news

సాక్షి ఛానల్ అంటే జగన్ మోహన్ రెడ్డి సొంత ఛానల్ అనే విషయం అందరికీ తెలిసిందే. గతంలో రాజశేఖర్ రెడ్డి, సాక్షి ఛానల్ పెట్టించారు. మొదట్లో జగన్ మోహన్ రెడ్డి, అన్ని పనులు చూసుకునే వారు. తరువాత ఆయన భార్య సాక్షి వ్యవహారాలు చూస్తున్నారు. ఇక సాక్షిలో పెట్టుబడులు విషయంలో అడ్డంగా దొరికిన జగన్ పై సిబిఐ కేసులు, జైలుకు వెళ్ళటం, ప్రస్తుతం కండీషనల్ బెయిల్ పై బయట ఉండటం, అన్నీ తెలిసిందే. అయితే సాక్షి అనేది జగన్ భజన, తెలుగుదేశం పార్టీని డీగ్రేడ్ చేస్తూ వార్తలు రాయటం తప్ప ఏమి ఉండదు. సహజంగా చంద్రబాబు కానీ, లోకేష్ కానీ ఇతర ముఖ్యమైన తెలుగుదేశం పార్టీ నేతలు పర్యటనలు, ప్రెస్ మీట్ లు లాంటివి సాక్షి అసలు కవర్ చేయదు. చంద్రబాబు నాయుడు ప్రెస్ మీట్ పెడితే అసలు అవి సాక్షిలో చూపించటం అనేది ఎప్పుడూ ఉండదు. అంత వన్ సైడ్ గా సాక్షి చూపిస్తూ ఉంటుంది. అయితే ఈ రోజు రైతు కోసం అంటూ తెలుగుదేశం పార్టీ, మూడు రోజుల కార్యక్రమాలకు పిలుపు ఇచ్చింది. ఈ కార్యక్రమంలో భాగంగా ఈ రోజు నారా లోకేష్ అవినగడ్డలో పర్యటించారు. ఆత్మహత్యలు చేసుకున్న రైతు కుటుంబాలను పరామర్శించారు. పంట నష్టపోయిన పొలాలు పరామర్శించారు. రైతులు పడుతున్న కష్టాలు అడిగి తెలుసుకున్నారు. ఉదయం నుంచి, సాయంత్రం వరకు పర్యటన కొనసాగుతూనే ఉంది.

అయితే ఈ పర్యటన చివర్లో నారా లోకేష్ విలేఖరుల సమావేశం ఏర్పాటు చేసారు. అయితే అనూహ్యంగా ఈ సమావేశానికి సాక్షి విలేఖరి కూడా వచ్చారు. ప్రెస్ మీట్ కు కూర్చున్న లోకేష్ కు, సాక్షి లోగో తో కూడిన మైక్ కనిపించింది. దీంతో లోకేష్, సాక్షి విలేఖరికి కౌంటర్ ఇచ్చారు. సాక్షి వచ్చింది ఏంటి కధ అంటూ మాట్లాడిన లోకేష్, గట్టిగా తీసి, మొత్తం మీ ముఖ్యమంత్రి గారికి పంపించండి అంటూ సెటైర్ వేసారు లోకేష్. అంతే కాదు, విలేఖరుల సమావేశం అయిపోయిన తరువాత కూడా లోకేష్ కౌంటర్ ఇచ్చారు. అందరూ ప్రశ్నలు అడుగుతున్నారు, మీ సాక్షి కూడా ఏమైనా ప్రశ్నలు ఉంటే అడగండి, నేను మీ ముఖ్యమంత్రి లాగా పారిపోను అంటూ లోకేష్ కౌంటర్ వేసారు. అయితే అక్కడే ఉన్న తెలుగుదేశం నేతలు మాట్లాడుతూ, ప్రెస్ మీట్ ఒక్క దానికే కాదని, మీ పర్యటన మొదలైన దగ్గర నుంచి, ఈ రోజు సాక్షి మనల్ని ఫాలో అయ్యింది అంటూ నారా లోకేష్ కు చెప్పారు. అయితే దీనికి స్పందించిన లోకేష్, బాగా తీయండి, కష్టాలు అన్నీ కవర్ చేయండి, మా డిమాండ్లు మీ ముఖ్యమంత్రికి చెప్పండి అంటూ కౌంటర్ వేసారు.

