news

బీజేపీ పార్టీ ఎప్పటి నుంచో జమిలీ ఎన్నికల పై దృష్టి పెట్టింది. ఒకే ఈశం, ఒకే ఎన్నిక పేరిట, అన్ని ఎన్నికలు ఒకేసారి జరగాలి అనేది బీజేపీ ఆలోచన. పార్లమెంట్, అసెంబ్లీ, స్థానిక సంస్థలు ఇలా అన్ని ఎన్నికలు ఒకేసారి జరగాలని, ఇలా జరిగితే ప్రజాధనం దుర్వినియోగం కాకుండా, ఉంటుందనే ఆలోచన. దీని పై బీజేపీ రెండో సారి అధికారంలోకి వచ్చినప్పటి నుంచి కసరత్తు చేస్తుంది. గతంలోనే ఈ విషయం పై అఖిలపక్ష భేటీ కూడా కేంద్రం నిర్వహించి, అందరి అభిప్రాయలు తీసుకుంది. అయితే కరోనా రావటంతో, కొన్ని కార్యక్రమాలు లేట్ అవుతాయి వచ్చాయి. నిజానికి 2022లో ఎన్నికలకు వెళ్ళాలి అనేది బీజేపీ ఆలోచన. 2022లో ఉత్తరప్రదేశ్ తో పాటు నాలుగు రాష్ట్రాల్లో ఎన్నికలు జరగనున్నాయి. అలాగే 2023, 2024లో కూడా ఎన్నికలు జరగనున్నాయి. అన్నీ అనుకున్న ప్రకారం జరిగితే, 2022లోనే జమిలీ ఎన్నికలకు వెళ్ళాలని బీజేపీ అభిప్రాయం. ఇందు కోసం, కొన్ని రాష్ట్రాల ఎన్నికలు వాయిదా వేయటం, కొన్ని రాష్ట్రాల ఎన్నికలు ముందుకు జరపటం వంటివి చేయలని బీజేపీ ఆలోచన. దీనికి సంబంధించి ఇప్పటికే లా కమిషన్ కానీ, ఎనికల సంఘం కానీ, ఇప్పటికే కేంద్రానికి తమ అభిప్రాయం తెలియ చేసాయి. అయితే ఇప్పుడు ఒకే దేశం ఒకే ఎన్నికల జాబితా పై కసరత్తు జరిగింది. అంటే పార్లమెంట్, అసెంబ్లీ, స్థానిక సంస్థలకు ఒకే ఓటర్ జాబితా ఉండనుంది.

గతంలో స్థానిక ఎన్నికల ఓటర్ జాబితా రాష్ట్ర ప్రభుత్వాల ఆధీనంలో ఉండే మునిసిపాలిటీలు, పంచాయతీలు తయారు చేసేవి. అసెంబ్లీ, పార్లమెంట్ ఎన్నికలకు ఈసీ తయారు చేసేది. ఇలా కాకుండా, ఇప్పుడు మొత్తానికి ఒకటే జాబితా, అదీ ఎలక్షన్ కమిషన్ తయారు చేయనుంది. దీనికి సంబంధించి, ఈ నెల 13న ప్రధాని కార్యాలయంలో, ఒక కీలక భేటీ జరిగింది .ప్రధానమంత్రి ప్రిన్సిపల్‌ కార్యదర్శి పీకే మిశ్రా, ఈ సమావేశాన్ని నిర్వహించారు. వివిధ విభాగాలకు చెందిన ఉన్నాతిదికారులు కూడా ఈ సమావేశానికి హాజరు అయ్యారు. ఒకే ఎన్నికల జబితీ కోసం, రాజ్యంగా సవరణ చెయ్యాలని నిర్ణయం తీసుకున్నారు. అలాగే ఈ ప్రతిపాదనను కొన్ని రాష్ట్రాలు ఒప్పుకోవాని, వారిని ఒప్పించే బాధ్యత కూడా తీసుకోవాలని నిర్ణయం తీసుకున్నారు. దీనికి సంబంధించి విధి విధనాలు నిర్వహించి, ముందుకు వెళ్ళాలని నిర్ణయం తీసుకున్నారు. అయితే ఈ సమావేశానికి, జమిలీ ఎన్నికలకు సంబంధం లేదని ఎన్నికల కమిషన్ చెప్తుంది. జరుగుతున్న ప్రచారం నిజం కాదని చెప్తుంది. అయితే జరుగుతున్న పరిణామాలు మాత్రం, జమిలీ ఎన్నికలకే ఊతం ఇస్తున్నాయి. అయితే ఇందులో ప్రధాన సమస్య రాష్ట్రాలను ఒప్పించటం. మెజారిటీ రాష్ట్రాలు బీజేపీ ఆధీనంలో ఉన్నాయి. అలాగే కొన్ని రాష్ట్రాలు కేంద్రం ఏమి చెప్తే అది చేస్తాయి కాబట్టి, కాంగ్రెస్ రాష్ట్రాలు మినిహా, దీనికి ఎవరూ అభ్యంతరం చెప్పకపోవచ్చు అంటున్నారు. చూద్దాం ఏమి జరుగుతుందో.

