news

దాదాపుగా 2004 వరకు రాజకీయాలు సక్రమంగా నడిచేవి. ఒకరి పై ఒకరి వ్యక్తిగత విమర్శలు చేసుకున్నా, అవి ఒక పధ్ధతిగా మాత్రమే ఉండేవి. ఎక్కడా లైన్ దాటే వాళ్ళు కాదు. కానీ రాజశేఖర్ రెడ్డి ముఖ్యమంత్రి అయిన తరువాత, సమాజాన్ని కుల ప్రాతిపదిక విడగొట్టటం మొదలు పెట్టారు. అలాగే ప్రత్యర్ధుల ఆర్ధిక మూలాలు దెబ్బ తీయటం, ప్రత్యర్ధులను మానసికంగా కుంగదీయటం, ఇలా అనేక ఫ్యాక్షన్ తరహా పోలిటిక్స్ నడిపేవారు. అక్కడ మొదలైన దిగజారుడు, ఇప్పుడు పాతాళానికి దగ్గరలో ఉంది. రాజకీయాలు అంతలా దిగజారి పోయాయి. ఈనాడు, ఆంధ్రజ్యోతి తనకు వ్యతిరేకం అని ప్రజలకు ఎక్కించి, సాక్షి ఛానల్ పెట్టారు. అప్పట్లో రామోజీ రావుని కుంగదీయటానికి, రామోజీ కొడుకు చేత సాక్షిలో ఇంటర్వ్యూ ఇప్పించి, రామోజీ రావు ఫ్యామిలీ గొడవలు అందరికీ తెలిసే లా చేసి రచ్చ రచ్చ చేసి, అప్పటి వైసీపీ బ్యాచ్ ఆనంద పడింది. ఇప్పటికీ ఆ వీడియోలు తిప్పుతూ వైసీపీ ఆనంద పడుతూ ఉంటుంది. అలాగే చంద్రబాబుని ఇబ్బంది పెట్టటానికి, హరికృష్ణ చేత సాక్షిలో మాట్లాడి, 2014 ఎన్నికల ముందు తిట్టించారు. అయితే రోజులు ఎప్పుడూ ఒకేలా ఉండవు కదా. భూమి ఎప్పుడూ గుండ్రంగా ఉంటుంది. మన టర్న్ రాక తప్పదు. ఇవాళ కాకపొతే రేపు, రేపు కాకపోతే ఎల్లుండి. కచ్చితంగా వచ్చి తీరుతుంది. ఇప్పుడు అదే రోజు వైసీపీకి వచ్చింది.

జగన్ మోహన్ రెడ్డికి చంద్రబాబు ఎంత పెద్ద శత్రువో, ఏబీఎన్ ఆంధ్రజ్యోతి ఎండి రాధాకృష్ణ అంత పెద్ద శత్రువు. ఏబీఎన్ ఛానల్ ని వైసీపీ బ్యాన్ చేసింది. ఒకానొక సమయంలో ఏపిలో కూడా వైసీపీ బ్యాన్ చేసింది. అలాంటి రాధాకృష్ణ ఏబీఎన్ స్టూడియోలో, అదే రాధాకృష్ణ ముందు జగన్ మోహన్ రెడ్డి చెల్లెలు షర్మిల కూర్చుని ఓపెన్ హార్ట్ విత్ ఆర్కే ఇంటర్వ్యూ ఇచ్చారు. ఈ రోజు అది ప్రసారం కానుంది. ఏపి మొత్తం ఈ ఇంటర్వ్యూ కోసం ఎదురు చూస్తున్నారు. ఇప్పటికే వదిలిన టీజర్ లో, వైఎస్ వివేక మరణం, జగన్ తనను మోసం చేసిన తీరు, సజ్జల సంబంధం లేదు అని చెప్పిన వ్యాఖ్యలు, ఇలా అనేక విషయాల పై షర్మిల మాట్లాడనున్నారు. అన్నటికంటే మించి రాధాకృష్ణ, షర్మిలను షమ్మి అని పిలుస్తూ, జగన్ గుండెల్లో గునపాలు గుచ్చారనే చెప్పాలి. గతంలో ప్రత్యర్ధుల పై ఏ అస్త్రం ప్రయోగించారో, ఇప్పుడు కూడా అదే అస్త్రం, జగన్ మీదకు ప్రయోగించబడుతుంది. రాజకీయాలు ఎప్పుడూ ఒకేలా ఉండవు. శాస్వత మిత్రులు, శత్రువులు ఉండరు, అలాగే మనం ఏమి చేస్తామో, అదే తిరిగి మనకు వస్తుంది. ఈ ఇంటర్వ్యూ తరువాత ఎన్ని సంచలనాలు ఉంటాయో చూద్దాం.

