news

రెండు రోజుల క్రితం జగన్ మోహన్ రెడ్డి ఒక మాట అన్నారు గుర్తుందా ? చంద్రబాబు నువ్వు మాట్లాడితే 40 ఏళ్ళు అనుభవం ఉంది అని డబ్బా కొట్టుకుంటావ్, ఏంటయ్యా నీ అనుభవం. నీ అనుభవంతో, నువ్వు నలుగురుకి అయినా రోల్ మోడల్ అయ్యావా అంటూ జగన్ మోహన్ రెడ్డి ప్రశ్నించారు. ఈ ప్రశ్న పై తెలుగుదేశం కార్యకర్తలు, చంద్రబాబుని అభిమానించే వారు, సోషల్ మీడియాలో స్పందిస్తూ, సిబిఎన్ ఈజ్ మై రోల్ మోడల్ అంటూ, హాష్ ట్యాగ్ తో, దాదపుగా 20 వేల పోస్ట్ లు వేసి సోషల్ మీడియాలో ట్రెండ్ చేసారు. ఎంతో మంది దేశాధినేతలు, కార్పొరేట్ దిగ్గజాలు చంద్రబాబు పై ప్రశంసలు కురిపించిన వీడియోలు ట్రెండ్ అయ్యాయి. అయితే ఇప్పుడు ఏకంగా ప్రపంచ బ్యాంక్ కూడా చంద్రబాబువిధానాలను పొగిడింది.

ఈ రోజు ప్రపంచ బ్యాంక్, అమరావతికి ఎందుకు రుణం ఇవ్వలేకపోయామో చెప్తూ, ఒక ప్రకటన విడుదల చేసింది. కేంద్రం ప్రతిపాదన వెనక్కు తీసుకుందని, అందుకే ఇవ్వలేక పోయాం అని చెప్పింది. అయితే ఈ ప్రకటనలో ఆంధ్రప్రదేశ్ తో ప్రపంచ బ్యాంక్ కు ఉన్న సంబంధాల పై వివరించింది. ఎప్పటి లాగే, ఆరోగ్యం, వ్యవసాయం, విద్యుత్, ప్రకృతి వైపరీత్యాలకు ఆంధ్రప్రదేశ్ రాష్ట్రానికి సహకారం అందిస్తామని చెప్పింది. అలాగే మరొక్క విషయం కూడా చెప్పింది, ఆంధ్రప్రదేశ్ ప్రవేశపెట్టిన డ్వాక్రా సంఘాల వ్యవస్థతో పని చెయ్యటం మాకు ఎంతో గర్వ కారణం అని, ఈ వ్యవస్థను మిగతా దేశాలు కూడా అనుసరించాయని చెప్పింది. 1996లో అప్పటి ముఖ్యమంత్రి చంద్రబాబు, మహిళలకు సాధికారత కల్పించాలని డ్వాక్రా సంఘాలను ఏర్పాటు చేసిన విషయం తెలిసిందే.

అప్పట్లో ఇది ఒక పెద్ద సంచలనం అయ్యింది. అదే విషయం ఇప్పుడు ప్రపంచ బ్యాంక్ మరోసారి గుర్తు చేసింది. డైరెక్ట్ గా చంద్రబాబు పేరు రాయకపోయినా, ఆంధ్రప్రదేశ్ అనుసరించిన ఈ విధానం, ఎన్నో దేశాలకు మార్గదర్శకం అని చెప్పింది. రెండు రోజుల క్రితం నువ్వు ఎవరికీ రోల్ మోడల్ అని అడిగిన జగన్ గారికి ఇక్కడ సమాధానం దొరికే ఉంటుంది. చంద్రబాబు గారి విధానాలు, ప్రపంచ దేశాలకు రోల్ మోడల్ అని ఏకంగా ప్రపంచ బ్యాంక్ చెప్పింది. ఇది వారి ప్రకటనలో చెప్పింది. "The World Bank has had a long and productive partnership with the state of Andhra Pradesh. The state has pioneered some remarkable development innovations, such as the women’s self-help group movement, that other countries have learned from."

