news

రెండు తెలుగు రాష్ట్రాల్లో సంచలనం కలిగించిన వైఎస్ వివేకా కేసులో, కీలక మలుపు చోటు చేసుకుంది. హైకోర్టు ఆదేశాలు ప్రకారం, సిబిఐ రంగంలోకి దిగింది. ఈ రోజు నుంచి విచారణ ప్రారంభించింది సిబిఐ. 7 గురు సభ్యులతో కూడిన సిబిఐ బృందం, ఈ రోజు కడపలో ఎంటర్ అయ్యారు. కడప ఎస్పీ కార్యాలయంలో, ఈ రోజు సిబిఐ అధికారులు, ఎస్పీతో సమావేశం అయ్యారు. కేసుకు సంబంధించిన పూర్వాపరాలు, విషయాలతో పాటుగా, ఆధారాలు అన్నీ కడప ఎస్పీ దగ్గర నుంచి, సిబిఐ అధికారులు అడిగి తెలుసుకున్నారు. ఈ రోజు, రేపట్లో సిబిఐ అధికారులు పులివెందులలో కూడా అడుగు పెట్టనున్నట్టు సమాచారం. ఎస్పీతో భేటీ అయ్యి, జరిగిన విచారణ తీరుని, చర్చించారు. మాజీ మంత్రి ఆదినారాయణ రెడ్డితో పాటుగా, వైఎస్ వివేకా కూతురు కూడా తమకు సిబిఐ విచారణ కావలి అంటూ, హైకోర్టు లో పిటీషన్ వేసింది. ఈ సందర్భంగా, సొంత సోదరుడు ప్రభుత్వం పైనే ఆరోపణలు చేసింది. ఈ ప్రభుత్వం పై నమ్మకం లేదని ఆమె పిటీషన్ దాఖలు చేసింది.

తమకు పలు అనుమానాలు ఉన్నాయి అంటూ, వైఎస్ కుటుంబంలోని కొంత మంది సభ్యులతో పాటుగా, ఒక ఎంపీ పేరు కూడా, ఆమె అనుమానం వ్యక్తం చేసింది. అప్పట్లో ఇది ఒక పెద్ద సంచలనం అయిన విషయం తెలిసిందే. అన్నీ ఆలోచించిన హైకోర్టు, ఈ కేసుని సిబిఐకి అప్పచెప్పింది. అయితే, ఇక్కడ మరో విషయం ఏమిటి అంటే, ఎన్నికల ముందు, సిబిఐ విచారణ కావాలి అంటూ, పిటీషన్ దాఖలు చేసిన జగన్ మోహన్ రెడ్డి, అధికారంలోకి వచ్చిన తరువాత, సిబిఐ విచారణ అక్కరలేదు అంటూ, ఆ పిటీషన్ ను వెనక్కు తీసుకోవటం సంచలనంగా మారింది. ఈ పరిణామం తరువాత, వైఎస్ వివేక కూతురు, ఆరోపణలు చెయ్యటం, హైకోర్టులో సిబిఐ విచారణ కావటం, అన్నీ చకచక జరిగిపోయాయి. ఈ నేపధ్యంలో ఈ రోజు సిబిఐ కడప వచ్చి, ఈ కేసు విచారణ ప్రారంభించారు. దీంతో, ఇప్పుడు అసలు హంతకులు ఎవరు ? ఏమి ఆశించి ఈ హత్య చేసారు ? వెనుక ఉన్న పెద్దలు ఎవరు అనే విషయం పై, సిబిఐ ఏమి బయట పెడుతుందో అనే ఆసక్తి నెలకొంది.

ఆంధ్రప్రదేశ్ రాష్ట్రంలో కొత్త రగడ మొదలైంది. అదే జిల్లాల విభజన. దీని పై గత కొన్ని రోజులుగా చర్చ జరుగుతుంది. అలాగే చాలా వైపుల నుంచి, వ్యతిరేకత కూడా వస్తుంది. అయితే దీని పై మొన్న జరిగిన ఆంధ్రప్రదేశ్ మంత్రి మండలి సమావేశంలో, ఈ విషయం పై చర్చించారు. జిల్లాల విభాజన పై ఒక కమిటీ వెయ్యాలని నిర్ణయం తీసుకున్నారు. కమిటీ నివేదిక ఆధారంగా, జిల్లాల విభజన చెయ్యాలని నిర్ణయం తీసుకున్నారు. అయితే, ఆంధ్రప్రదేశ్ లో జిల్లాల విభజన పై, మంత్రి పెద్దిరెడ్డి రామచంద్రారెడ్డి కీలక వ్యాఖ్యలు చేసారు. కమిటీ నివేదిక రాకముందే, ఆంధ్రప్రదేశ్ రాష్ట్రంలో, 25 నుంచి 26 రాష్ట్రాలు ఉంటాయి అంటూ, చెప్పుకొచ్చారు. రెండు నెలల్లోనే జిల్లాల పునర్విభజన ప్రకటన పూర్తి కానుందని, చెప్పారు.కమిటీ కార్యకలాపాలు ప్రారంభం కాక ముందే, మంత్రి పెద్దిరెడ్డి రామచంద్రారెడ్డి చేసిన వ్యాఖ్యలు చర్చనీయాంశం అయ్యాయి. ఇప్పటికే జిల్లాల పునర్విభజన పై రచ్చ మొదలైంది.

