news

కృష్ణా జిల్లా గన్నవరం మండలం కేసరపల్లి వద్ద చెన్నై-కోల్‌కతా జాతీయ రహదారిపై ఘోరరోడ్డు ప్రమాదం జరిగింది. ప్రకాశం జిల్లా కందుకూరు ఎమ్మెల్యే పోతుల రామారావు తన వాహనంలో విజయవాడ నుంచి గన్నవరం విమానాశ్రయానికి బయలుదేరారు. కేసరపల్లి వద్దకు రాగానే నున్న నుంచి ద్విచక్రవాహనంపై వస్తున్న హరినారాయణరెడ్డి, సీతామహాలక్ష్మి దంపతులను ఎమ్మెల్యే వాహనం వేగంగా ఢీ కొంది. దీంతో రెండు వాహనాలు పల్టీలు కొట్టి డివైడర్ పైన పడ్డాయి. ఈ ప్రమాదంలో ద్విచక్రవాహనంపై ప్రయాణిస్తున్న సీతామహాలక్ష్మి అక్కడికక్కడే మృతి చెందింది.

తీవ్రంగా గాయపడిన హరినారాయణరెడ్డిని 108లో చినఅవుటుపల్లిలోని పిన్నమనేని సిద్దార్ధ ఆసుపత్రికి తరలించారు. చికిత్స పొందుతూ హరినారాయణరెడ్డి కూడా మృతి చెందాడు. ఎమ్మెల్యే కారు అతివేగంగా నడపడం కారణంగానే రోడ్డు ప్రమాదం జరిగిందని పోలీసులు భావిస్తున్నారు. ప్రమాదం జరిగిన సమయంలో ఎమ్మెల్యే రామారావును తన గన్ మెన్ బయటకు తీసి ఆటోలో ఎక్కించి విమానాశ్రయానికి పంపించారు. ఏసీపీ విజయ్ భాస్కర్ ప్రమాద స్థలానికి చేరుకొని జాతీయ రహదారిపై ట్రాఫిక్ ను క్రమబద్దీకరించారు. గన్నవరం పోలీసులు కేసు నమోదు చేసి దర్యాప్తు చేస్తున్నారు.

తెలుగుదేశం పార్టీ సీనియ‌ర్ నాయ‌కుడు, న‌టుడు నంద‌మూరి హ‌రికృష్ణ హ‌ఠాన్మ‌ర‌ణం యావ‌త్తు తెలుగు ప్ర‌జ‌ల‌ను క‌లిచివేస్తోంది. హ‌రికృష్ణ మ‌ర‌ణ వార్త‌తో తెలుగు సనీ ప‌రిశ్ర‌మ మొత్తం స్థంభించిపోయింది. సినీ ప్ర‌ముఖులంద‌రూ త‌మ త‌మ సోష‌ల్ మీడియా ఖాతాల ద్వారా హ‌రికృష్ణ మృతికి సంతాపం తెలియ‌జేస్తున్నారు. `ఎన్టీయార్‌` బ‌యోపిక్‌ను రూపొందిస్తున్న డైరెక్ట‌ర్ క్రిష్ కూడా హ‌రికృష్ణ మృతికి సంతాపం తెలియ‌జేశారు. చిన్న వ‌య‌సులో తండ్రి ముందు న‌డుస్తున్న హ‌రికృష్ణ ఫోటోను త‌న ట్విట‌ర్ ఖాతాలో పోస్ట్ చేశారు. ‘మార్పు కోసం రామ రథ చక్రాలు నడిపిన చైతన్య రథసారథ్యం.