నిన్న రాత్రి వెలగపూడిలో జరిగిన ఘ-ర్ష-ణ తీవ్ర రూపం దాల్చింది. నిన్న రాత్రి వెలగపూడిలో ఒకే సామజికవర్గానికి చెందిన రెండు వర్గాల మధ్య ఘ-ర్ష-ణ, ఒకరి మృతికి దారి తీసింది. ఈ రోజు హోంమంత్రి సుచరిత, సంఘటనా స్థలానికి చేరుకొని, బాధిత కుటుంబాన్ని పరామర్శించే సందర్భంలో తీవ్ర ఉ-ద్రి-క్త పరిస్థితి నెలకొంది. అలాగే వివాదానికి కారణమైన రోడ్డును కూడా హోంమంత్రి పరిశీలించారు. పరిశీలించిన అనంతరం మృతి చెందిన మరియమ్మ కుటుంబ సభ్యులను పరామర్శించే క్రమంలో ఒక్కసారిగా టెన్షన్ వాతావరణం నెలకొంది. హోంమంత్రితో పాటుగా, ఎవరైతే ఆరోపణలు ఎదుర్కొంటున్నారో, బాపట్ల ఎంపీ సురేష్, ఆమె వెంట రావటం పై, అక్కడ ప్రజలు తప్పుబట్టారు. హోంమంత్రి వస్తే తమకు అభ్యంతరం లేదని, ఈ పరిస్థితికి దారి తీసిన నందిగం సురేష్ వస్తే మాత్రం తాము చూస్తూ ఊరుకొము అంటూ , ఎంపీకి వ్యతిరేకంగా నినాదాలు చేసారు. మరోవైపు అదే సమయంలో, తాడికొండ ఎమ్మల్యే ఉండవల్లి శ్రీదేవి కూడా సంఘటనా స్థలానికి రావటంతో, ఆమె రాకను కూడా వ్యతిరేకిస్తూ నినాదాలు చేసారు. తాము పార్టీని చూసి జగన్ కు ఓటు వేస్తె, మీరు కులాలు చూస్తున్నారు అంటూ, వారు తమ ఆవేదన వ్యక్తం చేస్తూ, తిరుగుబాటు ప్రయత్నం చేసారు. అయితే పోలీసులు ఎప్పటికప్పుడు పరిస్థితి చక్కదిద్దారు.

మరియమ్మ కుటుంబాన్ని హోంమంత్రి పరామర్శించి, చర్చలు జరపటం, కొన్ని హామీలు ఇవ్వటంతో, వాళ్ళు తాత్కాలికంగా తమ నిరసనను విరమించారు. అయితే తక్షణ సాయంగా, బాధిత కుటుంబానికి 10 లక్షలు ప్రకటిస్తున్నట్టు చెప్పారు. అదే విధంగా పోలీసులు, స్థానిక సిఐ మీద కూడా బాధితులు హోంమంత్రికి ఫిర్యాదు చేయటంతో, ఈ నేపధ్యంలో స్థానిక పోలీసులు ప్రమేయం పై కూడా విచారణ చేసి, వాళ్ళు బాధిత్యారాహిత్యంగా ఉన్నారని తేలితే మాత్రం, వారి పై కూడా చర్యలు తీసుకుంటామని కూడా బాధితులకు హామీ ఇచ్చారు. అయితే ఇరు వర్గాలు కూడా కలిసిపోయి ఉండాలని హోంమంత్రి మాట్లాడుతున్న సమయంలో, అది జరగని పని అంటూ బాధిత వర్గాలు నినాదాలు చేసారు. బాధితులు ఉద్రిక్తంగా ఉన్న నేపధ్యంలో, ముందుగా చేస్తున్న నిరసన ఆపి, తరువాత ఇరువురిని కూర్చోబెట్టి, సమస్యను పరిష్కరించే విధంగా చేయాలని కూడా హోంమంత్రి నిర్ణయం తీసుకుని, అక్కడ నుంచి వెనుదిరిగారు. అయితే ఎంపీ సురేష్ తన పేరుని తీసుకుని ఎవరో చేస్తే, తాను బాధ్యత వహించలేనని, తనకి అందరూ ఒకటే అని చెప్పారు. ప్రస్తుతం నిరసన విరమించినా, పరిస్థితి మాత్రం నివురుగప్పిన నిప్పులా మారింది.

