news

తిరుపతి పర్యటన సందర్భంగా ఎయిర్ పోర్ట్ నుంచి సభా వేదిక వద్దకు బయల్దేరగా, స్వాగతం చెప్పేందుకు వచ్చిన కార్యకర్తలపై పోలీసుల బలప్రయోగంపై చంద్రబాబు ఆగ్రహం వ్యక్తం చేశారు. చంద్రగిరి సమీపంలోని ఐతవోలు వద్ద పార్టీ విస్తృత సమావేశంలో చంద్రబాబు ప్రసంగిస్తూ, ‘‘మేము యుద్ధానికి పోవడంలేదు, ప్రభుత్వంపై దాడికి రాలేదు. నాపై అభిమానంతో స్వాగతం చెప్పేందుకు వచ్చిన యువకుడి తల పగులకొడతారా..? ద్విచక్ర వాహనాలతో ర్యాలీగా యువతరం వస్తే అక్కసుతో రభస చేస్తారా..? చినబయలుపల్లి యువకుడు పాకాల హేమంత్ ను తీవ్రంగా గాయపరుస్తారా..? నా పాలనలో పోలీసులకు, వైసిపి పాలనలో పోలీసులకు ఎంత తేడా ..? చాలామంది సీఎంలను, డిజిపిలను చూశాం. హద్దుమీరి ప్రవర్తిస్తే ఎవరికైనా ఇబ్బందులు తప్పవు. నా పోరాటం పోలీసులపై కాదు, వైసిపి ప్రభుత్వ ప్రజావ్యతిరేక చర్యలపైనే మా పోరాటం అంతా.." అంటూ చంద్రబాబు మండి పడ్డారు. అంతకు ముందు రోడ్డు పైనే, కొట్టిన పోలీసుల పై చంద్రబాబు తీవ్ర ఆగ్రహం వ్యక్తం చేసారు. ఇది మంచి పద్దతి కాదని పోలీసులను హెచ్చరించారు.

ఇక చంద్రబాబు చిత్తూరు జిల్లా టిడిపి విస్తృత సమావేశంలో మాట్లాడుతూ, జగన్ ప్రభుత్వ వైఖరి పై మండి పడ్డారు. "జగన్మోహన్ రెడ్డి మొదట్లో ‘‘సుబ్రమణ్యం అన్నా నువ్వే సీఎస్, గౌతమ్ అన్నా నువ్వే డిజిపి, మీరే నడిపించాలి నన్ను’’ అన్నారు..5నెలల్లోనే సుబ్రమణ్యం అన్నను గంగలో కలిపేశారు. రేపు కూడా మీ పరిస్థితి అదే..ఆయన మనస్తత్వమే అంత.. మాజీ ఎంపి ఎన్ శివప్రసాద్ రాష్ట్రం కోసం ఢిల్లీలో రాజీలేని పోరాటం చేశారు. నాకు బాల్య స్నేహితుడు, కలిసి చదువుకున్నాం, నా పిలుపుతోనే రాజకీయాల్లోకి వచ్చాడు, రాజకీయాలకే గౌరవాన్ని పెంచారు. ఇన్నాళ్లు మనకు స్పూర్తి ఇచ్చారు, ఇప్పుడాయన స్ఫూర్తితో మనం పార్టీ కోసం పనిచేయాలి. టిడిపి కార్యకర్తలపై, నాయకులపై అక్రమ కేసులు బనాయించారు. భౌతికదాడులు, ఆర్ధికదాడులు చేస్తున్నారు.బాధితులపైన నాన్ బెయిలబుల్ కేసులు, నిందితులపై బెయిలబుల్ కేసులు పెట్టడం ఇప్పుడే చూస్తున్నాం. ఛలో ఆత్మకూరుకు వెళ్తుంటే నా ఇంటి గేట్లకు తాళ్లు కట్టారు. ఈ తాళ్లే మీ ప్రభుత్వానికి ఉరితాళ్లని అప్పుడే హెచ్చరించాను. " అని చంద్రబాబు అన్నారు.

