news

ఆంధ్రప్రదేశ్ శాసనమండలిలో వైసీపీ పార్టీకి వరుస షాకులు తగులుతున్నాయి. శాసనమండలిలో వైసీపీ పార్టీకి మెజారిటీ లేకపోవటంతో, వాళ్ళు తీవ్ర ఇబ్బందులు పడుతున్నారు. ఒక పక్క శాసనసభలో, 151 మందితో, ప్రతిపక్షం పై పడుతుంటే, శాసనమండలిలో మాత్రం, బాగా వెనుకబడి ఉన్నారు. దీనికి కారణం వైసీపీకి శాసనమండలిలో సంఖ్యా బలం లేకపోవటం. 2021 వరకు ఇదే పరిస్థితి కొనసాగే అవకాసం ఉంది. పూర్తిగా తెలుగుదేశం ఆధిపత్యంతో శాసనమండలి జరుగుతూ ఉండటంతో, వైసీపీ ఉక్కిరిబిక్కిరి అవుతుంది. శాసనసభలో ఎక్కవ మంది ఉండటంతో, బుల్ డోజ్ చేసి వెళ్లిపోతుంటే, శాసనమండలిలో మాత్రం, సామధానం చెప్పల్సిన పరిస్థితి వచ్చింది. చివరకు బిల్లులు కూడా పాస్ చేసుకోలేని పరిస్థితిలో వైసీపీ ఉంది. మంగళవారం శాసనమండలిలో రెండు బిల్స్ పాస్ కాలేదు. తెలుగు మీడియం రద్దు చేసి ఇంగ్లీష్‌ మీడియం ప్రవేశపెట్టడం, ఎస్సీ కమిషన్‌ ఏర్పాటు బిల్స్ విషయంలో ఇబ్బంది పడ్డారు.

ఇంగ్లీష్ మీడియంకు వ్యతిరేకం కాదని, తెలుగు మీడియం కూడా ఆప్షన్ పెట్టాలని, అప్పుడే బిల్ కు అనుకూలంగా వోట్ వేస్తామని తెలుగుదేశం పార్టీ చెప్పింది. అలాగే, ఎస్సీ వర్గీకరణకు వైసీపీ వ్యతిరేకిస్తోందని, బిల్ పై సవరణలు ఒప్పుకోవాలని కోరారు. అయితే, ప్రభుత్వం ఒప్పుకోక పోవటంతో, 34మంది సభ్యులు వ్యతిరేకించగా, అధికారపార్టీకి మద్దతుగా కేవలం 9ఓట్లు మాత్రమే వచ్చాయి. దీంతో రెండు బిల్లులు వీగిపోయాయి. దీంతో మళ్ళీ ఈ బిల్ అసెంబ్లీకు పంపించాల్సిన పరిస్థితి వచ్చింది. మళ్ళీ తిరిగి శాసనసభ సమావేశాల్లో ఈ బిల్లులపై చర్చను చేపట్టాల్సి ఉంటుంది. ఆ తరువాత కూడా శాసనమండలి వ్యతిరేకిస్తే, అసెంబ్లీ తీర్మానం ఫైనల్ అవుతుంది. అయితే ఈ పరిణామాలతో వైసీపీ అవాక్కయింది.

2021 వరకు తెలుగుదేశం పార్టీ, ఇలాగే చేస్తుందని, తమ ఆటలు సాగవని, అందుకే ఇప్పుడు అసలు శాసనమండలి రద్దు చేస్తే ఎలా ఉంటుంది అని ప్రభుత్వం ఆలోచన చేస్తుంది. ఇప్పటికే ఈ దిశగా చర్యలు జరుగుతున్నాయని, ప్రభుత్వం మండలి రద్దు దిశగా ప్రభుత్వం అడుగులు వేస్తోందంటూ పొలిటికల్ సర్కిల్స్ లో చర్చ జరుగుతోంది. సమయం చూసుకుని మండలి రద్దు ఉత్తర్వులు ఇస్తారని తెలుస్తుంది. ముఖ్యంగా ఎమ్మెల్సీగా నారా లోకేష్, డొక్కా, వైవీబీ లాంటి ఎంతో మంది నేతలు శాసనమండలిలో ఉండటంతో, వారిని కూడా రాజకీయంగా ఇబ్బంది పెట్టొచ్చని జగన్ వ్యూహంగా తెలుస్తుంది. అయితే, ఇప్పుడు మంత్రులుగా పిల్లి సుభాష్ చంద్ర బోస్, మోపిదేవి వెంకట రమణ, ఎమ్మెల్సీలుగా మంత్రులు అయ్యారు. మరి వారి సంగతి ఏమిటి అనే చర్చ జరుగుతుంది.

