news

జగన్ మోహన్ రెడ్డి సోమవారం, ఢిల్లీ వెళ్తున్నారు అంటూ మీడియాకు సమాచారం వచ్చింది. అయితే ఇప్పుడున్న క-రో-నా పరిస్థితిలో అంత హుటాహుటిన ఢిల్లీ వెళ్ళాల్సిన అవసరం ఏమిటో ఎవరికీ అర్ధం కావటం లేదు. అయితే అమిత్ షా అప్పాయింట్మెంట్ దొరికిన వెంటనే ఆయన సోమవారం ఢిల్లీ వెళ్తారని అధికార వర్గాలు చెప్తున్నాయి. అయితే కేవలం వ్యాక్సిన్ ల విషయంలో, కేంద్రంతో చర్చించటానికి ఢిల్లీ వెళ్తున్నారని చెప్తున్నా, ప్రస్తుతం రాష్ట్రంలో ఉన్న వరుస వివాదాల నేపధ్యంలోనే, ఆయన ఢిల్లీ వెళ్తున్నారని, కేంద్రానికి సంజాయిషీ ఇచ్చుకునే పనిలో భాగంగానే, ఆయన ఢిల్లీ వెళ్తున్నట్టు తెలుస్తుంది. ముఖ్యంగా ఆంధ్రప్రదేశ్ రాష్ట్రంలో ఒక ఎంపీ పై థ-ర్డ్ డిగ్రీ ప్రయోగించారు అంటూ, దేశ వ్యాప్తంగా చర్చ జరగటం, వివిధ రాష్ట్రాల ఎంపీల నుంచి రఘురామరాజుకు మద్దతు లభ్దిస్తూ ఉండటంతో, అసలు రఘురామరాజు ఎపిసోడ్ మొత్తం పైన,కేంద్రానికి సంజాయిషీ ఇచ్చుకునే పనిలోనే, ఆయన ఢిల్లీ వెళ్తున్నట్టు వస్తున్న సమాచారం. ఇప్పటికే రఘురామరాజు ఢిల్లీలో వివిధ రాజ్యాంగ సంస్థలకు కూడా ఆయన ఫిర్యాదు చేసి ఉన్న సంగతి తెలిసిందే. దీంతో పాటుగా, జగన్ బెయిల్ రద్దు పిటీషన్ కూడా హైదరాబాద్ నాంపల్లి కోర్టులో విచారణకు వస్తున్న సంగతి తెలిసిందే. ఇప్పటికే సిబిఐ కౌంటర్ కూడా దాఖలు చేసింది.

దీని పై సిబిఐ స్పందిస్తూ, ఏది మంచిది అయితే అది, మీరే చట్ట ప్రకారం నిర్ణయం తీసుకోండి అంటూ, బాల్ ని సిబిఐ కోర్టులోకే నెట్టేసిన సంగతి తెలిసిందే. ఈ నేపధ్యంలో ఢిల్లీలో రోజు రోజుకీ ప్రభుత్వ ప్రతిష్ట దెబ్బ తింటూ ఉండటంతో పాటుగా, వరుస వివాదులు చుట్టూ ముడుతూ ఉండటంతో, డ్యా-మే-జ్ కంట్రోల్ లో భాగంగానే ఆయన ఢిల్లీ వెళ్లి, అక్కడ ప్రభుత్వ పెద్దలను కలిసి, సమాధానం చెప్తారని తెలుస్తుంది. దీని కోసమే, ఇప్పటికే కేంద్రం హోం శాఖా మంత్రి అమిత్ షా అప్పాయింట్మెంట్ అడిగారని, ఆయన అప్పాయింట్మెంట్ వచ్చిన వెంటనే ఆయన ఢిల్లీ వెళ్లనున్నారు. అలాగే జగన్ మోహన్ రెడ్డి, రెండు రోజులు క్రితం వ్యాక్సిన్ లకు సంబంధించి, అన్ని రాష్ట్రాల ముఖ్యమంత్రులు గట్టిగా, ఒకే మాట మీద ఉండి, కేంద్రం పై ఒత్తిడి తేవాలని లేఖలు రాసిన సంగతి తెలిసిందే. దీని పై కూడా ఆయన ఎందుకు లేఖ రాయాల్సి వచ్చిందో కూడా, వివరణ ఇచ్చే అవకాసం ఉంది. మొత్తం మీద, కేంద్రం వద్ద తమ పరపతి పడిపోకుండా, డ్యా-మే-జ్ కంట్రోల్ నిమిత్తం ఢిల్లీ వెళ్లనున్నారు.