"నేను అడిగాననే అక్కసుతోనే ప్రజావేదికను కూల్చేశారు. కూల్చివేతలతో ప్రారంభమైన ప్రభుత్వం కూలిపోవడం ఖాయం. ప్రతిచోటా పులివెందుల పంచాయితీలు చేస్తున్నారు.ఇలాగే చేస్తే పులివెందుల పంపడం మిమ్మల్ని ఖాయం.
తొలి 6నెలల్లనే మంచి సీఎం అనిపించుకుంటా అనిచెప్పి 5నెలల్లోనే ఇంతకంటే చెత్త సీఎం ఉండడనే పేరు తెచ్చుకున్నారు. గతంలో చేసిన సీఎంలకు ఇలాంటి దుర్మార్గపు ఆలోచనలు వచ్చాయా..? ప్రజలకు సేవలు చేసే సీఎంలనే ఇప్పటిదాకా చూశాం. ప్రజలను బాధలు పెట్టే సీఎంను ఇప్పుడే చూస్తున్నాం. ప్రత్యర్ధి పార్టీలను అంతం చేయాలనే సీఎంను ఇప్పుడే చూస్తున్నాం. ‘‘తవ్వండి తవ్వండి’’ అని అధికారులను ఉసిగొల్పారు, సన్మానాలు చేస్తాం అన్నారు. ఏం తవ్వారు ఈ 5నెలలు..? కొండను తవ్వి ఏం పట్టారు..? వెంట్రుక కూడా పట్టుకోలేక పోయారు. నీతి నిజాయితీతో సేవాభావంతో పనిచేశాం. తండ్రి అధికారం అండతో రూ.43వేల కోట్ల అవినీతికి పాల్పడ్డారు. ఇప్పుడు తానే సిఎం అయ్యాక మరింత రెచ్చిపోయి దోపిడీకి పాల్పడుతున్నారు. ఇలాంటి సీఎంను ఎప్పుడైనా చూశారా..? ఒక వ్యక్తి ముఖ్యమంత్రిగా మారితే ఎన్ని ఇబ్బందులు వస్తాయో ఇప్పుడే చూశాం. 11మంది సీఎంల పాలనలో ఇన్ని ఇబ్బందులు ఎవరూ పడలేదు. జగన్ సీఎం అయ్యాకే అన్నివర్గాల ప్రజలు ఇబ్బందుల పాలయ్యారు." అని చంద్రబాబు అన్నారు.

అబ్దుల్ కలామ్ ప్రతిభ అవార్డుల పేరు మార్చేసి వైఎస్సార్ పేరు పెట్టడం పై ఇంకా దుమారం రేగుతూనే ఉంది. జాతీయ స్థాయిలో కూడా పెద్ద ఎత్తున విమర్శలు రావటంతో, జగన్ మోహన్ రెడ్డికి తెలియకుండా ఈ జీవో వచ్చిందని, ఆయనకు తెలిసిన వెంటనే, ఈ జీవోని రద్దు చేయ్యమన్నారని సిఎంఓ తెలిపింది. దానికి తగ్గట్టె ఈ జీవో రద్దు చేసారు. అయితే, ఓక ముఖ్యమంత్రికి తెలియకుండా ఇలాంటి జీవో వచ్చే పరిస్థితి ఉందా, అనే సందేహాలు కలుగుతున్నాయి. దీని పై తెలుగుదేశం పార్టీ తీవ్రంగా స్పందించింది. మాజీ ఆర్ధిక మంత్రి యనమల మాట్లాడుతూ, అబ్దుల్ కలామ్ ప్రతిభ అవార్డుల పేరు మార్చేసి వైఎస్సార్ పేరు పెట్టడం(జీవో 301) ఇంకో తుగ్లక్ చర్యగా అభివర్ణించారు. "జీవోకు, మెమోకు చాలా తేడా ఉంటుంది.. కార్యదర్శి,మంత్రి సంతకం లేకుండా జీవో రాదు. జీవో ఆర్ టి నెం 301 మీద మంత్రి సంతకం తప్పకుండా ఉంటుంది. ఈ జీవోపై సంతకం పెట్టిన మంత్రి ఎవరు? ఈ జీవోపై ముఖ్యమంత్రి సంతకం కూడా ఉంటుంది. జీవో 301 సమగ్ర వివరాలన్నీ ప్రజలకు వెల్లడించాలి. కలామ్ పేరుమార్పు జీవోపై నిజానిజాలను సీఎం జగన్ బహిర్గతం చేయాలి." అంటూ యనమల ధ్వజమెత్తారు.

