news

లండన్ వేదికగా కుట్రలు జరుగుతున్నాయని, కేసీఆర్, బీజేపీ మనుషులు జగన్‌తో లాలూచీ రాజకీయాలు చేస్తున్నారని, ఇది దుర్మార్గమని, దీన్ని రాష్ట్ర ప్రజలు గమనిస్తున్నారని జలవనరుల శాఖ మంత్రి దేవినేని ఉమామహేశ్వరరావు విమర్శించారు. స్థానిక జలవనరుల శాఖ కార్యాలయంలో శుక్రవారం ఆయన విలేఖరులతో మాట్లాడుతూ రాష్ట్రంలో పాయింట్ 5శాతం కూడా ఓట్లులేని బీజేపీ బహిరంగ సభలు పెట్టి భంగపాటుకు గురికావడం తప్పదని హెచ్చరించారు. శ్రీకాకుళంలో కూడా సభ పెట్టి భంగపడ్డారన్నారు. ఏపీకి మోదీ రూ. 3లక్షల కోట్లు ఇచ్చానని, అమిత్‌షా రూ. 5లక్షల కోట్లు ఇచ్చానని, మరొకరు రూ. 10లక్షల కోట్లు ఇచ్చామంటున్నారని, దీనిలో ఏది నిజమో వాస్తవాలు చెప్పాలన్నారు.

బహిరంగ సభలు పెట్టి ఏపీకి వచ్చి విషం చిమ్ముతున్నారన్నారు. నరేంద్ర మోదీ, బీజేపీ చేసిన ద్రోహానికి ప్రజలు త్వరలో గుణపాఠం చెబుతారన్నారు. బీజేపీతో కుమ్మక్కై జగన్ ఆడుతున్న జగన్నాటకానికి ప్రజలు బుద్ధిచెబుతారన్నారు. 2019లో నరేంద్ర మోదీ ప్రధాని అవుతారని పగటికలలు కంటున్నారని, 16 పార్టీలు కలిసి ఎన్డీఏను ఓడించి స్పష్టమైన తీర్పు చెప్పబోతున్నాయన్నారు. ముఖ్యమంత్రి చంద్రబాబు పట్టుదలతో రాజధాని నిర్మాణం చేపడుతున్నారన్నారు. వైసీపీ నాయకులు రౌడీ రాజకీయాలంటూ నిరసనలు తెలపటం దెయ్యాలు వేదాలు వల్లించినట్లుగా ఉందని, అసలు ఆ పార్టీయే రౌడీయిజం పునాదులపై వచ్చిందని పాయకరావుపేట ఎమ్మెల్యే వంగలపూడి అనిత విమర్శించారు. రౌడీ రాజకీయాలు, శవ రాజకీయాలు చేయడం వైసీపీకి వెన్నతో పెట్టిన విద్య అని శుక్రవారం ఆమె ఇక్కడ ఒక ప్రకటనలో ధ్వజమెత్తారు.

తండ్రి మరణానంతరం అధికారం కోసం శవ రాజకీయం చేసింది జగన్ కాదా? అని ప్రశ్నించారు. ప్రధాన ప్రతిపక్ష హోదాలో ఉండి అధికారులను బెదిరించి రౌడీల్లా ప్రవర్తించారంటూ విమర్శించారు. స్పీకర్ కోడెల శివప్రసాదరావును వైకాపా ఎమ్మెల్యే రోజా రౌడీ అని సంబోధించడం సిగ్గుచేటని ఖండించారు. వైసీపీ నాయకులు విమర్శించినట్లు చింతమనేని ప్రభాకర్ రౌడీ అయితే ప్రజాక్షేత్రంలో రెండుసార్లు ఎలా గెలిచారో చెప్పాలంటూ నిలదీశారు. ముఖ్యమంత్రి చంద్రబాబు నాయుడిపై ఒక్క కేసు కూడా లేదనే విషయాన్ని రోజా తెలుసుకోవాలని అనిత హితవు పలికారు. మరో నేత మాట్లాడుతూ, హవాలా డబ్బులు తరలించేందుకు లండన్‌లో విజయ్‌మాల్యతో జగన్‌ రహస్య భేటీ అయ్యారని ఆరోపించారు ఎమ్మెల్సీ బుద్దా వెంకన్న. లండన్ వెళ్ళే ముందు, చెన్నైలోని ఓ హోటల్‌లో పురందేశ్వరి , టీఆర్‌ఎస్ సంతోష్ రెడ్డి, వైవీ సుబ్బారెడ్డి, సినీనటుడు మోహన్‌బాబులతో జగన్‌ రహస్య భేటీ ఎంటో ప్రజలకు తెలిపాలని డిమాండ్ చేశారు. విదేశాల్లో ఉన్న నల్లధానాన్ని తరలించుకునేందుకు ప్రధాని మోదీ.. జగన్‌కు సహకరిస్తున్నారని ఆరోపించారు ఎమ్మెల్యే బోండా ఉమా. జగన్‌ పర్యటనపై కేంద్ర దర్యాప్తు సంస్థలకు ఫిర్యాదు చేస్తామని తెలిపారు.

