news

తెలుగుదేశం పార్టీ రాష్ట్ర అధ్యక్షులు కింజరాపు అచ్చెన్నాయుడు జగన్ పై విరుచుకు పడ్డారు, ఆయన మాటల్లోనే, "జనాన్ని తాకట్టు పెట్టి రుణాలు తెచ్చేందుకు జగన్ రెడ్డి సిద్ధమయ్యారు. మున్సిపల్ పన్నులు పెంచి సామాన్యుల నడ్డి విరిచేందుకు పూనుకున్నారు. మోటార్లకు మీటర్లు పెట్టేందుకు మీరు ఒప్పుకోబట్టే కేంద్రం రుణాలకు అనుమతి ఇచ్చింది. రేషన్ సరుకుల ధరల పెంచి పేదల నోటి దగ్గర కూడు లాగేశారు. రూ.2,525 కోట్ల అదనపు రుణం తీసుకునేందుకు ప్రజల మెడలకు ఉరితాళ్లు బిగిస్తారా? మీటర్లు అమర్చి రైతులు గొంతునొక్కే ప్రయత్నం చేస్తున్నారు. అసలే తీవ్ర నష్టాలతో ఇబ్బందులు పడుతున్న రైతాంగాన్ని మీటర్ల బిగింపుతో కోలుకోలేని ఇబ్బందులకు గురి చేస్తున్నారు. కాగ్ రిపోర్టు ప్రకారం ఆరు నెలల్లో చేయాల్సిన అప్పుకుంటే 14 శాతం అధికంగా జగన్ రెడ్డి అప్పులు చేశారు. దేశంలో ఏ రాష్ట్రమూ చేయనంత అప్పులు చేశారు. గత ఏడాది 39 శాతం మద్యంపై ఆదాయం వస్తే ఈ ఏడాది 59 శాతం ఆదాయం వచ్చింది. ఇంత ఆదాయం వచ్చినా అప్పులెందుకు పెరిగాయి? పెట్రోల్, లిక్కర్, డీజల్ పెంచడం వల్ల రూ.20 వేల కోట్లు అదనపు ఆదాయం వచ్చింది. కేంద్రం ఇచ్చే డబ్బులు, అప్పులు మీద, ప్రజలపై వేసే పన్ను భారాల మీద ఆధారపడి జగన్ ప్రభుత్వాన్ని నడుపుతున్నారు. 18 నెలలైనా ఇంకా ఆదాయాన్ని పెంచలేక ప్రజలపై పన్నులు వేసి ఆదాయాన్ని పిండుతున్నారు. ఆదాయం పెంచడానకి మీకు ప్రజలు తప్ప మరో ప్రత్యామ్నాయం కనబడకపోవడం దురదృష్టకరం. రుణాల మీద ఉన్న మోజు ఆదాయన్ని పెంచడంపై ఎందుకు లేదు?"

"మీరు చేసే అప్పులు రాష్ట్ర ప్రజలకు భవిష్యత్తులో గుదిబండగా మారనున్నాయి. పాలన చేతకాక ఇంట్లో కూర్చుని రుణాలు మరిగి పన్నుల రూపంలో ప్రజల రక్తాన్ని తాగుతున్నారు. జగన్ మాఫీయా రాష్ట్రాన్ని కొండశిలువల్లా చుట్టేసి ప్రజలను లూటీ చేస్తున్నారు. ఒక పక్కన అడ్డగోలుగా పన్నులు పెంచుతూ ప్రజల జీవన ప్రమాణాలు దెబ్బతీస్తున్నారు. ఇంకో పక్క ఆర్ధిక వ్యవస్థను చిన్నా భిన్నం చేస్తూ ఆర్థిక వ్యవస్థ పతనానికి మూలకారకుడు జగన్ వ్యవహరిస్తున్నారు. ప్రజల చెమటోడ్జి సంపాదించుకున్న డబ్బును శిస్తుల రూపంలో గుంజుకోవడం పద్దతి కాదు. ప్రజల కడుపుమాడ్చి వైసీపీ నేతల జేబులను జగన్ నింపుతున్నారు. మీ స్థానంలో సామాన్యులను కూర్చోబెట్టినా రాష్ట్ర ఆర్థిక పరిస్థితి ఇంత దిగజారి ఉండేది కాదు. దశ, దిశ లేక రాష్ట్రాన్ని దివాళా తీయించారు. 18 నెలల్లో లక్షా 40 వేల కోట్ల రూపాయల అప్పులు తెచ్చి రాష్ట్రాన్ని అప్పుల కుప్పగా మార్చారు. రాష్ట్రంలో ఎక్కడా ఒక్క తట్ట మట్టి తీయలేదు. ఒక్క బొచ్చెడు కాంక్రీట్ వేయలేదు. సృష్టించిన ఆస్తి ఒక్కటీ లేదు. ఒక్క ప్రాజెక్టు నిర్మాణంకానీ, ఒక రోడ్డు నిర్మాణం కానీ చేసింది లేదు. లక్ష40 వేలకోట్లు ఎవరి జేబుల్లోకి వెళ్లింది.?ప్రజల రోజు వారి ఆదాయం దారుణంగా పడిపోయి ప్రజల జీవనం దుర్భరంగా మారింది" అని అచ్చెన్నాయుడు
అన్నారు.