మొన్నటి ఎన్నికల్లో చట్టా పట్టాల్ వేసుకుని తిరిగి, చంద్రబాబుని ఓడించిన, వైసిపీ, బీజేపీ మధ్య రోజు రోజుకీ గ్యాప్ పెరిగిపోతుంది. అచ్చం చంద్రబాబుకి ఎలా చేసారో, ఇలాగే జగన్ కు ఎర్త్ పెడుతుంది బీజేపీ. కాకపొతే చంద్రబాబుతో రెండేళ్ళ వరకూ బాగానే ఉండి, తరువాత ట్యూన్ మార్చారు, జగన్ కు మాత్రం రెండు నెలలకే ట్యూన్ మార్చారు. చంద్రబాబుని ఎదుర్కోవాలి అంటే, చాలా కష్టం కాబట్టి, ఎన్నో వ్యూహాలు, ఆపసోపాలు పడి, టార్గెట్ పూర్తీ చేసింది. అయితే జగన్ కు మాత్రం, ఇలాంటి వ్యూహాలు, పెద్దగా అవసరం లేదు. జగన్ రాజకీయ జీవితం ఫినిష్ చెయ్యాలి అంటే, అమిత్ షా కు 24 గంటలు చాలు. శశికళ ఎపిసోడ్ అదే చెప్తుంది. కాని ఇప్పుడే అక్కడి దాకా వెళ్ళే పరిస్థితి లేదు. జగన్ కూడా అణిగిమణిగి ఉంటున్నాడు కాబట్టి, బీజేపీకి ఆ రూట్ ప్రస్తుతానికి అవసరం లేదు. అందుకే రాజకీయంగా విమర్శల దాడి మొదలు పెట్టింది. గత నాలుగు రోజులుగా బీజేపీ విమర్శలు చూస్తుంటే, వాళ్ళ లైన్ అఫ్ ఎటాక్ ఎంతో ఇట్టే అర్ధమై పోతుంది.

నిజానికి ముందుగా తెలుగుదేశం పార్టీని ఫినిష్ చేసేద్దాం అని బీజేపీ ప్లాన్ వేసింది. ఇందుకు తగ్గట్టే ముందుగా వ్యాపారాలు ఉన్న నేతలను బెదిరించి, నలుగురు రాజ్యసభ ఎంపీలను లాక్కుంది. అయితే అప్పటి నుంచి ఒక్క చెప్పుకో తగ్గ నేత కూడా తెలుగుదేశం పార్టీ నుంచి వెళ్ళలేదు. తెలుగుదేశం పార్టీ ఎమ్మెల్యేలను లాగుదాం అనుకున్నారు కాని, 23 మందిలో చాలా వారకు పార్టీతో ఉండేవారే. ఒకరో ఇద్దరో వెళ్తారు అనుకున్నా, జగన్ పెట్టిన కండీషన్ ప్రకారం, పార్టీ మారితే రాజీనామా చేసి వెళ్ళాలి. దీంతో ఎమ్మెల్యేలను లాక్కోవలనే ప్లాన్, బీజేపీకి వర్క్ అవ్వలేదు. అందుకే, ఇప్పుడు తెలుగుదేశం పార్టీని వదిలేసి, ఏకంగా జగన్ పైనే గురి పెట్టింది. జగన్ మోహన్ రెడ్డి అవినీతి పాలన, కుల పాలన, మత పాలన చేస్తున్నారని బీజేపీ టార్గెట్ చేసింది. విశాఖలో చర్చిలకు భద్రత అంశం బీజేపీకి కలిసి వచ్చింది.

ఈ అంశం పై పురందేశ్వరి గట్టిగా పోరాడుతున్నారు. ఇక గ్రామాల్లో శాంతి భద్రతలు లేవని, పోలీస్ రాజ్యం నడుస్తుంది అని కన్నా లక్ష్మీ నారాయణ ఎత్తుకున్నారు. అలాగే జగన్ 40 రోజుల్లోనే అవినీతి మయం చేసారని, ఎమ్మెల్సీ మాధవ్ అంటున్నారు. ఇక రాయలసీమను పట్టించుకోవటం లేదని, మరికొందరు బీజేపీ నాయుకులు అంటున్నారు. మరో పక్క, అన్ని ప్రాధాన పోస్టింగ్ లు ఒకే సామాజిక వర్గానికి ఇవ్వటం పై కూడా, బీజేపీ విమర్శలు గుప్పిస్తుంది. మొత్తానికి, కులం, మతం, అవినీతి, రాయలసీమ అజెండాగా, బీజేపీ తన లైన్ అఫ్ ఎటాక్ ని జగన్ పై చూపించబోతుందని అర్ధమవుతుంది. బీజేపీ తన సభ్యత్వ నమోదు కార్యక్రమం పూర్తీ కాగానే, జగన్ ప్రభుత్వం పై ఆందోళనలకు సిద్ధం అవుతుంది. అయితే, బీజేపీ ఇన్ని విమర్శలు చేస్తున్నా, జగన్ క్యాంప్ వైపు నుంచి మాత్రం, ఒక్కటంటే ఒక్క రివర్స్ కౌంటర్ బీజేపీ పై లేదు. ఎందుకో అందరికీ తెలిసిందేగా..

