news

క-రో-నా , జీవితాలను తారు మారు చేసి పడేసింది. ఒక రాష్ట్రం కాదు, ఒక దేశం కాదు, ఈ భూలోకంలో ఉన్న సమస్త మానవాళి స్తంభించి పోయింది. ఆరోగ్యాలు పోవటమే కాదు, ప్రాణాలు కూడా పోయాయి. ఇక వ్యాపారాలు, ఉద్యోగులు, చదువులు అన్నీ నాశనం అయిపోయాయి. గత నెల రోజులు నుంచి, ఇప్పుడిప్పుడే వీటి నుంచి కోలుకుని బయటకు వస్తున్నారు. నెమ్మదిగా వ్యాపారాలు, ఆఫీస్ లు, స్కూల్స్, కాలేజీలు ప్రారంభం అవుతున్నాయి. నెమ్మదిగా ఎవరి పనుల్లో వాళ్ళు పడుతున్నారు. ప్రపంచం మొత్తం, ఇలాగే కోలుకుంటుంది. అయితే గత రెండు రోజులు నుంచి ఒక కొత్త రకం క-రో-నా వైరస్ వార్తలు ప్రపంచాన్ని బెంబేలెత్తిస్తున్నాయి. ముఖ్యంగా ఇది బ్రిటన్ నుంచి వచ్చే వాళ్ళలో ఎక్కువగా గమనిస్తున్నారు. ఇది మరింత బలంగా ఉందని అంటున్నారు. దీంతో ప్రపంచ దేశాలు అలెర్ట్ అయ్యాయి. ఆందోళన చెందిన పలు దేశాలు వెంటనే విరుగుడు చర్యలు మొదలు పెట్టాయి. నిన్నే పలు యూరప్ దేశాలు, బ్రిటన్ నుంచే విమానాల పై నిషేధం విధించాయి. ఫ్రాన్స్, నెదర్లాండ్స్, జర్మినీ, బెల్జియం సహా పలు దేశాలు, బ్రిటన్ నుంచి వచ్చే ఎయిర్ ట్రాఫిక్ నిలిపి వేస్తున్నట్టు చెప్పాయి. అలాగే అటు వైపు ఉన్న సౌదీ, ఇజ్రాయల్, టర్కీ కూడా,బ్రిటన్ నుంచి వచ్చే విమానాల పై తాత్కాలికంగా బ్యాన్ విధిస్తున్నామని చెప్పాయి.

అయితే ఈ కొత్త రకం వైరస్ బ్రిటన్ లోనే కాదని, ఆస్ట్రేలియా, డెన్మార్క్ లో కూడా గుర్తించినట్టు చెప్తున్నారు. దీంతో మిగతా దేశాలు కూడా, ముందుగా బ్రిటన్ నుంచి వచ్చే విమానాలను రద్దు చేసే పనిలో ఉన్నారు. అయితే మన భారత దేశం కూడా ఈ వైరస్ పై సమీక్ష జరిపింది. ఈ వైరస్ పై అలెర్ట్ అయిన కేంద్రం, బ్రిటన్ నుంచి వచ్చే విమానాలను, ఈ నెల 31 వరకు రద్దు చేస్తున్నట్టు కీలక ప్రకటన విడుదల చేసింది. రేపు అర్ధరాత్రి నుంచి బ్రిటన్ నుంచి వచ్చే అన్ని విమానాలు రద్దు అవుతాయని తెలిపింది. బ్రిటన్ లో కొత్త రకం స్ట్రెయిన్ అత్యంత పవర్ ఫుల్ అని తేలటంతో, ఈ నిర్ణయం తీసుకున్నారు. ఇప్పటికే బ్రిటన్ ఆరోగ్య మంత్రి, పరిస్థితి చేయి దాటి పోయిందని ప్రకటించారు. దీంతో అన్ని దేశాలు అలెర్ట్ అయ్యాయి.

