news

ఆంధ్రప్రదేశ్ శాసనసభా బడ్జెట్ సమావేశాలు ఈ నెలాఖరుకు జరిగే అవకాశాలు లేవంటున్నారు. కరోనా వ్యాప్తి నియంత్రణ చర్యల్లో భాగంగా ప్రభుత్వం ఈ నిర్ణయం తీసుకున్నట్లు విశ్వసనీయ సమాచారం. బడ్జెట్ అసెంబ్లీ సమావేశాలు వాస్తవానికి ఈ నెల27నుంచి ప్రారంభం కావాల్సివుంది. ఈ సమావేశాలను పరిమిత దినాలకు కుదించి నిర్వహించాలనుకుంటున్నట్లు రాష్ట్రంలో లాక్ డౌన్ ప్రకటన వెలువరించే సందర్భంలో వైఎస్ జగన్ ప్రకటించారు. అయితే కేంద్రప్రభుత్వం 21రోజుల లాక్ డౌన్ ను పాటించాలని ప్రకటించింది. అంతేకాకుండా పార్లమెంటు సమావేశాలను నిరవధికంగా వాయిదా వేసారు. ఈ దశలో బడ్జెట్ సమావేశాలకు సంబంధించి ప్రభుత్వం కీలక నిర్ణయం తీసుకోవాలని భావిస్తుంది.

ఆ దిశలో ప్రభుత్వం న్యాయనిపుణలుతోను, చట్టసభా వ్యవహా రాల పై అవగాహన వున్న మేథావులతో చర్చలు జరువుతుందంటున్నారు. ఇప్పటికే ప్రభుత్వం ఈ అంశం పై వలు పర్యా యాలు సమీక్షా సమావేశాలు నిర్వహించిందంటున్నారు. జగన్ బడ్జెట్ సమావేశాల స్థానంలో ఆర్డినెన్స్ ను తీసుకుని వచ్చే విషయంలో ఆర్థికమంత్రి బుగ్గన రాజేంద్రనాద్ రెడ్డి, ముఖ్య మంత్రి ప్రధాన సలహాదారులు అజేయ్ కల్లం, సజ్జల రామకృష్ణారెడ్డిలతో సమీక్షించినట్లు సమాచారం. గతంలో ఉమ్మడి ఏపిలో ఉండగా, రాష్ట్ర వార్షిక ప్రణాళిక పై అప్పటి రాష్ట్ర ప్రభుత్వం ఆర్డినెన్స్ ను జారీ చేసిన విషయం ప్రస్తావనకు వచ్చినట్లు కథనాలు ప్రచారంలో ఉంది.

కరోనా వ్యాపిస్తున్న తరుణంలో కేం ద్ర ఎన్నికల సంఘం రాజ్యసభ ఎన్నికలనే వాయిదా వేసింది. ఈ వరిస్థితుల నడుమ అసెంబ్లీని నిర్వహించడం సరికాదని జగన్ వ్యాఖ్యానించినట్లు చెబుతున్నారు. ఈ పరిస్థితుల్లో రెండునెలల వ్యయాల కోసం ఆర్డినెన్స్ ను జారీ చేసేందుకు ప్రభుత్వం సంసిద్ధమైందంటున్నారు. ఇందుకు సంబంధించి ప్రభుత్వం గురువారంగాని, ఆ తరువాత రోజుగాని, క్యాబినెట్ సమావేశం పెట్టి, కీలకమైన ఆర్డినెన్స్ ను జారీ చేసే అవకాశం ఉందంటున్నారు. అసెంబ్లీ సమావేశాలను 27నకాకుండా నిరవధికంగా రెండు నెలలపాటు వాయిదా వేసే అవకాసం ఉందంటున్నారు. అప్పటికి పూర్తిస్థాయిలో పరిస్థితులు అందుబాటులోకి వచ్చే అవకాశాలున్నట్లు చెబుతున్నారు.