ఏబీవీ పై దేశ ద్రోహం కేసు పెట్టాలి... ఏబీవీ తన అవినీతి కోసం, దేశాన్ని పణంగా పెట్టారు. దేశం విడిచి పారిపోతారు, లుక్ అవుట్ నోటీసులు ఇవ్వాలి. రక్షణ పరికరాలు కొనుగోలు చేసి, దేశాన్నే ప్రమాదంలో పెట్టారు. ఇవి గతంలో వైసీపీ నేతలు, ఎమ్మెల్యేలు చేసిన వ్యాఖ్యలు... అయితే ప్రభుత్వం ఏబీవీ పై అభియోగాలు మోపి ఆయన్ను సస్పెండ్ చేసారు. దీని పై న్యాయస్థానాల్లో కూడా పోరాటాలు చేసారు. అయితే దీని పై సుప్రీం కోర్టులో కేసు వచ్చిన సమయంలో, చార్జ్ షీట్ ఏది అని సుప్రీం కోర్టు అడిగితే, ఆయన్ను సస్పెండ్ చేసిన 10 నెలలు తరువాత, ఏబీవీ పై చార్జెస్ నమోదు చేసారు. అయితే ఈ చార్జెస్ లో గతంలో చెప్పినట్టు దేశ ద్రోహం విషయం కానీ, ఆయన దేశ ద్రోహం చేస్తూ ఏమైనా చేసారా ? ఏమన్నా వేల కోట్ల స్కాం చేసారా ? పోనీ కనీసం ఒక కోటి రూపాయల చార్జెస్ అయినా ఫ్రేమ్ చేసారా ? అసలు ప్రభుత్వం ఏమి చెప్పిందో అని అందరూ ఆసక్తిగా చూసారు. అయితే ప్రభుత్వం మొత్తంగా ఒక 17 పేజీల జీవో విడుదల చేసింది. క్రమశిక్షణా చర్యలు తీసుకుంటున్నాం అంటూ, ఆ నోట్ లో తెలిపారు. అయితే గతంలో చెప్పినట్టు, ఎక్కడా దేశ ద్రోహం గురించి ప్రస్తావనే లేదు. దీంతో అందరూ ఆశ్చర్య పోయారు. గతంలో అంతలా హడావిడి చేసి, ఆయన పరువు తీసి, డీజీ క్యాడర్ ఉండే ఒక అధికారిని ఇలా పరువు తీసి, చివరకు చార్జెస్ పెట్టే సమయంలో మాత్రం, ఎక్కడా దేశ ద్రోహం గురించి ప్రస్తావన చేయలేదు. ఆయన స్పయింగ్ చేసారు అని గతంలో చెప్పిన మాట కూడా లేదు. దేశ ద్రోహం చేస్తే ఆయన పై క్రిమినల్ చర్యలు, సెక్షన్స్ కింద కేసులు పెట్టాలి. అయితే ఆయనకు కేవలం క్రమశిక్షణ చర్యలు కింద మాత్రమే ఈ నోట్ లో నోటీస్ ఇచ్చారు. మరి గతంలో చేసిన ఆరోపణలు ఏమై పోయాయో తెలియదు. గతంలో ఏబీవీ కొన్ని టూల్స్ కావాలని, డీజీపీకి ప్రపోజల్ పెట్టారు, దానికి డీజీపీ ఒక కమిటీ వేసారని, చివరకు టెండర్ వేసారని, కొన్ని కంపెనీలు వచ్చినా, కేవలం ఒక కంపెనీ మాత్రమే ఈ టెండర్ కు ఎలిజిబిల్ అయ్యిందని అన్నారు.

