news

గత రెండు మూడు రోజులుగా వైసీపీ ముఖ్య నేత, నెంబర్ 2 గా ఉన్న విజయసాయి రెడ్డి, కరోనా విషయం పక్కన పడేసి, తీవ్ర రాజకీయ విమర్శలు చేస్తూ, వార్తల్లో ఉంటున్నారు. ఆ విమర్శలు కూడా, మరీ శ్రుతిమించి, దిగజారుడు విమర్శలు చేస్తున్నారు. రెండు రోజుల క్రితం, చంద్రబాబుని, లోకేష్ ని ఇష్టం వచ్చినట్టు తిడుతూ పెట్టిన ప్రెస్ మీట్ లోనే, ఆంధ్రప్రదేశ్ రాష్ట్ర బీజేపీ అధ్యక్షుడు కన్నా లక్ష్మీనారాయణ పై ఇష్టం వచ్చినట్టు విమర్శలు చేసారు. రాష్ట్రంలో టెస్టింగు కిట్ల విషయంలో, ఒక్కో కిట్ 400 రూపాయలకు ఎందుకు ఎక్కువకి కొన్నారు ? లక్ష కిట్లు కొంటే, 4 కోట్లు నష్టం కదా అని అడిగినందుకు, కన్నా పై విరుచుకు పడ్డారు విజయసాయి రెడ్డి. మమ్మల్నే కిట్ల గురించి అడుగుతారా అనో ఏమో కాని, కన్నా పై విరుచుకు పడ్డారు విజయసాయి రెడ్డి. కన్నా లక్ష్మీనారాయణ, చంద్రబాబుకి 20 కోట్లకి అమ్ముడుపోయారని, బీజేపీ రాష్ట్ర అధ్యక్షుడి పై ఆరోపణలు చేసారు. ఇందుకు మరో బీజేపీ నేత, సుజనా మధ్యవర్తిత్వం నడిపారని అన్నారు.

అయితే విజయసాయి రెడ్డి వ్యాఖ్యల పై, బీజేపీ విరుచుకు పడింది. విజయసాయి రెడ్డిని జైలు పక్షి, ఢిల్లీలో బ్రోకర్, నీ గుట్టు అంతా అమిత్ షా, మోడీ దగ్గర ఉంది అంటూ, విరుచుకు పడ్డారు. తరువాత, స్వయంగా కన్నా లక్ష్మీ నారాయణ కూడా ప్రెస్ మీట్ పెట్టి, విజయసాయి రెడ్డి వ్యాఖ్యలను ఖండించారు. నేను మీరు చేసిన విషయం ప్రస్తావించాను. రేట్లు ఎందుకు తేడా వచ్చాయో చెప్పమన్నాను, దానికి ఎందుకు బుజాలు తడుముకుంటారు ? దానికి ఇష్టం వచ్చినట్టు ఎందుకు వ్యాఖ్యలు చేసారు. మీ పై పరువు నష్టం దావా వేస్తాను. మీరు చేసిన ఆరోపణలు నిజం అని, కాణిపాకంలో ప్రమాణం చేస్తావా? అధికారం తలకి ఎక్కి మాట్లాడుతున్నారు అంటూ, విజయసాయి రెడ్డి పై విరుచుకుపడ్డారు కన్నా.

కన్నా చేసిన వ్యాఖ్యల పై ఈ రోజు మరోసారి, విజయసాయి రెడ్డి ప్రెస్ మీట్ పెట్టి, మరోసారి బీజేపీ నాయకుల పై విమర్శలు చేసారు. ముఖ్యంగా కన్నాని టార్గెట్ చేసుకుంటూ మరోసారి మాట్లాడారు. నన్ను అవినీతి పరుడు అంటున్నారు అని, నేను ఎలాంటి అవినీతికి పాల్పడలేదని అన్నారు. కాణిపాకం లేదంటే తిరుమలలో కూడా ప్రమాణం చెయ్యటానికి సిద్ధంగా ఉన్నానని అన్నారు. కన్నా 20 కోట్లుకి అమ్ముడు పోయారని, మరోసారి విజయసాయి రెడ్డి అన్నారు. సుజనానే సూట్ కేసు కంపెనీలు పెట్టి, డబ్బులు ఎగ్గోట్టారని అన్నారు. సుజనా దగ్గర గతంలో తాను పనిచేశానని అన్నారు. అయితే ఇదే సందర్భంలో, అనూహ్యంగా పురందేశ్వరి పేరు తెర మీదకు తెచ్చారు విజయసాయి రెడ్డి. గత ఎన్నికల్లో బీజేపీ అధిష్టానం ఎంత ఇచ్చింది, కన్నా, పురందేశ్వరి ఎంతెంత తీసుకున్నది తనకు తెలుసు అని అన్నారు. మరి ఈ విషయం పై, పురందేశ్వరి, కన్నా ఏమంటారో.