దేశ వ్యాప్త లాక్ అవుట్ తో ప్రజలు ఇబ్బందులు పడుతున్న సంగతి తెలిసిందే. అయితే, హైదరాబద్ లో ఉన్న హాస్టల్స్ అన్నీ నిన్న ఖాళీ చెయ్యాలి అని చెప్పటంతో, వేలాది మంది రోడ్డున పడ్డారు. పోలీస్ దగ్గర NOC తీసుకుని, తమ ఊరికి బయలు దేరారు. నిన్న ఏపి బొర్డర్ లో జరిగిన రచ్చ చూసాం. అటు తెలంగాణా పంపించటంతో , ఇటు వచ్చిన వారిని దాదాపుగా 7 గంటలు పాటు రోడ్డు మీద నిలబెట్టారు. మహిళలు కూడా అర్ధరాత్రి దాకా రోడ్డు మీద ఉన్నారు. అయితే, ఇప్పుడు మీరు వినేది దీనికి భిన్నం. హైదరాబాద్‌లోని టాటా కన్సల్టెన్సీ సర్వీసెస్‌లో పని చేస్తున్న, 14 మంది మహిళా ఉద్యోగులు మంగళవారం ఉదయం టెంపో ట్రావెలర్‌లో, కేరళలోని తమ ఇంటికి ప్రయాణం అయ్యారు. డ్రైవర్ తప్ప మిగతా వారంతా అమ్మాయిలే. కారు కోజికోడ్‌కు వెళుతోంది.

కానీ అర్థరాత్రి లాక్డౌన్ ప్రకటించడంతో, వారికి ఏమి చెయ్యాలో అర్ధం కాలేదు. కేరళ బొర్డర్ లో చిక్కుకున్నారు. దీంతో, సరిహద్దు వద్ద మిమ్మల్ని దించేస్తానాని, ఇక్కడ నుంచి తమ స్థలానికి క్యాబ్ తీసుకెళ్లాల్సి ఉంటుందని డ్రైవర్ చెప్పాడు. అర్ధరాత్రి వేళ, వారికి ఏమి చెయ్యాలో అర్ధం కాలేదు. దేంతో వారు చాలా మంది ఉన్నతాధికారులకు కాల్ చేసారు, కాని ఎవరూ స్పందించలేదు. అప్పటికి, సమయం గడిచిపోయింది. ఇక వేరే మార్గం లేక, వారిలో ఒకరు ముఖ్యమంత్రి ఆఫీస్ కు సహాయం కోసం ఫోన్ చేసారు. అయితే అనూహ్యంగా, ఏకంగా కేరళ ముఖ్యమంత్రి పినరయి విజయన్ గొంతు వినిపించింది. ఆయనే స్వయంగా ఫోన్ ఎత్తారు.

జరిగిన విషయం వారికి చెప్పారు. హైదరాబాద్ నుంచి వస్తున్నాం అని, కేరళ బొర్డర్ లో చిక్కుకున్నాం అని, సహాయం చెయ్యమని కోరగా, ఆయన స్పందించారు. వెంటనే, వయనాడ్ కలెక్టర్ మరియు ఎస్పీకి ఫోన్ చెయ్యమని, వారికి అవసరమైన దిశానిర్దేశం చేస్తామని హామీ ఇచ్చారు. కలెక్టర్, ఎస్పీల మొబైల్ నంబర్‌ను కూడా సీఎం తెలియజేశారు. ఎస్పీ నుంచి మొదట ఫోన్ వచ్చింది వచ్చింది. ఆయన వేరే వాహనం ఏర్పాటు చేసి, వారికి తగు వైద్య పరీక్షలు జరిపి, వారిని ఇంట్లో దిగబెట్టారు. ఏకంగా సియం ఫోన్ ఎత్తటం, వారి సమస్య పరిష్కారం చెయ్యటంతో, సియం అంటే ఇలా ఉండాలి అంటూ, ముఖ్యమంత్రి పినరయి విజయన్ పై ప్రశంసలు కురిపిస్తున్నారు.

