news

మంగళవారం విభజన తర్వాత ఏపీకి జరిగిన అన్యాయంపై విజయవాడలోని ఐలాపురం హోటల్‌లో మాజీ మంత్రి ఉండవల్లి అరుణ్‌కుమార్ ఆధ్వర్యంలో అఖిలపక్షం, మేధావుల సమావేశం నిర్వహిస్తారు. విభజన హామీలు, ప్రత్యేక హోదా, నిధులు ఇవ్వకపోవడంపై ఉండవల్లి సమావేశాన్ని ఏర్పాటు చేశారు. సమావేశానికి హాజరుకావాలని అన్ని పార్టీలకు ఆయన లేఖలు రాశారు. ఉండవల్లి లేఖపై సీఎం చంద్రబాబు స్పందించారు. ఉండవల్లి సమావేశానికి హాజరుకావాలని టీడీపీ నిర్ణయించింది. సమావేశానికి ఎంపీ సీఎం రమేష్‌, మంత్రి ఆనందబాబును పంపాలని టీడీపీ నిర్ణయం తీసుకుంది. టీడీపీతో పాటు వైసీపీ, జనసేన, కాంగ్రెస్, బీజేపీ, సీపీఐ, సీపీఎం పార్టీలకు ఉండవల్లి ఆహ్వానం పంపారు. అయితే టీడీపీతో కలిసి వేదికను పంచుకోలేమని, ఈ భేటీకి తాము రామని వైసీపీ నాయకత్వం తెలిపిందని ఉండవల్లి అరుణ్‌కుమార్ తెలిపారు.

ఇందులో ప్రధాన ఎజెండా వచ్చే కొత్త ప్రభుత్వం రాష్ట్ర ప్రయోజనాలు కాపాడేందుకు ఎలాంటి చర్యలు తీసుకోవాలి అన్నది చర్చిస్తారు. ఏపీకి జరుగుతోన్న అన్యాయంపై ఈనెల 29 న విజయవాడలో అన్ని రాజకీయ పార్టీలతో సమావేశాన్ని నిర్వహిస్తున్నట్లు మాజీ ఎంపీ ఉండవల్లి అరుణ్ కుమార్ ప్రకటించారు. ఏపీకి జరిగిన అన్యాయంపై ఇందులో కూలంకషంగా చర్చిస్తామని ఆయన తెలిపారు. ఏపీకి ప్రత్యేకహోదా, విభజన హామీల అమలు విషయంలో తీసుకోవాల్సిన చర్యలపై ఈ సమావేశంలో ఉమ్మడి కార్యాచరణను రూపొందిస్తామని ఉండవల్లి ప్రకటించారు. ఈ సమావేశానికి టీడీపీ, వైసీపీ, జనసేన సహా ఏడు రాజకీయ పార్టీలను ఆహ్వానించామని, అయితే ఈ సమావేశానికి హాజరయ్యేందుకు వైసీపీ అంగీకరించలేదని అన్నారు. ఏపీకి జరిగిన అన్యాయాన్ని కూడా ప్రస్తావించలేని స్థితిలో రాజకీయ పార్టీలున్నాయని ఉండవల్లి అరుణ్ కుమార్ అసంతృప్తిని వ్యక్తం చేశారు.

ఎన్నికలు సమీపిస్తోన్న వేళ ఆంధ్రప్రదేశ్‌లో మళ్లీ ప్రత్యేక హోదా, విభజన హామీల సాధనపై డిమాండ్లు ఊపందుకున్నాయి. బడ్జెట్‌ ప్రవేశపెట్టేందుకు మోదీ సర్కారు సిద్ధమవుతోన్న తరుణంలో కేంద్రంపై ఒత్తిడి తెచ్చేందుకు పార్టీలు సిద్ధమవుతున్నాయి. కేంద్రం నుంచి రాష్ట్రానికి రావాల్సిన నిధులు, విభజన హామీలు తదితర అంశాలపై చర్చించేందుకు ముఖ్యమంత్రి చంద్రబాబు అధ్యక్షతన జనవరి 30న అఖిలపక్ష సమావేశం నిర్వహిస్తున్నారు. గతంలో ఇదే అంశంపై రెండుసార్లు నిర్వహించారు. కేంద్రం బడ్జెట్ ప్రవేశ పెట్టనున్న తరుణంలో ఎలాంటి వ్యూహం అనుసరించాలనే దానిపై ఈ భేటీలో ప్రధానంగా చర్చించనున్నారు. అన్ని రాజకీయ పక్షాలతో పాటు ప్రత్యేక హోదా, విభజన సమస్యలపై పోరాడే వివిధ సంఘాలను కూడా ఈ సమావేశానికి ఆహ్వానించారు.

