news

విజయ్‌ మాల్యా లండన్ పారిపోవటానికి సహకరించింది ఎవరు? సీబీఐలోని ఉన్నతస్థాయి అధికారులు లోపాయికారీగా సహకరించారా? బీజేపీ పెద్దలే ఆయన ‘పరారీ’కి సహకరించారా? భద్రంగా దేశం వదిలి పారిపోయేందుకు వీలు కల్పించారా? ‘లుకౌట్‌ నోటీసు’లో ఎవరికీ ఇవ్వని మినహాయింపులు మాల్యాకు ఇచ్చారా? ఈ విషయాలేవీ సీబీఐ డైరెక్టర్‌ అనిల్‌సిన్హాకు తెలియకుండా జరిగాయా? ఈ అనుమానాలను బలపరిచేలా కొత్త సంగతులు బయటపడుతున్నాయి. ‘ఎన్డీటీవీ’ చేసిన తాజా పరిశోధనలో ఇవే నిజమనే తేలుతున్నాయి. దేశం నుంచి పారిపోవడానికి వీల్లేకుండా మాల్యాపై అక్టోబరు 16, 2015న సీబీఐ లుకౌట్‌నోటీసు జారీ చేసింది.

దీనిప్రకారం సీబీఐ అనుమతి లేకుండా దేశం విడిచి విదేశాలకు వెళ్తే, విమానాశ్రయంలోనే ఇమ్మిగ్రేషన్‌ అధికారులు అరెస్టు చేస్తారు. అనారోగ్యం, ఇతర కారణాలతో వెళ్లాల్సి వస్తే ముందస్తు అనుమతి తప్పనిసరి. ఇంతటి ముఖ్యమైన నోటీసును నవంబరు 24, 2015న మార్చేశారు. అందుకు సీబీఐ సంయుక్త సంచాలకుడు ఎ.కె.శర్మ అనుమతించారు. ఇది మార్చకపోయి ఉంటే పాస్‌పోర్ట్‌ సంఖ్య ఆధారంగా మాల్యాను అరెస్టు చేసి ఉండేవారు. నోటీసులో జరిగిన కీలకమార్పు గురించి తమ బాస్‌ అయిన సీబీఐ డైరెక్టర్‌కు శర్మ చెప్పలేదు (ఉద్దేశపూర్వకంగా తెలియనివ్వలేదు). ఇప్పుడే అదే శర్మ నీరవ్‌మోదీ, పంజాబ్‌ నేషనల్‌ బ్యాంకు కుంభకోణాలను విచారిస్తుండటం గమనార్హం.

లిక్కర్ కింగ్ విజయ్ మాల్యా పరారీ వెనుక సీబీఐ, ప్రధాని నరేంద్ర మోదీ హస్తం ఉందని ఆరోపిస్తున్న కాంగ్రెస్ చీఫ్ రాహుల్ గాంధీ తన దాడిని మరింత ఉదృతం చేశారు. విజయ్ మాల్యాపై జారీ అయిన లుక్‌అవుట్ నోటీసును సీబీఐ జాయింట్ డైరెక్టర్ ఏకే శర్మ బలహీనపర్చారని ఆరోపించారు. గుజరాత్ కేడర్ అధికారి అయిన శర్మ... సీబీఐలో ప్రధాని మోదీ ‘‘కనుసన్నల్లో’’ నడుచుకుంటున్నారని రాహుల్ గాంధీ దుయ్యబట్టారు. దేశం విడిచి పరారైన వజ్రాల వ్యాపారులు నీరవ్ మోదీ, మెహుల్ చోక్సీ తప్పించుకునేందుకు కూడా శర్మయే కారణమని ఆరోపించారు. మరో పక్క విజయ్ మాల్య రెండు రోజుల క్రిందట, నేను లండన్ వెళ్ళే ముందు అరుణ్ జైట్లీని కలిసాను అని చెప్పిన విషయం తెలిసిందే.