వెరైటీగా ప్రతిపక్ష పార్టీల కంటే, సొంత పార్టీ నేతల నుంచి, వైసిపీ ప్రభుత్వానికి వ్యతిరేకత వస్తుంది. శ్రీకాకుళంలో సీనియర్ నేత ధర్మాన, బహిరంగ వేదిక పైనా, విమర్శలు గుప్పించారు. ఇక గోదావరి జిల్లాల ప్రజలు, గోదావరి అనే పదం లేకుండా, జిల్లా ఉంటే ఒప్పుకోం అంటున్నారు. అలాగే జిల్లా కేంద్రంగా ఈ ప్రాంతం ఉండాలి , ఆ ప్రాంతం ఉండాలి అంటూ, రచ్చ మొదలైంది. ఇవన్నీ ఉండగానే, మంత్రి, నివేదిక రాక ముందే చెప్పేస్తున్నారు. పెద్దిరెడ్డి మాట్లాడుతూ "కొంత మంది అఫిషయల్స్ తో కమిటీ వేసాము. ఆ కమిటీ నివేదిక రెండు నెలల్లో వస్తుంది. 25 కానీ, 26 కానీ, నివేదికను బట్టి జగన్ మోహన్ రెడ్డి నిర్ణయిస్తారు." అని పెద్దిరెడ్డి అన్నారు.

బీజేపీ కేంద్ర కార్యాలయంలో, నర్సాపురం వైసిపీ ఎంపీ రఘురామకృష్ణం రాజు ప్రత్యక్షం అయ్యి, అందరికీ షాక్ ఇచ్చారు. బీజేపీ కార్యాలయానికి వచ్చి, బీజేపీ జాతీయ అధ్యక్షుడు జేపీ నడ్డాను కలిసారు. పార్లమెంటరీ కమిటీ చైర్మెన్ హోదాలో, జేపీ నడ్డాను కలిసినట్టు చెప్పారు. ఈ సమావేశానికి రాజకీయ ప్రాధాన్యత ఏమి లేదని, రాజకీయ కోణంలో దీన్ని చూడవద్దు అని కోరారు. తనకు ఉదయం 10:30 గంటలకు అపాయింట్మెంట్ ఇచ్చారని, అందుకే కలిసానని చెప్పారు. అయితే బీజేపీ కేంద్ర కార్యాలయానికి, వైఎస్ఆర్ పార్టీకి చెందిన ఎంపీ రావటం ప్రాధాన్యత సంతరించుకుంది. ఇటీవల కాలంలో, రఘురామకృష్ణంరాజు పార్టీకి సంబంధించి వ్యతిరేక కార్యకలాపాలకు పాల్పడుతున్నారు అంటూ, స్పీకర్ కు ఫిర్యాదు చేసి అనర్హత వేటు వెయ్యాలని కోరింది. అయితే ఈ రోజు వైసిపీకి చెందిన నలుగురు సభ్యులు కూర్చునే సీట్లు మార్చారు, పార్లమెంట్ స్పీకర్. ఇందులో రఘురామకృష్ణం రాజు స్థానం కూడా ఉండటం, గమనార్హం..

అయితే రఘురామకృష్ణం రాజు మాత్రం, పార్లమెంట్ స్టాండింగ్ కమిటీ చైర్మెన్ గా, జరుగుతున్న తీరు, మరీ ముఖ్యంగా కోవిడ్ సందర్భంలో తీసుకోవాల్సిన జాగ్రత్తల పై, వీటి అన్నిటి పై చర్చించేందుకు, సీనియర్ పార్లిమెంట్ నాయకులను కలుస్తున్నా అని, సీనియర్ ఎంపీగా ఉన్న నడ్డాను ఆ క్రమంలోనే కలవాలని నిర్ణయం తీసుకోవటంతో, ఆయన అపాయింట్మెంట్ ఇవ్వటంతో, వచ్చానని చెప్పారు. ఆయన అభిప్రాయాల కోసం వచ్చానని, దీనికి రాజకీయ ప్రాధాన్యత లేదని చెప్తున్నారు. అయితే రఘురామకృష్ణం రాజు ఎపిసోడ్ గత నెల రోజులుగా నడుస్తూ ఉన్న తరుణంలో, ఈ సమావేశం ప్రాధాన్యత సంతరించుకుంది. ఇటీవలే ఆయన పలువురు కేంద్ర మంత్రుల్ని కలిసిన సంగతి తెలిసిందే. ఇప్పుడు ఏకంగా బీజేపీ పార్టీ అధ్యక్షుడిని కలవటంతో, రఘురామకృష్ణం రాజు, నెక్స్ట్ స్టెప్ ఎలా ఉంటుంది అనే ఆసక్తి నెలకొంది. మరో పక్క, ఇప్పటికే, రఘరామకృష్ణం రాజు అనర్హత అంశం, స్పీకర్ పరిశీలనలో ఉంది.