news

ఒకే ఒక్క కీలక నిర్ణయంతో తెలుగుదేశం పార్టీ అధినేత చంద్రబాబు జాతీయ స్ధాయిలో ప్రతిపక్షాల ఐక్యతకు కేంద్ర బిందువు కాగలిగారు. బీజేపీయేతర పార్టీల మధ్య అనుసంధానాన్ని సాధించగలిగిన సమన్వయకర్తగా ఇతర పార్టీల విశ్వాసం సంపాదించగలిగారు. బీజేపీయేతర పార్టీలకు కొందరు సీనియర్‌ నేతలకు ప్రధాని పదవి పై కన్నుంది. పెద్ద పార్టీగా కాంగ్రెస్‌ కూడా ఆ పదవిని బలంగా కోరుకుంటోంది. దీంతో ఇతర పార్టీల సీనియర్‌ నేతలను పోటీదారులుగా పరిగణించి అనుమానంగా చూసే వాతావరణం నెలకొంది. ఈ పార్టీలు ఒక తాటిపైకి వచ్చేందుకు, పరస్పరం కలిసి పనిచేయడానికి ఉన్న అడ్డంకుల్లో ఇదీ ఒకటిగా పరిణమించింది.

ప్రతిపక్షాల ఐక్యతకు చొరవ తీసుకోవాలని చంద్రబాబు నిర్ణయం తీసుకున్నాక, దీనిపై కూడా స్పష్టత ఇవ్వాలని భావించారు. ప్రధాని పదవికి రేసులో లేనని మిగిలిన పార్టీల అధినేతలకు ఆయన ముందుగానే చెప్పేస్తున్నారని సమాచారం. నా రాష్ట్రం నాకు ముఖ్యం, నా రాష్ట్ర శ్రేయస్సు ముఖ్యం, ప్రధాని పదవి కాదు, అని చంద్రబాబు తేల్చి చెప్పేస్తున్నారు. ‘నేను రేసులో లేను. నాకు నా రాష్ట్రం ముఖ్యం. కొత్త రాష్ట్రాన్ని నిలబెట్టాల్సిన బాధ్యత నాపై ఉంది. నేను దానిని విడిచి రాను. దేశంలో నెలకొన్న విపత్కర పరిస్థితుల దృష్ట్యా వాటి నుంచి దేశాన్ని కాపాడేందుకు బీజేపీయేతర పార్టీలను ఒక తాటిపైకి తేవడానికి ప్రయత్నిస్తున్నాను. దేశాన్ని కాపాడాలి. ప్రజాస్వామాన్ని కాపాడాలి అన్నది నా నినాదం. ఇది మనందరి ఉమ్మడి నినాదం కావాలి. ఎవరో ఒకరు పూనుకోవాలి కాబట్టి నేను ముందుకొచ్చాను. అందరం కలిసికట్టుగా ప్రయాణం చేయడానికి నా వంతు సహకారం అందించడం వర కే నా పాత్ర’ అని ఆయన వారికి చెబుతున్నారు.

తనను ప్రధాని అభ్యర్థి అని గానీ లేదా జాతీయ కన్వీనర్‌ అని గానీ ఎక్కడా చెప్పవద్దని, ప్రచారం కూడా చేయవద్దని వారికి గట్టిగా సూచించారు. రేసులో చంద్రబాబు లేరని తెలిశాక ఇతర పార్టీల నేతలు బాగా స్పందిస్తున్నారని అంటున్నారు. 1996లో కేంద్రంలో యునైటెడ్‌ ఫ్రంట్‌ ప్రభుత్వం ఏర్పాటు చేసిన సమయంలో చంద్రబాబు దానికి కన్వీనర్‌గా వ్యవహరించారు. భిన్న ధ్రువాలైన అనేక పార్టీలతో మాట్లాడి సమన్వయం చేయగలిగిన నైపుణ్యం ఆయనకు ఆ సమయంలో అలవడింది. దేవ గౌడ, గుజ్రాల్ లను, అందరినీ ఒప్పించి ప్రాధానులుగా చేసిన చరిత్ర చంద్రబాబుది. తరువాత వాజ్ పాయి హాయంలో ఎన్డీఏను కూడా చంద్రాబబే సమర్ధవంతంగా నడిపించిన సంగతి తెలిసిందే.