చిన్నతనంలోనే జనం కోసం తండ్రి ముందు నడిచిన వారసత్వం. నందమూరి హరికృష్ణ గారు 1962 జాతీయ రక్షణ ఫండ్‌ యాక్టివిటీ సమయంలో ఎన్టీఆర్‌ గారి కంటే ముందు నడిచారు’ అని ట్వీట్‌ చేశారు. 1962లో జాతీయ రక్షణ ఫండ్ యాక్టివిటీ సమయంలో‌ తన తండ్రి ఎన్టీఆర్ ముందు హరికృష్ణ నడుస్తున్న దృశ్యమిది. బాల్యం నుంచే ఆయన ప్రజల గురించి ఆలోచించడం మొదలు పెట్టారు. తన తండ్రి అడుగుజాడల్లో నడిచి, మంచి వ్యక్తిగా ఖ్యాతిగడించారు. క్రిష్‌ ఎన్టీఆర్ బయోపిక్‌ ‘యన్టీఆర్‌’ను తెరకెక్కిస్తున్నారు.

నందమూరి బాలకృష్ణ ఇందులో కథానాయకుడిగా నటిస్తున్నారు. ఈ సినిమా కోసం క్రిష్‌.. ఎన్టీఆర్‌, ఆయన కుటుంబ సభ్యుల జీవితాల గురించి పరిశోధనలు చేశారు. ఎన్నికల సమయంలో ఎన్టీఆర్‌ ప్రచార రథ సారథిగా ఆయన వెంటే ఉండి తండ్రికి ఎంతో సేవ చేశారు హరికృష్ణ. ఆ పాత్రను కూడా ‘యన్టీఆర్‌’లో చూపించనున్నారు.

నందమూరి హరికృష్ణ అంతిమయాత్రకు ఏర్పాట్లు జరుగుతున్నాయి. రేపు ఆయన అంత్యక్రియలు జరగనున్నాయి. దీనికి సంబంధించి ఆయన కుటుంబ సభ్యులు తగు ఏర్పాట్లు చేస్తున్నారు. నందమూరి హరికృష్ణ పార్థివదేహం హైదరాబాద్, మెహిదీపట్నంలోని ఆయన ఇంటికి చేరుకుంది. నల్గొండ జిల్లా అన్నెపర్తి హాస్పిటల్ లో పోస్ట్ మార్టం నిర్వహించి, అక్కడ నుంచి ఆయన భౌతికకాయాన్ని ప్రత్యేక వాహనంలో హైదరాబాద్‌ లోని ఆయన ఇంటికి తరలించారు. హరికృష్ణ అంత్యక్రియలు మొయినాబాద్‌లోని ఫాంహౌస్‌లో హరికృష్ణ అంత్యక్రియలు చేయడానికి ఏర్పాట్లు జరుగుతున్నాయి.

హరికృష్ణ అంత్యక్రియలు అధికారిక లాంఛనాలతో నిర్వహించాలని తెలంగాణా ప్రభుత్వం నిర్ణయించింది. తెలంగాణా చీఫ్ సెక్రటరీ జోషికి, తెలంగాణా సీఎం కేసీఆర్‌ ఈ ఆదేశాలు ఇచ్చారు. అయితే హరికృష్ణ అంతిమయాత్ర, ఆయనకు ఎంతో ఇష్టమైన చైతన్య రథం పై నిర్వహించాలని ఆయన కుటుంబసభ్యులు నిర్ణయం తీసుకున్నారు. హరికృష్ణ అంతిమయాత్ర ఆయనకు ఎంతో ఇష్టమైన చైతన్యరథం పై జరుగనుంది. ఈ చైతన్యరథానికి, ఎన్టీఆర్ కుటుంబానికి ఎంతో అనుబంధం ఉంది. 1982లో ఎన్టీఆర్ టీడీపీని స్థాపించి, ఆయన తన ఎన్నికల ప్రచారం కోసం ఓ ప్రత్యేక వాహనాన్ని ఏర్పాటు చేసుకున్నారు. దానికి చైతన్యరథంగా నామకరణం చేశారు. ఈ వాహనం పై, దాదాపు ఓ ఏడాది పాటు ఏపీ అంతా కలియతిరిగారు. ఈ వాహనాన్ని హరికృష్ణే స్వయంగా నడిపారు.