వీళ్ళు అధికారంలోకి రాకపోతేనే ఇలా ఉన్నారు.. ఇక పొరపాటున అధికారంలోకి వస్తే, నరమేధం సృస్తిసారు.. ఇంతకీ ఎవరు వారు అంటారా ? ఇంకా ఎవరండీ వైసీపీ పార్టీ బ్యాచ్.. వాళ్ళ పార్టీ నాయకుడే ఇష్టం వచ్చినట్టు మాట్లాడుతూ, ముఖ్యమంత్రిని కాల్చి చంపాలి అంటాడు... ముఖ్యమంత్రి ఉరి వేసి చంపేయాలి అంటాడు... ఐఏఎస్ ఆఫీసర్ లని జైలుకి తీసుకుపోతా అంటాడు.. ఇలా ఒకరు కాదు, ఇద్దరు కాదు, అనేక మందిని ఇలాగే అన్నాడు జగన్. మా నాయకుడే ఇలా చేస్తే ఎలా అనుకున్నారో ఏమో, జగన్ పార్టీలో నాయకులు కూడా ఇలాగే రేచ్చిపోతూ ఉంటారు. అనేక సందర్భాలో వీళ్ళ అరాచకాలు చూసాం. ప్రజలని ఎలా భయబ్రాంతులకు గురి చేసారో చూస్తున్నాం. తాజాగా ఇలాంటి సంఘటనే కడపలో జరిగింది. ఏకంగా పోలీసుల పైనే రెచ్చిపోయారు.

తన పార్టీ వారిని అదుపులోకి తీసుకొని కొట్టారంటూ పది మందితో కలిసి ఎమ్మెల్యే రఘురామిరెడ్డి ఆదివారం స్థానిక పోలీస్‌స్టేషన్‌లోకి వెళ్లారు. అక్కడ గదిలో ఉన్న తన అనుచరుల వద్దకు దూసుకెళ్లారు. సీఐ జీఆర్‌యాదవ్‌ అడ్డుచెప్పడంతో వారి మధ్య వాగ్వాదం జరిగింది. అనంతరం నిరసన వ్యక్తం చేస్తూ స్టేషన్‌ బయట బైఠాయించారు. టీటీడీ చైర్మన్‌, తెలుగుదేశం పార్టీ నియోజకవ ర్గ ఇన్‌చార్జి పుట్టా సుధాకర్‌యాదవ్‌ కుటుంబ సభ్యులపై సామాజిక మాధ్యమాల్లో వైసీపీకి చెందిన కొందరు తప్పుడు సమాచారం పెట్టడంతో ఆ పార్టీ నాయకులు శనివారం మైదుకూరు పోలీస్ స్టేషన్‌లో ఫిర్యాదు చేశారు. ఫిర్యాదులో పేర్కొన్న వారిలో కొంతమందిని స్టేషన్‌‌కు తీసుకొచ్చారు. ఈ విషయం ఎమ్మెల్యే రఘురామిరెడ్డికి తెలియడంతో పార్టీ నాయకులు, అనుచరులతో పోలీస్ స్టేషన్‌లోకి దూసుకెళ్లారు. అంతలో సీఐ లేచి ఎమ్మెల్యే వద్దకు చేరుకుని ఏంటిదీ.. ఇంత దౌర్జన్యమా.. నా అనుమతి లేకుండా నిందితుల వద్దకు ఎలా పోయారన్నారు.

దీంతో రఘురామిరెడ్డి, సీఐ మధ్య వాగ్వాదం చోటు చేసుకుంది. బయటకు వెళ్లండి అంటూ సీఐ, పోలీసులు వారిని బయటకు పంపారు. దీంతో ఎమ్మెల్యే, ఆయన అనుచరులు ‘మమ్మల్నే రావద్దంటావా.. షూట్‌ చేస్తానంటావా.. ఎంతమందిని షూట్‌ చేస్తావు రా..’ అంటూ స్టేషన్‌ వద్ద బైఠాయించారు. దీంతో వారు పోలీసులకు వ్యతిరేకంగా నినాదాలు చేశారు. కాగా ఎమ్మెల్యే, తన న్యాయవాది జ్వాలా నరసింహశర్మతో కలిసి సీఐ వద్దకు వెళ్లి చర్చించారు. తిరిగి నాయకులతో కలిసి వెళ్లిపోయారు. ఈ విషయంపై సీఐ ఆంధ్రజ్యోతితో మాట్లాడుతూ తన అనుమతి లేకుండానే విచారణలో ఉన్న నిందితుల వద్దకు సుమారు 30, 40 మందితో దౌర్జన్యంగా వెళ్లడం ఏంటన్నారు. ఎమ్మెల్యే అని గౌరవం ఇచ్చానన్నారు. ఎంత చెప్పినా ఆయన పార్టీ కార్యకర్తలు వినక పోవడంతో అందరినీ బయటకు పంపించామన్నారు. ఈ విషయం ఉన్నతాధికారులకు తెలియచేశానని ఆయన వివరించారు.