వైసీపీ అధ్యక్షుడు జగన్ మోహన్ రెడ్డి పై కోడి కత్తితో గుచ్చి 0.5 cm మేర దాడి చేసిన సంగతి తెలిసిందే. అయితే ఆ కోడి కత్తితో గుచ్చినోడు జగన్ వీరాభిమాని అని అందరికీ తెలియటంతో, తమ బండారం బయట పడుతుందని, వైసీపీ మార్ఫింగ్ డ్రామాలు చేసింది. ఆ కోడి కత్తితో గుచ్చినోడు వైసీపీ కాదు, తెలుగుదేశం అని, ఒక నకిలీ మెంబెర్ షిప్ కార్డ్ తయారు చేసారు. ఈ నకిలీ కార్డు సోషల్ మీడియాలో సర్క్యూలేట్ చేయటమే కాకుండా, సాక్షాత్తు ఆ పార్టీ అధికారప్రతినిధి జోగి రమేష్ కూడా ఆ నకిలీ కార్డు ను చూపించి మాట్లాడటం జరిగింది. అయితే అబద్ధాలను మార్ఫింగ్ ద్వారా చూపించాలి అన్న తొందరలో వైసీపి జఫ్ఫా బ్యాచ్ చేసిన మార్ఫింగ్ కార్డ్ లో పెద్ద కామెడీ ఏమిటంటే వాళ్ళు కార్డ్ లో చూపించినట్లు " ముమ్మిడివరం మండలం " అమలాపురం నియోజకవర్గంలో లేదు.. ముమ్మిడివరం నియోజకవర్గంలో ఉంది..

కనీస అవగాహన లేకుండా కేవలం ఫోటోషాప్ మాత్రమే తెలిసిన బ్యాచ్ ను నమ్ముకుని ఇలా " వెర్రి పప్పలు " అయిపోయారు. అతి పెద్ద కామెడీ ఏమిటంటే ఆ ఫోటో షాప్ బ్యాచ్ ని నమ్మి, జోగి రమేష్ విపి అవ్వటం. ఇదే విషయం లోకేష్ కూడా అన్ని ఆధారాలతో తన ట్విట్టర్ లో పోస్తే చేసారు. జానిపల్లి శ్రీనివాసరావు, అతని సోదరుడు సుబ్బరాజు పేర్లతో ఉన్న ఆ ఐడీ కార్డులు ఫేక్‌ గా తెలుగుదేశం నాయకులు తేల్చారు. వారిద్దరూ టీడీపీ సభ్యులుగా చిత్రీకరించేందుకు జరిగిన కుట్రను ఛేదించారు. చర్యలు తీసుకోవాల్సిందిగా పోలీసులకు ఫిర్యాదు చేశారు. ఈ కేసు విషయంలో, ఈ నెల 6న విచారణకు హాజరుకావాలని వైసీపీ నేత జోగి రమేశ్ కు నోటీసులు జారీచేశారు గుంటూరులోని, అరండల్ పేట పోలీసులు.

వాస్తవానికి దాడి జరిగినప్పుడే మీడియా ముందుకు వచ్చిన సుబ్బరాజు తాము ఏ పార్టీకి చెందిన వారం కాదని, తమ్ముడికి జగన్‌, వైసీపీలంటే ప్రాణమని చెప్పాడు. కానీ, అన్నదమ్ముల పేర్లతో సభ్యత్వ కార్డులు రావడం ‘విచిత్రం. ప్రచారంలో ఉన్న సభ్యత్వ కార్డులపై నంబర్లు ఉండటంతో, అవి అసలైనవో, నకిలీవో గుర్తించడం టీడీపీ నాయకులకు సులువైంది. ఆ నంబర్ల ఆధారంగా అసలు కార్డులను మీడియాకు విడుదల చేశారు. సుబ్బరాజు పేరుతో బయటకొచ్చిన 05623209 నంబరును కార్డును వాస్తవంగా ప్రకాశం జిల్లా కొండెపి నియోజకవర్గానికి చెందిన మొలకలపల్లి వెంకటరమణమ్మకు టీడీపీ జారీ చేసింది. అదేవిధంగా శ్రీనివాసరావు పేరుతో ఉన్న 056232210 నంబరు కార్డును బాపట్ల నియోజకవర్గ పరిధిలోని కర్లపాలెం మండలం గణపవరానికి చెందిన అంకాలు నంబూరికి కేటాయించారు. ఈ ఒరిజినల్‌ కార్డులు తీసుకొని వెంకటరమణమ్మ ఫొటో స్థానంలో సుబ్బరాజు ఫొటోను, నంబూరి అంకాలు స్థానంలో శ్రీనివాసరావు ఫొటోను ఉంచి తప్పుడు టీడీపీ సభ్యత్వ కార్డులను సృష్టించారు. ఈ ఆధారాలతో టీడీపీ రాష్ట్ర ప్రధాన కార్యదర్శి, ఆర్టీసీ చైర్మన్‌ వర్ల రామయ్య.. గుంటూరులో టీడీపీ రాష్ట్ర కార్యాలయం పరిధిలో ఉన్న అరండల్‌పేట పోలీ్‌సస్టేషన్‌లో ఫిర్యాదు చేశారు.

