news

ఆంధ్రప్రదేశ్ రాస్త్రంలో స్థానిక సంస్థల ఎన్నికల నిర్వహణ పై హైకోర్టులో విచారణ జరిగింది. అయితే ఈ రెండు పిటీషన్లు , గత ఏడాది హైకోర్టులో నమోదు అయిన పిటీషన్లు. ఈ పిటీషన్ల ఆధారంగా, ఎన్నికలు నిర్వహించాలని గతంలో హైకోర్ట్ రాష్ట్ర ప్రభుత్వాన్ని ఆదేశించింది. కోర్టు ఆదేశాల ప్రకారం ఎన్నికల సంఘం కూడా ఎన్నికలకు సిద్ధం అయ్యింది. ఎన్నికల షడ్యులు కూడా విడుదల అయ్యి, నామినేషన్ల దాకా వెళ్ళింది. అయితే క-రో-నా అప్పుడే దేశంలో పెరుగుతూ ఉండటం, కేంద్రం ప్రభుత్వం అనేక జాగ్రత్తలు చెప్పటం, ప్రజలను, ప్రభుత్వాల్ని అప్రమత్తం చెయ్యటంతో, రాష్ట్ర ఎన్నికల సంఘం, ఎన్నికలను వాయిదా వేసింది. ఆ తరువాత కేంద్రం జనతా కర్ఫ్యూ, లాక్ డౌన్ లాంటి కార్యక్రమాలు లాంటివి పెట్టటంతో, ఎన్నికల కమిషన్ మంచి నిర్ణయం తీసుకుందని, ప్రజల ప్రాణాలు కాపాడిందని అందరూ అనుకున్నారు. అయితే ఎన్నికల సంఘం తీసుకున్న నిర్ణయం పై అప్పట్లో ప్రభుత్వం ఆగహ్రం వ్యక్తం చేసింది. ఎప్పుడూ ప్రెస్ ముందుకు రాని జగన్, ప్రెస్ మీటి పెట్టి, కరోనా చాలా చిన్నది, ప్యారాసిటమాల్ వేసుకుంటే తగ్గిపోతుంది, బ్లీచింగ్ చల్లితే వైరస్ పోతుంది, సియం నువ్వా నేనా అంటూ, రాష్ట్ర ఎన్నికల సంఘం అధికారి పై విరుచుకు పడ్డారు. ఏకంగా మంత్రులు కూడా, కులం పేరుతొ ఆయన్ను దూషించారు.

తరువాత జరిగిన పరిణామాలతో, నిమ్మగడ్డ పదవి పోవటం, ఆయన న్యాయ పోరాటం చెయ్యటం, హైకోర్టు, సుప్రీం కోర్టులో ఫైట్ చేసి మరీ, మళ్ళీ తన పదవిలో తాను కూర్చున్నారు. అయితే అప్పటి నుంచి ప్రభుత్వం, ఎన్నికల కమిషనర్ కు మధ్య వచ్చిన గ్యాప్ నేపధ్యంలో, తరువాత ఎన్నికలు ఎప్పుడు జరుగుతాయి అనేది క్లారిటీ లేదు. ఇప్పుడు క-రో-నా పై పూర్తి అవగాహన ఉండటంతో, అసెంబ్లీ ఎన్నికలు కూడా జరుగుతున్నాయి. దీంతో మొన్నటి దాకా ఎన్నికల నిర్వహణ పై ఉత్సాహంగా ఉన్న ఏపి ప్రభుత్వం స్థానిక సంస్థల ఎన్నికలు జరుపుతాయని అందరూ భావించారు. అయితే ఈ రోజు హైకోర్టు విచారణ సందర్భంగా, ఏపి ప్రభుత్వం క-రో-నా కారణంగా ఎన్నికలు జరపలేం అని కోర్టుకు చెప్పింది. అయితే గతంలో ఎన్నికల కమీషనర్ ఇదే మాట చెప్తే విరుచు పడిన ప్రభుత్వం, ఇప్పుడు అదే మాట చెప్పటం గమనార్హం. అయితే వివిధ రాష్ట్రాల్లో అసెంబ్లీ ఎన్నికలే జరుగుతున్నాయి కదా అంటూ, ఈ మాట ప్రభుత్వం కాదని, ఎన్నికల సంఘం చెప్పాలని, ఎన్నికల కమిషన్ కు హైకోర్టు నోటీసులు జారీ చేసింది. తదుపరి విచారణ నవంబర్ 2 కు కోర్టు వాయిదా వేసింది.