కర్నూలు జిల్లాలో టికెట్ల చిక్కుముళ్లను టీడీపీ అధినేత, సీఎం చంద్రబాబు ఒక్కటొక్కటిగా విప్పుతున్నారు. కేఈ, కోట్ల కుటుంబాలకు ఇవ్వదలచిన టికెట్లపై స్పష్టత ఇచ్చినట్లు సమాచారం. కర్నూలు, నంద్యాల లోక్‌సభ స్థానాల పరిధిలోని ఎమ్మెల్యేలు, నియోజకవర్గ ఇన్‌చార్జులు, ముఖ్య నాయకులతో శుక్రవారం అర్ధరాత్రి వరకు ఆయన అమరావతిలో సమీక్ష జరిపారు. నేతలతో విడివిడిగానూ చర్చించారు. ఉపముఖ్యమంత్రి కేఈ కృష్ణమూర్తి, ఆయన సోదరులతో మాట్లాడి.. డోన్‌ నుంచి కేఈ సోదరుడు ప్రతాప్‌, పత్తికొండ నుంచి కేఈ తనయుడు శ్యాంబాబుకు పచ్చజెండా ఊపినట్లు సమాచారం. ఈ నెల 28న కేంద్ర మాజీ మంత్రి కోట్ల సూర్యప్రకాశ్‌రెడ్డి టీడీపీలో చేరనున్నారు.

ఆయనకు కర్నూలు లోక్‌సభ టికెట్‌, ఆయన సతీమణి కోట్ల సుజాతమ్మకు ఆలూరు టికెట్‌ ఇచ్చేందుకు సీఎం సుముఖంగా ఉన్నారని పార్టీ నాయకులు తెలిపారు. ఎమ్మిగనూరు నుంచి ఎమ్మెల్యే బీవీ జయనాగేశ్వరరెడ్డి, బనగానపల్లె నుంచి ఎమ్మెల్యే బీసీ జనార్దనరెడ్డి, మంత్రాలయంలో ఇన్‌చార్జి తిక్కారెడ్డి, ఆదోనిలో మాజీ ఎమ్మెల్యే మీనాక్షినాయుడు పోటీపై సీఎం స్పష్టత ఇచ్చారని అంటున్నారు. కర్నూలు కోసం ఎమ్మెల్యే ఎస్వీ మోహన్‌రెడ్డి, ఎంపీ టీజీ వెంకటేశ్‌ తనయుడు టీజీ భరత్‌ పోటీ పడుతున్నారు. అక్కడ ఉత్కంఠ కొనసాగుతోంది. నంద్యాలలోనూ ఇదే పరిస్థితి. ఆళ్లగడ్డ, నంద్యాల తమకే ఖరారు చేశారని భూమా వర్గీయులు చెబుతున్నా..ఎంపీ ఎస్పీవై రెడ్డి తమ కుటుంబంలో ఒకరికి ఇవ్వాలని సీఎంను కోరినట్లు తెలిసింది.

ఏపీ సీడ్స్‌ కార్పొరేషన్‌ చైర్మన్‌ ఏవీ సుబ్బారెడ్డి కూడా తనకే కావాలని పట్టుబడుతున్నట్లు సమాచారం. అలాగే, శ్రీశైలం అసెంబ్లి స్థానానికి బుడ్డా రాజశేఖరరెడ్డిని, పత్తికొండకు కేఈ శ్యాంబాబును, డోన్‌కు కేఈ ప్రతాప్‌ను ప్రకటించినట్టు తెలిసింది. ఆలూరు స్థానానికి కోట్ల సుజాతమ్మను, ఆళ్లగడ్డకు అఖిలప్రియను, ఆదోనికి మీనాక్షినాయుడును, కర్నూలుకు ఎస్వీ మోహనరెడ్డిని, ఎమ్మిగనూరుకు జయనాగేశ్వర్‌రెడ్డిని, బనగానపల్లెకు బీసీ జనార్దనరెడ్డిని ప్రకటించినట్టు పార్టీ వర్గాలు తెలిపాయి. అయితే, నంద్యాల, పాణ్యంలపై మాత్రం ఇంకా తుది నిర్ణయం తీసుకోలేదని తెలిపాయి. నంద్యాల ఉప ఎన్నికలలో గెలిచిన తీరును ఉదాహరిస్తూ అదేతీరును సార్వత్రిక ఎన్నికలలో కనబరచాలని జిల్లా నేతలకు ముఖ్యమంత్రి సూచించినట్లు తెలుస్తోంది.