నిన్న అసెంబ్లీ సమావేశాల సందర్భంగా ఆసక్తికర సంఘటన చోటు చేసుకుంది. మంగళవారం క్వస్చిన హావర్ సమయంలో తెలుగుదేశం పార్టీ నేతలు, రాష్ట్రంలో అప్రకటిత కరెంటు కోతల పై, ప్రభుత్వాన్ని ప్రశ్నించారు. ఈ సందర్బంగా, విద్యుత్ శాఖా మంత్రి బాలినేని, తెలుగుదేశం పార్టీ సభ్యుడు గోరంట్ల బుచ్చయ్య చోదరి మధ్య మాటల యుద్ధం నడిచింది. ఎమ్మల్యే బుచ్చయ్య చౌదరి మాట్లాడుతూ, ఐదేళ్లుగా ఎక్కడా కారెంటు కోతలు లేవని అన్నారు. జగన్ మోహన్ రెడ్డి వచ్చిన ఆరు నెలల్లో అనేకసార్లు కరెంటు కోతలు విధించారని అన్నారు. గతంలో ఏ మాత్రం జరగని 3 వ్యాపారాలు జగన్ వచ్చిన తరువాత బాగా జరుగుతున్నాయని, మొదటిది క్యాండిల్స్‌, రెండోది జనరేటర్‌, మూడోది ఇన్వర్టర్‌ అన్నారు. బుచ్చయ్య చౌదరికి సమాధానంగా, మంత్రి బాలినేని శ్రీనివాసరెడ్డి సమాధానం ఇవ్వటానికి సిద్ధం అవుతూ ఉండగా, జగన్‌ మోహన్ రెడ్డి కల్పించుకుని, మైకు తీసుకుని, రాష్ట్రంలో విద్యుత పరిస్థితి, విద్యుత్‌ సరఫరా వివరాలు వెల్లడించబోయారు.

అయితే, సమాధానం చెప్పటానికి చాలా ఇబ్బంది పడ్డారు. ఆ నెంబర్లు ఏమిటో చెప్పటానికి, జగన్ తడ బడ్డారు. దాదపుగా 5 నిమిషాలు జగన్, ఇలా చేస్తూ ఉండటంతో, అటు వైపు నుంచి తెలుగుదేశం ఎమ్మల్యేలు, కామెంట్లు చేస్తూ, సియంకు ఏమి తెలియదు అంటూ ఎగతాళి సెహ్సారు. దీంతో జగన్ ఇవి, 17 వేల మెగా యూనిట్లా? గంటలా?’ అంటూ అధికారుల గ్యాలరీలో ఉన్న ఎనర్జీ సెక్రటరీ శ్రీకాంత్‌ను ప్రశ్నించారు. ఆయన చెప్తూ ఉండగానే, ఇక్కడ కూడా అంతరాయమేనా? అంటూ టీడీపీ సభ్యులు ఎద్దేవా చేశారు. దీంతో అసహనానికి గురైన జగన్, మీకు బుర్రలేదు. అసలు ఇది నా సబ్జెక్ట్ కాదు, ఈ లెక్కలు నాకు ఎలా తెలుస్తాయి, నేను మీకు సమాధానం చెప్దామని లేగిసాను అంటూ చెప్పారు.

అయితే, కాసేపు మంత్రి బాలినేని, చీఫ్‌ విప్‌ శ్రీకాంత్‌ రెడ్డిలతో చర్చించారు. అధికారులు స్లిప్పులు రాసి సీఎంకు పంపారు. ఇలా జరుగుతుండగానే, అర్థమైంది, ఇక అన్సర్‌ వద్దులెండి అంటూ టీడీపీ సభ్యులు మళ్ళీ అరవటంతో, జగన్ అసహనంతో కాసేపు అక్కడే కూర్చొని, మంత్రి బాలినేని చెప్పమని అన్నారు, తరువాత కొంచెం సేపటకి చాంబర్‌లోకి వెళ్లి పోయారు. అయితే ఈ విషయం పై చంద్రబాబు ఈ రోజు అనంతపురం కార్యకర్తల మీటింగ్ లో లేవనెత్తారు. తనకు ఇంగ్లీష్ రాదు అంటూ ఎద్దేవా చేసారని, నిన్న అసెంబ్లీ చూసారా, మనం విద్యుత్ పై అడిగితే, సమాధానం చెప్పలేక పారిపోయారు, మెగావాట్ కి, కిలోవాట్ కి తేడా తెలియదు ఈయనో ముఖ్యమంత్రి... సబ్జెక్ట్ తెలిస్తేగా అసలు మాట్లాడటానికి అంటూ జగన్ ను మళ్ళీ ఎద్దేవా చేసారు.