ప్రతిపక్షాలు అన్నిటికీ కోర్టులకు వెళ్తున్నారని, స్పీకర్ తమ్మినేని మళ్ళీ వ్యాఖ్యలు చేసారు. ఈ రోజు హైకోర్టులో స్పీకర్ వ్యాఖ్యల పై హైకోర్టు ఆగ్రహం వ్యక్తం చేసిన విషయం తెలిసిందే. స్పీకర్ కు హైకోర్టు తీర్పు పై ఇష్టం లేకపోవాతే, సుప్రీం కోర్టుకు వెళ్ళవచ్చని, అంతే కానీ ఇలా ఇష్టం వచ్చినట్టు మాట్లాడకూడదు అని, ఆయన అలా మాట్లాడుతుంటే ఎందుకు చర్యలు తీసుకోలేదని కోర్టు ప్రశ్నించింది. అయితే స్పీకర్ దీని పై నేరుగా స్పందించకపోయినా, ఆయన మళ్ళీ కోర్టు అడ్డు చెప్పటం పై వ్యాఖ్యలు చేసారు. ఈ రోజు విద్యా కానుక కార్యక్రమంలో పాల్గున్న ఆయన, ప్రతిపక్షాలు అన్నిటికీ కోర్టుకు వెళ్లి అడ్డుపడుతున్నాయని అన్నారు. వారికి సతికోటి దండాలు అన్నారు. కోర్టుకు ఏమి చేస్తాయో, ఏమి ఒప్పుకుంటారు, ఏమి చేసికొంటారో, న్యాయస్థానాలకు విడిచి పెట్టేసమని, అది న్యాయస్థానాల ఇష్టం అని తమ్మినేని అన్నారు. అది వారికే వదిలేస్తున్నామని, దాని కోసం మాట్లాడటం లేదని తమ్మినేని అన్నారు. అయితే కోర్టులకు వెళ్లి అన్నీ ఆపేస్తున్నారని తమ్మినేని అన్నారు. నేను ఏమైనా మాట్లాడితే, స్పీకర్ స్థానంలో ఉన్న వ్యక్తి ఇలా మాట్లాడవచ్చా అని అడుగుతున్నారు, నేను ఏమి చేయ్యమంటారో వారే చెప్పాలి అంటూ, పరోక్షంగా కోర్టుల పై వ్యాఖ్యానించారు తమ్మినేని. అలాగే ఇంగ్లీష్ మీడియం, ఇళ్ళ పట్టాలు, ఉచిత విద్యుత్ పై వ్యాఖ్యలు చేసారు.

తమ్మినేని మాటల్లోనే, "ఎందుకండీ ఇంగ్లీష్ మీడియం ఉండకూడదు ? తెలుగు మీద మనకు అభ్యంతరం లేదు. తెలుగు మన అమ్మ భాష. బిడ్డ పుట్టగానే అమ్మ అంటాడు. తెలుగు తియనైన భాష. దానికి నువ్వు గుర్తించేది ఏంటి. అది అమ్మ భాష. ఇంగ్లీష్ లింక్ లాంగ్వేజ్. ఎక్కడికి వెళ్ళినా కావాల్సింది ఇంగ్లీష్. ఈ విజ్ఞాన ప్రపంచంలో, తెలుగు వాడి జెండా ఎగరేయాలి అంటే, ఇంగ్లీష్ మీడియం ఉండాల్సిందే. ఇది ఎలా తప్పు అవుతుంది ? దీన్ని కాదు అనుకుంటే, మనమే నష్టపోతాం. నా మనవడు అమెరికాలో, నా కూతురు ఇంగ్లాండ్ లో, కొడుకు రష్యాలో చదవచ్చు, నారాయణ, చైతన్యాలో చదవచ్చు, కానీ మేము చదవకూడదా ? మహిళలకు ఇళ్ళ పట్టాలు ఇవ్వాలని చర్యలు తీసుకుంటే, కోర్టుకు వెళ్లి ఆపేసారు. మీరు ఆ పని చేయండి అని నిలదీయాలి కానీ, కోర్టుకు వెళ్లి స్టే తెచ్చుకోవటం ఏంటి ? ఉచిత విద్యుత్ పై అనవసర రాద్ధాంతం చేస్తున్నారు. వీరిని ప్రజలే కంట్రోల్ చెయ్యాలి. ప్రజలు రిమోట్ కంట్రోల్ చేతిలోకి తీసుకుని, వారిని లైన్ లో పెట్టాలి" అంటూ తమ్మినేని వ్యాఖ్యలు చేసారు.

