news

ముఖ్యమంత్రి చంద్రబాబునాయుడు ప్రత్యేకహోదా కోసం చేస్తున్న దీక్షకు మద్దతుగా బెంగళూరులోని జిగిణీ పురసభలో ఉంటున్న తెలుగు ప్రజలు అమరావతికి వచ్చారు. సోమవారం ముఖ్యమంత్రి చంద్రబాబునాయుడిని కలిసి తమ సంఘీభావం తెలిపారు. చంద్రబాబునాయుడు చేస్తున్న పోరాటానికి పూర్తి మద్దతు తెలిపేందుకు వచ్చామని కర్ణాటక రాష్ట్ర పొట్టిశ్రీరాములు తెలుగు సంఘం నాయకులు తెలిపారు. రాష్ట్రాభివృద్ధికి నిరంతరం శ్రమిస్తున్న ఆయన పోరాటం ఎంతో ఉత్తమమైనదిగా అభివర్ణించారు. సంఘం గౌరవాధ్యక్షులు ఉమామహేశ్వరరావు, రాష్ట్ర అధ్యక్ష ప్రధాన, కార్యదర్శులు వెంకటరామిరెడ్డి, వీరనారాయణ, కోశాధికారి హరినాథ్‌, పాలకవర్గ సభ్యులు, జిగిణీలోని తెలుగువారు ముఖ్యమంత్రి నివాసం వద్ద ఫ్లెక్సీని ప్రదర్శించారు.

అనంతరం వీరనారాయణ విలేకర్లతో మాట్లాడుతూ బెంగళూరు జిల్లా జిగణి పురసభలో నివాసం ఉంటున్న తెలుగు ప్రజలు ఎదుర్కొంటున్న అనేక సమస్యలను గుర్తించి, వారికి బాసటగా నిలిచేందుకు ఈ సంఘాన్ని స్థాపించామన్నారు. అమరజీవి పొట్టి శ్రీరాములును ఆదర్శంగా తీసుకుని, ప్రవాసాంధ్రులకు, వలస కార్మికులకు, తెలుగు పాఠశాలల అభివృద్ధికి తమ సంఘం ఉదాత్త సేవలు అందిస్తున్నట్లు చెప్పారు. ఏపీకి ప్రత్యేక హోదా కోసం 2015 నుంచి అనేక సార్లు బెంగళూరు విధానసౌధ వద్ద ధర్నాలు, నిరసనలు, ఆందోళనలు నిర్వహించినట్టు వివరించారు.

ఏపీ అభివృద్ధికి అహర్నిశలు శ్రమిస్తున్న సీఎం చంద్రబాబును కొనియాడారు. హోదా, విభజన హామీల అమలు సాధనకు చంద్రబాబు చేస్తున్న పోరాటానికి ప్రత్యక్షంగా, పరోక్షంగా తమ సంఘం సంపూర్ణ మద్దతు ఇస్తుందని చెప్పారు. రాష్ట్రాభివృద్ధికి పాటుపడుతున్న చంద్రబాబుకు భగవంతుని ఆశీర్వాదాలు ఉండాలని ఆకాంక్షించారు. ఇప్పటికే కర్ణాటకలో, బీజేపీ ని ఓడించటానికి, తెలుగు వారు అన్ని ప్రయత్నాలు చేస్తున్న విషయం తెలిసిందే. ఇప్పటికే సోషల్ మీడియాలో, బీజేపీ వ్యతిరేక ప్రచారం జరుగుతుంది... కర్ణాటకలో ఉంటున్న దాదాపు కోటి మంది తెలుగు ప్రజలు, కర్ణాటక ఎన్నికలను ప్రభావితం చెయ్యనున్నారు..

ఈ రోజు, రాష్ట్రపతి దగ్గరకు, వైసిపీ ఎంపీలు వెళ్లారు.. లోపల ఏమి జరిగిందో తెలియదు కాని, ఒక ఫోటో బయటకు వదిలారు... ఈ ఎంపీలు బయటకు వచ్చి, మీడియా ముందు, రెచ్చిపోయారు... మోడీ మీద కాదులే అండి, చంద్రబాబు మీద... రాష్ట్రపతి నివాసానికి మేకపాటి రాజమోహన్ రెడ్డి, వైవీ సుబ్బారెడ్డి, వరప్రసాద్, వైఎస్ అవినాష్ రెడ్డి, రాజ్యసభ సభ్యుడు వేమిరెడ్డి ప్రభాకర్ రెడ్డి వెళ్లారు... ఆయనకు ఒక లెటర్ ఇచ్చి వచ్చారు... ఆ లెటర్ మీడియాకు విడుదల చేసారు... ఎక్కడా, ప్రధాని మోడీ, హోదా ఇవ్వటం లేదు అని కాని, విభజన హామీలు నెరవేర్చటం లేదు అని కాని, ఒక్క ముక్క కూడా లేదు... చాలా జాగ్రత్తగా పద్దతిగా లెటర్ రాసి, వీలు ఉన్న ప్రతి చోట, చంద్రబాబుని తిట్టారు... అంతటితో అయిపోలేదు అండి... అసలు స్టొరీ ఇదే..

