట్లాడుతూ, ఎన్నికలు ఏప్రిల్ లో ఉంటాయని చెప్పటంతో, ఒక పక్క ప్రక్రియ ఇంకా జరుగుతుంటే, విజయసాయి రెడ్డి ఎలా ప్రకటిస్తారు అంటూ విమర్శలు వచ్చాయి. మరి ఈ చర్చలు ఏమి అవుతాయో చూడాలి.