జగన్ అక్రమ ఆస్తుల కేసుకి సంబంధించి, ఈ రోజు సిబిఐ కోర్టులో విచారణ జరగనుంది. అయితే గత ఆరు నెలలుగా కో-వి-డ్ నిబంధనలు కారణంగా, కోర్టులు పని చేయకపోవటంతో , ఈ కేసుల విచారణ నెమ్మదించింది. ప్రధానంగా దీంట్లో చూసినట్టు అయితే, సిబిఐ దాఖలు చేసిన 11 చార్జ్ షీట్లు, ఈడీకి సంబంధించి 5 చార్జ్ షీట్ల పై విచారణ కొనసాగుతుంది. ప్రధానంగా అరాబిందో కంపెనీకి, జగతి కంపెనీ, హెటోరీ, భారతీ సిమెంట్స్, ఇలా ఈ కంపెనీల అన్నిటి పై విచారణ కొనసాగుతుంది. అయితే తనకు కోర్టు విచారణ నుంచి మినహాయింపు ఇవ్వాలని, తమది పెద్ద రాష్ట్రం అని , వచ్చి వెళ్ళటానికి 60 లక్షలు ఖర్చు అవుతుందని కోర్టుకు తెలిపారు. అయినా కోర్టు మాత్రం, జగన్ విచారణకు రావాల్సిందే అని చెప్పింది. అయినా ఒకటి రెండు సార్లు మినిహా, జగన్ మోహన్ రెడ్డి ప్రతి శుక్రవారం కోర్టుకు హాజరు కాలేదు. కోర్టు పర్మిషన్ తీసుకున్నారు. అయితే ఈ రోజు విచారణలో కూడా కేసుకి సంబంధించి, ఎవరూ కోర్టుకు విచారణకు వచ్చే అవకాసం కనిపించటం లేదు. న్యాయవాదులు మాత్రమే కోర్టుకు వచ్చే అవకాసం ఉంది. కో-వి-డ్ కారణంగా, నిందితులు కోర్టుకు హాజరుకావటం లేదని, కోర్టు నుంచి పర్మిషన్ కోరే అవకాసం ఉంది. దీంతో ఈ కేసు విచారణ వచ్చే వారానికి వాయిదా పడే అవకాశం ఉంది.

ఇక మరో పక్క, ప్రజాప్రతినిధుల పై ఉన్న కేసులు ఏడాది లోగా ముగించాలని, సుప్రీం కోర్టు ఇచ్చిన ఆదేశాల ప్రకారం, తెలంగాణా హైకోర్టు ఇచ్చిన ఆదేశాల మేరకు, నిన్న ఈడీ ప్రత్యెక న్యాయస్థానంలో విచారణ జరిగింది. అయితే ఈ నెల 13న ఈ కేసు విచారణకు రావాల్సి ఉన్నా, కేసులు తొందరగా ముగించాలని సుప్రీం కోర్టు చెప్పటంతో, విచారణ ముందుకు జరిపారు. ఈ కేసు నిన్న ఈడీ న్యాయస్థానం ముందుకు వచ్చింది. అయితే తాము హెటోరీ కేసుని బదిలీ చెయ్యాలి అంటూ, హైకోర్టులో పిటీషన్ దాఖలు చేసామని, ఈ కేసు విచారణ ఈ నెల 20న హైకోర్టు ముందుకు వస్తుందని, ఈడీ కోర్టుకు చెప్పారు. దీంతో ఈ కేసుని 20వ తేదీకి వాయిదా వేసింది ఈడీ ప్రత్యెక కోర్టు. మొత్తానికి ఇన్నాళ్ళు క-రో-నా కారణంగా వాయిదా పడుతూ వస్తున్న విచారణ మళ్ళీ ఊపుఅందుకోనుంది. అంతే కాకుండా, సుప్రీం కోర్టు ఇచ్చిన ఆదేశాల ప్రకారం, ఈ కేసుల విచారణ ఏడాది లోపు అవ్వాలి అంటే, ఈ కేసుల పై రోజు వారీ విచారణ కూడా ప్రారంభం అవుతుంది.