రాష్ట్ర విభజన అనంతరం నవ్యాంధ్రప్రదేశ్లోని అనంతపురం జిల్లాలో భారతదేశంలోనే తొలిసారిగా దక్షిణ కొరియా కార్ల దిగ్గజం ఏర్పాటు చేసి కియా కంపెనీ జిల్లా కీర్తి కిరీటంలో మరో కలికితురాయి కాబోతోంది. కియా మోటార్స్ నుండి తొలి కారు రేపు రోడ్డు మీదకు రానుంది. ఈ కంపెనీ ఇండియాలో తయారుచేసిన తన తొలికారును ఈ నెల 29వ తేదీ ముఖ్యమంత్రి నారా చంద్రబాబునాయుడు లాంఛనంగా ఆవిష్కరించనున్నారు. అనంతపురం జిల్లా కార్మికుల చేతుల మీదుగా బిగించిన తొలి కారును చంద్రబాబు విడుదల చేసి, డ్రైవ్ చేయనున్నారు. ఇప్పటికే పరిశ్రమలో ఉన్న ట్రాక్ పై ట్రయల్ రన్ ను కూడా నిర్వహించిన సిబ్బంది తొలికారు విడుదల కోసం వేచిచూస్తున్నారు. ప్రతి ఆరు నెలలకు ఒక కొత్త మోడల్ కారును విడుదల చేసేలా అత్యాధునిక రోబోటిక్ యంత్రాలను పరిశ్రమలో ఏర్పాటు చేసిన ఈ పరిశ్రమ అనంతపురం జిల్లా అభివృద్ధిలో కీలకంగా మారింది.

జిల్లాలోని అమ్మవారుపల్లిలో 555 ఎకరాల సువిశాలమైన విస్తీర్ణంలో కియా మోటార్స్ ఇండియా ప్రైవేట్ లిమిటెడ్ కంపెనీ ఏర్పాటు చేశారు. దక్షిణ కొరియాలోని సియోల్ ప్రధాన కేంద్రంగా ఏర్పాటైన కియా 1954 నుంచి వాణిజ్యపరమైన కార్ల ఉత్పత్తిని ప్రారంభించింది. ఈ నేపథ్యంలో అనంతపురం జిల్లాలో అల్ట్రా మెగా ఇంటిగ్రేటెడ్ ఆటోమొబైల్ మ్యానుఫ్యాక్చరింగ్ ప్రాజెక్టును అమ్మవారుపల్లి వద్ద ఏర్పాటు చేసింది. ఈ యూనిట్ మార్చి నుంచి వాణిజ్య పరంగా ఉత్పత్తికి శ్రీకారం చుట్టి, ఆక్టోబర్ నుంచి పూర్తి స్థాయిలో కార్లను ఉత్పత్తి చేయబోతోంది. సాంకేతికంగా కార్ల తయారీకి కియా ఇండియా యూనిట్ సిద్ధం అవుతుండటంతో ట్రయల్ ప్రొడక్షన్లో తాలికారును సీఎం చంద్రబాబు ఆవిష్కరించనున్నారు.

కాగా 2017 ఏప్రిల్ 20వ తేదీ ఆంధ్రప్రదేశ్ ప్రభుత్వం, కియా(జీఏ) మోటార్స్ కార్పొరేషన్ మధ్య అవగాహన ఒప్పందం(ఎంఓయూ) కుదిరింది. ఈ కంపెనీ ఏర్పాటుకు మొత్తం రూ. 15వేల కోట్లు(400 మిలి యన్ డాలర్లు) పెట్టుబడి పెడుతున్నారు. ఈ యూనిట్లో ప్రాథమికంగా ఏడాదికి 3 లక్షల కార్ల ఉత్పత్తి లక్ష్యం కాగా, అన్ని హంగులూ సమకూర్చుకున్న అనంతరం ఏడాదికి 4 లక్షల కార్ల ఉత్పత్తి స్థాయికి పెంచేందుకు కంపెనీ యాజమాన్యం సిద్ధమవుతోంది. ఈ కంపెనీ ఏర్పాటు ద్వారా 4వేల శాశ్వత ఉద్యోగాలతో పాటు అదనంగా 7 వేల మందికి టెంప రరీ ఉద్యోగాలు కల్పించనున్నామని సీఎం చంద్రబాబు ఇది వరకే ప్రకటించారు. కాగా స్థానిక జిల్లా వాసులకే 100 శాతం ఉద్యోగాలు ఇచ్చేందుకు చర్యలు చేపట్టామని కలెక్టర్ వీరపాండ్యన్ తెలిపారు.