ఆంధ్రప్రదేశ్ ప్రభుత్వానికి గుజరాతీ కంపెనీ అముల్ విషయంలో, హైకోర్టులో ఎదురు దెబ్బ తగిలింది. ఆంధ్రప్రదేశ్ డైరీ డెవలప్మెంట్ కార్పొరేషన్ ఆధీనంలో ఉన్న ఆస్తులు అన్నీ కూడా, వాటిని గుజరాతీ కంపెనీ అయిన అముల్ కంపెనీకి అప్పగించి, దానికి సంబంధించి నిర్ణయం తీసుకోవాలని రాష్ట్ర ప్రభుత్వం భావించింది. దీనికి సంబంధించి ఒక అవగాహన ఒప్పందాన్ని కూడా కుదుర్చుకుంది. ఈ నేపధ్యంలోనే, ఈ అవగాహనా ఒప్పందాన్ని సవాల్ చేస్తూ, నర్సాపురం ఎంపీ రఘురామకృష్ణం రాజు, ఆంధ్రప్రదేశ్ హైకోర్టులో ఒక పిటీషన్ వేసారు. దీని పై ఇటు రాష్ట్ర ప్రభుత్వం వైపు నుంచి, అలాగే ఇటు నర్సాపురం ఎంపీ రఘురామరాజు వైపు నుంచి వాదనలు జరిగాయి. రఘురామరాజు తరుపున సుప్రీం కోర్టు సీనియర్ న్యాయవాది ఆదినారాయణరావు వాదనలు వినిపించారు. రాష్ట్రంలో అముల్ ని, పాల సేకరణ చేయవద్దని తాము చెప్పటం లేదని, కానీ అముల్ అనే కంపెనీకి రాష్ట్ర ప్రభుత్వం అధిక ప్రాధాన్యత ఇవ్వటం, ఖర్చు పెట్టటం, రాష్ట్ర ప్రభుత్వమే పబ్లిసిటీ ఇవ్వటం, ఆంధ్రప్రదేశ్ డైరీ డెవలప్మెంట్ కార్పొరేషన్ ఆధీనంలో ఉండే ఆస్తులు అన్నీ కూడా అముల్ కంపెనీకి కట్టబెట్టటానికి, రాష్ట్ర ప్రభుత్వం ప్రయత్నాలు చేయటం, ఒప్పందాలు చేసుకోవటానికి తాము వ్యతిరేకం అని చెప్పారు.

రాష్ట్రంలో పాల ఉత్పత్తిధారులకు చెందిన ఆస్తులు అన్నీ, ప్రజలకు సంబంధించిన ఆస్తుల్ని అముల్ కంపెనీకి ఎలా అప్పగిస్తారని చెప్పి, ఆదినారాయణ రావు ప్రశ్నించారు. ఈ నేపధ్యంలో రాష్ట్ర ప్రభుత్వం వేసిన కౌంటర్, హైకోర్టులో అందుబాటులో లేకపోవటంతో, మధ్యంతర ఉత్తర్వులు ఇవ్వాలని ఆదేశించింది. నిన్న సాయంత్రం డివిజనల్ బెంచ్ లో, ఈ అంశం పై వాద ప్రతివాదనులు జరిగాయి. ఈ రోజు మధ్యానం రాష్ట్ర హైకోర్టు డివిజనల్ బెంచ్, దీనికి సంబంధించిన ఆదేశాలు జారీ చేసింది. ఈ నెల 14వ తేదీకి కేసుని వాయిదా వేస్తూ, ఏదైతే రాష్ట్ర ప్రభుత్వం ఈ కేసులో కౌంటర్ దాఖలు చేసిందో, ఆ కౌంటర్ ని అప్పటి లోగా ఇవ్వాలని హైకోర్టు చెప్పింది. దీంతో పాటు రాష్ట్ర ప్రభుత్వం, అముల్ కంపెనీతో కుదుర్చుకున్న అవగాహన ఒప్పందం పై, ఒక్క పైసా కూడా ఖర్చు చేయకూడదని, హైకోర్టు సంచలన ఆదేశాలు జారీ చేసింది. ఈ నేపధ్యంలో అముల్ కి నోటీసులు జారీ చేసింది. అయితే అముల్ పై హడావిడి చేస్తున్న రాష్ట్ర ప్రభుత్వానికి, ఈ ఆదేశాలు ఒక ఎదురు దెబ్బ అనే చెప్పాలి.