తెలుగుదేశం పార్టీ అధినేత, మాజీ ముఖ్యమంత్రి చంద్రబాబు నాయుడు, ఈ దేశంలోనే ఒక సీనియర్ నాయకులు. ఆయన భద్రత కోసం, జెడ్ ప్లస్ సెక్యూరిటీ కూడా ఉంటుంది. ఎన్ని పార్టీలు కేంద్రంలో మారినా, చంద్రబాబుకు ఉన్న జెడ్ ప్లస్ సెక్యూరిటీ మాత్రం తీయలేదు. చంద్రబాబు అనుక్షణం ఎన్ఎస్జజీ కమెండోల రక్షణలో ఉంటారు. కేంద్రం నుంచి వచ్చిన బలగాలు చంద్రబాబుని అనుక్షణం రక్షిస్తూ ఉంటాయి. ఇది ఇలా ఉంటే, రాష్ట్రంలో మాత్రం, ఆయన సెక్యూరిటీ పై వివక్ష చూపుతుందనే విమర్శలు తరుచూ వినిపిస్తూ ఉంటాయి. జెడ్ ప్లస్ భద్రత ఉన్న చంద్రబాబు ఇంటి మీదకు, 30 కారు, 100 మందికి పైగా జనాలు, వస్తున్నా, పోలీసులు నిలువరించలేదనే ప్రచారం ఉంది. ఏకంగా ఆయన ఇంటి మెడకు రాళ్ళ దా-డి చేసే దాకా వెళ్ళింది. ఇక అధికారం వచ్చిన కొత్తలో చంద్రబాబుకి ఉన్న సెక్యూరిటీ కూడా తగ్గించారు. దీంతో చంద్రబాబు కోర్టుకు వెళ్లి పోరాడి తెచ్చుకోవాల్సి వచ్చింది. ఇక వరదల పేరు చెప్పి, ఆయన ఇంటి పై డ్రోన్ ఎగురవేసారు. అలాగే, ఆయన కాన్వాయ్ లో ఉండే వెహికల్స్ కూడా సరైనవి ప్రభుత్వం ఇవ్వటం లేదనే విమర్శలు ఉన్నాయి. ఇలా అనేక అవాంతరాల మధ్య చంద్రబాబు ముందుకు వెళ్తున్నారు.

అయితే తాజాగా మరో సంఘటనతో, టిడిపి నేతలు ఉలిక్కి పడ్డారు. గత నాలుగు రోజులుగా ఉండవల్లిలోని చంద్రబాబు నివాసం దగ్గర చీకట్లు అలుముకున్నాయి. చంద్రబాబు ఇంటి చుట్టూ పొలాలు ఉండటం, మరో వైపు కృష్ణా నది, ఇవన్నీ ఉన్నా సరే, లైట్లు వేయకపోవటంతో, మొత్తం చీకట్లు అలుముకున్నాయి. చంద్రబాబు ఇంటి సమీపంలో ఉన్న, చుట్టు పక్కలా, వీధి దీపాలు వెలగడం లేదు. చంద్రబాబు ఉండవల్లి నివాసం కరకట్ట దారిలో ఉంది. అయితే ఈ కరకట్ట మార్గంలో చాలా వరకు లైట్లు అన్నీ ఆగిపోయాయి. కేవలం కొండవీటి వాగు దాటాక కొన్ని లైట్లు వెలుగుతున్నాయి. ఇక చంద్రబాబు ఇంటి నుంచి, మంతెన ఆశ్రమం వరకు ఒక్క లైట్ కూడా వెలగతం లేదు. ఒక రోజు అంటే, ఏదో సమస్య అనుకున్నారు. గత నాలుగు రోజులుగా ఇదే పరిస్థితి ఉంది. చంద్రబాబు ఇంటి వద్ద, అవుట్ పోస్ట్ వద్ద ఉండే, సెక్యూరిటీ సిబ్బంది కూడా, ఆ చీకట్లోనే ఉండాల్సిన పరిస్థితి. జెడ్ ప్లస్ ఉన్న చంద్రబాబు ఇంటి పై ఎందుకు ఇంత నిర్లక్ష్యం అంటూ టిడిపి ప్రశ్నిస్తుంది. చంద్రబాబు సెక్యూరిటీ సిబ్బంది, తాము పై అధికారులకు చెప్పామని, అయినా మార్పు లేదని చెప్తున్నారు.