జగన్ రెడ్డి లేటెస్ట్ లెటర్ హెడ్ చూడండి. ఆంధ్ర ప్రదేశ్ అసెంబ్లీ ఇంకా హైదరాబాదులోనే ఉందంట సారువాడికి. రాష్ట్రం ఏర్పడి నాలుగేళ్ళయినా ఇప్పటికీ హైదరాబాదు వదిలి రాలేదు. కనీసపు అనుబంధం కూడా లేదు ఈ రాష్ట్రంతో, రాష్ట్ర ప్రజలతో. పైగా, సిగ్గు లేకుండా, అమరావతిని, భ్రమరావతి అంటూ ఎగతాళి చేస్తాడు... ఇప్పటికి ఆంధ్రప్రదేశ్ అసెంబ్లీ, అమరావతి వచ్చి రెండు ఏళ్ళు అవుతుంది... కాని సారు గారికి, ఇంకా ఆంధ్రప్రదేశ్ అసెంబ్లీ హైదరాబాద్ లోనే ఉంది... ఇలాంటి వ్యక్తి, మన ఆంధ్రప్రదేశ్ ప్రతి పక్ష నాయకుడు... మళ్ళీ ముఖ్యమంత్రి పీఠం కోసం, పోరాడుతున్నాడు... కాని, అమరావతి అనే మాట పలకటానికి కూడా ఇబ్బంది... కనీసం లెటర్ హెడ్ లో, రెండేళ్ళు అవుతున్నా, అమరావతి అని రాసుకోలేదు అంటే, అమరావతి అంటే, మనోడికి ఎంత చిరాకో చూడండి...

కానీ ఈయన గారు చెప్పే బూటకపు విలువల గురించి విని ప్రజలు ఓట్లేయాలి... సామీ, సిఎం అయితే తప్ప ఈ రాష్ట్రంలో నివసించను అనుకునేవాడిని జనమెందుకు ఆదరించాలి ? సమాధానం చెప్పగలవా ? ఇంకో కామెడీ ఏంటి అంటే, ఈ ఎంపీలు రాజీనామా చేసి, 15 రోజులు అవుతుంది.. ఇప్పటి వరకు రాజీనామాలు ఆమోదించోకో లేదు.. రాష్ట్రపతిని కలిసి ఎలా విన్నవించారో, అలాగే స్పీకర్ దగ్గరకు వెళ్లి, రాజీనామాలు ఆమోదించుకోవచ్చుగా... మీరు చేసినవి నిజమైన రాజీనామాలు అయితే, అవి ఆమోదించుకుని, ఆంధ్రప్రదేశ్ రావాలి.. కాని, మనం చేసేవి డ్రామాలు... రాష్ట్రం మీద ప్రేమ ఉండదు... అమరావతి మీద ప్రేమ ఉండదు... కేవలం ముఖ్యమంత్రి పీఠం మీదే ఆరాటం...

ప్రధాని పదవో... సీఎం సీటో అడగలేదే... మరో పదివో అడగలేదు... టీ అడగలేదు.. పకోడీ అడగలేదు... కాని బయటకు గెంటేసారు... ఇది, సంఘ్ పరివార్‌తోనూ సన్నిహితంగా పని చేసిన 62 ఏళ్ల ప్రవీణ్ తొగాడియా మాటలు... ప్రధాని నరేంద్ర మోదీతో తనకెలాంటి వివాదాలు లేవని, కేవలం రామాలయం నిర్మాణానికి సంబంధించి చట్టం చేసే విషయంలోనే మోడీతో సమస్య అని అన్నారు తొగాడియా... తాను ఎలాంటి పదవులు కోరుకోకుండానే నాలుగు దశాబ్దాల పాటు సంఘ్ పరివార్‌కు సేవలందించానని, తానే కోరుకుని ఉంటే 2001లోనే ముఖ్యమంత్రి అయ్యేవాడినని అన్నారు.. 'మోదీతో నాకు వివాదాలే ఉండుంటే ఆయన ముఖ్యమంత్రి కూడా అయ్యిండేవారు కాదు' అని మోదీపై ప్రవీణ్ తొగాడియా నిప్పులు చెరిగారు.

అయోధ్యలో రామమందిర నిర్మాణం, ఉమ్మడి పౌరస్మృతి అమలు తదితర డిమాండ్లపై ప్రవీణ్ తొగాడియా పల్డిలోని వీహెచ్‌పీ కార్యాలయం ముందు మంగళవారంనాడు నిరవధిక నిరాహార దీక్ష ప్రారంభించారు. ఆయనతో పాటు వీహెచ్‌పీ రాష్ట్ర చీఫ్ కౌషిక్ మెహతా, ప్రధాన కార్యదర్శి రాంచోడ్ భార్వాడ్, సుమారు 200 మంది సాధువులు, మద్దతుదారులు పాల్గొన్నారు. 'ఒక ప్రధాని హిందువుల వల్ల అధికారంలోకి వచ్చి గోరక్షులను గూండాలని పిలవడం బహుశా దేశ చరిత్రలో ఇదే మొదటిసారి కావచ్చు' అంటూ మోదీపై తొగాడియా విమర్శలు గుప్పించారు.

తొగాడియా మాట్లాడుతూ మోదీపై నిశిత విమర్శలు చేశారు. తానే అప్పట్లో కోరుకుని ఉంటే మోదీకి సీఎం పదవి కూడా దక్కేదికాదని అన్నారు. 'నా జీవితంలో 50 ఏళ్లుగా హిందువుల సంక్షేమానికి పాటుపడుతూ వచ్చాను. అయినప్పటికీ నన్ను బయటకు నెట్టారు. ఎందుకోసం?...నేనేమీ పదవులు అడగలేదు. ప్రధాని పదవి ఇమ్మనలేదు. ఒక సంచీ టీ, పకోడా వేయించుకునే బూలిమూకుడో అడగలేదు. కేవలం రామ మందిరం నిర్మించాలని అడిగా. అందే అంశంపై ఆయన (మోదీ) ప్రధాని అయ్యారు' అని తొగాడియా అన్నారు.