జనసేన అధినేత పవన్ కళ్యాణ్, పట్టుమని పది రోజులు ప్రజల్లో ఉండటం చూసారా ? వస్తాడు, హడావిడి చేస్తాడు, వెళ్ళిపోతాడు.. రంజాన్ సెలవలు, వినాయక చవతి సెలవలు, వర్షాలు, కాలు బెనికింది, కన్ను మీద కురుపు వచ్చింది, ఇలా వంకలు పెట్టి, ఫార్మ్ హౌస్ కి వెళ్ళిపోతాడు. తూర్పు గోదావరిలో నాలుగు రోజులు తిరిగి, ఫార్మ్ హౌస్ కి వెళ్ళిపోయి, దాదాపు నెల పైన అవుతుంది. మధ్యలో కొన్ని పార్టీ మీటింగ్లు పెట్టుకున్నారు, ఒక కుల కలెక్షన్ మీటింగ్ పెట్టుకున్నారు. ఇంత హిస్టరీ ఉన్న పవన్ కళ్యాణ్, సెంటర్ కి వెళ్ళిపోతున్నాడు అంట.. ఇప్పటికే ఏర్పాట్లు జరిగిపోతున్నాయి అంట.. తెలంగాణాలో బ్రతుకుతూ, తెలంగాణాలో ఎన్నికలు జరుగుతుంటే స్పందించిన వాడు, జాతీయ రాజకీయలు చేస్తాడు అంట..

"మనం జాతీయ రాజకీయాల్లోకి వెళుతున్నామ్.. దానికి సంబందించిన పనులు జరుగుతున్నాయ్" అంటూ పవన్, తన కులపు వాళ్ళని పిలిచి, కలెక్షన్ మీటింగ్ పెట్టి, ఆ మీటింగ్ లో చెప్పిన వ్యాఖ్యలను జర్నలిస్ట్ మూర్తి చెప్పారు. పవన్ కళ్యాణ్ సీక్రెట్ మీటింగ్ పెట్టి, డబ్బులు వసూలు చేస్తున్నాడు అంటూ, మహా న్యూస్ లో ఉండగా, మూర్తి ఒక స్పెషల్ ప్రోగ్రాం వేసి, వీడియోలు చూపించిన సంగతి తెలిసిందే. అందులో, పవన్ ఆడిటర్ మాట్లాడుతూ, చెక్ ఇస్తున్నారా, కాష్ ఇస్తున్నారా ? మినిమం 10 లక్షలు ఇవ్వాలి అని చెప్పిన వీడియో అందరూ చూసారు. అయితే, పవన్ నుంచి వచ్చిన ఒత్తిడితో, ఈ ప్రోగ్రాం మధ్యలోనే ఆపేశారు. పవన్ కళ్యాణ్, తన కులం వారితో, మాట్లాడిన మాటల వీడియో ప్లే చెయ్యలేదు.

దీంతో మనస్తాపం చెందిన మూర్తి, మహా న్యూస్ కి రాజీనామా చేసి వెళ్ళిపోయారు. ఈ తరుణంలో, పవన్ ఫాన్స్ గత రెండు రోజుల నుంచి, ఆయన పై చేస్తున్న ఉన్మాదం తట్టుకోలేక, ఒక యుట్యూబ్ వీడియో విడుదల చేసారు. అందులో, పవన్ కళ్యాణ్ చేసిన వ్యాఖ్యల గురించి చెప్పారు. కాపులతో మాత్రమే పవన్ కల్యాణ్ సమావేశమయ్యారని,అందులో పాల్గొన్న ఓ వ్యక్తి మాటలను కూడా వీడియోలో, ప్రజెంట్ చేశారు మూర్తి. అంతటితో ఆగిపోలేదు, తన దగ్గర జనసేనకు చెందిన నిఖార్సైన నిజాలు చాలా ఉన్నాయని, కానీ సందర్భంగా కాదని మాత్రమే బయటపెట్టడం లేదని తేల్చి చెప్పారు. తను బయపెట్టిన అంశంపైన కానీ, తన పై జనసేన కార్యకర్తలు చేస్తున్న ఆరోపణలపైన కానీ చర్చకు తాను సిద్ధమని సవాల్ చేశారు. అవసరం అయితే పవన్ 99 ఛానెల్ కు వచ్చి, చర్చిస్తానని చెప్పారు. ఇది ఇలా ఉంటే, నేను జాతీయ రాజకీయాల్లోకి వెళ్తున్నా, నాకు సపోర్ట్ ఉంది, ఏర్పాట్లు జరుగుతున్నాయి అంటూ పవన్ చెప్పిన వ్యాఖ్యలు చూస్తుంటే, అన్న చిరంజీవి కాంగ్రెస్ కి పార్టీ అమ్మేసినట్టు, పవన్ తన పార్టీని బీజేపీకి అమ్మేస్తున్నారా అనే సందేహాలు కలుగుతున్నాయి.