విశాఖలో డాక్టర్ సుధాకర్ కు ప్రభుత్వం వైపు నుంచి జరిగిన అన్యాయం నేపధ్యంలో, ఆయన కేసుని హైకోర్టు, సిబిఐకి ఇచ్చిన సంగతి తెలిసిందే. ఈ రోజు ఈ కేసు విచారణ హైకోర్టులో జరిగింది. అయితే ఈ రోజు విచారణలో భాగంగా, సిబిఐ అధికారులు ఇచ్చిన నివేదిక పై హైకోర్టు అసంతృప్తి వ్యక్తం చేసింది. మొదటిగా, సుధాకర్ కేసుకు సంబంధించి ఏపి పోలీసులు విచారణ చేసిన సంగతి తెలిసిందే. అయితే స్థానికంగా ఉన్న పోలీసులు కేసుని నీరుగార్చే ప్రయత్నం చేస్తున్నారు, కేసు విషయంలో వాస్తవాలు బయటకు రావాలి అంటే, న్యాయం జరగాలంటే, ఈ కేసుని సిబిఐకి అప్పగించాలని, సుధాకర్ తల్లితో పాటు, పౌర సంఘాలు కూడా డిమాండ్ చేసాయి. ఈ నేపధ్యంలోనే ధర్మాసనం ఈ కేసుని సిబిఐకి అప్పగిస్తూ ఆదేశాలు జరీ చేసింది. అయితే సిబిఐ గత కొంత కాలంగా ఈ కేసు పై విచారణ చేస్తూ వచ్చింది. అనేక మందిని ఈ కేసుకు సంబంధించి విచారణ చేసారు. సుధాకర్ ని అరెస్ట్ చేసిన సమయంలో పోలీసులు పై, మానసిక వైద్యులు నుంచి, చేసిన వైద్యం గురించి కూడా సిబిఐ అధికారులు దర్యాప్తు చేసారు. అయితే సిబిఐ ఇప్పటి వరకు చేసిన విచారణ, దర్యాప్తు జరిగిన తీరు, ఈ వివరాలు మొత్తం, సిబిఐ సీల్డ్ కవర్ లో హైకోర్టు ముందు పెట్టింది.

అయితే సీల్డ్ కవర్ లో సిబిఐ ఇచ్చిన వివరాలు, విచారణకు సంబధించిన సమాచారం పరిశీలించిన ధర్మాసనం, పూర్తిగా అసంతృప్తి వ్యక్తం చేసింది. సిబిఐ అధికారులు కూడా కేసుకు సంబంధించి విచారణ సరిగ్గా లేదనే అభిప్రాయాన్ని వ్యక్తం చేస్తూ, దీని పై మరింత లోతుగా దర్యాప్తు చేయాలని ఆదేశాలు ఇచ్చింది. అంతే కాకుండా హైకోర్టు కొన్ని కీలక సూచనలు కూడా చేసింది. ఈ కేసు పై ఒక పర్యవేక్షణాధికారిని నియమించాలని, ఆ అధికారికి అడిషనల్ డైరెక్టర్ స్థాయి ఉండాలని ఆదేశాలు ఇచ్చింది. ఈ కేసు విచారణ పై పూర్తి నివేదిక తమకు మార్చి 31లోపు అందించాలని హైకోర్టు సిబిఐకి ఆదేశాలు జారీ చేస్తూ, తదుపరి విచారణ ఏప్రిల్ మొదటి వారానికి కోర్టు వాయిదా వేసింది. అప్పట్లో ఈ కేసు సంచలన కేసుగా అయ్యింది. క-రో-నా వచ్చిన కొత్తలో, డాక్టర్లకు కూడా కనీసం మాస్కులు ఇవ్వటం లేదని, డాక్టర్ సుధాకర్ అడగటం, ఆయన్ను సస్పెండ్ చేయటం, తరువాత ఆయన్ను పిచ్చి వాడిగా ముద్ర వేసి, నడి రోడ్డు మీద పడేయటం, ఇవన్నీ జరిగి, చివరకు ఈ కేసు హైకోర్టుకు చేరి, సిబిఐ విచారణ వరకు వెళ్ళింది.