కరోనా నేపథ్యంలో దేశ ఆర్థిక వ్యవస్థ కుదేలవుతున్న నేపథ్యంలో ఆర్థికమంత్రి నిర్మలా సీతారామన్​ మీడియా సమావేశం నిర్వహించారు. 2019 ఆదాయపన్నుల రిటర్నులు దాఖలు, ఆధార్-పాన్ లింక్, వివాద్ సే విశ్వాస్ పథకం, మార్చి, ఏప్రిల్, మే మాసాల జీఎస్​టీ దాఖలు చివరి తేది జూన్ 30 వరుక పొడిగిస్తున్నట్లు ఇదివరకే స్పష్టం చేసిన నిర్మల, ఇప్పుడు పేద వర్గాలకు కొంత ఊరట ఇచ్చే, విషయాలు చెప్పారు. ఆమె ఏమన్నారంటే, "పేదలు, కార్మికులను ఆదుకోవడంపై దృష్టి పెట్టాం. వలస కార్మికులు, పట్టణ, గ్రామీణ పేదలను ఆదుకునేలా ప్యాకేజీ. లక్షా 70 వేల కోట్ల ఆర్థిక ప్యాకేజీ. నగదు బదిలీ, ఆహార భద్రత ఈ రెండు అంశాలపై ప్రధానంగా దృష్టి. ఆహార అవసరాలు, రోజువారీ అవసరాలకు సాయంగా ఆర్థిక ప్యాకేజీ. వైద్యులకు ప్రత్యేక బీమా... నగదు బదిలీ, ఆహార భద్రత ఈ రెండు అంశాలపై ప్రధానంగా దృష్టి..ఆహార అవసరాలు, రోజువారీ అవసరాలకు సాయంగా ఆర్థిక ప్యాకేజీ. శానిటేషన్‌ వర్కర్లు, ఆశా, పారామెడికల్, వైద్యులు, నర్సులకు ప్రత్యేక బీమా. ఒక్కొక్కరికి రూ.50 లక్షలు చొప్పున బీమా. కరోనాపై పోరాటంలో కలిసి వచ్చేవారికి భద్రత కల్పించేలా చర్యలు."

"లక్షా 70 వేల కోట్ల ఆర్థిక ప్యాకేజీ. గరీబ్‌ కల్యాణ్‌ స్కీమ్‌ పేరుతో ఆర్థిక ప్యాకేజీ. లాక్‌డౌన్‌ వల్ల ప్రభావితమైనవారిని ఆదుకునేలా ప్యాకేజీ. వలస కార్మికులు, మహిళలు, పేదలకు మేలు చేసేలా ప్యాకేజీ. ఈ ప్యాకేజీని రెండు విధాలుగా అందిస్తాం. ప్రత్యక్ష నగదు బదిలీ ద్వారా లబ్ధిదారులకు నేరుగా సాయం. పేదవాళ్లలో ఒక్కరూ కూడా ఆహారం లేకుండా ఉండే పరిస్థితి రానీయం. రానున్న 3 నెలలకు ఒక్కొక్కరికి నెలకు 5 కేజీల బియ్యం పంపిణీ. బియ్యం, గోధుమలో ఏదికావాలన్నా అందిస్తాం. ఇప్పటికే ఇస్తున్న 5 కేజీలను అదనంగా మరో 5 కేజీలు అందిస్తాం. కుటుంబానికి కిలో చొప్పున పప్పులు అందిస్తాం. రానున్న 3 నెలలకు కావాల్సిన రేషన్‌ను 2 వాయిదాల్లో తీసుకోవచ్చు. ఆహార అవసరాలు, రోజువారీ అవసరాలకు సాయంగా ఆర్థిక ప్యాకేజీ. నగదు బదిలీ, ఆహార భద్రత అంశాలపై ప్రధానంగా దృష్టి. శానిటేషన్‌ వర్కర్లు, ఆశా, పారామెడికల్, వైద్యులు, నర్సులకు ప్రత్యేక బీమా. ఒక్కొక్కరికి రూ.50 లక్షలు చొప్పున బీమా. కరోనాపై పోరాటంలో కలిసి వచ్చేవారికి భద్రత కల్పించేలా చర్యలు.