తెలంగాణలో బీజేపీ ఎన్నికల శంఖారావం పురించటానికి నేడు బీజేపీ జాతీయ అధ్యక్షుడు అమిత్‌షా తెలంగాణలో పర్యటించనున్నారు. కొద్దిసేపటి క్రితమే అమిత్‌ షా హైదరాబాద్‌కు చేరుకున్నారు. ఈ సందర్భంగా అమిత్‌షా బీజేపీ కార్యాలయంలో మీడియా సమావేశం నిర్వహించారు. ఈ మీడియా సమావేశంలో ఆంధ్రప్రదేశ్ ముఖ్యమంత్రి చంద్రబాబుకి అరెస్ట్ వారంట్ వ్యవహారం పై విలేకరలు ప్రశ్నించగా, అమిత్ షా చాలా వెటకారంగా స్పందించారు. 37 సార్లు సమన్లు ఇచ్చాక కూడా కోర్టుకు వెళ్లకుంటే.. వారెంట్లు కాక ఇంకేం వస్తాయి? అంటూ వెటకారం చేసారు.

నిజానికి, అసలు ఇప్పటి వరకు ఏ నోటీసు కూడా, ఎవరికీ రాలేదు మొర్రో అంటుంటే, అమిత్ షా మాత్రం, ఎంతో వెటకారంగా మాట్లాడారు. మాకు ఇలాంటి విషయాల్లో, ఏమి సంబంధం ఉండదు, మా పని వేరు, కోర్ట్ ల పని వేరు అంటూ చెప్పుకొచ్చారు. కేవలం ప్రజల నుంచి సానుభూతి పొందేందుకే చంద్రబాబు నాటకాలు ఆడుతున్నారని విమర్శించారు. చంద్రబాబు మాటలు నమ్మేయడానికి ఆంధ్రా ప్రజలు అంత అమాయకులేమీ కాదని అమిత్ షా అన్నారు. చంద్రబాబుకు కోర్టు నాన్ బెయిలబుల్ వారెంట్ జారీచేయడానికీ, బీజేపీకి సంబంధం లేదని షా స్పష్టం చేశారు. అయితే, ఎప్పుడో 8 ఏళ్ళ నాటి కేసు, మొన్న ఎవరో వ్యక్తి వెళ్లి కోర్ట్ లో పిటీషన్ వెయ్యటం, దాని పై కోర్ట్ అరెస్ట్ వారంట్ ఇవ్వటం, ఇప్పటి వరకు చంద్రబాబుకి ఒక్క నోటీస్ కూడా రాకపోవటం పై, అమిత్ షా ఒక్క ముక్క చెప్పలేదు.

మహారాష్ట్రలో బాబ్లీ నిర్మాణానికి వ్యతిరేకంగా 2010లో చంద్రబాబు ఆందోళన చేసిన సమయంలో నమోదైన కేసులపై ధర్మాబాద్ కోర్టు అరెస్ట్ వారెంట్ నోటీసులు జారీ చేసింది. ఈ ఘటనకు సంబంధించి అప్పట్లో చంద్రబాబు, ఆయన వెంట వెళ్లిన 14మంది టీడీపీ ఎమ్మెల్యేలపై ధర్మాబాద్‌లో కేసులు నమోదయ్యాయి. దీంతో చంద్రబాబుతో పాటు మిగతా టీడీపీ నేతలకు కోర్టు తాజాగా నాన్ బెయిలబుల్ అరెస్ట్ వారెంట్ జారీ చేసింది. ఈ నెల 21న చంద్రబాబు సహా మిగతా నేతలంతా కోర్టుకు హాజరుకావాలని వారికి జారీ చేసిన నోటీసుల్లో పేర్కొంది. నోటీసులు అందుకున్న వారిలో నారా చంద్రబాబు నాయుడు, దేవినేని ఉమా మహేశ్వరరావు, టి .ప్రకాష్ గౌడ్, నక్కా ఆనంద బాబు, గంగుల కమలాకర్, కె.ఎస్.ఎన్.ఎస్.రాజు, చింతమనేని ప్రభాకర్, నామా నాగేశ్వరరావు, జి.రామానాయుడు, సి.హెచ్.విజయరామారావు, ముజఫరుద్దీన్ అన్వరుద్దీన్, హన్మంత్ షిండే, పి.అబ్దుల్ ఖాన్ రసూల్ ఖాన్, ఎస్.సోంజోజు, ఏఎస్.రత్నం, పి.సత్యనారాయణ ఉన్నారు.