రెండు తెలుగు రాష్ట్రాల ప్రభుత్వ పెద్దల మధ్య అత్యంత సన్నిహిత సంబంధాలు ఉన్న విషయం అందరికీ తెలిసిందే. గత ఎన్నికల్లో కూడా ఇద్దరూ సహకారం అందించుకున్నారు. చంద్రబాబుని ఎలా అయినా ఓడించటానికి, జగన్ తో కలిసి, కేసీఆర్ అనేక వ్యూహాలు పన్ని, చివరకు సక్సెస్ అయ్యారు కూడా. అయితే అది చంద్రబాబు కంటే, ఏపికే ఎక్కువ నష్టం చేసింది అనే వారు కూడా ఉన్నారు. ఇది పక్కన పెడితే, రెండు తెలుగు రాష్ట్రాల ముఖ్యులలో ఇచ్చి పుచ్చుకునే ధోరణి ఎక్కువగానే ఉంది. తెలంగాణాలో కొన్ని ప్రాజెక్ట్ లు, ఆంధ్రప్రదేశ్ కు చెందిన అధికార పార్టీ నేతలు కూడా కాంట్రాక్టులు చేస్తున్నారు. ఇది ఎప్పటి నుంచో జరుగుతుంది కూడా. అలాగే ఇక్కడ ఆంధ్రప్రదేశ్ లో, తెలంగాణా ముఖ్యులకు కావలసిన వారికి కాంట్రాక్టులు ఇస్తున్నారనే ఆరోపణలు కూడా ఉన్నాయి. ఇవన్నీ పక్కన పెడితే, ఇప్పుడు ఈ విషయం మళ్ళీ వెలుగులోకి వచ్చింది. సహజంగా వ్యాపారం అన్న తరువాత, రూల్స్ ప్రకారం, ఎవరో ఒకరికి కాంట్రాక్టు ఇవ్వాల్సిందే. అది ఎలా ఇచ్చారు, అనేది పక్కన పెడితే, చివరకు ఆ ప్రాజెక్ట్ మంచిగా ఉందా లేదా అనేది ప్రజలు చూస్తారు. అయితే సరిగ్గా ఇక్కడే కొన్ని రాజకీయ ఆరోపణలు తరుచూ వస్తున్నాయి. ముఖ్యంగా ఆ ప్రాజెక్ట్ నిర్మాణం ఫెయిల్ అయిన సందర్భంలో, ఈ ఆరోపణలు మరింత ఎక్కువగా వస్తూ ఉంటాయి.

ఇక విషయానికి వస్తే తెలంగాణాలో నిర్మించిన కొండపోచమ్మ సాగర్ రిజర్వాయర్ పై, ఇప్పుడు తెలంగాణా కాంగ్రెస్ ఎంపీ రేవంత్ రెడ్డి సంచలన ఆరోపణలు చేసారు. ఫోటోలోతో సహా చూపించి, అప్పుడు, ఇప్పుడు అంటూ, వివరించారు. తెలంగాణాలో ఎంతో ప్రాధాన్యతతో నిర్మిస్తున్న కాళేశ్వరం ప్రాజెక్ట్ లో భాగంగా ఉన్న కొండపోచమ్మ సాగర్ పై మొదటి నుంచి విపక్షాలు అనేక ఆరోపణలు చేస్తున్నాయి. అయితే ఈ నెలలో వచ్చిన వరద కారణంగా, రిజర్వాయర్ కు గండి పడి ఉళ్లు మునిగిపోవటంతో, ఈ ఆరోపణలకు బలం చేకూరింది. ప్రాజెక్ట్ నిర్మాణ నాణ్యత పై అనుమానాలు పెరిగాయి. ఇది ఇలా జరుగుతూ ఉండగానే, కొండపోచమ్మ సాగర్ రిజర్వాయర్ గేట్ల వద్దకు వెళ్ళటానికి, ఒక వంతెన నిర్మించారు. ఆ వంతెన కూలిపోయిందని, అటు వైపు ఎవరినీ వెళ్ళకుండా పోలీసులని పెట్టారని రేవంత్ రెడ్డి కొన్ని ఫోటోలు, వీడియోలు వదిలారు. అయితే ఈ సందర్భంగా ఆయన ఒక పేరు చెప్పని ఏపి మంత్రి పై ఆరోపణలు చేసారు. ఈ వంతెన కట్టింది ఒక ఏపి మంత్రికి చెందిన కంపెనీ అని, ఆ ఏపి మంత్రి నిర్వాకం బయట పడకుండా, కేసీఆర్ పోలీసులని పెట్టి, దాచే ప్రయత్నం చేస్తున్నారని, ఆరోపిస్తూ, కొన్ని ఫోటోలు, వీడియోలు తన ట్విట్టర్ లో వదిలారు. అయితే, ఆ ఏపి మంత్రి ఎవరు ? తెలంగాణా ప్రభుత్వం ఎలా స్పందిస్తుందో చూడాలి.