ఈ ఎలిజీబిల్ అయిన కంపెనీ, ఏబీవీ కొడుకు ఒక ప్రతినిధి అని అంటున్నారు. అయితే దీనికి సంబంధించి ఆధారాలు అయితే ఇప్పటి వరకు ఇవ్వలేదు. అలాగే ఈ టూల్స్ కొనుగోలు కోసం, కేంద్ర సంస్థలో డీజీపీ డబ్బులు డిపాజిట్ చేసారని తెలిపారు. అయితే మధ్యలో ఏబీవీ, డీజీపీకి లేఖ రాస్తూ, తమకు ఈ టూల్స్ తొందరగా కావలని, ఫార్మాలిటీస్ పూర్తి చేసి, తొందరగా వచ్చేలా చూడాలని లేఖ రాసారని తెలిపారు. అయితే ఇందులో లోపాలు ఉన్నాయి అంటూ, ప్రభుత్వం ఈ ప్రోపోజల్ వెనక్కు తీసుకుంటున్నట్టు, డీజీపీ కేంద్ర సంస్థ స్టేట్ ట్రేడింగ్ కార్పొరేషన్ లేఖ రాసారు. 24 కోట్ల 50 లక్షలు రాష్ట్ర ప్రభుత్వం కట్టిన డబ్బు వెనక్కు ఇవ్వాలని కోరారు. అయితే కేంద్ర సంస్థ, ఇన్నాళ్ళు దీని పై మేము వర్క్ చేసామని, పేపర్ వర్క్ కింద ఇన్నాళ్ళు చేసినందుకు పది లక్షలు కట్ చేసి, మిగతా డబ్బులు రాష్ట్రానికి తిరిగి ఇచ్చేసారు. అయితే ఏబీవీ వల్లే ఈ 10 లక్షల నష్టం అంటూ చివరకు తేల్చారు. అయితే ఇక్కడ ఏబీవీకి ఏ సంబంధం ఉండదు. ఏదైనా చేసేది డీజీపీ, కొనేది కేంద్ర సంస్థ స్టేట్ ట్రేడింగ్ కార్పొరేషన్. అయితే కొనుగోళ్ళు జరగలేదు. అయితే పది లక్షలు నష్టం జరిగింది, ఏబీవీ బాధ్యలు అవుతారని అంటున్నారు, అవి తీసుకుంది కూడా కేంద్ర సంస్థే. మొత్తంగా ఈ చార్జెస్ చూసిన తరువాత, సుప్రీం కోర్టు ఎలా స్పందిస్తుందో చూడాలి. ప్రభుత్వం వేసిన చార్జెస్ చూస్తే, అసలు కొనుగోళ్ళు జరగలేదు, టెండర్ ప్రభుత్వమే రద్దు చేసింది, 10 లక్షలు కూడా కేంద్రమే తీసుకుంది, ఏబీవీ రూపాయి తీసుకునట్టు ఆధారాలు లేవు. చూద్దాం, న్యాయస్థానాలు ఏమి చేస్తాయో.