ఆంధ్రప్రదేశ్ రాష్ట్రంలో కొత్త రాజకీయ సమీకరణాలు ఏర్పడిన సంగతి తెలిసిందే. 2019 ఎన్నికల ముందు, బీజేపీని ఉత్తరాది పార్టీ అని చెప్పిన జనసేన పార్టీ, ఎన్నికలు అయిన తరువాత, మారిన రాజకీయ పరిస్థితిలో బీజేపీతో కలిసింది. బీజేపీ, జనసేన కలిసి రాజకీయ శక్తిగా ఏర్పడ్డారు. అయితే ఇక్కడ వరకే కానీ, ఎదో ఒకటి రెండు సందర్భాలు తప్పితే, ఎవరి పర్యటనలు వాళ్ళు, ఎవరి నిరసనలు వాళ్ళు తెలుపుతున్నారు. మిత్రపక్షాలు రెండు కలిసి చేసిన కార్యక్రమాలు చాలా తక్కువ అనే చెప్పాలి. జనసేన తమ కార్యక్రమాలు తాము చేసుకుని పోతుంటే, బీజేపీ తనదైన శైలిలో వెళ్తుంది. ముఖ్యంగా సోము వీర్రాజు అధ్యక్ష్యుడు అయిన తరువాత, ఆయన వైఖరి జగన్ కు అనుకూలంగా బయటకు కనిపించటంతోనే, పవన్ కొంచెం దూరంగా ఉన్నారనే వైఖరి కనిపిస్తుంది. ఇది ఇలా ఉంటే, ఎన్నికల విషయంలో కూడా జనసేనను బీజేపీ పట్టించుకోవటం లేదనేది అర్ధం అవుతుంది. హైదరాబాద్ జీహెచ్ఎంసి ఎన్నికల్లో ఇదే వైఖరితో, పవన్ కళ్యాణ్ కు విసుగు పుట్టి, తమ అభ్యర్ధుల జాబితా కూడా ఇచ్చేసారు. అయితే తరువాత రంగంలోకి దిగిన బీజేపీ పెద్దలు, జనసేనను పోటీ నుంచి తప్పించేలా చేసారు. ప్రతి సందర్భంలో జనసేనను దూరంగానే పెట్టారు తెలంగాణా బీజేపీ నేతలు. అయితే ఈ సంఘటనలు తరువాత పవన్ కళ్యాణ్ ఢిల్లీ వెళ్లి, బీజేపీ అధ్యక్షుడు నడ్డాని కలిసి, తిరుపతి ఎంపీ సీటు జనసేనకు ఇవ్వాలని కోరారు.

దీని పై కమిటీ వేద్దాం అని నడ్డా చెప్పటంతో, పవన్ వచ్చేసారు. అయితే కమిటీ ఏమి చెప్పకుండానే, సోము వీర్రాజు బీజేపీ అభ్యర్దే తిరుపతి ఎంపీ సీటు పోటీ చేస్తున్నారని చెప్పేసారు. దీంతో జనసేన కౌంటర్ స్ట్రాటజీ ప్రారంభించింది. జనసేన పార్టీ తమ పార్టీ తరుపున ఒక కమిటీ వేసింది. ఈ కమిటీ రిపోర్ట్ కూడా ఇచ్చింది. బీజేపీకి గతంలో నోటా కంటే ఎక్కువ ఓట్లు వచ్చాయని, జనసేన బలంగా ఉందని తేల్చారు. గతంలో ఇక్కడ చిరంజీవి గెలిచిన విషయాన్ని గుర్తు చేసారు. అలాగే కేంద్రం పై తిరుపతి ప్రజలు ఆగ్రహంగా ఉన్నారని, ఇక్కడే ప్రత్యెక హోదా ప్రకటించి ఇవ్వలేదని, అలాగే ఒక్క అంతర్జాతీయ విమానం కూడా ఇక్కడకు తీసుకు రాలేదని, ఐఐటీకి ఇప్పటికీ సొంత భవనాలు లేవని, అందుకే కేంద్రం పై తిరుపతి ప్రజలు ఆగ్రహంగా ఉన్నారని తేల్చారు. ఇక తిరుపతి స్థానిక జనసేన నేతలు కూడా మీడియా ముందుకు వచ్చి, బీజేపీని కౌంటర్ చేస్తున్నారు. జనసేన నేత కిరణ్‌ మాట్లాడుతూ, సోము వీర్రాజు ఏకపక్షంగా మాట్లాడారని, అభ్యర్ధి ఎవరు అనేది, జేపీ నడ్డా, పవన్‌ చర్చించి ప్రకటిస్తారని చెప్పారు. ఆ అభ్యర్ధి ఎవరో వీర్రాజు కూడా తెలియదని అన్నారు. దీంతో ఇప్పుడు బీజేపీ, జనసేన మధ్య సయోధ్య కుదురుతుందా, ఎవరు తగ్గుతారు అనేది చూడాలి.