యనమల మాట్లాడుతూ, "ఎవరి అనుమతితో జీవో 301 విడుదలైంది..? దానిపై సీఎం జగన్ సంతకం పెట్టారా లేదా..? జీవోపై సంతకం పెట్టమని మంత్రిని ఆదేశించింది సీఎం కాదా..? కొత్తగా నిన్న ఇచ్చిన జీవోపై ముఖ్యమంత్రి సంతకం పెట్టలేదా..? ఎవరి సంతకం,తేది,నెంబర్ లేకుండా ఈ కొత్త జీవో ఏమిటి..? మీరు చేసిన తప్పులకు అధికారులను బలిచేస్తారా..? జీవో 301రద్దు, కొత్త జీవో విడుదల గుట్టుమట్లన్నీ ప్రజలకు వివరించాలి. మతాలు, కులాల మధ్య చిచ్చు పెట్టడమే సీఎం జగన్ లక్ష్యం. అందులో భాగంగానే అబ్దుల్ కలాం పేరు మార్చడం కూడా.. ఆకస్మికంగా ఎల్ వి సుబ్రమణ్యం బదిలీపై కూడా అనేక అనుమానాలు. సిఎస్ బదిలీపై రకరకాల వ్యాఖ్యానాలు వినిపిస్తున్నాయి. కుల,మత విద్వేషాలతోనే ఎల్వీ బదిలీ కూడా అంటున్నారు..సిఎస్ ఆకస్మిక బదిలీ లోగుట్టు వెంటనే బైటపెట్టాలి. కులాలవారీగా,మతాలవారీగా సమాజాన్ని చీల్చడమే సీఎం జగన్ లక్ష్యం, తద్వారా రాజకీయలబ్ది పొందడమే వైసిపి దుర్మార్గం." అని అన్నారు.

"కేపిటల్ లేకుండా ఏపి మ్యాప్ విడుదలకు కారణం వైసిపి ప్రభుత్వమే..రాజధానిపై మంత్రి బొత్స వ్యాఖ్యలు, సీఎం చర్యలే దీనికి కారణం. రాజధానిని మారుస్తామని, ఎక్కడో కమిటి నిర్ణయిస్తుందని బొత్స వ్యాఖ్యలు చేశారు. సీఎం జగన్ ప్రమేయంతోనే బొత్స వివాదాస్పద వ్యాఖ్యలు. రాజధానిని మారుస్తామన్న బొత్స వ్యాఖ్యల నేపథ్యంలోనే మ్యాప్ లో అమరావతిని ఎత్తేశారు. రాజధానిపై గెజిట్ నోటిఫికేషన్ లేదని తప్పుడు వ్యాఖ్యలు చేశారు. గెజిట్ చూపించేసరికి సైలెంట్ అయ్యారు. ఆ తరువాత రాజధానిపై కమిటి వేశామన్నారు. అన్నిప్రాంతాలవారు దానికి లేఖలు పంపాలని మెయిల్ ఐడి ఇచ్చారు. ఇదంతా జరిగాకే రాజధాని లేకుండా ఏపి మ్యాప్ ఇచ్చారనేది గుర్తించాలి. వైసిపి నిర్వాకాలను టిడిపికి చుట్టాలని చూడటం హేయం. సంక్షేమం కోసం ప్రభుత్వ స్థలాల అమ్మకం ఇంకో తుగ్లక్ చర్య. ఇప్పటికే ప్రాజెక్టులన్నీ మేఘా సంస్థకు కట్టబెట్టారు. రివర్స్ టెండర్ అని చెప్పి సింగిల్ టెండర్ కే ఇచ్చారు. ఇప్పుడు ప్రభుత్వ స్థలాలన్నీ వైసిపి నేతలకు ధారాదత్తం. రాష్ట్రాన్ని, భూములను వాటాలు వేసుకుని వైసిపి నేతలు పంచుకున్నారు. దీనికి తగిన మూల్యం చెల్లించక తప్పదు." అంటూ యనమల స్పందించారు.