"పీఎం కిసాన్‌ యోజనలో భాగంగా రైతుల ఖాతాల్లోకి రూ.2 వేలు. దేశవ్యాప్తంగా 8.69 కోట్ల మంది రైతులకు ప్రయోజనం. ఉపాధి హామీ వేతనాలు రూ.182 నుంచి రూ.202కు పెంపు. 5 కోట్ల కుటుంబాలకు లబ్ది. ప్రతి కార్మికుడికి దీనిద్వారా రూ.2 వేలు అదనంగా చేకూరుతుంది. ఈ మొత్తం ప్రత్యక్ష నగదు బదిలీ ద్వారా వారి ఖాతాల్లోకి చేరుతుంది. జన్‌ధన్‌ యోజన ఖాతాల్లో 3 నెలలపాటు నెలకు రూ.500 చొప్పున జమ. దేశవ్యాప్తంగా 20 కోట్ల మంది మహిళలకు ప్రయోజనం. కుటుంబ అవసరాలకు ఈ మొత్తం చేదోడుగా ఉంటుంది. 3 నెలల్లో మూడు గ్యాస్ సిలిండర్లు... కుటుంబ అవసరాలకు ఈ మొత్తం చేదోడుగా ఉంటుంది.ఉజ్వల పథకం కింద లబ్దిదారులకు 3 గ్యాస్‌ సిలిండర్లు. 3 నెలల్లో మూడు గ్యాస్‌ సిలిండర్లు ఉచితంగా అందిస్తాం. గ్యాస్‌ సిలిండర్ల పంపిణీ ద్వారా 8.3 కోట్లమంది లబ్దిదారులకు ప్రయోజనం. 'ఈపీఎఫ్ చందా ప్రభుత్వమే చెల్లిస్తుంది...' రానున్న 3 నెలలకు ఈపీఎఫ్‌ చందా మొత్తాన్ని ప్రభుత్వమే చెల్లిస్తుంది. ఉద్యోగి వాటా 12 శాతం, యజమాని వాటా 12 శాతం కలిపి ప్రభుత్వమే చెల్లిస్తుంది. ఉద్యోగుల ఈపీఎఫ్‌ ఖాతాల్లోకి ప్రభుత్వమే జమ చేస్తుంది. వందమంది లోపు ఉద్యోగులు ఉన్న సంస్థలకు ఇది వర్తిస్తుంది. "

"రూ.15 వేలులోపు జీతం ఉన్న ఉద్యోగులకు ఈపీఎఫ్‌ కేంద్రమే భరిస్తుంది. స్వయం సహాయక బృందాలు... స్వయం సహాయక బృందాలకు రుణ పరిమితి రూ.10 లక్షలకు పెంపు. ప్రస్తుతం ఉన్న రూ.10 లక్షల పరిమితిని రూ.20 లక్షలకు పెంపు. ఎలాంటి పూచీకత్తు లేని రుణాలు అందజేస్తాం. 63 లక్షల స్వయం సహాయక బృందాలకు లబ్ది. కార్మికుల సంక్షేమం... భవన నిర్మాణ కార్మికుల సంక్షేమానికి రూ.31 వేల కోట్ల నిధి ఇప్పటికే ఉంది. దేశవ్యాప్తంగా 3.5 కోట్లమంది నమోదిత భవన నిర్మాణ కార్మికులు ఉన్నారు. ఈ ఆపత్కాలంలో వారి అవసరాల కోసం ఈ మొత్తాన్ని ఉపయోగిస్తాం. 'ఏ ఒక్కరూ ఆకలితో ఉండకూడదు...' రాష్ట్రాలు డిస్ట్రిక్ట్‌ మినరల్‌ ఫండ్‌ను వినియోగించుకోవాలి. దేశంలో ఏ ఒక్కరూ ఆకలితో, ఖాళీ జేబులతో ఉండకూడదు. " అంటూ నిర్మల ప్రకటించారు.