ఇది దేశ వ్యాప్తంగా వార్త అయినా, మన ఆంధ్రప్రదేశ్ రాష్ట్రానికి మాత్రం, ఇంకొంచెం ఎక్కువ వార్త అనే చెప్పాలి. 151 సీట్లు గెలిచిన జగన్ మోహన్ రెడ్డి ప్రభుత్వం, అన్ని రకాలుగా విఫలమై, కేవలం అప్పులు చేసి, జీతాలు ఇచ్చే పరిస్థితికి వచ్చింది. ఆర్ధికంగా ఇబ్బందులు ఒక వైపు ఉంటే, మరో పక్క దళితులు, బీసిలు, మహిళల పై దా-డు-లు నిత్యకృత్యం అయిపోయాయి. ఇక రైతులు సంగతి చెప్పటానికి కూడా ఏమి లేదు. వరుస విపత్తులతో, ప్రభుత్వ సాయం ఏమిలేక కుదేలైపోయారు. మరోపక్క వైసిపీ మాత్రం, సంక్షేమం అదరగొట్టేస్తున్నాం, ఇవన్నీ లైట్ అంటుంది. వీటి అన్నిటి నేపధ్యంలో, మొన్నా మధ్య చంద్రబాబు నాయుడు మాట్లాడుతూ, ప్రజలు కష్టాలు త్వరలోనే ఆగిపోతాయని, త్వరలోనే జమిలీ ఎన్నికలు వచ్చేస్తున్నాయని అన్నారు. అయితే దీన్ని వైసీపీ హేళన చేసింది. జమిలీ లేదు ఏమి లేదు, 5 ఏళ్ళ వరకు ఎన్నికలు ఉండవు, ఎప్పటి లాగే ఎన్నికలు ఉంటాయి, చంద్రబాబు మభ్య పెడుతున్నారు అంటూ ఎదురు దాడి చేసింది. అయతే నెల రోజులు క్రితం ప్రధాని మోడీ, మొదటి సారి జమిలి ఎన్నికల ప్రస్తావన తెచ్చారు. దేశంలో ఎప్పుడూ ఎన్నికలు జరుగుతూనే ఉంటున్నాయని, జమిలి ఎన్నికల పై చర్చ జరగాలి అంటూ, చేసిన వ్యాఖ్యలతో, చంద్రబాబు మాటలు నిజం అయ్యాయి. అయినా సరే, వైసీపీ జమిలి లేదు ఏమి లేదు అంటూ చెప్పుకుంటూ వచ్చింది.

అయితే ఈ రోజు ఏకంగా కేంద్ర ఎన్నికల సంఘం సంచలన ప్రకటన చేసింది. మేము జమిలి ఎన్నికలకు సిద్ధంగా ఉన్నాం అంటూ సంచలన వ్యాఖ్యలు చేసారు. పార్లమెంట్ లో సవరణ చేస్తే చాలని, తాము జమిలి ఎన్నిలకు రెడీ అంటూ కేంద్ర ఎన్నికల కమీషనర్ సునీల్ అరోరా ప్రకటించారు. దేశంలో ఎప్పుడూ ఎదో ఒక ఎన్నిక జరుగుతూనే ఉంటుందని, దీని వల్ల దేశ అభివృద్ధి కుంటు పడిపోతుందని, అందుకే దీని పై చర్చ జరగలాని సునీల్ అరోరా అన్నారు. ఎప్పుడు ఎన్నికలు జరగటం వల్ల ఖర్చు కూడా అధికం అవుతుందని, అనవసరపు ఖర్చుని కూడా తగ్గించవచ్చని సునీల్ అరోరా అన్నారు. గతంలో నరేంద్ర మోడీ చెప్పిన మాటలు, నేడు ఎన్నికల కమీషనర్ చెప్పిన మాటలు చూస్తుంటే, జమిలి ఎన్నికలు ఖాయంగానే వస్తాయని అర్ధం అవుతుంది. చంద్రబాబు చెప్పిన మాటలు కూడా నిజం అని తేలింది. 5 ఏళ్ళు అధికారం ఉంటుంది అనుకున్న వైసీపీకి, మూడేళ్ళలోనే ఎన్నికలకు వెళ్ళే పరిస్థితి వచ్చేలా ఉంది. నిజంగానే జమిలి ఎన్నికలు వస్తాయా ? వస్తే ఎవరికి లాభం ? ఎవరికి నష్టం ? చూద్దాం అసలు ఈ విషయంలో ఏమి జరుగుతుందో.