చీఫ్ సెక్రటరీగా ఉన్న ఎల్వీ సుబ్రమణ్యంను రెండు రోజుల క్రితం ఉన్నట్టు ఉండి, ఆంధ్రప్రదేశ్ రాష్ట్ర ప్రభుత్వం బదిలీ చేసింది. ఎల్వీ సుబ్రమణ్యంను బాపట్లలోని ఆంధ్రప్రదేశ్‌ మానవ వనరుల అభివృద్ధి సంస్థకు డైరెక్టర్‌ జనరల్‌గా బదిలీ చేస్తూ ఆంధ్రప్రదేశ్ రాష్ట్ర ప్రభుత్వం నిర్ణయం తీసుకుంటూ జీవో జారీ చేసింది. దీని ప్రకారం ఈ రోజు, ఏపీ ప్రభుత్వ చీఫ్ సెక్రెటరి బాధ్యతలను ఎల్వీ సుబ్రమణ్యం, తాత్కాలిక చీఫ్ సెక్రటరీకి నీరబ్‌కుమార్‌కు ఈ రోజు అప్పగించారు. అయితే ఇక్కడ వరకు బాగానే ఉన్నా, ఎల్వీ మాత్రం బాపట్లలో హెచ్‌ఆర్‌డీ డీజీగా బాధ్యతలు తీసుకోలేదు. రాష్ట్ర ప్రభుత్వానికి షాక్ ఇస్తూ, ఆయన సెలవు పై వెళ్ళిపోయారు. ఎల్వీ సుబ్రహ్మణ్యం వచ్చే నెల 6వ తేదీ వరకు సెలవు పెట్టారు. అయితే ఎల్వీ ఇలా సెలవు పై వెళ్ళటం పై, రకరకాల వాదనలు వనిపిస్తున్నాయి. తనను అవమానకరంగా తప్పించారని, ఎల్వీ సుబ్రమణ్యం తన సన్నిహితులు వద్ద బాధపడుతున్నారని సమాచారం.

అయితే ఆయాన ఆంధ్రప్రదేశ్ ప్రభుత్వ నిర్ణయం పై ట్రిబ్యునల్ కు వెళ్లి, ఏపి ప్రభుత్వం నిర్ణయం పై చాలెంజ్ చేసే అవకాశాలు ఉన్నాయని వార్తలు వస్తున్నాయి. మరో పక్క, ఎల్వీ కేంద్రాని సర్వీస్ లకు కూడా వెళ్ళే అవకాసం ఉందని, దాని పై కూడా ఆయన కేంద్రంతో మాట్లాడుతున్నారని సమాచారం. చీఫ్ సెక్రటరీని ట్రాన్స్ఫర్ చేసిన తరువాత, ఉన్నట్టు ఉండి ఇలా ఎందుకు ప్రభుత్వం నిర్ణయం తీసుకుంది అనే అంశం పై, కేంద్రం కూడా ఆరా తీసినట్టు సమాచారం. ఇంటలిజెన్స్ ద్వారా, పూర్తీ వివరాలు సేకరించిందని, కేంద్రం కూడా ఏపి ప్రభుత్వ నిర్ణయం పై, చీఫ్ సెక్రటరీని ఇలా సాగనంపటం పై ఆగ్రహం వ్యక్తం చేసినట్టు తెలుస్తుంది. అయితే, ఆయన్ను కేంద్ర సర్వీసుల్లోకి తీసుకునే అవకాశం ఉందని తెలుస్తుంది.

ముఖ్యంగా 5 నెలలు పైగా ఆయనకు సర్వీస్ ఉండగా, ఆయన్ను చీఫ్ సెక్రటరీ స్థానం నుంచి బదిలీ చెయ్యటం పై, కేంద్రం ఆగ్రహంగా ఉందని సమాచారం. ఎన్నికల సమయంలో, కేంద్రం అప్పుడు ఉన్న చీఫ్ సెక్రటరీని మార్చి, ఎల్వీ సుబ్రహ్మణ్యం ను పెట్టింది. అంటే, ఆయన కేంద్రానికి దగ్గరగా ఉన్నారని అక్కడే తెలుస్తుంది. మొదట్లో జగన్ కు, ఎల్వీకి మధ్య మంచి సంబంధాలే ఉన్నాయి. అన్నా అన్నా అంటూ, జగన్ మోహన్ రెడ్డి, ఎల్వీని ఆకాశానికి ఎత్తే వారు. అయితే, ఏమైందో ఏమో కాని, జగన్ తన ప్రినిసిపాల్ సెక్రటరీ ద్వారా, ఎల్వీకి పొమ్మనలేక పొగ పెట్టారు. దానికి రియాక్ట్ అయిన ఎల్వీ, పరిధులు దాటటంతో, ప్రవీణ్ ప్రకాష్ కు షోకాజ్ నోటీసు ఇచ్చారు. దీంతో ఆయన మరుసటి రోజే బదిలీ అయిపోయారు. ఇప్పుడు సెలవు పై వెళ్ళిపోయారు.