ఆంధ్రప్రదేశ్ మాజీ ముఖ్యమంత్రి, తెలుగుదేశం పార్టీ అధినేత నారా చంద్రబాబు నాయుడు, 70వ జన్మదినం నేడు. కరోనా మహమ్మారి నేపధ్యంలో, ఈ సారి పుట్టిన రోజు జరుపుకోకూడదు అని చంద్రబాబు నిర్ణయం తీసుకున్నారు. తన పుట్టిన రోజుని, ప్రజల కోసం పని చేస్తున్న ఫ్రంట్ లైన్ వారియర్స్ అయిన డాక్టర్లు, పోలీసులు, పారిశుధ్య కార్మికులు, పని చేస్తున్న ఇతరులకు, తన పుట్టిన రోజు తరుపున, సహాయం చెయ్యాలని చంద్రబాబు పిలుపిచ్చారు. అలాగే లాక్ డౌన్ వల్ల ఇబ్బంది పడుతున్న పేదలను ఆదుకోవాలని కోరారు. దీంతో, ఆయన ఈ సారి, తన పుట్టిన రోజు వేడుకలకు దూరంగా ఉంటున్నారు. అయితే మరో పక్క సోషల్ మీడియాలో చంద్రబాబుకి తెలుగుదేశం కార్యకర్తలు, నేతలు, అలాగే వివిధ రాజాకీయ పార్టీలకు చెందిన నేతలు, సినీ ప్రముఖులు విషెస్ చెప్తూ, తెలుగుదేశం అధినేత చంద్రబాబుకి సోషల్ మీడియా ద్వారా విషెస్ చెప్తూ వస్తున్నారు.
ఈ సందర్భంగా, మెగాస్టార్ చిరంజీవి ట్విట్టర్ ద్వారా చంద్రబాబు పై ప్రశంసలు కురిపించారు. ఇటీవలే ట్విట్టర్ లోకి వచ్చిన చిరంజీవి, చంద్రబాబుతో సరదాగా ఉన్న ఒక ఫోటో షేర్ చేస్తూ, చంద్రబాబుకి పుట్టినరోజు శుభాకాంక్షలు చెప్పారు. "అహర్నిశం ప్రజా సేవలో దశాబ్దాలుగా కొనసాగుతున్న మీ సంకల్పబలం అనితరసాధ్యం. కలకాలం మీకు సంతోషం, ఆరోగ్యం ప్రసాదించమని ఆ భగవంతుని కోరుతున్నాను. Wishing you a happy 70th Birthday Sir @ncbn Your vision, your hard work, your dedication are exemplary" అంటూ చిరంజీవి ట్వీట్ చేసారు.
అలాగే కేంద్ర మంత్రి, నితిన్ గడ్కారీ కూడా చంద్రబాబుకి పుట్టిన రోజు శుభాకాంక్షలు చెప్పారు. "Birthday greetings to Telugu Desam Party President and Former Chief Minister of Andhra Pradesh Shri N Chandrababu Naidu Ji. @ncbn" అంటూ ట్వీట్ చేసారు. మరో పక్క సినీ హీరో రాణా దగ్గుబాటి కూడా చంద్రబాబు ఫోటుని, అలాగే తాను చంద్రబాబు గా ఆక్ట్ చేసిన ఫోటోను షేర్ చేస్తూ ట్వీట్ చేసారు "Happy birthday sir @ncbn was so exciting and an honor to portray a bit of you. Wishing you great health and happiness." అంటూ ట్వీట్ చేసారు.