జగన్ మోహన్ రెడ్డి అసెంబ్లీలో చేసిన, మూడు రాజధాని ప్రకటన పై, అమరావతి రైతులు ఆవేదనతో రగిలిపోతున్నారు. నిన్న పురుగుమందు డబ్బాలు పట్టుకుని, రోడ్డెక్కిన రైతులు, ఈ రోజు అమరావతి బంద్ కు పిలుపిచ్చారు. అమరావతి గ్రామాల్లో ఈ రోజు స్వచ్చందంగా బంద్ చేస్తున్నారు. పార్టీలకు అతీతంగా భూములు ఇచ్చిన రైతులు, రైతు కూలీలు రోడ్డు ఎక్కి నిరసన తెలుపుతున్నారు. ఎక్కడికక్కడ స్వచ్చందంగా బంద్ చేస్తూ ఉండటంతో, రాజధాని గ్రామాల్లో, జనజీవనం స్తంభించింది. రోడ్డు పై బైటాయించి, ఆందోళన చేస్తున్నారు. మరి కొన్ని చోట్ల రోడ్డుకి అడ్డంగా వాహనాలు పెట్టి, ఆందోళన చేస్తున్నారు. మందడం, వెంకటపాలెం, తుళ్లూరు, రాయపూడి, తుళ్ళురు, వెలగపూడి, కృష్టాయపాలెం, మందడం తదితర ప్రాంతాల్లో రైతుల ఆందోళనకు, ట్రాఫిక్ ఆగిపోయింది. అలాగే, వెంకటపాలెంకు గ్రామానికి చెందిన రైతులు నిరాహారదీక్షకు దిగారు. ప్రతి రోజు ఇక్కడ రిలే నిరాహార దీక్షలు చేస్తామని ప్రకటించారు.

అయితే, ఈ ఆందోళనలు ఇలా ఉండగా, ప్రభుత్వం అమరావతిలో 144 సెక్టన్ అమలు చేస్తుంది. రాజధాని రైతుల బంద్, ఆందోళనలు నేపధ్యంలో, ఎలాంటి అవాంఛనీయ సంఘటనలు తలెత్తకుండా, రాజధానిలోని 29 గ్రామాల్లో పోలీసులు ఎక్కువ ఫోర్సు పెంచారు. రాజధాని ప్రాంతంలో 144 సెక్షన్ తో పాటుగా, 30 పోలీస్ యాక్ట్‌ను కూడా రాజధాని గ్రామాల్లో అమలు చేశారు. ప్రజలు నిరసన తెలిపితే, శాంతియుతంగానే తెలపాలని తుళ్లూరు డీఎస్పీ శ్రీనివాసరెడ్డి అన్నారు. బంద్‌లో పాల్గొనాలని ఎవరినీ ఒత్తిడి చేయొద్దని, అలా చేసిన వారి పై, తీవ్రమైన చర్యలు తీసుకుంటామని అన్నారు. రాజధాని పరిధిలోని ముగ్గురు అదనపు ఎస్పీలు, 10 మంది డీఎస్పీలు, 20 మంది సీఐలు, 30 మంది ఎస్సైలతో బందోబస్తు ఏర్పాటు చేసారు.

అమరావతి రాజధానిగానే ఉంచాలని, తమ పొట్ట కొట్టొద్దు అంటూ, రైతులు ఆందోళన చేస్తున్నారు. రాజధాని ఇక్కడే ఉంచాలని, 33 వేల ఎకరాలు ఇచ్చిన మాకు, అన్యాయం చెయ్యొద్దని అంటున్నారు. మరి కొంత మంది అయితే, మీరు రాజధాని ఎక్కడైనా పెట్టుకోండి, ఇంకా ఇక్కడ అసెంబ్లీ కూడా ఎందుకు, ఇది కూడా తీసి ఎక్కడో ఒక చోట పెట్టుకోండి, 2015లో మీకు భూములు ఎలా ఇచ్చామో, అలాగే ఇప్పుడు మా భూములు మాకు తిరిగి ఇచ్చేసి, మీరు ఎక్కడో ఒక చోట పెట్టుకోండి, ఇక్కడ అసలు లెజిస్లేటివ్ కాపిటల్ కూడా వద్దు అంటూ, ఆవేదన వ్యక్తం చేస్తున్నారు. మొత్తానికి, అసెంబ్లీలో జగన్ చేసిన ప్రకటన వెనక్కు తీసుకునే వరకు, ప్రతి రోజు ఆందోళను చేస్తూనే ఉంటామని, పిలుపిచ్చారు.