సీనియర్ నాయకులు, మాజీ ఎంపీ సబ్బం హరి, ఈ రోజు ఒక టీవీ ఛానల్ తో మాట్లాడుతూ సంచలన వ్యాఖ్యలు చేసారు. స్థానిక ఎన్నికల ప్రక్రియ వాయిదా కాదని, మొత్తానికే రద్దు చేయాల్సింది ఉందని అన్నారు. ఎస్ఈసీ పై కులం పేరుతో జగన్ దాడి చేయడం దారుణం అని అన్నారు. రమేష్ కుమార్ పై ప్రభుత్వం వ్యవహరించిన తీరు చరిత్రలో ఎప్పుడూ జరగలేదని అన్నారు. కరోనాపై సరైన సమయంలో మోదీ నిర్ణయాలు తీసుకుని ప్రపంచదేశాల మెప్పు పొందారని అన్నారు. నాడు రమేష్ కుమార్ వాయిదా నిర్ణయం తీసుకోకపోతే.. ఇవాళ పరిస్థితి ఎలా ఉండేదో ఊహించలేం అని అన్నారు. తన ప్లాన్ పాడైపోయిందని జగన్ అక్కసు వెళ్లగక్కారని, కులం పేరుతో సీఎం దూషించడంతో ప్రజలు నివ్వెరపోయారని సబ్భం హరి అన్నారు. కరోనా నుంచి ఏపీ ప్రజల్ని రమేష్ కుమార్ కాపాడారని, జగన్ ప్రభుత్వాన్ని పక్క రాష్ట్రంలోని సలహాదారులు నడిపిస్తున్నారని, మొదట్నుంచి కరోనాను వైసీపీ ప్రభుత్వం లైట్ తీసుకుందని, పారాసిటమాల్, బ్లీచింగ్ పౌడర్ తో కట్టడి చేయొచ్చని భావించారని అన్నారు.

సబ్బం హరి మాట్లాడుతూ, "విపత్తులు వస్తే ఎదుర్కొనే శక్తి జగన్ కు లేదని తేలిపోయింది. కనగరాజ్ రిటైర్డ్ జడ్జియేనా అన్న అనుమానం కలుగుతోంది. కనగరాజ్ చాలా ప్రమాదకరమైన వ్యక్తి అని భావిస్తున్నా. అధికారమందంతో ప్రభుత్వం వ్యవహరిస్తున్న తీరుతో ప్రభుత్వంపై ప్రజలకు నమ్మకం పోయింది. విశాఖలో కరోనా వివరాలను దాస్తున్నారని ప్రచారం. భివిష్యత్ పరిణామాలు లెక్క చేయకుండా తాను అనుకున్నదే జరగాలన్న అహంతో సీఎం ఉన్నారు. శాసనమండలి, రమేష్ కుమార్ విషయంలో అన్యాయం జరిగిందని కొందరు వైసీపీ ఎమ్మెల్యేలు భావిస్తున్నారు. పార్లమెంటులో విపక్షాలు బిల్లులను అడ్డుకున్నా సంయమనం, విజ్ఞతతో ప్రధాని మోదీ వ్యవహరిస్తున్నారు. ముక్త కాంగ్రెస్ అమలు కోసం మోదీ అడ్డదారిలో వెళ్లలేదు. పోలవరం, అమరావతి నిర్మాణంతో ఏపీ భవిష్యత్ ఎంతో బాగుండేది. జగన్ వచ్చాక అమరావతి శ్మశానం, పోలవరం ఎడార అయ్యింది. కోర్టులో ఒకసారి ఎదురుదెబ్బ తగిలితే ప్రభుత్వం సిగ్గుపడేది కానీ.. జగన్ ప్రభుత్వం నిసిగ్గుగా అవే తప్పులు చేస్తోంది. రాష్ట్రాన్ని హైకోర్టే కాపాడుతోంది. ఫెయిర్ గా కాకుండా క్రిమినల్ మైండ్ తోనే పాలన చేస్తున్నారు. జగన్ కు అవకాశం ఇద్దామని భావించినవాళ్లంతా ఇప్పుడు బాధపడుతున్నారు."