చంద్రబాబు ఆధ్వర్యంలో, ఆంధ్రప్రదేశ్ అన్ని విధాలుగా ముందుకు వెళ్తుంటే, చంద్రబాబుని దించి, రాష్ట్రాన్ని జగన్ చేతిలో పెట్టి, హైదరాబాద్ నుంచి కంట్రోల్ చెయ్యటానికి, కేసీఆర్, మోడీ ఎన్ని ప్రయత్నాలు చేస్తున్నారో చూస్తున్నాం. తాజగా, మరోసారి జగన్ పై తనకున్న ప్రేమ, ఏపి పై ఉన్న ద్వేషం చాటుకునంరు కేటీఆర్... ఇప్పటికే జగన్ గెలుపు కోసం, అన్ని విధాలుగా సహాయం చేస్తున్న టీఆర్ఎస్, ఇప్పుడు మరో సారి జగన్ మీద ఉన్న ప్రేమ చూపించింది. ఆంధ్రప్రదేశ్‌లో జరగబోయే అసెంబ్లీ, పార్లమెంట్ ఎన్నికల్లో వైసీపీ గెలవడం ఖాయమని టీఆర్ఎస్ వర్కింగ్ ప్రెసిడెంట్ కేటీఆర్ జోస్యం చెప్పారు. అసెంబ్లీ లాబీల్లో మీడియా ప్రతినిధులతో పిచ్చాపాటిగా మాట్లాడిన కేటీఆర్... తన చేతకానితనం వల్లే చంద్రబాబు ఎన్నికల్లో ఓడిపోబోతున్నారని వ్యాఖ్యానించారు. తాము టీడీపీ నేతలను వైసీపీలోకి పంపుతున్నామన్న టీడీపీ వాదన విడ్దూరంగా ఉందని కేటీఆర్ అన్నారు. రాబోయే ఎన్నికల తరువాత చంద్రబాబు కనీసం విజయవాడలో కూడా చక్రం తిప్పలేడని అభిప్రాయపడ్డారు.

కేసీఆర్ ఏపి రాజకీయాల్లో వేలు పెట్టటం ఏమో కాని, ఇక్కడ కొంత మంది మాత్రం, వీర లెవెల్లో రెచ్చిపోతున్నారు. అప్పట్లో స్వతంత్ర పోరాటం చేసే క్రమంలో, ఇక్కడ కొంత మని మన దేశంలో విష పురుగులు, బ్రిటీష్ వారితో కలిసి, సొంత మాతృభూమికే అన్యాయం చేసారు. ఇలాంటి విష పురుగులు, ఇప్పుడు ఏపిలో కూడా తయారయ్యాయి. ఏపి ప్రజలను ఛీ కొట్టి, కుక్కలు, రాక్షులు అని, చివరకు మనం తినేది పెంట అని సంభోదించినా, ఇక్కడ కొంత మందికి మాత్రం, కేసీఆర్ అంటే ప్రేమ కారిపోతుంది. మన కష్టంతో నిర్మించుకున్న హైదరాబాద్ నుంచి మనలను గెంటేసి, కనీసం రాజధాని కూడా లేకుండా, ప్రయాణం ప్రారంభించిన మన ధుస్తుతికి కారణం అయిన కేసిఆర్ ను నెత్తిన పెట్టుకుంటున్నారు.

ఇన్ని ఇబ్బందుల్లో రాష్ట్రం ఉన్నా, మనకు 5 వేల కోట్లు విద్యుత్ బకాయులు ఇవ్వని కేసీఆర్ అన్నా, దాదాపు 50 వేల కోట్ల ఉమ్మడి ఆస్థుల విభజన చేసి మన రాష్ట్రానికి ఇవ్వని కేసీఆర్ అన్నా, పోలవరం ఆపే కేసీఆర్ అన్నా, ఏపికి ప్రత్యేక హోదా వద్దు అంటున్న కేసీఆర్ అన్నా, ఏపిలో కొంత మందికి, ఇక్కడ ప్రతిపక్ష నాయకులకి, కేసీఆర్ అంటే ప్రేమ కారిపోతుంది. ఇక్కడ కేసీఆర్ చెప్పే మాట పెద్ద విశేషం కాదు. ఆయన మొదటి నుంచి ఆంధ్రా ద్వేషి. కాని ఈ ఆంధ్రా ద్వేషిని జగన్ ఎలా పొగుడుతారు ? చంద్రబాబు మీద ద్వేషం ఒక్కటే కారణమా ? ఏపి ప్రజలు గురించి వీరి ఆలోచించరా ? కేవలం చంద్రబాబు మీద కోపంతో, ఏపి ప్రజల ఆత్మగౌరవాన్ని, సిగ్గు లేకుండా, ఈ బ్యాచ్ అంతా కలిసి కేసీఆర్ కాళ్ళ కింద పెడుతున్నారు.