అమరావతికి రుణం ఇవ్వం అంటూ కొద్ది రోజులుగా ప్రపంచ బ్యాంక్ ప్రతినిధులు ప్రకటించిన విషయం తెలిసిందే. అయితే ఈ విషయం పై ఎవరికీ వారు రాజకీయ ఆరోపణలు చేస్తున్నారు. ముఖ్యంగా జగన్ మీడియా అయితే, కేవలం చంద్రబాబు వల్లే ఈ రుణం ఆగిపోయింది అని, చంద్రబాబు అమరావతిలో అవినీతి చేసారని, అందుకే రుణం ఆపేసారని, చంద్రబాబు ఇన్సైడ్ ట్రేడింగ్ చేసిన విషయం ప్రపంచ బ్యాంకుకు తెలిసిపోయి, రుణం ఆపేసారని. విష ప్రచారం చేసారు. అయితే ఈ వాదనలకు తెర దింపుతూ ప్రపంచ బ్యాంక్ ఈ రోజు ఒక ప్రకటన విడుదుల చేసింది. రుణం ఆపటానికి కారణం, భారత ప్రభుత్వం అంటూ ప్రెస్ స్టేట్మెంట్ ఇచ్చింది. అమరావతికి రుణం ఇచ్చే ప్రతిపాదనను కేంద్రం ప్రభుత్వం జూలై 15 వ తారీఖున వెనక్కు తీసుకుందని, అందుకే రుణం ఇవ్వలేం అని చెప్పామని చెప్పింది.

అయితే రాజధాని అమరావతి ప్రాజెక్ట్ నుంచి మాత్రమే తప్పుకున్నాం అని , ఆంధ్రప్రదేశ్ అభివృద్ధి విషయంలో మేము, మా సహయం కొనసాగిస్తాం అని చెప్పింది. ఆంధ్రప్రదేశ్ వివిధ రంగాలు అయిన, ఆరోగ్యం, వ్యవసాయం, ఇంధనం, విపత్తు నిర్వహణ వంటి రంగాల్లో ఇప్పటికే అనేక బిలియన్‌ డాలర్ల రుణ సహాయం అందించామని, ఇది ఎప్పటికీ కొనసాగిస్తామని చెప్పింది. ఆరోగ్యం విషయంలో గత నెలలోనే ఆంధ్రప్రదేశ్ ప్రభుత్వంతో ఒప్పందం కుదుర్చుకున్నాం అని చెప్పింది. అయితే ఈ విషయం పై గత రెండు రోజులుగా చంద్రబాబు టార్గెట్ గా వైసిపీ ఆడిన ఆటలు అన్నీ అబద్ధం అని తేలిపోయింది. వైసిపీ నేతలు, చంద్రబాబు వల్లే అమరావతికి రుణం ఇవ్వలేదంటూ బలంగా ప్రజల్లోకి తీసుకువెళ్ళారు.

అయితే అది తప్పుడు ప్రచారం అని తేలింది. మరో పక్క, ఈ రోజు జగన్ మీడియాలో బ్యానేర్ ఐటెంగా, అమరావతి రుణం పై వండి వార్చారు. చంద్రబాబు అవినీతి వల్లే అమరావతికి రుణం ఇవ్వలేదని చెప్పి, ప్రపంచ బ్యాంకు ప్రతినిధులు జగన్ విజన్ కు ఆకర్షితులు అయ్యారని చెప్పింది. అంతే కాదు, జగన్ ప్రవేశపెట్టిన నవరత్నాలు ప్రపంచ బ్యాంకుకు ఎంతో నచ్చాయని, వాటికి రుణం ఇవ్వటానికి ప్రపంచ బ్యాంక్ సిద్దంగా ఉందని చెప్పింది. నిజానికి ప్రపంచ బ్యాంక్ ఇలాంటి పధకాలకు రుణం ఇవ్వదు. అయితే, ఇప్పుడు ఏకంగా ప్రపంచ బ్యాంక్ ప్రకటన విడుదల చెయ్యటం, కేంద్రం వల్లే మేము ఇవ్వలేక పోయామని చెప్పటం, భవిష్యత్తు ప్రాజెక్ట్ ల గురించి చెప్పటంతో, జగన్ మీడియా చెప్పేవి అన్నీ అబద్ధాలే అని మరోసారి రుజువైంది.