ఆంధ్రప్రదేశ్ రాష్ట్రంలో మూడు రాజధానుల రగడ గత కొంత కాలంగా కొనసాగుతుంది. చట్టబద్ధమైన అగ్రిమెంట్ చేసుకుని కూడా, అమరావతి రైతులకు నష్టం కలిగించే విధంగా, రాజధానిని మూడు ముక్కలు చెయ్యటం, గత 260 రోజులుగా అమరావతి ఉద్యమం కొనసాగటం, అలాగే వివిధ కేసులు న్యాయస్థానాల ముందు ఉండటం, ఆంధ్రప్రదేశ్ లో రొటీన్ వ్యవహారం అయిపోయింది. అమరావతి రైతులు అన్ని రోజులుగా ఉద్యమం చేస్తున్నా వారి గురించి ప్రభుత్వం పట్టించుకోక పోగా, ఎంత తొందరగా విశాఖ వెళ్ళిపోదామా అనే ఆతృతలో ఉంది. ఇందులో భాగంగానే, కోర్టులలో కేసులు ఉన్నా, కోర్టు స్టేటస్ కో ఇచ్చినా, వేరే విధానాల్లో వైజాగ్ లో పనులు సాగిపోతున్నాయి. ఇందులో భాగంగా, వైజాగ్ లో, ఆంధ్రప్రదేశ్ రాష్ట్ర ప్రభుత్వ గెస్ట్ హౌస్ పేరిట భారీ నిర్మాణం జరుగుతుంది. 30 ఎకరాల్లో ఈ భారీ నిర్మాణం జరుగుతుంది. సహజంగా ఎక్కడైనా ఇలాంటి గెస్ట్ హౌస్ లో, మహా అయితే ఒక 5 ఎకరాలు ఉంటాయి. అయితే ఇక్కడ మాత్రం, భారీగా 30 ఎకరాల్లో కడుతున్నారు. అయితే ఇది గెస్ట్ హౌస్ కాదని, ఆ పేరుతో నిర్మాణం జరుగుతున్నా, ఇక్కడ క్యాంప్ ఆఫీస్ నిర్మాణం జరుగుతుందని, విపక్షాలు ఆరోపిస్తున్నాయి. ఇది కంటెంప్ట్ అఫ్ కోర్ట్ అంటూ, కోర్టు దృష్టికి తేగా, కోర్టు కూడా నోటీసులు ఇచ్చింది. అయితే నోటీసులు ఇచ్చిన మూడు గంటల్లోనే, ప్రభుత్వం ఒక జీవో రిలీజ్ చేసింది.

విశాఖపట్నంలోని తొట్లకొండ వద్ద, గ్రేహౌండ్స్ కి ఇచ్చిన 300 ఎకరాల్లో, 30 ఎకరాలు గెస్ట్ హౌస్ కి బదలాయించాలని, అత్యవర ఉత్తర్వులు ప్రభుత్వం ఇచ్చింది. అయితే ఈ మొత్తం పరిణామం పై, రిటైర్డ్ ఐఏఎస్‌ అధికారి ఈఏఎస్‌ శర్మ, ఆంధ్రప్రదేశ్ రాష్ట్ర చీఫ్ సెక్రటరీకి ఒక లేఖ రాసారు. తొట్లకొండలో ఉన్న పురావస్తుశాఖ స్థలాల్లో, ఎలాంటి నిర్మాణాలు జరగకూడదు అని, ఇది చట్టానికి విరుద్ధం అని లేఖలో తెలిపారు. 1978లో ఇచ్చిన జీవో ప్రకారం, తొట్లకొండలో 3,300 ఎకరాలు పురావస్తు శాఖ పరిధిలో ఉన్నాయని, 2016లో కూడా ఇక్కడ ఏ నిర్మాణాలు చెయ్యవద్దు అని హైకోర్టు ఇచ్చిన తీర్పుని గుర్తు చేసారు. అయితే కొందరు సీనియర్ అధికారులు ఇక్కడ కేవలం 120 ఎకరాలే పురావస్తు శాఖవి అంటూ, మిగిలిన భూమి మొత్తం ప్రభుత్వానిదే అని, తాము అక్కడ నిర్మాణాలు చేస్తున్నాం అని తప్పు దోవ పట్టిస్తున్నారని అన్నారు. ఇక్కడ సర్వే నంబర్లు మార్చేసి, ఈ భూమి అది కాదని, ఇష్టం వచ్చినట్టు చెప్తున్నారని, అలా కుదరదని అన్నారు. ఈ భూమిలో ఎలాంటి నిర్మాణం జరగటానికి కుదరదని, రికార్డులు అన్నీ పరిశీలించి, వాస్తవాలు తెలుసుకని, ఇచ్చిన ఉత్తర్వులని వెంటనే వెనక్కు తీసుకోవాలని ఆయన చీఫ్ సెక్రటరీకి రాసిన లేఖలో తెలిపారు.