రాజకీయ నాయకులు ఒక మాట మీద ఉండరు అనేది అందరికీ తెలిసిందే. అయితే కొంచెం గ్యాప్ ఇచ్చి మాటలు మారుస్తూ ఉంటారు. అయితే మన రాష్ట్రంలో మాత్రం మరీ పది రోజులు కూడా ఒక మాట మీద ఉండటం లేదు అధికార పార్టీ నేతలు. మళ్ళీ మాట తప్పం, మడమ తిప్పం అంటూ,బ్రాండింగ్ చేసుకుంటూ ఉంటారు. విషయానికి వస్తే కేంద్రం తెచ్చిన రైతు చట్టాల విషయంలో దేశ వ్యాప్తంగా ఎలాంటి పరిస్థితి ఉందో అందరికీ తెలిసిందే. ఏకంగా ప్రధాని మోడీ, అమిత్ షా డైరెక్ట్ గా రంగంలోకి దిగి, పరిస్థితి చక్క దిద్దే పరిస్థితి వచ్చింది. సహజంగా మోడీ, షా అనుకున్నది చేసుకుంటూ వెళ్ళిపోతారు. ఎవరి మాట వినరు. ఎవరు వద్దు అని చెప్పినా, వారు చెయ్యాలి అనుకున్నదే చేస్తారు. అయితే మొదటి సారి వాళ్ళు కూడా ఒక మెట్టు దిగి రావాల్సి వచ్చింది. అంతటి సీరియస్ సబ్జెక్ట్ ఇది. రైతులు గట్టిగా నిరసనలు తెలిపితే, బీజేపీ ప్రభుత్వం షేక్ అవ్వటానికి కూడా ఎక్కువ సమయం పట్టదు అని విశ్లేషకులు అభిప్రాయ పడుతున్నారు అంటే, అర్ధం చేసుకోవచ్చు. ఈ వ్యతిరేకత అర్ధం అయ్యే మొన్న రైతులు ఇచ్చిన భారత్ బంద్ విషయంలో ఆంధ్రప్రదేశ్ లో అధికార వైసీపీ పార్టీ కూడా మాట మార్చి, రైతుల బంద్ కు మద్దతు తెలిపింది. పార్లమెంట్ లో బిల్లుకు వైసిపీ బేషరతుగా మద్దతు ప్రకటించింది. రాజ్యసభలో విజయసాయి రెడ్డి అయితే, బీజేపీని ప్రసన్నం చేసుకోవటానికి, ఏకంగా కాంగ్రెస్ పార్టీని దళారీ అంటూ టార్గెట్ చేసారు.

అంతలా భజన చేసి, చివరకు రైతులు భారత్ బంద్ కు మద్దతు ఇచ్చారు. ఇక్కడ వరకు బాగానే ఉంది. అమిత్ షా, జగన్ ను ఢిల్లీ రమ్మన్నారు అని వార్తలు వచ్చయి. వ్యవసాయ చట్టాల విషయంలో ప్రజలకు అవగాహన కలిగిచటంలో మద్దతు కావాలని కోరినట్టు వార్తలు వచ్చాయి. అంతే జగన్ ఢిల్లీ నుంచి వచ్చారో లేదో, బీజేపీ కంటే ఎక్కువగా వ్యవసాయ బిల్లులకు మద్దతుగా వైసీపీ ప్రచారం మొదలు పెట్టింది. రైతులు బంద్ కు మద్దతు ఇచ్చి, పట్టుమని పది రోజులు కూడా అవ్వకుండానే, ఇప్పుడు మళ్ళీ మాట మార్చేసారు. గుంటూరు జిల్లా రొంపిచర్లలో వైసీపీ ఎంపీ లావు శ్రీ కృష్ణదేవరాయలు మాట్లాడుతూ, కేంద్రం తీసుకుని వచ్చిన వ్యవసాయ చట్టాల విషయంలో అపోహలు వద్దని, ప్రతిపక్షాలు తప్పుదోవ పట్టిస్తున్నాయని, కొత్త వ్యవసాయ చట్టాలతో ఎంతో మేలని, ఇప్పుడున్న మార్కెట్ యార్డులకు వచ్చే ఇబ్బందులు ఏమి లేవని, అపోహలు మానుకోవాలి అంటూ, వ్యవసాయ చట్టాల పై రైతులకు అవగహన కల్పించారు. ఇలా రోజుకి ఒక విధంగా వైసీపీ మాట్లాడటంతో, అసలు వీళ్ళ స్టాండ్ ఏమిటో అర్ధం కావటం లేదు.