"జమిలి ఎన్నికలు వస్తే రాష్ట్రానికి మేలు జరుగుతుంది కానీ.. ఎన్నికలు రాకుంటే మరో నాలుగేళ్లు ఎలా ఉంటుందో ఊహించలేము. ఇంగ్లీష్ మీడియం వద్దని ఎవరూ అనలేదు. తెలుగు మీడియం కూడా కొనసాగించి ఉంటే సరిపోయేది. రమేష్ కుమార్ విషయంలో ప్రభుత్వానికి ఎదురుదెబ్బ తప్పదు. కరోనా కేసులు ఎక్కువైతే రాష్ట్రంలో వసతులు కూడా లేవు. కరోనా టెస్ట్ కిట్లను ఏజెన్సీ ద్వారా కొనుగోలు చేయాల్సిన అవసరం ఏంటి?. ఛత్తీస్ గఢ్ ప్రభుత్వం నేరుగా దక్షిణ కొరియా ప్రభుత్వంతో ఒప్పందం చేసుకుంది. ఆర్డర్ లో షరతు ఉన్నట్టుగా ధర తగ్గిస్త ఏజెన్సీకే డబ్బు వెళ్తుంది. తప్పులు బయటపడగానే ఎదురుదాడి చేయడం వైసీపీ నేతలకు అలవాటైంది. నాయకుడు ఎలా ఉంటే అనుచరులు కూడా అలానే ఉంటారు. వైసీపీ నేతలు యథేచ్చగా లాక్ డౌన్ నిబంధనలు ఉల్లంఘిస్తున్నారు. వైసీపీ నేతలు విచ్చలవిడిగా తిరుగుతున్నారు. అధికారం లేకపోయినా చంద్రబాబు తన వంతు పని చేస్తుంటే విమర్శిస్తున్నారు. కరోనా సాయాన్ని కూడా వైసీపీ రాజకీయంగా వాడుకుంది. జరుగుతున్న తప్పులు చూస్తూ ఉన్నామన్న ఆవేదన వైసీపీ ఎమ్మెల్యేల్లో ఉంది. ఇప్పటికైనా తప్పులు సరిదిద్దుకుని జగన్ మంచి పాలన చేయాలి. కరోనా లెక్కలపై అనుమానాలున్నాయి. ప్రభుత్వం వరుసగా చేస్తున్న తప్పులు చేస్తుంటే ఎవరికైనా అనుమానం వస్తుంది. జగన్ కు ఓటేసిన మెజార్టీ ప్రజలు ఆవేదన చెందుతున్నారు. అధికారులు పొలిటికల్ ట్రాప్ లో పడకుండా ప్రజల కోసం పనిచేయాలి. కరోనా లెక్కలపై కూడా అధికారులు అబద్దాలు చెప్పడం సరికాదు" అని మాజీ ఎంపీ సబ్బం హరి అన్నారు.