ఈ రోజు ఆసక్తికర సంఘటన చోటు చేసుకుంది. ఈ రోజు ఉదయం మాజీ ఐఏఎస్ అధికారి పీవీ రమేష్, తన ట్విట్టర్ లో ఒక ట్వీట్ చేసారు. ఆ ట్వీట్లో, ఆయన స్పందిస్తూ, పబ్లిక్ ఇంట్రెస్ట్ కోసం తాను ఈ ట్వీట్ చేస్తున్నానని, తనకు, తన కుటుంబ సభ్యులకు ఒక ఫోన్ నెంబర్ నుంచి (ఆ నెంబర్ కూడా పోస్ట్ చేసారు), వాట్స్ అప్ మెసేజ్ లు వస్తున్నాయని, ఇది ఎంపీ రఘురామకృష్ణం రాజు నెంబర్ గా నోటిఫై అవుతుందని, దీనిపై రఘురామరాజు స్పందించాలి అంటూ ట్వీట్ చేసారు. దీని పై ఎంపీ రఘురామకృష్ణం రాజు ట్విట్టర్ లోనే స్పందించారు. తనను మే 14 సిబిసిఐడి పోలీసులు, అరెస్ట్ చేసారని. ఆ సందర్భంగా నా ఫోన్ ని సీజ్ చేసారని, ఇది అనధికారికంగా తీసుకున్నారని, దాన్ని ఎక్కడా పోలీస్ రికార్డుల్లో కూడా చూపించలేదని, ఆ ఫోన్ ని నాకు తిరిగి ఇవ్వక పోవటంతో, తాను లీగల్ నోటీసులు ఇచ్చానని తెలిపారు. మీకు, మీ కుటుంబ సభ్యులకు వస్తున్న మెసేజ్ లకు, నాకు సంబంధం లేదని అన్నారు. మే 14వ తేదీ నుంచి జూన్ 1వ తేదీ వరకు కూడా ఆ నెంబర్ నుంచి ఎటువంటి మెసేజ్ లు ఎవరికీ పంపించలేదని అన్నారు. మే 14వ తేదీ నుంచి జూన్ 1వ తేదీ వరకు మీకు వస్తున్న మెసేజ్ లు, నేను ఇవ్వలేదని, ఇది సిఐడి అధికారుల పని అని, వారి పై మీరు లీగల్ ఆక్షన్ తీసుకోవచ్చని అన్నారు.

తాను, జూన్ 1న ఆ నెంబర్ ఉన్న సింని సస్పెండ్ చేసి, కొత్త సిం తీసుకున్నా అని, కాబట్టి, ఆ మెసేజ్ లకు తనకు సంబంధం లేదని, రఘురామకృష్ణ రాజు తెలిపారు. నా ఫోన్ నాకు ఇవ్వకుండా, వారి దగ్గర ఉంచుకుని, దాన్ని రికార్డుల్లో కూడా చూపించకుండా చేసారని, దీని పై ఇప్పటికే సిఐడి చీఫ్ సునీల్ కుమార్ కు లీగల్ నోటీసులు కూడా ఇచ్చానని, మీకు వస్తున్న మెసేజ్ల పై అభ్యంతరం ఉంటే, మీరు కూడా లీగల్ గా చర్యలు తీసుకోవచ్చు అంటూ, పీవీ రమేష్ ట్వీట్ కు, రఘురామకృష్ణం రాజు బదులు ఇచ్చారు. అయితే ఈ అంశం ఇప్పుడు వివాడస్పదం అయ్యే సూచనలు కనిపిస్తున్నాయి. ఒక ఎంపీ ఫోన్ ని, అదీ ఖరీదైన ఐఫోన్ ని ఆయన దగ్గర నుంచి తీసుకున్నారని, తన ఫోన్ ని కూడా అన్ లాక్ చేయాలని బలవంతం చేసారని ఇది వరుకే రఘురామకృష్ణం రాజు తెలిపారు. అయితే ఆ ఫోన్ లో తన నియోజకవర్గానికి సంబంధిన అనేక సమాచారం ఉందని, అయితే ఈ ఫోన్ రికార్డుల్లో చూపించక పోవటం పై, రఘురామ రాజు సీరియస్ అయ్యి, సిఐడి కి లీగల్ నోటీసులు ఇచ్చారు.