నవ్యాంధ్ర రాజధాని అమరావతిలో ఉన్న గన్నవరం ఎయిర్ పోర్ట్ లో, విజయవాడ ఇంటర్నేషనల్ టెర్మినల్‌ సిద్ధమైంది. ఇమిగ్రేషన్‌, కస్టమ్స్‌ విభాగాల పనులు పూర్తయ్యాయి. సెంట్రలైజ్డ్‌ ఏసీ, చక్కటి ఇంటీరియర్‌తో రూపుదిద్దుకున్న ఈ టెర్మినల్‌ దేశ, విదేశీ ప్రయాణికులకు ఆతిథ్యం ఇవ్వనుంది. ఇక్కడి గోడలపై కృష్ణాజిల్లా చారిత్రక, సాంస్కృతిక నేపథ్యంతోపాటు వివిధ దేశాల నుంచి వచ్చేవారికి అమరావతి గురించి అర్థమయ్యేలా చక్కటి చిత్రాలను ఏర్పాటుచేశారు. ఎయిర్‌పోర్టు అథారిటీ ఆఫ్‌ ఇండియా రూ.5కోట్ల వ్యయంతో అంతర్జాతీయ ప్రమా ణాలకు అనుగుణంగా దీన్ని ఆధునీకరించింది.

ఎయిర్‌లైన్స్‌ కౌంటర్లు, చెకిన్‌ కౌంటర్లు, ప్రయాణికులు, సందర్శకుల ప్రీ వెయిటింగ్‌ రూం, సెక్యూరిటీ చెకింగ్‌, ఇమిగ్రేషన్‌, కస్టమ్స్‌ విభాగాలు, పాసింజర్స్‌ సిట్టింగ్‌ ఏరియా, వీఐపీ లాంజ్‌ వంటివి డిపార్చర్‌ బ్లాక్‌లో ఉన్నాయి. ప్రవేశద్వారం వద్ద ఒకటి, భద్రత తనిఖీ విభాగం లోపల రెండు చొప్పున బ్యాగేజీ చెకింగ్‌ యంత్రాలు ఏర్పాటు చేశారు. ఇక ప్రయాణికుల బ్యాగేజీ చెకిన్‌, కన్వేయర్‌ బెల్ట్‌, పాసింజర్‌ వెయిటింగ్‌ హాల్‌, కస్టమ్స్‌ చెకిన్‌ పాయింట్స్‌ అరైవల్‌ బ్లాక్‌లో ఉన్నాయి. ఈ బ్లాక్‌ బయటి గోడల మీద వేయించిన ఉండవల్లి గుహలు, కొండపల్లి బొమ్మలు, ప్రకాశం బ్యారేజీ, కూచిపూడి నృత్యాలు వంటి ఆర్ట్‌ పెయింటింగ్స్‌ ఆకట్టుకుంటున్నాయి. ఇమిగ్రేషన్‌ సిబ్బందికి, కస్టమ్స్‌ విభాగానికి అవసరమైన చాంబర్లను సిద్ధం చేశారు. సెక్యూరిటీ చెకింగ్‌ పూర్తయిన ప్రయాణికుల కోసం ఏర్పాటు చేసిన పాసింజర్‌ లాబీ(సిట్టింగ్‌ ఏరియా)కి అనుబంధంగా అనేక సదుపాయాలు కల్పించారు. చంటిపిల్లలకు పాలు పట్టడానికి, ప్రార్థన చేసుకోవడానికి, స్మోకింగ్‌ కోసం ప్రత్యేకంగా చాంబర్లు ఏర్పాటు చేశారు.

టెర్మినల్‌ ముందు, వెనుక చక్కటి ల్యాండ్‌స్కేపింగ్‌తో గార్డెన్‌, విశాలమైన రహదారి, సెంట్రల్‌ డివైడర్‌ , రోడ్డుకిరువైపులా గ్రీనరీని అభివృద్ధి పరిచారు. అంతర్జాతీయ టెర్మినల్‌ దగ్గర పటిష్ఠ భద్రత కల్పించారు. సాధారణ సెక్యూరిటీతో పాటు పోలీసు సిబ్బంది, ఎస్‌పీఎఫ్‌ బలగాలను కూడా మోహరించా రు. భద్రతపరంగా ఎయిర్‌పోర్టును దుర్భేద్యంగా తీర్చిదిద్దారు. కస్టమ్స్‌ విభాగం వెనుక వీఐపీ లాంజ్‌కు వెళ్లే మార్గంలో అమరావతి ఊహాచిత్రం కనువిందు చేస్తుంది. ఖరీదైన సోఫాసెట్లు, టీపాయ్‌లతో ఈ లాంజ్‌ను సుందరంగా తీర్చిదిద్దారు. మువ్వన్నెల జెండాలో ఏపీ మ్యాప్‌, అందులో గౌతమ బుద్ధుడు, కృష్ణానది, ప్రకాశం బ్యారేజీ, దుర్గగుడి, తెలుగుతల్లి విగ్రహం చిత్రాలు కనిపించేలా ఏర్పాటు చేశారు. పక్కనే కూచిపూడి నృత్యభంగిమ చిత్రం కూడా ఆకర్షిస్తుంది. లాంజ్‌ గోడలపై రాజధాని ప్రణాళికలకు సంబంధించిన చిత్రాలను ఉంచారు.