ప్రపంచదేశాలను గడగడలాడిస్తున్న కరోనా మహమ్మారి గత నెలన్నర రోజులుగా చిత్తూరు జిల్లాను పీడిస్తోంది. జిల్లాలో నిర్వహించిన వైద్యపరీక్షలలో శనివారం వరకు కరోనా వ్యాధి సోకినవారి సంఖ్య 28 కాగా, ఆదివారం మరో 25 మందికి కరోనా వ్యాధి సోకినట్టు నిర్ధారణ అయింది. దీంతో జిల్లాలో నమోదైన పాజిటివ్ కేసుల సంఖ్య 58కు పెరిగింది. వీరిలో గత రెండువారాల మధ్య కరోనా వ్యాధి నుంచి కోలుకుని ఆరోగ్యంతో ఇళ్లకు వెళ్లినవారు శ్రీకాళహస్తి, ఏర్పేడు, పలమనేరు ప్రాంతాలకు చెందిన నలుగురున్నారు. కాగా సోమవారం నాటికి 49 మంది చిత్తూరు, తిరుపతిల లోని కోవిడ్ ఆసుపత్రులలోని ఐసొలేషన్ వార్డులలో చికిత్స పొందుతున్నారు. గత 24 గంటల మధ్యకాలంలో పాజిటివ్ లక్షణాలతో అసుపత్రి పాలైన 25 మందిలో 10 మంది రెవిన్యూ, పోలీసు శాఖలకు చెందిన సిబ్బందికాగా ఇతరులలో చిన్న చిన్న వ్యాపారాలు చేసుకునేవారున్నారు. మరోవైపు ఈ 25 మందిలో గతంలో వ్యాధి సోకినవారి ద్వారా వ్యాధి సంక్రమించినవారే ఎక్కువగా ఉన్నారని ప్రకటించిన జిల్లా కలెక్టర్ నారాయణ భరత్ గుప్తా వారికి ఏ విధంగా సోకిందనే విషయంపై ప్రత్యేకంగా దృష్టిని సారిస్తున్నట్టు తెలిపారు.

ఇంకోవైపు కరోనా వ్యాధి సోకి వైద్యచికిత్స పొందుతున్న 49 మంది కుటుంబసభ్యులు, సన్నిహితులు అనుమానితుల రూపంలో వివిధ క్వారంటైన్ కేంద్రాలలో 14 రోజుల వైద్యపర్యవేక్షణలో కొనసాగుతున్నారు. ఈ పరిణామాల నేపథ్యంలో కరోనా కేసుల నమోదు అంతా జిల్లా తూర్పు ప్రాంతాలకే పరిమితం కావడం, అందులో ఒక్క శ్రీకాళహస్తి పట్టణం లోనే 35 కేసులు నమోదుకావడం చర్చనీయాంశమవుతోంది. ఇప్పటివరకు జిల్లా తూర్పు ప్రాంతానికి చెందిన శ్రీకాళహస్తి నియోజకవర్గ పరిధిలోని రేణిగుంట, ఏర్పేడు మండలాలతో పాటు తిరుపతి, నగరి, నిండ్ర, వడమాలపేట మండల పరిధుల్లో 17 కేసులు నమోదయ్యాయి. తాజాగా సోమవారం చంద్రగిరి మండలం రంగంపేట ప్రాంతంలో నిర్వహిస్తున్న ఇంటింట్ సర్వేలో ఒక 70 ఏళ్ల వ్యక్తికి కరోనా సోకినట్టు పరీక్షల ద్వారా నిర్ధారణ అయినట్టు జిల్లా కలెక్టర్ భరత్ గుప్తా ప్రకటించారు. దీంతో కరోనా ప్రభావం జిల్లా తూర్పు ప్రాంతాల్లోనే అత్యధికశాతం ఉన్నట్టు స్పష్టమవుతోంది.

అయితే ఈ పరిస్థితికి ప్రధాన కారణం, శ్రీకాళహస్తి వైసీపీ ఎమ్మెల్యే బియ్యపు మధుసూదన్ రెడ్డి అంటూ ప్రతిపక్షాలు విమర్శలు చేస్తున్నాయి . లాక్ డౌన్ నిబంధనలను అతిక్రమించి, పదిరోజుల క్రితం ఎక్కువ మందితో భారీ ట్రాక్టర్ ర్యాలీ చెయ్యటం, ఆ ర్యాలీల అధికారులు కూడా పాల్గునటంతో ఈ పరిస్థితి వచ్చింది అని అంటున్నారు. ఆ ర్యాలీలో పాల్గొన్న 11 మంది ప్రభుత్వ అధికారులకు కరోనా పాజిటివ్ వచ్చింది. అయితే ఇప్పుడు దేశమంతా ఇదే చర్చ నడుస్తుంది. జాతీయ మీడియాలో కూడా ఇదే చర్చ జరుగుతుంది. ర్యాలీలు చేసి, అధికారులకు కరోనా అంటించారు అంటూ, నేషనల్ మీడియాలో, రచ్చ రచ్చ అవుతుంది. ఒక పక్క అందరూ లాక్ డౌన్ అంటుంటే, అధికార పార్టీనే ఇలా కరోనా వ్యాప్తికి కారకులు కావటం, గమనార్హం.