గత వారం గుజరాత్ లోని ముంద్రా పోర్టులో హెరాయిన్ దొరకటం, దాని పైన విజయవాడ అడ్డ్రెస్ ఉండటం, కేంద్ర నిఘా విభాగం, ఇక్కడకు వచ్చి, ఆ కంపెనీ యజమాని అతని భార్యని అదుపులోకి తీసుకోవటం, ఇవన్నీ తెలిసినవే. అయితే ఈ విషయం పై టిడిపి, అధికార పార్టీ పై ప్రశ్నలు సందిస్తుంది. 72 వేల కోట్ల డ్రగ్స్ వ్యాపారం జరిగినట్టు ఆధారాలు ఉన్నాయని, అతి సామాన్యమైన వాళ్ళు ఇది చేయలేరు కదా, దీని వెనుక ఎవరు ఉన్నారు అంటూ టిడిపి ప్రశ్నిస్తుంది. దీని పై ప్రభుత్వం, వైసీపీ, డీజీపీ కౌంటర్ కూడా ఇచ్చారు. దీంతో రాష్ట్రానికి సంబంధం లేదని చెప్పేసారు. అయితే ఏ మాత్రం ఎంక్వయిరీ చేయకుండా, ఎలా చెప్తారు అంటూ, టిడిపి ప్రశ్నించింది. ఈ రోజు ట్విట్టర్ లో ఇండియా వైడ్ ట్రెండ్ కూడా , ఈ విషయంలో నడిచింది. ఇది ఇలా ఉంటూ ఉండగానే, టిడిపి చేతికి అతి పెద్ద అస్త్రం దొరికింది. దీంతో టిడిపి నేతలు ఉదయం నుంచి వరుస ప్రెస్ మీట్లు పెడుతున్నారు. నిన్న తెలంగాణ పోలీసులు, కొంత మంది గంజాయి తరలిస్తున్న వారిని పట్టుకున్నారు. ఏపి నుంచి వస్తున్న వారిని తెలంగాణా పోలీసులు పట్టుకున్నారు. అయితే వారిలో అధికార పార్టీకి చెందిన ఒక ఎమ్మల్యే కుమారుడు కూడా ఉనాడనే ప్రచారం జరిగింది. ఉదయం నుంచి ఈ విషయం పై సోషల్ మీడియాలో కధనాలు వస్తున్నాయి. పత్రికల్లో కూడా విషయం వచ్చింది.

దీంతో టిడిపి కూడా ఈ విషయం పై విమర్శలు చేస్తుంది. అయితే టిడిపి విమర్శలు తగవు అంటూ, ఆ ఎమ్మల్యే అతని మొదటి కొడుకు వీడియో వదిలారు. అయితే టిడిపి మాత్రం, రెండో కుమారుడుని పట్టుకున్నారని, అతను తెలంగాణా పోలీసుల అదుపులో ఉన్నాడని చెప్తుంది. ఈ విషయం పై మాట్లాడిన టిడిపి అధికార ప్రతినిధి పట్టాభి, ఏకంగా డ్ర-గ్స్ చాలెంజ్ కూడా చేసారు. ఆ ప్రజాప్రతినిధి రెండో కుమారుడు డ్ర-గ్స్ తీసుకుంటూ పట్టుబడ్డాడని, రేపు ఉదయం హైదాబాద్ లోని ఫోరన్సికి డిపార్ట్మెంట్ లో డ్ర-గ్స్ టెస్ట్ చేపించాలని, అవసరం అయితే తాము అందరం కూడా, టిడిపి నుంచి లీడర్లు అందరూ వచ్చి డ్రగ్స్ చేపిస్తామని చాలెంజ్ చేసారు. టిడిపి నేతల ఛాలెంజ్ తో వాతావరణం వేడెక్కింది. ఇప్పటి వరకు టిడిపి ఛాలెంజ్ కు ఆ ఎమ్మెల్యే అయితే రియాక్ట్ కాలేదు. అలాగే రెండో కుమారుడు కూడా ఇప్పటి వరకు మీడియా ముందుకు రాలేదు. మరి దీని పై రాజకీయంగా ఏమి జరుగుతుందో చూడాలి.